ۋان جينگاڭ: بورىشى ءۇشىن ءومىرىن ارناعان ادال قورعاۋشى

ۋان جينگاڭنىڭ سۋرەتى 
□ شينحۋا اگەنتتىگى تاراتقان

تيانشان باۋرايىنداعى قارۋلى ساقشى شينجياڭ باس اترەتى ءۇرىمجى تارماق اترەتى بەلگىلى ورتا اترەتىنىڭ داڭق بولمەسىندە قۇربان ۋان جينگاڭنىڭ ايكەلى قويىلىپ،ىزگى ىستەرى    تانىستىرىلعان. ءار جىلى جاڭا اسكەرلەر كازارماعا كىرگەندە،تۇڭعىش رەت ۋان جينگاڭ داڭق بولمەسىن ەكسكۋرسيالايدى. ءار كۇنى كەشتە جوقتاما  جاساعاندا، ءارقاشان  ەڭ  الدىمەن «ۋان جينگاڭ» دەپ شاقرىپ،تۇتاس ورتا اترەتتەگى كوماندير-جاۋىنگەرلەر بىركەلكى داۋىسپەن «كەلدىم» دەپ جاۋاپ قايتارادى. كوپ جىلداردان بەرى ورتا اترەتتەگى كوماندير- جاۋىنگەرلەر وسى ءداستۇردى ۇزبەي جالعاستىرىپ،«جينگاڭ» رۋحىن   جالعاپ،«جينگاڭنىڭ» مۇراگەرى بولۋعا ۇمتىلىپ كەلەدى.

ۋان جينگاڭ، 1978-جىلى      8-ايدا دۇنيەگە كەلگەن،شينجياڭ بۇراتالادان،1995-جىلى 12-ايدا  قوسىنعا قاتىناسقان. سول جىلى   كەزەكتى دەمالىسىن  الىپ جاتقان ۋان جينگاڭ ورتا اترەتتىڭ شارلاۋ اۋماعىندا بىرەۋلەردىڭ توپتاسىپ،سويقان شىعارۋعا ۇرىنعانى تۋرالى مالىمدەۋ تەلەفونىن تاپسىرىپ الادى. ول   جەتەكشىنىڭ جاۋىنگەرلەردى باستاپ كۇشتى نىعايتپاقشى بولعاندىعىن   ەستىگەندە،تاباندا «مەن ورتا اترەت باستىعىمىن،مىندەت بولادى ەكەن،مەن الدىمەن بارامىن» دەپ،ىلە-شالا ۋاقيعا تۋىلعان جەرگە بارىپ،دەرەۋ توتەپ بەرۋ ازىرلىگىن جاسايدى. 

سويقان شىعارۋشى توپپەن تىرەسۋ بارىسىندا كەيبىرەۋى ارى-بەرى  ءوتىپ جاتقان اۆتوموبيلدەردى    ۇرىپ،شاعا باستايدى. حالىق بۇقاراسىنىڭ ءومىرى مەن مال-مۇلكىنىڭ حاۋىپسىزدىگىن قورعاۋ ءۇشىن،   ۋان جينگاڭ دەرەۋ جاۋىنگەرلەردى باستاپ ولاردى تاراتىپ جىبەرمەكشى بولعاندا،تاس كەرپىشتىڭ،تاستىڭ  اتقىلاۋىنا ۇشىرايدى.

ورىنباسار بانجاڭ جياڭ شيڭۋيدىڭ سوققىدان جىعىلىپ تۇسكەنىن كورىپ،ول ونى سۇيەمەلدەپ،2-باننىڭ بانجاڭى ليۋ جىڭحۇيعا تاپسىرادى  ءارى زور داۋىسپەن «سەندەر تەز تاراڭدار!» دەپ ايعاي سالادى. ءدال وسى كەزدە ۋان جينگاڭنىڭ باسىنا تاس تيەدى. كومەككە كەلگەن قوسىن ۇيلىعىپ العان ادامدار شوعىرىن كۇشپەن تاراتىپ ونى قۇتقارعان كەزدە،ۋان جينگاڭ جەردە جىعىلىپ جاتقان ەدى،باسىنان قان سورعالاپ جاتادى،تىزگىن ۇشىمەن شيپاحاناعا جەتكىزىلىپ شۇعىل قۇتقارىلعانىمەن،جاراقاتى اۋىر بولعاندىقتان،اقىرىندا قۇتقارۋ ءونىم بەرمەي،ەرلىكپەن قۇربان بولادى.

ۋان جينگاڭ ۇنەمى «توسىن  ۋاقيعالاردى ءبىر جايلى ەتۋدىڭ، ورنىقتىلىقتى قورعاۋدىڭ مىندەتى  جاپا-ماشاقاتتى،اۋىر،ءبىز،ءسوزسىز،قاي-قاشان دا ءبىرىنشى شەپكە شىعۋعا، اتويلاپ الدا جۇرۋگە دايار تۇرۋىمىز كەرەك» دەيتىن. ول مەيلى قايسى قىزمەت ورنىندا بولسىن،مىندەتى مەن بورىشىن قاي-قاشان دا ەسىندە  بەرىك ساقتاپ،زاڭسىز   ەلەمەنتتەرمەن ەرلىكپەن كۇرەس  جاساپ،مىندەتىن ناتيجەلى ورىنداپ،ءىس جۇزىندىك ارەكەتىمەن ادال قورعاۋشىنىڭ اسقاق سەرتىن امالياتتا ايگىلەدى. قوسىنعا قاتىناسقاننان بەرى ول كوماندير-جاۋىنگەرلەردى   باستاپ،قوعام حاۋىپسىزدىگى ورگاندارىمەن سەلبەسىپ،308 توسىن وقيعانى ءبىر جاقتى ەتىپ،ەسىرتكى الىپساتارلىعىمەن اينالىسۋ،توناۋشىلىق ىستەۋ،جالعان اقشا الىپساتارلىعىمەن اينالىسۋ سياقتى قىلمىس كۇماندىلارىنان 502 ادامدى تۇتقىندادى.

ورتا اترەت 6-بانىنىڭ بانجاڭى  ما يۋانگاڭ كوزىنە جاس الا: «مەن ۋان اترەت باستىعىنىڭ جاڭا اسكەرى  ەدىم،ساقا اترەت باستىعى كوز  جۇمعانىمەن،ونىڭ رۋحى ماڭگى     جاسايدى»،- دەدى. ورتا اترەت ۋان جينگاڭنىڭ تۋعان كۇنى 8-ايدىڭ 8-كۇنىن «ۋان جينگاڭنان ۇيرەنۋ ارناۋلى تاقىرىپتىق كۇنى» ەتىپ  بەلگىلەپ،پارتيا مۇشەلەرىن پارتياعا كىرگەندەگى سەرتىن قايتا ەسكە  الۋعا،«مەنىڭ قاھارماندىق جولىم» اتتى ارناۋلى تاقىرىپتىق لەكسيا   جاساۋعا ۇيىمداستىردى ءارى وسى كۇندى كوماندير-جاۋىنگەرلەردىڭ كوللەكتيۆ تۋعان كۇنى ەتىپ بەلگىلەدى. «ۋان جينگاڭ رۋحى» كوماندير-جاۋىنگەرلەر اراسىندا شۇعىلا شاشۋدا،كوپشىلىكتى اسكەري جاتتىعۋ جاساۋعا،سوعىسقا دايىندالۋعا،بارلىق توسىن ۋاقيعالاردى دەر كەزىندە ءبىر جاقتى ەتۋگە جىگەرلەندىرۋدە.

قۇر سوزدەن  شىنداپ كىرىسكەن ارتىق. ورتا اترەتتىڭ كازارما اۋماعى تۇتاس تارماق اترەتتە ەڭ شاعىن بولعانىمەن،ءبىراق جاتتىعۋ ناتيجەسى تارماق اترەتتە الدىڭعى قاتاردا تۇرادى. بۇقارالىق سيپاتتى اسكەر جاتتىقتىرۋ،سايىسكەرلىك باسەكەسىندە ورتا اترەتتەگى كوماندير-جاۋىنگەرلەر  تۇگەلدەي ۇزدىك ناتيجەگە قول جەتكىزەدى. 2019- جىلى ورتا  اترەتتىڭ 1-پايىنىڭ پايجاڭى    قاسىمجان تۇندە قولدانىلمالى نىسانا اتۋ تۇرىندە 10 وقتى تۇگەل     تيگىزۋدەي ناتيجەمەن تارماق اترەتتىڭ رەكوردىن جاڭالادى.

قاھارمان كوز جۇمدى،جاۋىنگەر سەرىكتەرى تۋ ۇستاپ،ورىندالماعان ىستەرىن ۇزدىكسىز جالعاستىرۋدا،ۋان جينگاڭ قۇربان بولعاننان كەيىن،قارۋلى ساقشى شينجياڭ باس اترەتى « ‹جينگاڭنان› ۇيرەنۋ،‹جينگاڭ› ونەرىنە جاتتىعۋ،‹جينگاڭنىڭ› مۇراگەرى بولۋ» قيمىلىن ۇزدىكسىز ورىستەتىپ،لاڭكەستىككە قارسى تۇرۋدىڭ قىرۋار باتىرلارىن تاربيەلەدى.



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى