__ 7-كەزەكتى «مەملەكەتتىك تاڭداۋلى نەگىزگى ساتى پروكۋراتۋراسى» ءدوربىلجىن اۋداندىق حالىق پروكۋراتۋراسى جايلى
□ ءتىلشىمىز جاڭ ياڭ
جۋىقتا ءدوربىلجىن اۋداندىق حالىق پروكۋراتۋراسى 7-كەزەكتى «مەملەكەتتىك تاڭداۋلى نەگىزگى ساتى پروكۋراتۋراسى» اتاعىنا يە بولعاننان كەيىن،پروكۋراتۋرا پارتيا باسشىلىق گرۋپپاسىنىڭ شۋجيى شۋ ۋىنفاڭ: «پروكۋرور رەتىندە،ءبىز قولىمىزداعى ۇقىقتان ويداعىداي پايدالانىپ،حالىق ءۇشىن قىزمەت ىستەۋىمىز كەرەك» دەدى.
جۋىقتاعى جىلداردان بەرى ءدوربىلجىن اۋداندىق حالىق پروكۋراتۋراسى «تياناقتاندىرۋ، ورنىقتى ىلگەرىلەۋ،دەڭگەيىن جوعارىلاتۋ» جالپى ارناسىنا تاباندى بولىپ،«بەستە مىقتى بولۋ» تالابىن ارقاۋ ەتە وتىرىپ،ىلگەرىندى- كەيىندى «مەملەكەتتىك تاڭداۋلى نەگىزگى ساتى پروكۋراتۋراسى» سياقتى داڭقتى اتاقتارعا يە بولدى.
2019-جىلى 12-ايدا حالىق جۇمىسكەرى ليۋ دايبين ءدوربىلجىن اۋداندىق حالىق پروكۋراتۋراسىنىڭ ارىز-ارمان قابىلداۋ تەرەزەسىنە بارىپ،ءدوربىلجىن اۋدانىنداعى شاڭشاڭ باۋ-باقشا سەرىكتەستىگىنىڭ ەڭبەكاقىسىن كەشىلدەتۋ جاعدايىن اڭىس ەتەدى.
ءدوربىلجىن اۋداندىق حالىق پروكۋراتۋراسى دەرەۋ جاعداي ۇعىسادى. ءدوربىلجىن اۋداندىق تۇرعىن ءۇي جانە قالا-اۋىل قۇرىلىسى مەكەمەسى مەن باۋ-باقشا باسقارماسىنا بارىپ، جاعداي ۇعىسۋ ارقىلى 2018-جىلى 5-ايدا باۋ-باقشا باسقارماسى جاسىلداندىرۋ،باپتاۋ قۇرىلىسى نىسانىن (ءبىرىنشى مەردىگەرلىك بولەك) سىرتقا كوتەرمەگە بەرگەن كەزدە،شاڭشاڭ باۋ-باقشا سەرىكتەستىگى مەردىگەرلىككە قاتىناسۋ ارقىلى بۇل قۇرىلىستى كوتەرەگە العاندىعىن، ليۋ دايبين جانە ودان باسقا 35 ادام وسى سەرىكتەستىكتە جاسىلداندىرۋ، باپتاۋ جۇمىسىمەن شۇعىلدانعاندىعىن، الايدا ەڭبەك توقتامىنا قول قويىسپاعاندىعىن،210 مىڭ يۋان ەڭبەكاقى تاراتىلماعانىن بىلەدى.
ليۋ دايبين قاتارلىلاردىڭ ەڭبەكاقىسىن الىپ بەرۋ ءۇشىن،ءدوربىلجىن اۋداندىق حالىق پروكۋراتۋراسى ىلە وبلىستىق شاڭشاڭ باۋ-باقشا سەرىكتەستىگىنىڭ باس شتابىمەن حابارلاسىپ،كەشەۋىلدەتكەن ەڭبەكاقىنى قۋزاستىرادى. دالەلدەۋ جينالىسىن اشىپ،دەلو تۇرعىزۋ كوللەگياسى،اتقارۋ كوللەگياسىنىڭ سۋديالارىن دەلو جونىندە تالقى وتكىزۋگە ۇسىنىس ەتىپ،ايماقتىق بولىمشە پروكۋراتۋرا مەكەمەسىنىڭ قاتىستى قىزمەتكەرلەرىن جاراستىرۋعا ۇسىنىس ەتەدى. تالاي رەتكى قۋزاستىرۋدان ناتيجە بولماعان سوڭ،سوت مەكەمەسىنىڭ زورلىقتى اتقارۋىنا تابىس ەتىپ،ەڭ سوڭىندا ولاردىڭ 210 مىڭ يۋان ەڭبەكاقىسىن الىپ بەرەدى.
ليۋ دايبين: «پروكۋراتۋراداعى قىزمەتكەرلەردىڭ ەڭبەكاقىمدى الىپ بەرگەنىنە ەرەكشە العىس ايتامىن» دەدى.
ءدوربىلجىن اۋداندىق حالىق پروكۋراتۋراسى حالىققا قىزمەت وتەپ قانا قالماستان،ءدوربىلجىن اۋدانىنىڭ ەكولوگيالىق ورتاسىنىڭ قورعاۋشىسىنا اينالدى.
ءدوربىلجىن اۋداندىق حالىق پروكۋراتۋراسى 2017-جىلدان باستاپ الەۋمەتتىك يگىلىك ارىز-شاعىم دەلولارىن ورىستەتۋ جونىندە ىزدەنىس جاسادى. 2019-جىلى ءدوربىلجىن اۋداندىق حالىق پروكۋراتۋراسى ءدوربىلجىن اۋداندىق ورتانى قورعاۋ مەكەمەسىمەن سەلبەسىپ،عوزەردى موڭعۇل ۇلتتىق اۋىلىنداعى ءبىر باعىمشىلىق الاڭىنىڭ مال تەزەگىن بەتالدى توگىپ،اۋا مەن جەر استى سۋىنىڭ بىلعانۋىن كەلتىرىپ شىعارۋ دەلوسىنا دەلو تۇرعىزىپ تەكسەرۋ جۇرگىزدى.
بۇل باعىمشىلىق الاڭىن عوزەردى موڭعۇل ۇلتتىق اۋىلىنداعى دۇڭ xx قاتارلى ءۇش ادام بىرلىكتە قۇرعان. باعىمشىلىق كولەمىنىڭ ۇزدىكسىز كەڭەيۋىنە ىلەسە مال تەزەگى ماسەلەسى توڭىرەگىندەگى قىستاق تۇرعىندارىن مازالاپ كەلگەن ەكەن.
ءدوربىلجىن اۋداندىق حالىق پروكۋراتۋراسى جاعدايدان حاباردار بولعاننان كەيىن عوزەردى موڭعۇل ۇلتتىق اۋىلىنا بارىپ،اۋىلدىق پارتكوم،اۋداندىق ورتانى قورعاۋ مەكەمەسى،اۋىلدىق ساقشى بولىمشەسىن شاقىرىپ سايكەستىرۋ جۇمىسىن ىستەيدى. سونىمەن بىرگە،ەكى رەت كەڭەسۋ ءماجىلىسىن اشىپ،الەۋمەتتىك يگىلىك ارىز-شاعىمىن ورىستەتۋ ارقىلى ورتانىڭ لاستانۋىن جونگە سالۋ ماسەلەسىن شەشىمدەيدى.
كەڭەسۋ ارقىلى ۇشەۋى باعىمشىلىق الاڭىن جاۋىپ تاستاۋعا كەلىسىپ،جەرگە كومىلگەن قۇبىر ارقىلى مال تەزەگىن توتە وزەن اعارىنا ىعىستىراتىن بۇرىنعى جاعداي توقتاتىلىپ،وسى وڭىردەگى وزەن اعارىنىڭ لاستانۋ ماسەلەسى ءساتتى شەشىمدەلدى.
قىستاق تۇرعىنى ۋي چيجى: «پروكۋراتۋراداعى قىزمەتكەرلەردىڭ ارقاسىندا ءبىزدىڭ تۇرمىس ورتامىز جاقسارىپ،ەندىگارى ساسىق ءيىس تارالۋىنا باس اۋىرتپايتىن بولدىق» دەدى.
رەداكتورى :الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى