تاڭ چىڭۋىن كوزى تىرىسىندە بەيجيڭ قالالىق قوعام حاۋىپسىزدىگى مەكەمەسى مىنتوۋگوۋ بولىمشە مەكەمەسى قاتىناس تارماق اترەتى شىرعالاڭ ءبولىمىنىڭ حالىق ساقشىسى بولعان،ساقشى بولىپ تۇرعان كەزىندە، ىلگەرىندى-كەيىندى 3 رەت داڭقتى تۇردە جەكەلەي سيلانعان، ۇدايى 3 جىل بويى تاڭداۋلى ۇكىمەت كادرى بولىپ باعالانعان ءارى «سارسقا قارسى اتتانۋداعى ۇزدىك جەكە» بولىپ باعالانعان. ءبىر جولى توسقاۋىلدا سويقان تۋدىرىپ قاشقان اۆتوكولىكتى قۋىپ بوگەگەن كەزدە،ول قىلمىس كۇماندىلارى جاعىنان ايانىشتى زيانكەستىككە ۇشىراپ،ەرلىكپەن قۇربان بولادى.
2006-جىلى 10-ايدىڭ 23 -كۇنى ساعات ءنول مولشەرىندە مىنتوۋگوۋ قوعام حاۋىپسىزدىگى بولىمشە مەكەمەسى 2 ەر ادامنىڭ جايتاڭ قالاشىعى نيۋجان بەكەتىندە 200 نەشە مەتر كابەلدى ۇرلاپ الىپ،ءبىر اۆتوبۋزشانى ايداپ قاشىپ كەتكەندىگى جونىندەگى مالىمەتتى تاپسىرىپ الادى. بولىمشە مەكەمە دەرەۋ دۋجياجۋاڭ اماندىق تەكسەرۋ پۋنكتى مەن چينيۇيكوۋ قاتىناس تەكسەرۋ پۋنكتىندە توسقاۋىل قۇرىپ بوگەيدى.
شامامەن 20 مينۋت وتكەندە،چينيۇيكوۋ قاتىناس تەكسەرۋ پۋنكتىندە كەزەكشى بولىپ تۇرعان حالىق ساقشىسى تاڭ چىڭۋىن قىراعىلىقپەن ءبىر سارى ءتۇستى شاعىن تۇرپاتتى اۆتوبۋزشانىڭ كۇماندى ەكەندىگىن بايقاپ، اۆتوكولىكتى توقتاتىپ تەكسەرۋدى قابىلداۋدى يشارات ەتەدى. كۇماندى اۆتوكولىك زورلىقپەن بوگەتتى بۇزىپ ءوتىپ قاشىپ كەتەدى. تاڭ چىڭۋىن دەرەۋ ساقشى اۆتوكولىگىن ايداپ ارتىنان قۋادى ءارى ماڭايىنداعى يانچى ساقشى بولىمشەسىنە كومەكشى جىبەرۋدى ايتادى.
تاڭ چىڭۋىن كۇماندى اۆتوكولىكتى قۋىپ جەتىپ توقتاتقاننان كەيىن،اۆتوكولىك جۇرگىزۋشى قىلمىس كۇماندىسى جاڭ شينلەيگە اۆتوكولىك جۇرگىزۋ كۋالىگىڭدى شىعار دەيدى. جاڭ شينلەي كۋالىگى جوق ەكەندىگىن ايتىپ،100 نەشە يۋان اقشا الىپ شىعىپ،ءوزىن قويا بەرۋدى وتىنگەندە،تاڭ چىڭۋىن باتىل تويتارىپ تاستايدى. جاڭ شينلەي اۆتوكولىگىنە قايتىپ بارىپ قىسىم كۇش تىستەۋىگىن الىپ كەلەدى ءارى قىسىم كۇش تىستەۋىگىمەن ساقشى اۆتوكولىگىنىڭ تەرەزەسىن ۇرعىلاپ قوقان-لوقى جاسايدى.
تاڭ چىڭۋىن اۆتوكولىكتىڭ ەسىگىن سەرپە اشىپ جاڭ شينلەيگە اتىلادى. ايقاس بارىسىندا جاڭ شينلەيدىڭ سىبايلاسى،ەندى ءبىر قىلمىس كۇماندىسى جاڭ شينلياڭ قوسىلىپ،تاڭ چىڭۋىندى جەرگە الىپ ۇرادى، جاڭ شينلەي ورايدان پايدالانىپ قىسىم كۇش تىستەۋىگىمەن ونىڭ باسىنا توقتاماي ۇرىپ،تاڭ چىڭۋىندى ولتىرەدى ءارى قانقۇيلىلىقپەن تاڭ چىڭۋىندى جارتاستان قۇلاتىپ جىبەرەدى... قاھارماننىڭ ءومىرى 39 جاسىندا اياقتايدى.
تاڭ چىڭۋىن 1988-جىلى 8-ايدا قوعام حاۋىپسىزدىگى قىزمەتىنە قاتىناسقان،كوزى تىرىسىندە بەيجيڭ قالالىق قوعام حاۋىپسىزدىگى مەكەمەسى مىنتوۋگوۋ بولىمشە مەكەمەسى قاتىناس تارماق اترەتى شىرعالاڭ بولىمىندە قىزمەت ىستەگەن،2005-جىلى 11-ايدا چينيۇيكوۋ تەكسەرۋ پۋنكتىنە قىزمەتكە جىبەرىلەدى.
2003-جىلى 5-ايدىڭ 14-كۇنى تۇندە «سارس» ىندەتى كەزىندە،109-مەملەكەت تاس جولى انجياجۋاڭ قىستاعىنا كىرە بەرىستە اۆتوكولىك سوعىلىسقان اۋىر قاتىناس شىرعالاڭى تۋىلىپ، جول قاتتى توسىلادى،«سارسقا» شالدىققان كۇماندى ناۋقاستاردى ارنايى تاسيتىن ءبىر قۇتقارۋ اۆتوكولىگى سول ارادا توسىلىپ قالادى. شىرعالاڭ تۋدىرعان شوفەر اۆتوكولىكتە «سارسقا» شالدىققان ناۋقاس بار ەكەندىگىن ەستىگەندە،قورىققانىنان ول جەردەن قاشىپ كەتەدى. سول جەردەگى جاعدايدى مەڭگەرىپ تۇرعان تاڭ چىڭۋىن قىزمەتتەستەرىن جۇعىمدالۋدان ساقتاپ قالۋ ءۇشىن،جالعىز ءوزى جۇمىسقا ارالاسادى،اۆتوكولىككە بايلانىس جاساپ،شىرعالاڭدا جارالانعانداردى شيپاحاناعا جونەلتكەننەن كەيىن،تاعى دا ءبىر قۇتقارۋ اۆتوكولىگىن شاقىرىپ، «سارسقا» شالدىققان كۇماندى ناۋقاستاردى شيپاحاناعا جەتكىزەدى. شىرعالاڭ تۋىلعان جەر ابدەن تازالانعاننان كەيىن، جول قالپىنا كەلىپ اشىلادى، ءۇرتىس 10 نەشە ساعات قىزمەت ىستەگەن تاڭ چىڭۋىن شارشاپ-شالدىققان قۇر سۇلدەرىن سۇيرەتىپ تەكسەرۋ پۋنكتىنە قايتادى.
2005-جىلى مىنتوۋگوۋ رايونىندا ءبىر جۇك اۆتوموبيلى قارسى كەلە جاتقان موتوتسيكلگە سوعىلىپ،موتوتسيكلدىڭ جۇرگىزۋشىسى قۇتقارۋ ءونىم بەرمەي قايتىس بولادى،قايتىس بولعان ادامنىڭ ۇيىندەگىلەر مەن وقيعا تۋدىرعان شوفەردىڭ اراسىنداعى قايشىلىق اسقىنا تۇسەدى. تاڭ چىڭۋىن قايتىس بولعان ادامنىڭ وتباسىنداعىلارعا بەلسەندىلىكپەن،ىرىقتىلىقپەن كومەكتەسىپ،سوت مەكەمەسىمەن بايلانىس جاساپ،ءادىليالىق كومەك قاراستىرىپ،بۇل ىستەردى ءساتتى شەشەدى. اراسىندا،قايتىس بولعان ادامنىڭ ايەلىنىڭ سىچۋانداعى اتا مەكەنىنە قايتاتىن اقشاسى جوق ەكەندىگىن ۇققاننان كەيىن،تاڭ چىڭۋىن دەرەۋ 900 يۋان اقشانى جول كىرەگە بەرە تۇرادى. قايتىپ كەلگەننەن كەيىن،قايتىس بولعان ادامنىڭ ايەلى سۇرىلەنگەن ەت الا كەلىپ راقىمەتىن ايتادى،تاڭ چىڭۋىن سىپايىلىقپەن تويتارىپ: «كىم-كىمگە بولسا دا وڭاي ەمەس!»-دەيدى...
2006-جىلى 10-ايدىڭ 31-كۇنى بەيجيڭ قالالىق حالىق ۇكىمەتى تاڭ چىڭۋىندى توڭكەرىستىك قۇربان دەپ بەكىتەدى،2006 -جىلى 12-ايدىڭ 1-كۇنى قوعام حاۋىپسىزدىگى مينيسترلىگى تاڭ چىڭۋىنگە 1-دارەجەلى قاھارمان ۇلگى اتاعىن تولىقتاپ بەرەدى.
ماقالالار «شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى