تاسىمال مولشەرىن ارتتىرىپ، شيكى زاتپەن قامداۋعا كەپىلدىك ەتتى

جولدانعان ۋاقىتى : 2020/2/24 18:52:42

« زاتى امان-ەسەن جەتتى، تۇسىرگەلى جاتىرمىز». 2-ايدىڭ 20-كۇنى تاعى ءبىر تاسىمال اۆتوموبيلىنىڭ جەتەۋىمەن، ساۋان اۋدانى شينجياڭ ليميڭ شينشۇن ساۋدا شەكتى جاۋاپكەرلىك سەرىكتەستىگىنىڭ باس ديرەكتورى ما جۇنجياڭ اقىرى الاڭسىز بولدى.
1-ايدىڭ 29-كۇنىنەن قازىرگە دەيىن، ما جۇنجياڭ مەن سەرىكتەستىكتەگى 50 نەشە جۇمىسشىنىڭ قولى بوسامادى. بىرنەشە كۇننەن بەرى، سەرىكتەستىكتىڭ 20 نەشە تاسىمال اۆتوموبيلى الاتاۋ وتكەلى مەن مايتاۋ اراسىندا قاتىناپ، جۇڭگو مۇنايى مايتاۋ مۇناي-حيميا سەرىكتەستىگىنىڭ (تومەندە مايتاۋ مۇناي-حيميا سەرىكتەستىگى دەپ قىسقارتىلدى) مۇناي تابيعي گاز تاسىمالداۋ «مىندەتىن» ارقالاپ كەلەدى.
ما جۇنجياڭ بىلاي دەپ تانىستىردى: سەرىكتەستىك ەسكىشە كالەندار بويىنشا كوكتەم مەرەكەسىنىڭ 5-كۇنى «مىندەتتى» تاپسىرىپ العاننان كەيىن، دەرەۋ جۇمىسشىلاردى اتتانسىقا كەلتىرىپ، ىندەتتەن ساقتانۋ قىزمەت تالابىن قاتاڭ تياناقتاندىرۋمەن بىرگە، تاسىمال مولشەرىن ۇزدىكسىز ارتتىرىپ، مايتاۋ مۇناي-حيميا سەرىكتەستىگىن شيكى زاتپەن قامداۋعا كەپىلدىك ەتۋگە كۇش سالدى. كەزەكتە، كۇندەلىكتى تاسىمال مولشەرى 700 توننادان اسادى.
ۇعىسۋعا قاراعاندا، مايتاۋ مۇناي-حيميا سەرىكتەستىگى ەل ىشىندەگى ەرىگىش تالشىق ءوندىرۋدى نەگىز ەتكەن كاسىپورىنداردىڭ ءبىرى بولىپ، دەربەس زەرتتەپ اشقان پولي پروپيلەن S2040 نىڭ ەرىگىشتىگى جوعارى، مەحانيكالىق توزىمدىلىگى جاقسى جانە مولەكۋلالىق سالماعىنىڭ ورنالاسۋى تار بولۋ سياقتى ەرەكشەلىكتەرگە يە، ءونىمىنىڭ قاسيەتى ورنىقتى بولىپ، نەگىزىنەن ماسكا ءوندىرۋ سياقتىلارعا پايدالانىلادى ەكەن. ىندەت جاعدايى تۋىلعاننان بەرى، مايتاۋ مۇناي-حيميا سەرىكتەستىگى ماسكا شيكى زاتىن ءوندىرۋدى كۇشەيتىپ، سۇيىتىلعان مۇناي گازىنا بولعان قاجەتى دە ۇزدىكسىز ارتقان ەكەن.
ما جۇنجياڭ: «بۇل ‹مىندەتتىڭ› ماسكا شيكى زاتىن وندىرۋگە كەپىلدىك ەتۋ ەكەندىگىن بىلگەننەن كەيىن، سەرىكتەستىكتەگى كوپتەگەن قىزمەتكەر قىزمەت ورنىنا بارىپ قىزمەت ىستەۋدى تاڭدادى. شيكى زاتپەن قامداۋ ءبىزدىڭ بۇلتارتپاس بورىشىمىز. ەندىگى جەردە، ىندەتتەن ساقتانۋ قىزمەتىن ويداعىداي ىستەۋمەن بىرگە، تاسىمال مولشەرىن ارتتىرىپ، ىندەتتەن ساقتانۋ-تىزگىندەۋ توسقاۋىل شايقاسىنىڭ جەڭسىنە قول جەتكىزۋگە وزىندىك ۇلەسىمىزدى قوسامىز» دەدى.
 
 
 

مەملەكەتتىك ەلەكتر تورابى ەنەرگياسى قوبىقسارى كومىر ەلەكتر سەرىكتەستىگى ايلىق ەلەكتر تاراتۋ
 مىندەتىن اسىرا ورىندادى

2-ايدىڭ 17-كۇنى مەملەكەتتىك ەلەكتر تورابى ەنەرگياسى قوبىقسارى كومىر ەلەكتر شەكتى سەرىكتەستىگى اينالىم ءبولىمىنىڭ ەكىنشى كەزەكشى ورتا بانىنىڭ اينالىمدى شارلاپ تەكسەرۋشىسى ءوندىرىس مايدانىنداعى اينالىم جابدىقتارىنا شارلاپ تەكسەرۋ جۇرگىزۋدە.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، مەملەكەتتىك ەلەكتر تورابى ەنەرگياسى قوبىقسارى كومىر ەلەكتر شەكتى سەرىكتەستىگى ءبىر جاعىنان ىندەتتەن ساقتانۋ-تىزگىندەۋدى مىقتى ۇستاسا، ەندى ءبىر جاعىنان حاۋىپسىز ءوندىرىستى مىقتى يگەرىپ، ىندەتتەن ساقتانۋدا ەلەكترمەن قامداۋعا كەپىلدىك ەتۋ «كەشەندى شارالارىن» كۇش سالا ويداعىداي جۇرگىزدى. سەرىكتەستىكتىڭ ءوندىرىس شەبى پارتيا ياچەيكاسى پارتيا مۇشەلەرى مەن وداق مۇشەلەرىنەن اۆانگارد ەكپىندىلەر اترەتىن ۇيىمداستىرىپ، كوپتەگەن ءوندىرىس مىندەتىن ورىندادى. جىل باسىنان بەرى سەرىكتەستىك جيىنى 429 ميلليون كيلوۆات ساعات ەلەكتر تاراتىپ، ايلىق ەلەكتر تاراتۋ مىندەتىن اسىرا ورىندادى.
 
 
 

باعىمشىلىق سەلبەستىك كووپەراتيۆى كۇنىنە 1.2 توننا جۇمىرتقا ءوندىرىپ، قامداۋعا كەپىلدىك ەتتى

ءدوربىلجىن اۋداندىق شينشۇندا باعىمشىلىق سەلبەستىك كووپەراتيۆى ۇندەۋگە بەلسەنە ءۇن قوسىپ، ىندەت جاعدايى تۋىلعان مەزگىلدە قىزمەت پەن ءوندىرىستى توقتاتپاي، بار كۇشىن اتتانىسقا كەلتىرىپ، ىندەتتەن ساقتانۋ-تىزگىندەۋ مەزگىلىندەگى جۇمىرتقامەن قامداۋعا كۇش سالا كەپىلدىك ەتتى.
«ياۋگۋنياڭ» تاۋىق باعىمشىلىعى بازاسىندا، جۇمىسشىلار وزىندىك قورعانۋ قىزمەتىن ويداعىداي جۇرگىزۋمەن بىرگە، ءار كۇنى ۇستەمە قىزمەت ىستەپ، جۇمىرتقا جينادى.
سەلبەستىك كووپەراتيۆىنىڭ جاۋاپتىسى ياۋ تيڭنىڭ تەلەفونى مەن ءۇنحاتى ۇزدىكسىز شىرىلداپ، قولىنداعى شاعىن داپتەرىنە ءاربىر ەرەن بازارى مەن كوكونىس دۇكەنىنىڭ قاجەت ەتۋ مولشەرىن مۇقيات ەستەلىككە الدى.
ياۋ تيڭ: «ىندەتتەن ساقتانۋ-تىزگىندەۋ مەزگىلىندە، سەلبەستىك كووپەراتيۆىنىڭ ياۋگۋنياڭ جۇمىرتقا ءوندىرۋ بازاسى دا ءار كۇنگى وندىرىلگەن جۇمىرتقانى سول كۇنى جيناپ، سول كۇنى جەتكىزىپ بەرىپ، كوپشىلىكتىڭ جۇمىرتقانى جاڭا كۇيىندە تۇتىنۋىنا كەپىلدىك ەتىپ، تۇرعىنداردىڭ كۇندەلىكتى قاجەتىن قاناعاتتاندىرىپ وتىردىق. سونىمەن بىرگە، سەلبەستىك كووپەراتيۆىندەگى جۇمىسشىلارعا بولعان زارارسىزداندىرۋ، قورعانۋ قىزمەتىن ويداعىداي ىستەپ، ءوندىرىس حاۋىپسىزدىگىنە كەپىلدىك ەتتىك» دەدى.
ۇعىسۋعا قاراعاندا، باعىمشىلىق بازاسىندا 25 مىڭ تاۋىق بار بولىپ، كۇنىنە 1.2 توننا جۇمىرتقا ءوندىرىپ، اۋدانداعى 10 ەرەن بازار مەن كوكونىس بازارىن قامدايدى ەكەن، كەزەكتە، تولايىم ساتۋ باعاسى ءار كيلوگرامى 7.8 يۋان بولىپ، جايشىلىقتاعىدان ءبىر يۋان تومەندەتكەن ەكەن.
 
 
رەداكتورى: الماگۇل اقاتبەك قىزى
 

تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى