ءتىلشىمىز داي جياۋمەي حابارلايدى. جۋىقتا مەملەكەتتىك سالىق باس مەكەمەسىنىڭ تارباعاتاي ايماقتىق سالىق مەكەمەسى جۇڭگو بانكە- قامسىزداندىرۋدى باقىلاۋ-باسقارۋ كوميتەتى شينجياڭ باقىلاۋ-باسقارۋ مەكەمەسى تارباعاتاي بولىمشە مەكەمەسىمەن جانە 7 بانكەمەن بىرلەسىپ « ‹بانكە-سالىق ىقپالداستىعى› ارقىلى دامۋدى جەبەپ،ورتاق پايداعا كەنەلۋدى» ىلگەرىلەتۋ جينالىسىن وتكىزىپ،بانكە مەن سالىق سالاسىنىڭ سەلبەسۋىن بىرلىكتە جوسپارلاپ، كاسىپورىنداردىڭ جۇمىستى، ءوندىرىستى قالپىنا كەلتىرۋىنە قولداۋ كورسەتىپ،تارباعاتايدىڭ ەكونوميكالىق دامۋىنا قىزمەت وتەدى.
ۇعىسۋعا قاراعاندا،ايماعىمىز 2015-جىلدان باستاپ «بانكە-سالىق ىقپالداستىعى» قىزمەتىن باستاعاننان بەرى سەلبەستىك مەحانيزمىن قۇرۋ،سەلبەستىك تۇعىرىن ازىرلەۋ، ينفورماتسيادان ورتاق پايدالانۋ، قارجى توپتاۋ ءتاسىلىن جاڭالاۋ ارقىلى كاسىپورىنداردىڭ سالىق تاپسىرۋ سەنىمدىلىگى مەن قارجى توپتاۋ سەنىمدىلىگىن ءوزارا ۇشتاستىرىپ،شاعىن،ۇساق كاسىپورىنداردىڭ قارجى توپتاۋى قيىن بولۋ ماسەلەسىن شەشىپ،«بانكە-سالىق ىقپالداستىعى» قىزمەتىنىڭ جوقتان بار بولۋىن،سالىق تاپسىرۋ سەنىمدىلىگى مەن قارىز اقشا الۋ سەنىمدىلىگىنىڭ ساڭلاۋسىز سەپتەسۋىن جۇزەگە اسىرىپ،تاماشا قوعامدىق ونىمدىلىك جاراتتى.
2016-جىلى تارباعاتاي ايماعىنداعى سالىق ىستەرى تاراۋلارى،بانكە- قامسىزداندىرۋدى باقىلاۋ تاراۋلارى،بانكە سالاسىنىڭ فينانس قۇرىلىمدارى بىرلىكتە «سەنىمدىلىك ينفورماتسيانى ءوزارا مويىنداۋ،ىقپالداستىق ورناتۋ» سىندى بانكە-سالىق ىستەرى سەلبەستىك كەلىسىمىنە قول قويىسقان ەدى،2020-جىلعا كەلگەندە سالىق ىستەرى تاراۋلارى سەلبەستىك جاساسقان فينانس قۇرىلىمدارىنا جالپى سالىق تاپسىرۋ سەنىمدىلىگى A،B،M دارەجەلى 11 مىڭ 442 سالىق تاپسىرۋشىنىڭ ينفورماتسياسىن جولداپ بەردى. «بانكە-سالىق ىقپالداستىعى» مەحانيزمى ارقىلى A،B،M دارەجەلى شاعىن كاسىپورىندارعا بەلگىلى مولشەردەگى سەنىمدى امانات قارىزىن بەرىپ، «سالىق تاپسىرۋ سەنىمدىلىگى» ارقىلى «بانكە سەنىمدىلىگىن» ورناتىپ،شاعىن،ۇساق كاسىپورىنداردىڭ قارجى توپتاۋى قيىن بولۋ،قىمبات بولۋ ماسەلەلەرىن شەشىمدەدى.
مەملەكەتتىك سالىق باس مەكەمەسى تارباعاتاي ايماقتىق سالىق مەكەمەسىنىڭ 2-دارەجەلى اعا باسقارۋشىسى ياڭ شان: «بۇل رەتكى ىلگەرىلەتۋ جينالىسىن اشۋداعى ماقساتىمىز بىرلىك كۇش قالىپتاستىرىپ،‹بانكە-سالىق ىقپالداستىعىنىڭ› رولىن تولىق ساۋلەلەندىرىپ،شاعىن،ۇساق كاسىپورىنداردىڭ قارجى قيىنشىلىعىن شەشىپ،حالىق باسقارۋىنداعى شارۋاشىلىق پەن شاعىن،ۇساق كاسىپورىنداردىڭ اقاۋسىز دامۋىن اناعۇرلىم ويداعىداي قولداپ،تارباعاتاي ەكونوميكاسىنىڭ جوعارى ساپالى دامۋىن بارىنشا ىلگەرىلەتۋ بولماق» دەدى.
ساناققا نەگىزدەلگەندە،2015-جىلى «بانكە-سالىق ىقپالداستىعى» ىسكە تۇسكەننەن بەرى تارباعاتاي ايماقتىق سالىق ىستەرى مەكەمەسى 367 نۇسقا سەنىمدى قارىز اقشا الۋدى جەبەپ،جالپى قارىز سوماسى 570 ميلليون يۋان بولعان. مۇنىڭ ىشىندە بيىل 1-ايدان 10-ايعا دەيىن 125 نۇسقا سەنىمدى قارىز اقشا الۋدى جەبەپ،جالپى قارىز سوماسى 125 ميلليون 300 مىڭ يۋانعا جەتكەن ەكەن.
ياڭ شان: «7 بانكەنىڭ بار كۇشپەن قولداۋىندا،ءبىز تارباعاتايداعى شاعىن،ۇساق كاسىپورىندار مەن حالىق باسقارۋىنداعى كاسىپورىنداردى ءتىپتى دە كوپ،ءتىپتى دە جاقسى،ءتىپتى دە ساپالى قىزمەت وتەۋ ۇلگىلەرىمەن قامداپ،‹بانكە-سالىق ىقپالداستىعى› قىزمەتىن اناعۇرلىم ويداعىداي ىستەپ،فينانس قۇرىلىمدارىن كاسىپورىنداردىڭ سالىق تاپسىرۋ سەنىمدىلىگى ينفورماتسياسىمەن قامداپ،‹بانكە-سالىق ىقپالداستىعى› قارىز اقشاسىنان يگىلىكتەنگەن كاسىپورىندار كولەمىن كەڭەيتىپ،ءتىپتى دە كوپ سەنىمدى كاسىپورىنداردىڭ سەنىمدىلىك كاپيتالىن جانداندىرىپ،سەنىمدىلىك كاپيتالىن فينانستىق كاپيتالعا اينالدىرۋدى جۇزەگە اسىرىپ، كاسىپورىنداردىڭ الاڭسىز دامۋىنا، تارباعاتاي ەكونوميكاسىنىڭ ورنىقتى،اقاۋسىز دامۋىنا مۇمكىندىك جاسايمىز» دەدى.
رەداكتورى :الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى