ءتىلشىمىز زىڭ جاۋمەي،پراكتيكانت ءتىلشى لي دان حابارلايدى. قاقپاعا ىلىنگەن قىزىل تۇمشامالى شام جەلمەن بىرگە تەربەلىپ،كورىكتى،تازا شاعىن اۋلادان كەشتە مۋزيكا ءۇنى،ءان اۋەنى،شاتتىققا شومعان كۇلكى ءۇنى شارىقتاپ،حوش ءيىسى اڭقىعان ءدامدى تاعامدارمەن قوسىلىپ،قىستاق تۇرعىندارىنىڭ باقىتتى تۇرمىسىن ايگىلەيدى.
بۇل شاۋەشەك قالاسى اشىلى داعۇر ۇلتتىق اۋىلى شينكىنباق قىستاعىنىڭ شىعىس جولى 34-ءنومىرلى اۋلاسىنداعى لۋ شينشوۋدىڭ وتباسى اسحاناسىنىڭ كەشكى ساۋداسىنىڭ باستالعان شاعى ەدى.
«60 مۋ عانا جەرىمىز بار،ماندىمدى اقشا تۇسپەگەندىكتەن،كوتەرمەگە بەرگەنبىز. جاسىمنىڭ ۇلعايۋىنا بايلانىستى ءوزىم ۇناتاتىن جۇمىسپەن اينالىسقىم كەلدى،ەلەكتروندىق رويال شەرتىپ،ءوزىم جاساعان قۋىرماش تۇرلەرىن شىعارىپ،قاريدارلارعا شارۋالار ءدامدى تاعامدارىنان ءدام تاتىرىپ ءارى مۋزيكا شالىپ،ۇناتىپ ايتاتىن اندەرىن مۋزيكامەن سۇيەمەلدەپ،بيلەگىسى كەلگەندەرگە ءبي مۋزيكاسىن شالىپ بەرەمىن» دەدى 11-ايدىڭ 10-كۇنى لۋ شينشوۋ.
بىلتىر 11-ايدا لۋ شينشوۋ ءوز اۋەسىن نەگىز ەتە وتىرىپ،اقشا تابۋ جولىن ــ وتباسى اسحاناسىن اشۋ جۇمىسىمەن باستاعان. ول ءوزى باس اسپاز،جۇبايى ۋاڭ حۇيلي كوكونىس دايىنداۋشى جانە قىزمەت وتەۋشى قىزمەتكەر بولادى. ونىڭ جايلى ءۇش اۋىزدى تاماقتاناتىن اۋاشا بولمەسى بار،بىرەۋىنە ەلەكتروندى رويال،حالىق ۇناتىپ تىڭدايتىن 100 دەن استام ءان نوتاسى مەن دىبىس تەڭشەۋ اسپاپتارى قويىلىپ،ارەدىك كەزدە نەمەسە قاريدارلار تاماقتانىپ بولعان سوڭ،ول قاريدارلاردىڭ تالابى بويىنشا مۋزيكا تارتىپ بەرەدى.
ورىس حالىق اندەرىن،داعۇر اندەرىن كىدىرمەي تارتا بەرەدى؛مەيلى ويناقى،الدە ليريكالى مۋزيكا بولسىن،ءبارىن دە قولىندا ويناتىپ تۇر،بۇل ونىڭ ءۇش جارىم جىلدان بەرگى ەلەكتروندى رويالدى وزدىگىنەن ۇيرەنۋىنىڭ ناتيجەسى. ول العاش ۇيرەنگەندە تارباعاتاي اۋىل شارۋاشىلىق ساۋدا بانكەسىنىڭ قىستاقتا تۇراتىن كادرى زو چاۋميڭ وعان ءبىر مۋزيكا نوتاسىن ۇسىنعان بولاتىن،بۇل ونىڭ وزدىگىنەن قۇلشىنا ۇيرەنۋىنىڭ قوزعاۋشى كۇشىنە اينالعان.
قاريدار جاڭ جۇنجيە: «اۋىل-قىستاقتا وسىنداي جايلى تاماقتاناتىن جەر،اشىق- جارقىن،تۇرمىستى قىزۋ سۇيەتىن قىستاق تۇرعىنى تۇرعاندا وسى ارادا دوستاردى كۇتىپ الۋ ءبىر عانيبەت،مەن وسى وتباسى اسحاناسىن ۇناتامىن» دەدى.
قاريدارلاردىڭ ەڭ تاڭدايلارىنا تاتيتىنى لۋ شينشوۋدىڭ تورە تاباق بالىق ەتى،قۇرعاق قۋىرىلعان تاۋىق ەتى،ءدامدى ۇيرەك ەتى، بۋى بۇرقىراعان وتتىقتى قازانى سياقتى 10 نەشە ءتۇرلى تورە تاباق تاعامدارى مەن 20 نەشە ءتۇرلى شاعىن قۋىرماشى،وسى قۋىرماشتاردىڭ ماتەريالدارىنىڭ بارلىعى شاعىن اۋلاسىنان كەلگەن. ءوزى باققان جەرلىك تاۋىقتارى 2 ايدان اسا ۋاقىتتا ساتىلىپ بولىپ،باسقا قىستاق تۇرعىندارىنان نەمەسە كورشىلەس قىستاقتاعى تۇرعىنداردان ساتىپ اكەلىپ،جىلىنا 100 مىڭ يۋان كىرىستى وڭاي تاۋىپ الادى.
«وسىنداي ويى بار،ىسكەر قىستاق تۇرعىندارىنا بارىنشا قولداۋ كورسەتىپ، ۇگىت جاساپ بەرەمىز. ونىڭ باستاماشىلدىق ەتۋىندە ءتىپتى دە كوپ قىستاق تۇرعىندارىنىڭ ءوز الدىنا شارۋاشىلىق قۇرىپ،كىرىستى ارتتىرۋ جولىن كەڭەيتۋىن ءۇمىت ەتەمىز» دەدى قىستاقتىڭ ءبىرىنشى شۋجيى،قىزمەت اترەتىنىڭ باستىعى جۋ ميڭ.
رەداكتورى :الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى