قۇتقارىڭدار دەگەن داۋىستى ەستىپ،وزەن بويىنا جۇگىرىپ بارعانىندا،بىرنەشە ءوسپىرىمنىڭ وزەندە جانتالاسىپ جاتقانىن كورەدى،ول كيىمىن شەشۋگە دە ۇلگىرمەي 3 مەتردەن استام تەرەڭدىكتەگى وزەنگە سەكىرىپ تۇسەدى. وسپىرىمدەر قۇتقارىلىپ قالدى،ءبىراق ول بىزگە ماڭگىلىككە قوش ايتتى. مىنە بۇل حالىق ءۇشىن باسىن ءباي تىككەن جاقسى جاۋىنگەر تان نيان.
تان نيان 1985-جىلى تۋعان،گۋاڭشيدىڭ پۋبەي اۋدانىنان. 2002-جىلى 12-ايدا تان نيان اۋىلىنان شاقىرۋ بويىنشا ارمياعا قاتىناسىپ،بۇرىنعى گۋاڭدۇڭ ولكەسى شەكارا قورعانىس باس اترەتى شۇندى شەكارا قورعانىس تەكسەرۋ پۋنكتى باقىلاۋ-قورعاۋ ورتا اترەتىنىڭ جاۋىنگەرى بولادى. قوسىنعا قاتىناسقاننان كەيىن،تان نيان ىلگەرىندى-كەيىندى 3 رەت ماراپاتتالىپ،ءبىر رەت تاڭداۋلى جاۋىنگەر بولىپ باعالانادى ءارى 2005-جىلى 10-ايدا جۇڭگو كوممۋنيستىك پارتياسىنا مۇشە بولادى.
2007-جىلى 6-ايدىڭ 24-كۇنى تۇستەن كەيىن گۋاڭشي پۋبەي اۋدانى شياۋجياڭ قالاشىعى حىچۇن قىستاعىنداعى شياۋجياڭ وزەنىنەن قۇتقارىڭدار دەگەن داۋىس ەستىلەدى. تۋىسشىلاۋ دەمالىسىندا جۇرگەن تان نيان قۇتقارىڭدار دەگەن داۋىستى ەستي سالا وزەن بويىنا جۇگىرىپ بارىپ،كيىمىن شەشۋگە دە ۇلگىرمەي وزەنگە سەكىرەدى. ول وسپىرىمدەردىڭ بىرەۋىن ۇستاي الىپ،ونى كۇشتەپ تاياز جەرگە شىعارادى. وسىدان كەيىن،باسقا 2 ءوسپىرىم وتىرعان بامبۋك سالدىڭ تەرەڭ سۋداعى يىرىمگە قاراي تەز اعىپ بارا جاتقانىن كورەدى،شۇعىل جاعدايدا،ول دەرەۋ ءجۇزىپ بارىپ بامبۋك سالدى كۇشتەپ جاعاعا قاراي يتەرەدى،ىلە-شالا سۋدا ارىپتالاسىپ اعىپ بارا جاتقان ەڭ سوڭعى ءوسپىرىمدى سوڭعى كۇش-قۋاتىن سارقىپ يىعىمەن يتەرىپ بامبۋك سالعا شىعارادى. وسىلايشا 4 ءوسپىرىم قۇتقارىلادى دا،تان نيان سۋعا باتىپ،نەبارى 22 جىلدىق ءومىرىن قيادى.
تان نياننىڭ قاھارماندىق ىزگى ءىسى تارالعاننان كەيىن قوعامدا كۇشتى اڭىس قوزعادى. بۇرىنعى قوعام حاۋىپسىزدىگى مينيسترلىگى شەكارا قورعانىس مەكەمەسى وعان 1-دارەجەلى ەڭبەك جازدى ءارى ونى قۇربان دەپ بەكىتتى،گۋاڭدۇڭ ولكەلىك پارتكوم مەن ولكەلىك ۇكىمەت وعان «حالىق ءۇشىن باسىن ءباي تىككەن جاقسى جاۋىنگەر» داڭق اتاعىن تولىقتاپ بەردى.
تان نيان تىرىسىندە مىندەت اتقارىپ،شايقاس جاساعان قىزمەت ورنىنا «تان نيان قىزمەت ورنى» دەگەن ات بەرىلىپ،ول تۇرعان بانگە «تان نيان بانى» دەگەن ات بەرىلدى. 2019-جىلى 1-ايدىڭ 1-كۇنى قوعام حاۋىپسىزدىگى شەكارا قورعانىس اسكەري بولىمىنە رەفورما جاسالىپ،قاراستىلىعى اۋىستىرىلدى دا،شۇندى شەكارادان كىرىپ-شىعۋ شەكارالىق قورعانىس تەكسەرۋ پۋنكتى رەسمي ماڭدايشالىق اسىپ قۇرىلىپ،بۇرىنعى «تان نيان بانىندەگى» 34 جاۋىنگەردەن 26 جاۋىنگەر حالىق ساقشىسى بولىپ قابىلدانىپ،8 جاۋىنگەر ءىسورىن شتاتىنداعى جۇمىسشى-قىزمەتكەر بولىپ وزگەرتىپ قابىلداندى،ولار توپتىق تۇردە پۋنكت پارتكومىنان «تان نيان بانى»،«تان نيان قىزمەت ورنى» دەگەن اتاۋلاردى ساقتاپ قالىپ،كوشى-قوندى باسقارۋ ساقشىسىنىڭ جاڭا وبرازىندا ۇزدىكسىز قىزمەت وتەۋدى سۇراندى.
شۇندى شەكارادان كىرىپ-شىعۋ شەكارالىق قورعانىس تەكسەرۋ پۋنكتى ءار جىلدىڭ چيڭميڭىندە،تان نيان قۇربان بولعان 6-ايدىڭ 24-كۇنى،قۇربانداردى ەسكە الۋ كۇنى،مەملەكەتتىك ازا ءبىلدىرۋ كۇنى سياقتى كەزدەردە،مەملەكەت تۋى استىندا لەكسيا سويلەۋ،ينتەرنەتتە ازا ءبىلدىرۋ سياقتى تاسىلدەر ارقىلى تان نيان قۇرباندى ەسكە الۋ قيمىلدارىن وتكىزەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى