ەرىكتى ءتىلشى تاۋ جياڭحۋا، ءتىلشىمىز زىڭ جاۋمەي حابارلايدى. ءدوربىلجىن اۋدانى جەلاعاش قالاشىعىندا سارى،اق رەڭ ارالاسقان كوركەم عيماراتتار شاعىن رايونى بىردەن كوزىڭىزگە تۇسەدى. مىنە بۇل قالاشىقتىڭ ارحيۆ تۇرعىزىلىپ، كارتچكالاندىرىلعان 92 وتباسى ءۇشىن سالعان كەدەيلەردى سۇيەمەلدەۋ بويىنشا قونىس جاڭالاۋ عيماراتى ەدى.
قىستاق تۇرعىنى الماگۇل سايلامقان قونىس جاڭالاۋدان بۇرىن اقنۇرا قىستاعىندا تۇراتىن. وتباسىنداعىلارعا قارايلاسۋدان اسا المايتىندىقتان،ەشقانداي كىرىسى جوق ەدى. 2018-جىلى جاڭا تۇراعىنا كوشىپ كەلگەننەن كەيىن،وتباسىنداعىلارىنا قاراۋدان تىس،بوس ۋاقىتتارىندا شوشىرە ءتۇيىپ،قالاشىقتاعى دۇكەندەرگە، اسحانالارعا اپارىپ ساتىپ،ءبىر جىلدا 5000 يۋان كىرىس كىرگىزگەن.
«قازىرگى تۇرمىسىمىز راسىندا تاماشا،ۇيىمدە وتىرىپ اقشا تابامىن، كۇيەۋىم ۋاقىتتىق جۇمىس ىستەپ 20 مىڭ يۋاننان ارتىق كىرىس كىرگىزدى. كۇن كورىسىمىزدى كۇن سايىن جاقسارتا تۇسكەن پارتيانىڭ ابزال ساياساتىنا العىس ايتامىن» دەدى 11-ايدىڭ 16-كۇنى الماگۇل.
كەدەيلىكتەن ارىلتۋدان قامال الۋدا ءدوربىلجىن اۋدانى كەدەيلەردى سۇيەمەلدەۋ بويىنشا قونىس جاڭالاۋ سياقتى ءبىرقىدىرۋ سۇيەمەلدەۋ شاراسىن قولدانىپ،كەدەي بۇقارانىڭ «كەدەيلىكتىڭ تامىرىنا بالتا شابۋىنا»؛ «كەدەيلىك قالپاعىن الىپ تاستاۋىنا»كومەكتەستى.
اقنۇرا قىستاعى جەلاعاش قالاشىعىنان 18 كيلومەتر شالعايداعى تەڭىز دەڭگەيىنەن بيىكتىگى مىڭ مەترگە جۋىق كەلەتىن ورقاشار تاۋىنا ورنالاسقان بولىپ،وڭىرلىك،جاراتىلىستىق شارت- جاعدايىنىڭ شەكتەمەسىنەن وقۋ-اعارتۋ، ەمدەۋ،تۇرعىن ءۇي جاقتان قامتاماسىزدانباعان،قاتىناسى قولايسىز، حاۋىپسىز اۋىز سۋى دا جوق،قىستاق تۇرعىندارى وتكەن عاسىردىڭ 70-،80-جىلدارى سالىنعان تام ۇيدە تۇراتىن، قوي،سيىر باعىمشىلىعى نەگىزگى كىرىس كوزى ەدى.
2018-جىلى 2-ايدا جەلاعاش قالاشىعىنداعى كەدەيلەردى سۇيەمەلدەۋ بويىنشا قونىس جاڭالاۋ عيماراتى سالىنىپ بولعاننان كەيىن اقنۇرا قىستاعىنداعى ارحيۆ تۇرعىزىلىپ،كارتچكالاندىرىلعان 69 وتباسى جاڭا عيماراتقا كوشىپ كىرگەن. جاڭا تۇراق ەمحانادان 200 مەتر،مەكتەپتەن 500 مەتر ارالىقتا،قىستاق تۇرعىندارىنىڭ سىرتقا شىعىپ جۇمىس ىستەۋ ورايى دا كوبەيدى.
قىستاق پارتيا ياچەيكاسىنىڭ شۋجيى ياڭ جىحى: «قىستاعىمىز قونىس جاڭالاعاننان كەيىن كاسىپتەنۋ جولىمىز كوبەيىپ،كاسىپتەنۋ شارت-جاعدايىمىز جاقسارىپ،قىستاق تۇرعىندارىنىڭ بەلسەندىلىگى ارتا ءتۇستى. قازىر قىستاعىمىزداعى ەڭبەك قابىلەتى بار قىستاق تۇرعىندارىنىڭ بارلىعى جۇمىسقا ورنالاسقان،اۋەلى قىستاق تۇرعىندارىنىڭ دەربەس شارۋاشىلىق قۇرىپ نان جاۋىپ،بالكۇلشە دۇكەنىن،دانەكەرلەۋ دۇكەنىن اشقاندارى دا بار» دەدى.
ياڭ جىحى: «ءبىز جەردى بىرىكتىرۋدى،باعىمشىلىق رايونىن قۇرۋدى ويلاستىرىپ وتىرمىز،كاسىپتىك سەلبەستىك كووپەراتيۆىن قۇرىپ،قىستاقتاعىلاردىڭ مالىن كاسىپتىك كووپەراتيۆكە اماناتتاپ بەرىپ،مال ءناسىلىن اسىلداندىرىپ ونىمدىلىگىن جوعارىلاتىپ،قىستاق تۇرعىندارىنىڭ پايدا بولىسىنەن يگىلىكتەنىپ،كووپەراتيۆتە جۇمىستانىپ،قىستاق تۇرعىندارىنىڭ كىرىسىن ءۇرتىس ارتتىرۋدى جوسپارلاپ وتىرمىز» دەدى.
ءدوربىلجىن اۋداندىق دامۋ جانە رەفورمالاۋ كوميتەتى نىسانعا قىزمەت وتەۋ ورتالىعىنىڭ مەڭگەرۋشىسى يىن چىڭميڭ: «قونىس جاڭالاپ سۇيەمەلدەۋ نىسانىن اتقارۋ ارقىلى باسقا جەرگە كوشىرىپ سۇيەمەلدەنەتىن وتباسىلارى كەڭ دە جارىق عيماراتقا كوشىپ كىردى، مەكتەپكە ءتۇسۋ،ەمدەلۋ ورتاسى ءونىمدى جاقساردى. اۋلا شارۋاشىلىعىن دامىتۋ قىستاق تۇرعىندارىن سىرتقا شىعىپ جۇمىستانۋعا،دەربەس شارۋاشىلىق قۇرۋعا جەتەكتەۋ ارقىلى كىرىستەرىن ارتتىردىق. قازىر قونىس جاڭالاعان وتباسىلارىنىڭ جان باسىندىق كىرىسى 14 مىڭ يۋاننان استى» دەدى.
رەداكتورى :الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى