ۇسىنىس ەتىلگەن ءتىلشى لي ميڭشىڭ،ءتىلشىمىز ۋاڭ تيڭ، ەرىكتى ءتىلشى جاڭ لان حابارلايدى. پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ اشىلۋى شاعانتوعاي اۋدانىنداعى قالىڭ كادر-بۇقارانىڭ نازارىن اۋداردى. كوپشىلىك جابال مىنالاردى ءبىلدىردى: جالپى ءماجىلىس رۋحىن مۇقيات ۇيرەنىپ، ەكپىندەي العا باسىپ،بەلسەنە قىزمەت ىستەپ،باقىتتى،تاماشا تۇرمىس جاراتۋ جولىندا قۇلشىنا كۇرەسەمىز.
اۋداندىق پارتكوم ۇگىت ءبولىمىنىڭ پارتيا مۇشەلەرى مەن كادرلارى جەدەل قيمىلداپ،جالپى ءماجىلىس رۋحىن مۇقيات تالقىلادى،ۇيرەندى. «الداعى قىزمەت بارىسىندا ءبىز سوتسياليستىك رۋحاني وركەنيەت قۇرىلىسىن كۇشەيتىپ،الەۋمەتتىك مادەنيەت قىزمەت وتەۋ جۇيەسى مەن مادەنيەت كاسىپ سالاسى جۇيەسىن اقاۋسىزداندىرىپ،حالىقتىڭ رۋحاني مادەنيەت تۇرمىسىن اناعۇرلىم بايىتامىز» دەدى اۋداندىق پارتكوم ۇگىت ءبولىمىنىڭ ورىنباسار باستىعى ليۋ ني.
جۋىقتا قارابۋرا اۋىلدىق اۋىل شارۋاشىلىق تەحنيكاسىن جالپىلاستىرۋ پۋنكتىنىڭ باستىعى چين لي-ۋىن قىزمەتتەستەرىمەن كەلەر جىلعى ەرەكشەلىككە يە ەگىمشىلىك كولەمىن كەڭەيتۋ جۇمىسىن اقىلداستى.
«جالپى ماجىلىستە اۋىل شارۋاشىلىعىن، اۋىل-قىستاقتى الدىمەن دامىتىپ، اۋىل-قىستاقتى گۇلدەندىرۋدى جاپپاي ىلگەرىلەتۋ العا قويىلدى. مۇنى ەستىپ ەرەكشە تەبىرەندىم، ەرەكشەلىككە يە اۋىل شارۋاشىلىعىن جاقسى دامىتۋ جىگەرىم دە ارتا ءتۇستى. تۇتاس اۋىلدا 103 مىڭ 600 مۋ ەگىستىك جەر بار،بۇرىن ماقسارى،ءبيداي،جۇگەرى سياقتى داعدىلى داقىلداردى ەگەتىنبىز. ءبىز كاسىپ قۇرىلىمىن رەتتەپ،داعدىلى داقىلداردى ەگۋمەن بىرگە مايلى مۋدان،باقباق جانە سارى بۇرشاق سياقتى ەرەكشەلىككە يە داقىلداردى ەنگىزىپ،قىستاق تۇرعىندارىنىڭ كىرىسىن ارتتىرامىز».
شاعانتوعاي اۋداندىق قوعامدىق يگىلىك ورنىندا قارتتار قىزمەتكەرلەردىڭ باستاۋىندا جالپى ءماجىلىستىڭ رۋحىن مۇقيات ۇيرەندى. «جالپى ءماجىلىس حالىقتىڭ تۇرمىس ساپاسىن جاقسارتىپ، قوعامدىق قۇرىلىس ورەسىن جوعارىلاتۋدى العا قويدى. مەملەكەتىمىز بارعان سايىن قۇدىرەتتەنىپ،حالىقتىڭ تۇرمىسى بارعان سايىن جاقساردى،بۇنىڭ ءبارى پارتيانىڭ ابزال ساياساتىنىڭ ارقاسى» دەدى 79 جاستاعى ۋ چيڭشياڭ.
قارابۋرا قالاشىعى جايىلما كوشەسى الەۋمەتتىك اۋماعىنىڭ پارتيا ياچەيكاسىنىڭ شۋجيى لي شۋەمەي: «الەۋمەتتىك اۋماق كادرلارى ءار كۇنى تاڭەرتەڭگى ءماجىلىس ۋاقىتىنان پايدالانىپ،جالپى ءماجىلىس رۋحىن ۇيرەنىپ،جالپى ءماجىلىس رۋحى جونىندەگى تۇسىنىكتى تەرەڭدەتتى. جەرگىلىكتى ۇگىتشىلەردى الەۋمەتتىك اۋماقتارعا بارىپ،ۇگىت جۇرگىزۋگە ۇيىمداستىرىپ،پارتيانىڭ ءۇنىن بارلىق جەرگە جەتكىزىپ، بۇقاراعا پارتيانىڭ ابزال ساياساتى الا كەلگەن باقىتتى تۇرمىستى شىنايى سەزىندىرەمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى