ءتىلشىمىز ليۋ ۋي،ەرىكتى ءتىلشى ما يانلين حابارلايدى. جۋىقتان بەرى ساۋان اۋدانىنداعى اۋىل-قالاشىق، فەرمالار ارت-ارتىنان وتانشىلدىق تازالىق قيمىلىن ورىستەتىپ،جارناما سۋرەتتەرىن جاپسىرۋ،قيىنشىلىعى بار بۇقارانىڭ وتباسىنا بارىپ تازالىق ىستەۋ سياقتى فورمالار ارقىلى تۇرعىنداردىڭ قونىستانۋ ورتاسى مەن دەنساۋلىق ساپاسىن جوعارىلاتۋدى نىسانا ەتىپ،تازا مەكەن قۇرۋعا بارلىق ادام ات سالىساتىن،سالامات ورتادان بارلىق ادام يگىلىكتەنەتىن رايىن قالىپتاستىردى.
سانداۋحىزى قالاشىعى كايشۋان جولى الەۋمەتتىك اۋماعىنداعى پارتيا مۇشەلەرى اۆانگارد اترەتى مەن جاڭا ءداۋىر وركەنيەتىن امالياتتا ايگىلەۋ ەرىكتى قىزمەت وتەۋ اترەتى «تازا مەكەن قۇرۋعا الدىمەن ات سالىسامىز» قيمىلىن ورىستەتىپ،قاراستى رايوندارىن قالتارىس قالدىرماي تازالاپ، تۇرعىنداردىڭ القاۋىنا يە بولدى.
سانداۋحىزى قالاشىعى تيانشان جولى الەۋمەتتىك اۋماعىنداعى جاڭا ءداۋىر وركەنيەتىن امالياتتا ايگىلەۋ ەرىكتى قىزمەت وتەۋ اترەتى قاراستىلىعىنداعى ءجۇرىس-تۇرىسى قولايسىز قارتتاردىڭ وتباسىنا بارىپ،وتانشىلدىق تازالىق قيمىلىنا قاتىستى بىلىمدەردى ۇگىتتەپ، ۇيلەرىن تازالاپ بەردى.
«الەۋمەتتىك اۋماق كادرلارى وتباسىمىزعا كەلىپ،وتانشىلدىق تازالىق قيمىلىنا قاتىستى بىلىمدەردى ۇگىتتەپ،وتباسى تازالىعى مەن الەۋمەتتىك ورتا تازالىعىنىڭ ماڭىزدىلىعىن ءتۇسىندىردى» دەدى سانداۋحىزى قالاشىعى تيانشان جولى الەۋمەتتىك اۋماعىنىڭ تۇرعىنى جاڭ شۋجىن.
جۋىقتان بەرى ساۋان اۋدانى ۇلانۇس قالاشىعىنداعى جاڭا ءداۋىر وركەنيەتىن امالياتتا ايگىلەۋ ەرىكتى قىزمەت وتەۋ اترەتى ۇندەۋ حاتىن تاراتۋ،جىلجىمالى ۇگىت اۆتوكولىگىمەن ۇگىت جۇرگىزۋ،راديودا جاريالاۋ جانە وتباسىلارىن ارالاپ ۇگىت جۇرگىزۋ سياقتى فورمالارمەن وتانشىلدىق تازالىق بىلىمدەرىن جان-جاقتى،كوپ ساتىلى ۇگىتتەپ،بۇقارانى تاماشا تازالىق ادەتىن قالىپتاستىرۋعا جەتەلەدى.
ۇلانۇس قالاشىعىنىڭ ورىنباسار باستىعى جيا ۋي: «ورتا تازالىعىن رەتتەپ-وڭاۋ قىزمەتىن ۇزدىكسىز كۇشەيتۋمەن بىرگە،اناعۇرلىم كوپ بۇقارانى ات سالىسۋعا جەتەكتەپ، تاماشا قونىستانۋ ورتاسىن جاراتامىز» دەدى.
جۋىقتان بەرى ليۋماۋۋان قالاشىعىنداعى ءارقايسى قىستاق وتانشىلدىق تازالىق قيمىلىن ورىستەتىپ،قىستاقتى قالتارىس قالدىرماي تۇگەلدەي تازالاپ،قىستاق-دۇيلەردەگى قوقىر-قوقسىقتاردى تاسىمالداپ،بەتالدى ۇيىلگەن نەمەسە قويىلعان جاراقسىز زاتتاردى ءبىر جايلى ەتىپ،قىستاقتىڭ رەتتىلىك،تازالىق دارەجەسىن جوعارىلاتتى.
سونىمەن بىرگە،ليۋماۋۋان قالاشىعىنداعى ءارقايسى قىستاق اۋىل-قىستاق راديوسى،ءۇنحات،وتانشىلدىق تازالىق قيمىلىن ۇگىتتەۋ جارناما سۋرەتتەرىن جاپسىرۋ سياقتى تاسىلدەردەن پايدالانىپ،قىستاق تۇرعىندارىن تازالىقتى دارىپتەۋگە،ناشار ادەتتى جويۋعا،تاماشا تۇرمىس ادەتى مەن ورتانى قورعاۋ ادەتىن قالىپتاستىرۋعا ۇندەدى.
رەداكتورى :الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى