ەرىكتى ءتىلشى ليۋ شۋە،ءتىلشىمىز سۇڭ جيانلياڭ حابارلايدى. نەشە كۇننەن بەرى ساۋان اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى قاتەرلى حيميالىق بۇيىمداردى تاسۋدا قاتىناس حاۋىپسىزدىگىنە كەپىلدىك ەتۋدىڭ «كومەسكى قاتەردى جويىپ،حاۋىپ-قاتەردەن ساقتانۋ» ارناۋلى رەتتەۋ-جونگە سالۋ ارەكەتىن ورىستەتىپ، قاتىناۋ ءتارتىبىن باسقارۋ مەن جول تاسىمال حاۋىپسىزدىگى تۇلعالىق جاۋاپكەرشىلىگىن جاپپاي ناقتىلاندىرىپ،قاراستى ءوڭىردىڭ جول قاتىناس حاۋىپسىزدىگى جاعدايىنىڭ باياندى ورنىقتىلىعىن قورعادى.
ارناۋلى رەتتەۋ-جونگە سالۋ قيمىلىن ورىستەتۋ بارىسىندا،ساۋان اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى تاسىمال باسقارۋ،قاتىناس،شۇعىل جاعدايعا توتەپ بەرۋدى باسقارۋ سياقتى ورىندارمەن بىرلەسىپ،قاتەرلى حيميالىق بۇيىمدارعا ساياتىن كاسىپورىندارعا ىشكەرىلەي بارىپ، قاتەرلى حيميالىق بۇيىم تاسىمالدايتىن اۆتوكولىكتەردىڭ جول تاسىمال جولحاتىن،شوفەرلاردىڭ شوفەرلىك كۋالىگى مەن كاسىپتىك تولىمدىلىق كۋالىكتەرى،تاسىمالداۋشىنىڭ تاسىمال كىنەشكاسى سياقتىلاردىڭ تولىق-تولىق ەمەستىگىن ءارى كۇشكە يە-يە ەمەستىگىن،شوفەرلاردا بەلگىلەنگەن جىلدامدىق ولشەمىنەن اسىرىپ اۆتوكولىك جۇرگىزۋ نەمەسە شارشاپ-شالدىعىپ اۆتوكولىك جۇرگىزۋ سياقتى زاڭعا قايشى ارەكەتتەرىنىڭ بار-جوقتىعىن،اۆتوكولىك پەن تيەۋ كۇبىسىنىڭ تەكسەرۋدە تولىمدى بولعان-بولماعاندىعىن ءتۇيىندى تەكسەردى.
شينجياڭ ليميڭشينشۇن ونەركاسىپ-ساۋدا شەكتى سەرىكتەستىگىنىڭ اكىمشىلىك كەڭسەسىنىڭ مەڭگەرۋشىسى لي يۇيجيە: «سەرىكتەستىگىمىزدەگى بارلىق قىزمەتكەرلەرگە قاراتا،ءبىز بەينەجازبادا ۇيرەنۋ جانە ناق مايداندا ۇيرەنۋ ارقىلى تاجىريبە جۇرگىزىپ، قاتەرلى حيميالىق بۇيىمداردى تاسىمالدايتىن شوفەرلاردىڭ حاۋىپسىزدىك تانىمىن جوعارىلاتىپ،تاسىمال حاۋىپسىزدىگىنە كەپىلدىك ەتتىك» دەدى.
ءار كۇنى ساعان نولدەن تاڭەرتەڭگى ساعات 9 عا دەيىن ساۋان اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ حالىق ساقشىلارى قاتەرلى حيميالىق بۇيىمداردى تاسيتىن اۆتوكولىكتەردى نىسانالى جەرگە جەتكىزۋمەن بىرگە،اۆتوكولىكتەردىڭ ارتىق زات تيەۋى جانە ءورت سوندىرگىشتىڭ بار-جوقتىعى سياقتى جاعدايلارىن قاتاڭ تەكسەردى.
جۇڭگو مۇناي تاسىمال شەكتى سەرىكتەستىگى مايتاۋ جەتكىزۋ ورتالىعىنىڭ شوفەرى ۋي يۇنگاڭ: «مۇنان بىلاي مەن قارقىندى اسىرماي،ارتىق تيەمەي،قاتىناس ەرەجەلەرىنە قاتاڭ بويسۇنامىن،بەلگىلەگەن ۋاقىتتا بەلگىلەنگەن جولمەن ءجۇرىپ،زاڭدى بىلەتىن،زاڭعا بويسۇناتىن،زاڭعا قۇرمەت ەتەتىن جاقسى شوفەر بولامىن» دەدى.
ۇعىسۋعا قاراعاندا،وسى رەتكى «كومەسكى قاتەردى جويىپ،حاۋىپ- قاتەردەن ساقتانۋ» ارناۋلى رەتتەۋ-جونگە سالۋ ارەكەتى 7-ايدىڭ 1-كۇنىنەن جىل سوڭىنا دەيىن جالعاسادى ەكەن. قازىرگە دەيىن قاتەرلى حيميالىق بۇيىمدار تاسيتىن 86 اۆتوكولىكتى،قاتەرلى حيميالىق بۇيىمدار تاسىمالدايتىن 5 سەرىكتەستىكتى تەكسەرگەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى