ۇسىنىس ەتىلگەن ءتىلشى سۋ گاڭۋي حابارلايدى. مەملەكەتتىك 2-دارەجەلى قورعالاتىن حايۋانات __ ءبىرقازان جارالانىپ،ماقتا اتىزىنا قامالىپ قالادى،ماڭىنداعى قىستاق تۇرعىنىنىڭ دەر كەزىندە بايقاپ جانە ساقشىعا مالىمدەۋىندە قۇتقارىپ-ەمدەۋ ارقىلى تۇمسىعى مەن كومەكەيى جارالانعان ءبىرقازاننىڭ جاراقاتى بىرتىندەپ قالپىنا كەلىپ،ازىق جەي باستادى.
10-ايدىڭ 25-كۇنى ساعات 21 مولشەرىندە ساۋان اۋداندىق قوعام حاۋىپسىزدىگى مەكەمەسىنىڭ قورقىس قالاشىعى ساقشى بولىمشەسى قاراستى وڭىرىندەگى ليۋ فاميليالى قىستاق تۇرعىنىنىڭ چۋانشۇيگوۋ قىستاعىنىڭ شىعىس جاعىنداعى ءوزىنىڭ ماقتا اتىزىنان دەنە ءبىتىمى عاجايىپ «ۇلكەن تۇمسىقتى قۇستى» بايقاعاندىعى، ۇشا المايتىندىعى،جارالانىپ قالعان سياقتى دەگەن مالىمدەۋ تەلەفونىن قابىلدايدى. تەلەفوندى قابىلداعاننان كەيىن،حالىق ساقشىلارى دەرەۋ ناق مايدانعا جەتىپ بارادى.
ناق مايدانعا بارىپ تەكسەرۋ جۇرگىزۋ ارقىلى بۇل «عاجايىپ قۇستىڭ» قازعا ۇقسايتىندىعىن، دەنە تۇرقى ءبىرشاما ۇلكەن،اسىرەسە،تۇمسىعىنىڭ وزگەشە ەكەندىگىن، ادەتتەگى تىرنالاردىڭ تۇمسىعىنان دا كەڭ ءارى ۇلكەن ەكەندىگىن بايقايدى،حالىق ساقشىلارى تاياعاندا قىرىلداعان دىبىس شىعارىپ،ۇلكەن اۋىزىن اشىپ ايبار كورسەتەدى.
سول كۇنى كەشتە ساۋان اۋداندىق قوعام حاۋىپسىزدىگى مەكەمەسى ورمان ساقشى بولىمشەسىندەگى حالىق ساقشىلارى بۇل «عاجايىپ قۇستىڭ» مەملەكەتتىك 2-دارەجەلى قورعالاتىن جابايى حايۋانات __ ءبىرقازان ەكەندىگىن تۇراقتاندىرادى.
ساۋان اۋداندىق قوعام حاۋىپسىزدىگى مەكەمەسى ورمان ساقشى بولىمشەسىنىڭ باستىعى جاڭ شيفۋ: «ءبىز ءبىرقازاننىڭ اۋىز قۋىسى مەن كومەكەيىنىڭ جارالانعانىنا ۇزاق ۋاقىت بولعاندىقتان،ويىلىپ ىرىڭدەپ كەتكەننەن تىس،دەنەسىندە باسقا جاراقاتتىڭ جوقتىعىن بايقادىق. قونىس اۋدارۋ بارىسىندا بوگدە نارسە جەپ جارالانىپ،جاراقاتى اسقىنىپ ازىقتانۋى قيىنعا سوعىپ،دەنە قۋاتى السىرەپ قاتاردان قالىپ،ماقتا اتىزىنا قامالىپ قالعان بولۋى مۇمكىن دەگەن العاشقى تۇجىرىمعا كەلدىك» دەدى.
ورمان ساقشى بولىمشەسىنىڭ حالىق ساقشىسى جارالانعان ءبىرقازاندى تۇندەلەتىپ ساۋان اۋداندىق سانمۋ حايۋاناتتار امبۋلاتورياسىنا جەتكىزىپ، ەمدەۋ جۇرگىزەدى.
10-ايدىڭ 28-كۇنى حايۋاناتتار امبۋلاتورياسىنداعى شيپاگەرلەردىڭ دەن قويا ەمدەۋىندە ءبىرقازاننىڭ جاراقاتى تىزگىندەلىپ،ازىقتانۋ قۋاتى بىرتىندەپ قالپىنا كەلە باستادى.
سول كۇنى تۇستەن كەيىن، حالىق ساقشىلارى ءبىرقازاندى ساۋان اۋداندىق مەملەكەتتىك شۇرات باقشاسى چيانچۋانحۋ جابايى حايۋاناتتاردى قۇتقارۋ ورتالىعىنىڭ ىشكەرىلەي ەمدەپ،جاراقاتى تولىق ساۋىققان سوڭ تابيعاتقا قويا بەرۋىنە تابىس ەتتى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى