ەەڭ جاڭا مازمۇندار
اۋەلگى ماقساتقا،بورىشقا تاباندى بولىپ،مۇرات-سەنىمدى بەكەمدەدى
چىن چۋانگو قاشقار ايماعىندا تەكسەرۋ - زەرتتەۋ جۇرگىزگەندە مىنانى باسا دارىپتەدى
وڭايلىقپەن قولعا كەلمەگەن تاماشا جاعدايدى بەكەمدەپ جانە دامىتىپ، ورنىقتىلىقتىڭ،دامۋدىڭ ءتۇرلى ىستەرىنىڭ ىشكەرىلەي دامۋىن ىلگەرىلەتۋ كەرەك
ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى
كورىكتى شيحۋ قوناقتاردى قىزۋ قارسى الدى
كۇش-قۋاتتى ۇيىستىرىپ، شينجياڭعا كومەكتەسۋدىڭ كوركەم پاراعىن بىرلىكتە جازدى
شيحۋ قالاسى نەگىزگى ساتىنىڭ اۋىرتپالىعىن جەڭىلدەتۋدى ناقتى تياناقتاندىردى
دۋ جۇڭيۋان: جاپون شاپقىنشىلارىنا قارسى تۇرىپ،وتاندى قۇتقارۋ -ءبىزدىڭ جاۋاپكەرشىلىگىمىز
ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى
جاڭبىرداعى كوشى-قون...
شەكارا حالىقتارىنىڭ ءوزارا ساۋدا بازارىنىڭ 3 كۇندىك تيجارات سوماسى 513 مىڭ يۋانعا جەتتى
باس شۋجي شي جينپيڭنىڭ ماڭىزدى ءسوزىنىڭ رۋحىن باتىل دايەكتىلەندىرىپ،تياناقتاندىرىپ، جۇڭگوشا سوتسياليستىك شينجياڭ قۇرۋ ءۇشىن حاۋىپسىز، ورنىقتى ورتا جاراتايىق
ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى
توڭكەرىستىك اندەردى شىرقاپ،پارتيانىڭ قامقورلىعىن جىرلادى
سۋرەت كورگىزبەسى وتانىمىزعا تارتۋ ۇسىندى
دەمالىسقا، زەينەتكە شىققان كادرلار وزگەرىستەردى تاماشالادى
ادەبيەت-كوركەمونەر كونسەرتىن وتكىزدى
پارتياعا جۇرەگىمىزدى ارناپ، وتانىمىزدى جىرلايىق
تەڭىز ونىمدەرىنىڭ دامىنەن ءلاززات الىڭىز
«اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىن قوزعاۋشى كۇش ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ جاڭا جاعدايىن قۇلشىنا اشايىق
تىڭ وراي، ويداعىداي وزگەرىس
قاتىناس حاۋىپسىزدىك بىلىمدەرى مەكتەپكە كىردى
تابيعي گازدى حاۋىپسىز پايدالانۋدى ۇگىتتەدى
حاۋىپسىز ءوندىرىستى كوكەيدە ساقتايىق
قورقىس قالاشىعى نەگىزگى ساتىنىڭ اۋىرتپالىعىن جەڭىلدەتىپ،قىزمەت وتەۋدى جەبەدى
سىرا مەكەنىنە قوناق بولىپ قايتىڭىزدار
بىلعارىعا ورنەك سالۋ شەبەرى ءپۇرىنجاپ
لياۋنيڭ كۇشى تارباعاتاي حالقىن يگىلىككە كەنەلتتى
تارباعاتايدىڭ سىرتقا باعىتتالعان ەكونوميكاسى دامۋىنىڭ جاڭا پاراعىن جازايىق
شەكارا حالىقتارىنىڭ ءوزارا ساۋدا بازارى اشىلىپ،بۇقارانى تيىمدىلىككە كەنەلتتى

«سەرىكتەس زاۆودتار» ارماندى جۇزەگە اسىراتىن ورىنعا اينالدى

جولدانعان ۋاقىتى : 2019/5/15 18:14:37

___ قۇلىستاي ۇلتتىق قولونەر-كەستەشىلىك بازارىنان كەلگەن تۇيىندە تۇرىپ تەكسەرۋ-زەرتتەۋ دوكلاتى
□ ءتىلشىمىز ۋاڭ گاۋشىڭ

  ۇلتتىق كەستەشىلىك ــ قازاق ۇلتىنىڭ  ءداستۇرلى قولونەرى. كەستەشىلىك تەحنيكاسى ەرەكشەلىككە يە، ورنەكتەرى   ايشىقتى، ۇلتتىق ەرەكشەلىگى قويۋ بولعاندىقتان قارسى الۋعا بولەنگەن، بازارداعى بولاشاعى زور.

  جاقىنعى جىلداردان بەرى ءدوربىلجىن اۋداندىق پارتكوم مەن ۇكىمەت قۇلىستاي ۇلتتىق قولونەر-كەستەشىلىك بازارىن سۇيەنىش،12 «سەرىكتەس زاۆود» تى تۇتقا ەتە وتىرىپ، قالا مەن اۋىلداعى جۇمىس كۇتكەن قازاق ايەلدەرىن قابىلداپ،يكەمدى جۇمىستانۋعا باۋرادى. قازىر تۇتاس اۋدانعا قاراستى 17 اۋىل-قالاشىقتاعى 45 قىستاق-دۇيدەن 700 دەن استام ايەل كەستەشىلىك ونەرىنە سۇيەنىپ،اۋقاتتانۋ ارماندارىن جۇزەگە  اسىرۋدا.

  ۇكىمەت قولايلى تۇعىر ازىرلەدى

  2015-جىلى 12-ايدا ءدوربىلجىن اۋدانى قۇلىستاي ۇلتتىق قولونەر-كەستەشىلىك بازارىن قۇرعان بولاتىن. بۇل بازار زىفىڭ حالىقارالىق اۋىل شارۋاشىلىق تاۋارلارى ساۋدا قالاشىعىنىڭ 18-عيماراتى مەن 19-عيماراتىنا ورنالاسقان،تۇتاس اۋداننىڭ قولونەر-كەستە بۇيىمدارىنىڭ بارلىعى وسى اردا جارمەڭكەگە قويىلادى.

  3 جىلدان بەرى ۇكىمەت جالپى 10 ميلليون يۋاننان استام قارجى شىعارىپ،3300 شارشى مەتر كەلەتىن بازار ورنىن ساتىپ الىپ،45 ءوندىرۋ،ساتۋ دۇكەنىن اشىپ، 300 دانادان ارتىق كەستە تىگۋ جابدىعىن ەنگىزگەن. مۇنىڭ ۇشەۋى ءىرى تۇرپاتتى كومپيۋتەرمەن ورنەك سالۋ ماشيناسى بولىپ،«شاعىن زاۆودتار» دىڭ تەگىن پايدالانۋىنا بەرگەن.

  سونىمەن بىرگە،ءار جىلى 4 كەزەك قولونەر-كەستەشىلىك جانە كيىم-كەشەك تىگۋ ونەرىنە باۋلۋ كۋرسىن اشىپ، اۋىل-قىستاقتاعى از ۇلت ايەلدەرىن نەگىز ەتە وتىرىپ،جالپى 1000 نان استام ادامدى تاربيەلەسە؛ ۇزدىكتەرىن ىشكى ولكەلەرگە بارىپ ونەر ۇيرەنۋ ورايىمەن تەگىن قامداپ، ولاردى ءتۇرلى جولدارمەن بازار اشۋعا ىنتالاندىرىپ جانە سۇيەمەلدەپ  وتىرعان.

  وسى بازاردىڭ جاۋاپتىسى يە يۇيحۋا:  « ‹سەرىكتەس زاۆود› تار قۇلىستاي قولونەر-كەستەشىلىك بازارىن وزەك ەتە وتىرىپ،12 اۋىل-قالاشىقتاعى قولونەر-كەستەشىلىك ورىندارىنا جەتەكشىلىك ەتىپ كەلەدى. كاسىپتىك ونەرگە باۋلىپ، تەحنيكالىق جاقتان جەتەكشىلىك ەتۋمەن بىرگە، ونىمگە زاكاز قابىلداپ، ساتۋ  جولىن قاراستىرىپ، وسى جەردەگى اپە- سىڭلىلەرىمىزدىڭ جۇمىس ىستەپ،اقشا تابۋىنا؛ كىرىستەرىن ارتتىرۋىنا ءارى اۋقاتتانۋىنا كەپىلدىك ەتىپ كەلەمىز» دەدى.

  كەستەشى ايەلدەر رولدارىن   قۇلشىنا ساۋلەلەندىردى

  37 جاستاعى نۇردانا ءادىلقان ءدوربىلجىن اۋدانى قاراەمىل قالاشىعى مال شارۋاشىلىق 2-دۇيىنىڭ تۇرعىنى. 2014-جىلى كەدەيشىلىكپەن كۇن كەشىرۋدى  قالاماعان ول اۋدان قالاشىعىنا كەلىپ جالدانبا جۇمىس ىستەپ، ءبىر جاعىنان بالالارىن وقىتادى.

  نۇردانا: «ول كەزدەگى تۇرمىسىمىز وتە جاپالى ەدى. كۇندىز باسقالارعا كەستە  ورنەگىن سىزىپ بەرسەم؛كەشتە مايعا  العان ۇيدە ەكى بالاممەن بىرگە شوشىرە ءتۇيىپ، ەرتەسى تاڭەرتەڭ ەرەن بازارلارىنا وتكىزىپ، تۇسكەن ازعانتاي اقشامەن كۇنەلتەتىنبىز» دەدى.

  2016-جىلى نۇردانا قۇلىستاي قولونەر-كەستەشىلىك بازارىنا كەلەدى. بۇل ارادا ول ونەرىنە لايىق كەستەشىلىكپەن شۇعىلدانادى دا، كىرىسى مولايىپ، تۇرمىسى بىرتىندەپ جاقسارا تۇسەدى. وسى ورايدا نەشە مارتە جينان، نانجيڭ، سۋجوۋ،شاڭحاي سياقتى جەرلەرگە بارىپ تاربيەلەۋگە قاتىناسقان نۇردانانىڭ وي-ساناسى اشىلىپ، كوز اياسى كەڭي تۇسەدى.

  2017-جىلى نۇردانا ءۇنحات ساۋداسىمەن شۇعىلدانىپ، ينتەرنەتتە ونىمدەرىن ساتا باستايدى. بۇل بارىستا ىلەنىڭ نارات جايلاۋىنداعى قاريداردىڭ 11 ساياحات كيىز ءۇيىن جاساپ بەرۋ زاكازىن جانە  التايدىڭ قاناس كورىنىس رايونىنداعى قاريداردىڭ 9 ساياحات كيىز ءۇيىن  جاساپ بەرۋ زاكازىن بەرۋى ونىڭ ەسىنەن ءالى كەتپەيدى ەكەن. 2018-جىلى ول قولونەر-كەستە بۇيىمدارىن ساتۋدان 100 مىڭ يۋاننان استام كىرىس كىرگىزىپتى، ال بيىل ءبىرىنشى توقساندا ينتەرنەت ساۋداسىنان 100 مىڭ يۋانعا جۋىق كىرىس تاۋىپتى.

  بولاشاعىنا تولىق سەنىم بايلاعان  نۇردانا: «بيىل اۋدان قالاشىعىنان قابات ءۇي ساتىپ الماقشىمىن. قالاداعىلارمەن ۇقساس تۇرمىس كەشىرۋ كوپتەن كۇتكەن ارمانىم ەدى» دەدى.

  ۇزىنبۇلاق مال فەرماسىنداعى بۇلبۇلقان بيىل 30 جاستا. ەكى بالاسى بار، ۇلكەنى 5 جاستا بولسا، كىشكەنەسى 9 ايعا تولىپتى.

  بيىل 4-ايدا ول فەرما ورتالىعىنداعى «سەرىكتەس زاۆود» تا جارىم اي تاربيەلەنگەننەن كەيىن، الدىمەن 3 كۇندە 50 شاۋگىم تۇپتىگىن تىگىپ، 250 يۋان تاپسا، كەيىن تاعى 3 كۇن ۋاقىت جۇمساپ، 100 دانا ورىندىق قابىن تىگىپ، 700 يۋان تاۋىپتى.

  بۇلبۇلقان قۋانا بىلاي دەدى: «بالالار باقشاسى ۇيىمنەن 200 مەتر جەردە،  بالامدى اپارىپ تاستاعان سوڭ، وسى اراعا كەلىپ جۇمىس ىستەيمىن. بۇل ارادا بولسام ۇيىمە قارايلاسۋمەن بىرگە، اقشا دا تابا الامىن. مۇنداي يگى ءىستىڭ بولارىن ويلاماعان ەدىم».

  ۇعىسۋعا قاراعاندا، 2016-جىلى  قالا مەن اۋىلداعى كاسىپ كۇتكەن 34 ايەل قولونەر-كەستەشىلىكپەن شۇعىلدانسا، قازىر 700 دەن اسىپ، جىلدىق ورتاشا كىرىستەرى العاشىندا 1000 يۋانعا دا جەتپەيتىن، قازىر ارتىپ 20 مىڭ يۋانعا جەتكەن.

  «ايەلدىڭ ەردەن نەسى ارتىق،پەيىلىمەن ىستەگەن ءىسى ارتىق» دەگەندەي، كەدەيلىكتەن ارىلتۋدان قامال الۋدىڭ  ساپارىندا ءدوربىلجىن اۋدانىنىڭ اۋىل-قىستاقتارىنداعى از ۇلت ايەلدەرى شەبەر قولدارىمەن تاماشا تۇرمىستى كەستەلەپ، ماڭداي تەرلەرىمەن كىرىستى ارتتىرىپ، اۋقاتتانۋعا ۇمتىلىپ، جارىم اسپاندىق رولدارىن تولىق ساۋلەلەندىرۋدە.



رەداكتورى : ارداق كامالقان قىزى
  
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn