تىلشىلەرىمىز تۇيمەقان يساقان قىزى، زىڭ جاۋمەي، ەرىكتى ءتىلشى ۋاڭ حۋيان حابارلايدى. ساۋان اۋدانى سىداۋحىزى قالاشىعى شيداچۇي قىستاعىنىڭ تۇرعىنى جازيرا جۇمىستانعان 4 ايدان بەرى باسقا ءبىر ادامعا وزگەرىپ كەتكەندەي، ءار كۇنى بويىندا كۇش-قۋاتى تاسقىنداپ تۇراتىن بولدى. جۇمىس ىزدەۋ ءىسىن اۋىزعا العاندا جازيرا تۋىستىق قاتىناس ورناتقان تۋىسى سۇن ۋيحۋاعا العىس جاۋدىرادى.
سۇن ۋيحۋا ساۋان اۋداندىق اۋىل شارۋاشىلىق،اۋىل-قىستاق مەكەمەسىنىڭ سىداۋحىزى قالاشىعىنىڭ شيداچۇي قىستاعىندا تۇراتىن قىزمەت اترەتىنىڭ مۇشەسى، 2018-جىلى ول شيداچۇي قىستاعىنىڭ تۇرعىنى ورالقان زيادا قىزىمەن تۋىستىق قاتىناس ورناتادى،جازيرا ورالقاننىڭ كەلىنى. جايشىلىقتا سۇن ۋيحۋا ورالقانمەن بىرگە اۋىل شارۋاشىلىعىنا ءتيىمدى ساياساتتاردى ۇيرەنسە؛ جازيرامەن بىرلىكتە مەملەكەتتە ءبىرتۇتاس قولدانىلاتىن ءتىل-جازۋدى ۇيرەنەدى، جۇرەك پەن جۇرەكتىڭ توعىسۋى جازيرانىڭ حانزۋ اپەكەسىنە دەگەن سەنىمىن بەكەمدەي ءتۇستى.
2018-جىلى 11-ايدىڭ ءبىر كۇنى جازيرا سۇن ۋيحۋاعا سىرتقا شىعىپ جۇمىس ىستەۋ ويىنىڭ بار ەكەنىن ايتادى، بىرنەشە جىلدان بەرى جازيرا وتباسىندا بالاسىنا قاراپ،تەك قانا كۇيەۋىنىڭ ۋاقىتتىق جۇمىس ىستەپ تاپقان اقشاسىنا سۇيەنىپ، قوڭىر قالتا تۇرمىس كەشىرىپ كەلگەن ەدى. قازىر بالاسى ەسەيىپ قالعاندىقتان، ونىڭ سىرتقا شىعىپ جۇمىس ىستەۋىنە بولاتىن.
جازيرانىڭ جۇمىس تاۋىپ ىستەۋ ويىنىڭ بار ەكەنىن بىلگەننەن كەيىن، سۇن ۋيحۋا توراپتان جانە تانىستارىنان قىزمەتكەر قابىلداۋ ينفورماتسياسىن سۇراستىرۋمەن بىرگە، جازيرانى ەرتىپ ءدارى-دارمەك دۇكەنى، كيىم-كەشەك ساتۋ دۇكەندەرى جانە شاعىن اسحانا سياقتى ادام ىستەتەتىن ورىنداردى ءبىر-بىرلەپ ارالاپ، ءبىر-بىرلەپ سۇراستىرىپ، ەڭ سوڭىندا اۋدانداعى بالكۇلشە دۇكەنىنەن ويداعىداي قىزمەت تاۋىپ بەرەدى.
جۇمىس ىستەۋىنە قولايلى بولۋ ءۇشىن جازيرا ەكى بالاسىن الىپ، اۋداندا تۇراتىن ەنەسىنىڭ ۇيىنە كوشىپ كەلىپ باقىتتى جاڭا تۇرمىسىن باستايدى. جازيرا قۋانىشتى بەينەمەن: «قازىرگى جۇمىسىمدى وتە جاقسى كورەمىن، بالالارىمدى مەكتەپكە اپارىپ-اكەلەتىن بولدىم ءارى ايىنا 2700 يۋان ەڭبەكاقى الامىن، وسى ارادا جالعاستى جاقسى ىستەيمىن» دەدى.
سۇن ۋيحۋا: «جازيرا مەن ەنەسى بىرگە تۇرىپ، ءوزارا قارايلاسۋمەن بىرگە، وتباسى كىرىستەرى دە ارتتى، ءبىر ءۇيلى جان تاتۋ-ءتاتتى تۇرمىس كەشۋدە، مەن ولار ءۇشىن قۋانامىن» دەدى.
شيداچۇي قىستاعىنىڭ ءبىرىنشى شۋجيى، ساۋان اۋداندىق اۋىل شارۋاشىلىق، اۋىل-قىستاق مەكەمەسىنىڭ سىداۋحىزى قالاشىعىنىڭ شيداچۇي قىستاعىندا تۇراتىن قىزمەت اترەتىنىڭ باستىعى لۋ ياۋيۋ: «جازيراعا كومەكتەسىپ، كاسىپتەنۋ ارمانىن جۇزەگە اسىرعانىمىزعا ودان بەتەر قۋاندىق، تابىس سەزىمىنە كەنەلدىك. بۇقارانىڭ قيىنشىلىعىن شەشىم ەتۋ ‹ۇعىسۋ،تيىمدىلىك جاساۋ، توعىستىرۋ› قىزمەت اترەتىنىڭ مىندەتى، ءاربىر بۇقارانىڭ قيىنشىلىعىن، ءوتىنىشىن مۇقيات شەشىم ەتۋ قىزمەت اترەتىنىڭ ەڭ ۇلكەن ارمانى» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى