ءتىلشىمىز سۇڭ جيانلياڭ حابارلايدى. 5-ايدىڭ 8-كۇنى ايماقتىق مەملەكەت مال-مۇلكىن باسقارۋ كوميتەتى جانە ءارقايسى اۋدان-قالالىق مەملەكەت مال-مۇلكىن باسقارۋ كوميتەتى بىرلىكتە قارجى قوسىپ قۇرعان تارباعاتاي ساياحاتتى دامىتۋ توبى شەكتى سەرىكتىگى رەسمي ۆيۋەسكا ءىلىپ قۇرىلدى. ايماق باسشىلارىنان ۋاڭ گۋاڭچياڭ، نيڭ شۋەسۇڭ تارباعاتاي ساياحاتتى دامىتۋ توبى سەرىكتىگىنىڭ ۆيۋەسكاسىن ءىلدى.
تارباعاتاي ساياحاتتى دامىتۋ توبى شەكتى سەرىكتىگى ــ تارباعاتاي ايماقتىق مەملەكەت مال-مۇلكىن باسقارۋ كوميتەتى باقىلاپ-باسقاراتىن، ايماقتىق مادەنيەت-دەنە تاربيە جانە ساياحات مەكەمەسى كاسىپتىك جاقتان جەتەكشىلىك ەتەتىن ايماقتاعى ءبىرىنشى تۇردەگى كاسىپورىن سانالادى. سەرىكتىكتىڭ تىزىمگە الدىرعان قارجىسى 101 ميلليون يۋان، مۇنىڭ ىشىندە، ايماقتىڭ جارنا ۇقىعى %65.7ىن، ءارقايسى اۋدان-قالانىڭ جارنا ۇقىعى %4.9 ىن ۇستايدى.
تارباعاتاي ساياحاتتى دامىتۋ توبى شەكتى سەرىكتىگىن قۇرۋداعى ماقسات _ ايماقتىڭ ساياحات بايلىعىن بىرىكتىرىپ، جانداندىرىپ، ساياحات بايلىعىن ءبىرتۇتاس اشىپ، «ساياحات +» كاسىپ سالاسىن دامىتۋ ستراتەگياسىن اتقارۋ. سەرىكتىك جوعارى باستامادان جوبالاۋعا، جوعارى ولشەممەن قۇرىلىس جۇرگىزۋگە، جوعارى ساپامەن قۇرۋعا، جوعارى ونىمدىلىكپەن باسقارۋعا تاباندى بولىپ، تارباعاتايدىڭ مادەنيەت مازمۇنىن كورىكتى تابيعات كورىنىسىمەن جاندى ۇشتاستىرىپ، تارباعاتايدىڭ بوگەنايى بولەك مادەنيەت ـ ساياحات ماركاسى مەن سارا كورىنىس وڭىرلەرىن قۇرىپ، ايقىن وڭىرلىك ەرەكشەلىككە يە ءبىر توپ مادەنيەت ـ ساياحات ونىمدەرىن جاراتىپ، ايماقتىڭ ساياحات ىستەرىنىڭ دارەجەسىنىڭ بارىنشا جوعارىلاۋىن، بارىنشا قارىشتاۋىن، قاۋىرت دامۋىن جۇزەگە اسىرىپ، «ماي بوياۋلى سۋرەتتەي تارباعاتاي، مادەنيەتى وركەندەگەن جەر، تىنىعۋ-كۇتىنۋگە جايلى مەكەن» قۇرۋدى جەدەلدەتۋگە ۇلەس قوسادى ەكەن.
ايماقتىق مادەنيەت-دەنە تاربيە جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ساي حۇڭحۋا: «تارباعاتاي ساياحاتتى دامىتۋ توبى شەكتى سەرىكتىگىن قۇرۋ ــ ايماقتىق پارتكوم مەن اكىمشىلىك مەكەمەسىنىڭ اۆتونوميالى رايوندىق پارتكومنىڭ ‹1+3+3+ رەفورما جاساۋ، ەسىك اشۋ› قىزمەت ورنالاستىرۋى مەن اۆتونوميالى رايوننىڭ، ايماقتىڭ ساياحاتتى دامىتۋ زور جيىنىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ساياحات ارقىلى شينجياڭدى گۇلدەندىرۋ ستراتەگياسىنىڭ تارباعاتايدا تياناقتانىپ تامىر تارتۋىن جەبەپ، ايماقتىڭ ساياحات كاسىبىنىڭ جاپپاي ءتۇرىن جاڭالاپ، دارەجەسىن جوعارىلاتۋ قادامىن جەدەلدەتىپ، ايماقتىڭ ساياحات كاسىبىن دامىتۋدىڭ، زورايتۋدىڭ ماڭىزدى شاراسى سانالىپ، تارباعاتاي ايماعىنىڭ ساياحات بايلىعى مول ايماقتان، ساياحات ەكونوميكاسى قۋاتتى ايماققا اينالۋىندا كەلەلى ءمان الادى» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى