ءتىلشىمىز زىڭ جاۋمەي،ەرىكتى ءتىلشى ياڭ لان حابارلايدى. «جىجياڭدا قىزمەت ىستەۋشى ەدىم،دەرەۋ قايتۋ كەرەك بولدى. الايدا،ازاماتتىق كۋالىگىمنىڭ مەرزىمى تولىپ كەتىپتى، مۇندا كەلەردەن بۇرىن ازاماتتىق كۋالىگىمدى بىتىرۋگە كوپ ۋاقىت كەتەر دەپ الاڭداعام،وسىنشاما تەز بىتەتىنىن ويلاماپپىن. مەنىڭ حات-چەك تاپسىرىپ الاتىن ادىرىسىمدى الىپ قالدى،ازاماتتىق كۋالىگىمدى الۋ ءۇشىن ساۋانعا قايتا شاپقىلامايمىن،راسىندا،وتە قولايلى بولدى» دەدى جۋىقتا ساۋان اۋدانىنىڭ تۇرعىنى جاۋ مىرزا قۋانا.
ساۋان اۋداندىق قوعام حاۋىپسىزدىگى مەكەمەسىنىڭ نوپوس جۇمىستارىن ءبىتىرۋ تەرەزەلىك ورنى حالىققا قولايلى كوپ ءتۇرلى قىزمەت وتەۋ شارالارىن اتقارىپ،«جەلىدە ءبىتىرۋ،الدىن الا كەلىسىپ ءبىتىرۋ،تاياۋ ماڭدا ءبىتىرۋ،ءوزى دەربەس ءبىتىرۋ» سياقتى تاسىلدەر ارقىلى بۇقارانى 24 ساعات جەلىدە قىزمەت وتەۋمەن قامدادى. سونىمەن بىرگە،جاسىل ارنا اشىپ،بۇقارانىڭ شۇعىل قاجەت ەتەتىن جۇمىستارىن الدىن الا كەلىسىپ ءبىتىرۋ،جەدەل ءبىتىرۋ،جوعارى ونىمدىلىكپەن ءبىتىرۋ شارالارىن اتقارىپ،بۇقارا قاشان كەلسە دە جۇمىسىن ۇستىندە ءبىتىرىپ بەرۋگە شىنايى كەپىلدىك ەتتى.
بالالى بولعان تۇرعىن پان مىرزا قىزمەتى قاربالاس بولعاندىقتان،بالاسىن نوپوسقا قوندىرۋعا ۋاقىت شىعارا الماعان ەدى. دوستىق شەڭبەردە تاراپ جۇرگەن قوعام حاۋىپسىزدىگى كاسىپتەرىن «جەلىدە ءبىتىرۋ» ۇگىتىن كورگەننەن كەيىن،دەرەۋ «شينجياڭ قوعام حاۋىپسىزدىگى» APP ىن ءتۇسىرىپ،تىزىمدەلىپ كىرەدى دە ەسكەرتۋ بويىنشا ينفورماتسياسىن جانە قاتىستى قوسىمشا قۇجاتتارىن ءۇش مينۋتقا جەتپەيتىن ۋاقىت ىشىندە جولداپ بولادى. حالىق ساقشىلارى ءوتىنىشىن تاپسىرىپ العاننان كەيىن،دەرەۋ تەكسەرىپ ءارى ونىمەن حابارلاسىپ،ينفورماتسياسىن انىقتاپ،كۋالىگىن الۋ ۋاقىتى مەن ءتاسىلىن تۇراقتاندىرىپ بەرەدى.
قارتتارعا،ءجۇرىپ-تۇرۋى قولايسىز ادامدارعا قاراتا،ساۋان اۋداندىق قوعام حاۋىپسىزدىگى مەكەمەسىنىڭ نوپوس ءبىتىرۋ تەرەزەلىك ورنى الدىمەن ءبىتىرۋ، وتباسىنا بارىپ ءبىتىرۋ،كۋالىكتى وتباسىنا دەيىن جەتكىزىپ بەرۋ سياقتى تاسىلدەرمەن ەتەنە قىزمەت وتەسە؛ «تىنىش ساۋانv» ءۇنحات الەۋمەتتىك تەكشەسىندە نوپوس،ازاماتتىق كۋالىك جۇمىستارىن ءبىتىرۋ باعدارلاماسىن جانە نوپوس جۇمىستارىن ءبىتىرۋ تەرەزەلىك ورنىنىڭ الدىن الا كەلىسۋ،كەڭەس الۋ تەلەفون ءنومىرىن جاريالاپ،بۇقارانى «شينجياڭ قوعام حاۋىپسىزدىگى» APP ى،شينجياڭ اكىمشىلىك قىزمەت وتەۋ تورابى سياقتى ءار ءتۇرلى ارنامەن جەلىدە جۇمىس ءبىتىرۋدى ءوتىنىش ەتۋگە جەتەكشىلىك ەتتى.
«ءبىز ساپالى قىزمەت وتەۋ ارقىلى جۇمىس ءتارتىبىن ۇزدىكسىز ساپالىلاندىرىپ،قىزمەت وتەۋ ورەمىزدى جوعارىلاتۋدامىز» دەدى ساۋان اۋداندىق قوعام حاۋىپسىزدىگى مەكەمەسى نوپوس ءبىتىرۋ تەرەزەلىك ورنىنىڭ جاۋاپتىسى ما حۋايۇڭ.
قازىرگە دەيىن تۇتاس اۋدانداعى قوعام حاۋىپسىزدىگى ورگاندارى جەلىدە نوپوس ءبىتىرۋ ىستەرىنەن 139 ىن،جەلىدەن تىس نوپوس ءبىتىرۋ ىستەرىنەن 758 ىن،ازاماتتىق كۋالىكتەن 1925 نۇسقاسىن،وزدىگىنەن دەربەس نوپوس ءبىتىرۋ ىستەرىنەن 243 ىن ءبىتىرىپ،621 ادام (رەت) كاسىپتىك جاقتان كەڭەس بەرىپ،37 ادامنىڭ (رەت) وتباسىنا بارىپ قىزمەت وتەگەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى