■ءۇرىمجى،شاۋەشەك جانە كورلا سياقتى جەرلەرگە دەيىن ساتىلدى،شينجياڭ تەلەۆيزياسىندا دا تانىستىرىلدى
ءتىلشىمىز زىڭ جاۋمەي،ەرىكتى ءتىلشى حى شياۋيىڭ حابارلايدى. حۋاڭجيالياڭ جاڭا قىستاعىنىڭ سەلەندى ءتاتتى كارتوبى ءوتىمدى بولدى! ءۇرىمجى،شاۋەشەك جانە كورلا سياقتى جەرلەرگە ساتىلۋمەن بىرگە، شينجياڭ تەلەۆيزياسىندا دا تانىستىرىلدى.
«بۇرىن قىستاق تۇرعىندارى ءتاتتى كارتوپتى تولايىم ساتۋ باعاسىندا ساۋداگەرلەرگە ساتىپ بەرەتىن نەمەسە ساۋداگەرلەر تولايىم ساتۋ باعاسىمەن اتىز باسىنا بارىپ ساتىپ الاتىن ەدى. بيىل قىزمەت اترەتى دوۋيىندا تىكە تاراتىپ،قىستاق تۇرعىندارىنىڭ ءتاتتى كارتوپتى بولشەك ساتۋىنا كومەكتەسىپ،مۇددەمىزدى قامتاماسىزداندىردى» دەدى 11-ايدىڭ 9-كۇنى ساۋان اۋدانى ۇلانۇس قالاشىعى حۋاڭجيالياڭ جاڭا قىستاعى بەيحۋ گرۋپپاسىنىڭ تۇرعىنى گۋان جيان.
بيىل گۋان جيان 110 مۋ جەرگە سەلەندى ءتاتتى كارتوپ ەگىپ،500 مىڭ يۋان كىرىس كىرگىزىپ،كىرىسى بىلتىرعىدان 50 مىڭ يۋان ارتتى،بۇل ونىڭ ءتاتتى كارتوپ ەگۋ سەنىمىن بەكەمدەي ءتۇستى.
حۋاڭجيالياڭ جاڭا قىستاعى يازىچۋان گرۋپپاسىنىڭ تۇرعىنى لي شىڭلياڭ 66 مۋ جەرگە سەلەندى ءتاتتى كارتوپ ەگىپ،280 مىڭ يۋان كىرىس كىرگىزدى. ول: «قىزمەت اترەتىنىڭ باستىعى،قىستاقتىڭ ءبىرىنشى شۋجيى ما حايلۇڭعا ايرىقشا العىس ايتامىز، ونىڭ تىكە تاراتىپ،زات ساتۋىنىڭ ارقاسىندا كوپشىلىكتىڭ سەلەندى ءتاتتى كارتوبى ءوتىمدى اۋىل شارۋاشىلىق ونىمىنە اينالدى» دەدى.
كوكتەمدە ساۋان اۋداندىق وقۋ-اعارتۋ جانە عىلىم-تەحنيكا مەكەمەسىنىڭ حۋاڭجيالياڭ جاڭا قىستاعىندا تۇراتىن قىزمەت اترەتى بەيحۋ گرۋپپاسىنداعى وتباسىلارىن ارالاپ جاعداي ۇعىسۋ بارىسىندا قىستاق تۇرعىندارىنان ءتاتتى كارتوپتى جالعاستى ەگۋ ويلارى بولعانىمەن،جەر كولەمى شەكتى،ونىڭ ۇستىنە،تالاي جىلدان بەرى قايتالاي ەگىلىپ كەلگەندىكتەن،دەرت-دەربەز بەن زياندى جاندىكتەر كوبەيىپ،ءتاتتى كارتوپ وڭاي ءشىرىپ كەتەتىندىگىن ۇعىسادى.
سونىمەن،ما حايلۇڭ قىستاق «ەكى كوميتەتىمەن» جانە قىستاق تۇرعىندارىمەن بىرلىكتە ءادىس-امال قاراستىرادى. سوڭىندا قىستاق تۇرعىندارىنا ماڭىنداعى باسقا قىستاقتان ءتاتتى كارتوپ ەگىلمەگەن جەردى كوتەرمەگە الىپ،سەلەندى جەرگە ءتاتتى كارتوپ ەگىپ سىناپ كورۋدى ورتاعا قويادى. الايدا،كوپتەگەن قىستاق تۇرعىنى وتكەن جىلى ءتاتتى كارتوپتىڭ ساتىلىمى جاقسى بولماۋى سەبەبىنەن كوڭىلدەرىندە الاڭ تۋىلىپ،بىردەن كىرىسە قويمايدى.
قىستاق تۇرعىندارىن كۇدىكتەن ارىلتۋ ءۇشىن،قىزمەت اترەتى مەن قىستاق «ەكى كوميتەتى» «پارتيا ياچەيكاسى+سەلبەستىك كووپەراتيۆى+شارۋالار وتباسى» ۇلگىسىنەن پايدالانىپ،تاجىريبەسى مول ەگىمشىلىك شەبەرلەرىن ۇسىنىس ەتىپ،قىستاق تۇرعىندارىنا مايسا جەتىلدىرۋ،كوشىرىپ ەگۋ تەحنيكاسىن ۇيرەتەدى. سونىمەن بىرگە،قىستاق تۇرعىندارىنا سەلەندى ءتاتتى كارتوپتىڭ دامۋ بولاشاعىن ۇگىتتەيدى. سونىمەن،قىستاق تۇرعىندارىنىڭ كوڭىلى جاي تاۋىپ،ءتاتتى كارتوپ ەككەن وتباسىلارى 21 وتباسىنان 60 وتباسىنا كوبەيسە،ءتاتتى كارتوپ ەگىلگەن جەر كولەمى 1500 مۋدان 2800 مۋعا ارتادى.
كۇزگى جيىن-تەرىننەن كەيىن قىستاق تۇرعىندارى ەسەپ جاساعاندا بيىل سەلەندى ءتاتتى كارتوپتىڭ مۋ باسىندىق كىرىسى 5100 يۋان بولىپ،بىلتىرعىدان 600 يۋان ارتقان ەكەن.
«الداعى جەردە قىستاق تۇرعىندارىن جەردى تىنىقتىرىپ ەگۋ،دەرت- دەربەز بەن زياندى جاندىكتەردىڭ زيانىن ازايتۋ جاقتارىنا كۇش سالىپ،ءونىم مولشەرىن ارتتىرۋ جاعىنان ءادىس-امال قاراستىرماقشىمىز، سونىمەن بىرگە،ءتاتتى كارتوپ ماركاسىن تىزىمگە الدىرۋ،جىنتىكتەپ مانەرلەۋ،ەرەن بازارلاردا ارناۋلى سورە قۇرۋ ارقىلى ءتاتتى كارتوپتىڭ ءونىم قۇنىن جوعارىلاتىپ،مول ءونىم الۋمەن بىرگە كىرىستى دە ارتتىرۋدى جوسپارلاپ وتىرمىز» دەدى ما حايلۇڭ.
رەداكتورى :الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى