قانىشەردىڭ جالاڭداعان پىشاعى الدىندا حالىق ساقشىسى جاڭ لەي قاتەردەن تايسالماي،كەۋدە كەرىپ العا شىعىپ،اۋىر جارالانسا دا قايراتتانا وكشەلەي قۋىپ،سوڭىندا بۇزاقىنى تۇتقىنداۋ جولىندا قۇربان بولدى.
جاڭ لەي 2006-جىلى 6-ايدا جۇڭگو كوممۋنيستىك پارتياسىنا مۇشە بولعان،2008-جىلى 8-ايدا قوعام حاۋىپسىزدىگى قىزمەتىنە قاتىناسقان،كوزى تىرىسىندە انحۇي ولكەسى ۋحۋ قالاسى فانچاڭ اۋداندىق قوعام حاۋىپسىزدىگى مەكەمەسى حىڭشان ساقشى بولىمشەسىنىڭ حالىق ساقشىسى بولاتىن.
2010-جىلى 7-ايدىڭ 18-كۇنى فانچاڭ اۋدانى فانياڭ قالاشىعى سانيۋان قىستاعى حىيان گرۋپپاسىندا ەلەۋلى قىلمىستىق ىستەر دەلوسى تۋىلادى،قىلمىس كۇماندسى گاۋ XX ەكى ادامدى پىشاقتاپ ءولتىرىپ قاشىپ كەتەدى. اۋداندىق مەكەمەنىڭ ارناۋلى دەلو گرۋپپاسىنىڭ ورنالاستىرۋى بويىنشا،جاڭ لەي مەن قىزمەتتەسى قىلمىس كۇماندىسى جاسىرىنۋى مۇمكىن دەگەن تاۋلى ورمانعا باقىلاۋ جۇرگىزىپ،اڭدىپ وتىرادى. قورشاۋ 11 كۇنگە جالعاسادى،جاڭ لەي كۇنىنە 3 تە 4 ساعات قانا ۇيىقتاپ،ۇزدىكسىز شايقاسقا قاتىناسادى.
7-ايدىڭ 29-كۇنى تۇستەن كەيىن ساقشى جاق بۇقارانىڭ قىلمىس كۇماندىسى سياقتى بىرەۋدىڭ قورشاعان اۋماقتىڭ ماڭىندا جۇرگەندىگىن بايقاعان دەلو مالىمەتىن قابىلداي سالىسىمەن شايقاسقا قاتىناسقان بارلىق حالىق ساقشىسى دەرەۋ شايقاس ورنىنا جايعاسىپ،وسى اۋماقتى ءبىر-بىرلەپ ءتىنتىپ،اڭديدى،بوگەت قۇرادى. جاڭ لەي ىرىقتىلىقپەن شايقاسقا سۇرانىپ،سانيۋان قىستاعىنىڭ ماڭىنا بارىپ اڭدۋدى ءوتىنىش ەتەدى،ول وسى اۋماقتىڭ جاۋاپتى حالىق ساقشىسى ەكەندىگىن،گاۋ XX تىڭ جاعدايىنا ءبىرشاما قانىق ەكەندىگىن ايتادى. ورنالاستىرۋ بويىنشا جاڭ لەي مەن 2 قىزمەتتەسى گاۋ XX تىڭ نەمەرەلەس ءىنىسىنىڭ ۇيىنە باراتىن جولدى تورۋىلداپ وتىرادى.
سول كۇنى كەشكى ساعات 10 مولشەرىندە اڭدىپ وتىرعان جولدا ۆەلوسيپەد مىنگەن ءبىر ەر ادام پايدا بولادى،جاڭ لەي دەرەۋ قول پروجەكتوردىڭ كۇشتى جارىعىن ۆەلوسيپەد مىنگەن ادامعا ءتۇسىرىپ،وسى ادامنىڭ قىلمىس كۇماندىسى گاۋ XX ەكەندىگىن بايقايدى.
«توقتا!» جاڭ لەي داۋىستاپ بۇيرىق بەرەدى،گاۋ XX داۋىستى ەستي سالا الدىعا قاراي بار پارمەنىمەن قاشا جونەلەدى،جاڭ لەي مەن قىزمەتتەستەرى دەرەۋ قۋا جونەلەدى. 100 مەتردەي جەرگە قۋىپ بارعاندا،جاڭ لەي قىلمىس كۇماندىسىن ۆەلوسيپەدتەن سۇيرەپ تۇسىرەدى،گاۋ XX ۇستاتپاي قارسىلاسىپ،جانىنان تاستاماي الا جۇرگەن پىشاعىن جاڭ لەيدىڭ ارقاسىنا سۇعىپ الادى.
پىشاق كىرگەن سوڭ،جاڭ لەي جەرگە جىعىلادى،گاۋ XX تە دەرەۋ جانتالاسىپ قۇتىلىپ،تاعى قاشا جونەلەدى. جاڭ لەي جاعدايدى كورىپ،جاراقاتىنىڭ قاتتى اۋىرعانىنا شىداپ،ورنىنان تۇرىپ،قىزمەتتەستەرىمەن بىرگە سوڭىنان قالماي قۋالايدى ءارى قىزمەتتەستەرىنە: مەن پىشاق ءتيىپ جارالاندىم،ونىڭ پىشاعى بار ەكەن،-دەپ ەسكەرتەدى.
30 مەتردەي جەرگە دەيىن قۋالاعان سوڭ،جاڭ لەي جاراقاتى اۋىر بولعاندىقتان تاعى جىعىلىپ تۇسەدى. قالعان 2 حالىق ساقشىسى العا اتىلىپ بارىپ،گاۋ XX تى بويسۇندىرادى. اۋداندىق شيپاحاناعا شۇعىل جەتكىزۋ جولىندا جاڭ لەي تاعى الاڭداپ قىزمەتتەستەرىنەن: ادامدى ۇستاي الدىڭدار ما؟-دەپ سۇرايدى،كەسەتىمدى جاۋاپ العان سوڭ،ول ەسىنەن تانىپ كەتەدى. جاڭ لەي تاعى ءبىر رەت ەسىن جيعان شاقتا،ءالسىز ۇنمەن ەڭ سوڭعى ءبىر اۋىز سوزىن ايتادى: «مەن ولسەم بولمايدى،ىستەيتىن كوپتەگەن ىستەرىم بار». مىنە وسىلايشا جاڭ لەي نەبارى 24 جاسىندا ەرلىكپەن قۇربان بولادى.
2010-جىلى 8-ايدا جاڭ لەي انحۇي ولكەلىك حالىق ۇكىمەتى جاعىنان «توڭكەرىستىك قۇربان» دەپ تانىلادى. سول جىلى جۇڭگو كوممۋنيستىك پارتياسى انحۇي ولكەلىك كوميتەتى جاعىنان «ولكەلىك تاڭداۋلى كوممۋنيستىك پارتيا مۇشەسى» اتاعى تولىقتاپ بەرىلەدى،انحۇي ولكەلىك پارتكوم ۇيىمداستىرۋ ءبولىمى، ولكەلىك پارتكوم ساياسي-زاڭ كوميتەتى،ولكەلىك ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جاعىنان تۇڭعىش كەزەكتى «ولكەلىك ۇزدىك ساياسي-زاڭ كادر-ساقشىسى» بولىپ باعالانادى. 2011-جىلى 1-ايدا قوعام حاۋىپسىزدىگى مينيسترلىگى جاعىنان «مەملەكەتتىك قوعام حاۋىپسىزدىگى جۇيەسىندەگى 2-دارەجەلى قاھارمان ۇلگى» اتاعى تولىقتاپ بەرىلەدى.
جاڭ لەي قوعام حاۋىپسىزدىگى قىزمەتىنە قاتىناسقاننان بەرى،قىزمەتتى بەرىلە ىستەدى. قاراستى جەرى اۋىل-قىستاق بولعاندىقتان،جىلجىمالى جان سانى كۇردەلى،قىزمەت مىندەتى اۋىر بولاتىن،الايدا ول جاپا-ماشاقاتتان قورىقپاي،قاراستى اۋماق قوعام اماندىعىن جونگە سالۋ،ساقتانۋ قىزمەتىن بەلسەنە ورىستەتىپ،زاڭعا قايشى قىلمىستىق ارەكەتتەرگە قاتاڭ سوققى بەرىپ،قايشىلىقتاردى،داۋ-شارلاردى مۇقيات ءبىر-بىرلەپ تەكسەرىپ شەشىپ،قاراستى اۋماقتىڭ قوعام اماندىعىن ساقتاۋ جاعدايىن كورنەكتى جاقسارتادى.
2017-جىلى 7-ايدا جاڭ لەيدىڭ ءمۇسىنى حىڭشان ساقشى بولىمشەسىندە ورناتىلادى. ءار جىلعى چيڭميڭدە،قۇربانداردى ەسكە الۋ كۇنىندە،جاڭ لەي قۇربان بولعان كۇنى جاۋىنگەر سەرىكتەرى مەن جەرگىلىكتى بۇقارا وزدىكتەرىنەن كەلىپ قۇرمەت بىلدىرەدى
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى