ەرىكتى ءتىلشى ۋاڭ يان،ءتىلشىمىز ياۋ ميڭ حابارلايدى. جۋىقتا ۋاڭ جينباۋ: «بيىل ەگىن سۋاراتىن سۋ جەتكىلىكتى بولعاندىقتان،ماقتانىڭ ءونىم مولشەرىنە كەپىلدىلىك ەتىلىپ، ماقتادان جاقسى ءونىم الدىم. سۋ سۋارۋ ماسەلەسىن شارلاپ تەكسەرۋ گرۋپپاسىنىڭ شەشىمدەپ بەرگەنىنە العىس ايتامىن» دەدى.
ۋاڭ جينباۋ شيحۋ قالاسى بايچۋان قالاشىعى دۇڭلياڭ قىستاعىنىڭ تۇرعىنى. 2019-جىلى شيحۋ قالاسى سۋمەن قامداۋ قۇرىلعىلارىن وڭاۋ ينجەنەرياسىن اتقارعان ەدى،الايدا دۇڭلياڭ قىستاعى دەر كەزىندە جوعارىعا ءوتىنىش بەرمەگەندىكتەن،سۋمەن قامداۋ نەگىزگى توعانىنىڭ دۇڭلياڭ قىستاعىنان وتكەن بولەگىنە سۋ ايىرۋ قۇرىلعىسى ورناتىلماعاندىقتان،نەگىزگى توعاننىڭ تومەنگى اعارىنداعى 40 تان ارتىق وتباسىنىڭ 3700 مۋدان استام ەگىستىك جەرى سۋمەن قالىپتى قامدالماي قالادى.
بيىل 5-ايدا شيحۋ قالالىق پارتكومنىڭ 3-شارلاپ تەكسەرۋ گرۋپپاسى بايچۋان قالاشىعى دۇڭلياڭ قىستاعىنا بارىپ، ءبىر ايعا جالعاسقان شارلاپ تەكسەرۋ قىزمەتىن ورىستەتتى. شارلاپ تەكسەرۋ بارىسىندا شارلاپ تەكسەرۋ گرۋپپاسى بۇقارانىڭ ەگىستىگىن سۋارۋى قيىن بولۋى جونىندەگى كومەك سۇراۋ تەلەفونىن قابىلدايدى.
شارلاپ تەكسەرۋ گرۋپپاسى بۇقارانىڭ ارىز-ارمانىن قابىلداعاننان كەيىن باسا ءمان بەرىپ،دەر كەزىندە ناق مايدانعا بارىپ جاعداي ۇعىستى. نەگىزگى سۋ توعانىنىڭ قۇرىلىس جۇمىسى اياقتاپ كەتكەندىكتەن،قايتادان سۋ ايىرۋ قۇرىلعىلارىن ورناتۋ ءۇشىن شيحۋ قالالىق سۋ يگىلىگى تاراۋىنىڭ بەكىتۋىنەن وتكىزۋى كەرەك ەكەن. شارلاپ تەكسەرۋ گرۋپپاسى ىلە-شالا شيحۋ قالالىق سۋ يگىلىگى تاراۋى مەن قالاشىق،قىستاق باسشىلارىن ۇيىمداستىرىپ جينالىس اشىپ،ءبىر جاقتىلى ەتۋ جوباسىن بەلگىلەپ،ەڭ قىسقا ۋاقىتتا سۋارۋ ماسەلەسىن شەشىمدەدى.
قۇرىلىس جۇمىسى قاۋىرت ءجۇرىلىپ، شيحۋ قالالىق سۋ يگىلىگى تاراۋى دۇڭلياڭ قىستاعىنا سۋ ايىرۋ قۇرىلعىسىن ورناتىپ،20 كۇنگە جەتپەيتىن ۋاقىتتا قۇرىلىس جۇمىسىن اياقتاتىپ،6- ايدىڭ ورتا شەنىندەگى سۋدان پايدالانۋدىڭ قاۋىرت مەزگىلىنەن بۇرىن پايدالانۋعا بەردى.
شيحۋ قالالىق پارتكوم 3-شارلاپ تەكسەرۋ گرۋپپاسىنىڭ باستىعى ديڭ ي: «بۇقارانىڭ مۇددەسىندە كىشى-گىرىم ءىس جوق، شارلاپ تەكسەرۋدىڭ شەشۋشى ءتۇيىنى ماسەلەنى نەگىزگى ساتىدا بايقاپ، نەگىزگى ساتىدا شەشىمدەپ، جۇمىستى ۇستىندە ءبىتىرىپ، تاباندا ناتيجەسىن كورسەتۋ ارقىلى بۇقارانىڭ سەنىمىنە يە بولۋ» دەدى.
رەداكتورى :الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى