ءتىلشىمىز ايان قايرات ۇلى، ۇسىنىس ەتىلگەن ءتىلشى سۋ گاڭۋي حابارلايدى. زاڭ بويىنشا مىندەت اتقارعان حالىق ساقشىسىنىڭ اۆتوكولىگىن تەكسەرگەنىنە كەكتەنىپ، ابىرويىم توگىلدى دەپ قاراعان جىگىت اراق ىشكەننەن كەيىن ءۇنحاتتا حالىق ساقشىسىن ياناتتاپ، كوپە-كورنەۋ جالا جاۋىپ، سوڭىندا ءوزىنىڭ زاڭعا قايشىلىق جاساعان ارەكەتى ءۇشىن بوداۋ بەرىپ، 15 كۇن قاماي تۇرۋ جازاسى بەرىلدى.
ۇعىسۋعا قاراعاندا، 2 -ايدىڭ 15-كۇنى ساعات 00:00 مولشەرىندە، ساۋان اۋداندىق قوعام حاۋىپسىزدىگى مەكەمەسى توراپ حاۋىپسىزدىگىن باسقارۋ ۇلكەن اترەتىنىڭ حالىق ساقشىسى قىزمەت بارىسىندا، توراپ اتى «默然而立» دەگەن ءۇنحات ابونتى حۋ xx دوستىق شەڭبەرىندە مىندەت اتقارعان حالىق ساقشىسىن ياناتتاپ، مازمۇنى ەرەكشە ورەسكەل سوزدەر جازىپ، ناشار قوعامدىق ىقپال تۋدىرعانىن بايقاعان. سول كۇنى كەشتە تەكسەرىپ راستاعاننان كەيىن، ياناتتاعان حۋ xx ساقشى جاعىنان شاقىرىلىپ، تەكسەرۋگە الىنعان.
تەكسەرىپ، انىقتاۋ ارقىلى زاڭعا قايشىلىق جاساعان قىلمىس كۇماندىسى حۋ xx، ەر، 33 جاستا، ساۋان اۋدانىنىڭ تۇرعىنى، جەكە كاسىپكەر ەكەنى انىقتالادى.
2-ايدىڭ 4-كۇنى ساعات 23:00 مولشەرىندە حۋ xx ايەلىمەن بىرگە ۇلكەندەرگە امانداسا بارىپ، مەرەكەسىنە قۇتتى بولسىن ايتىپ، قايتىپ كەلە جاتقان جولدا، تۇنگى تەكسەرۋ مىندەتىن اتقارىپ جاتقان قاتىناس ساقشىلارىنا جولىعادى، قاتىناس ساقشىلارى حۋ xx دىڭ ايەلى جۇرگىزىپ كەلە جاتقان اۆتوكولىكتى تەكسەرگەننەن كەيىن، اراق ءىشىپ العان حۋ xx حالىق ساقشىلارىنا كەكتەنەدى. ۇيىنە قايتىپ بارعان سوڭ، حۋ xx ءۇنحات دوستىق شەڭبەرىنە حالىق ساقشىلارىن ياناتتاپ، جالا جاۋىپ، بالاعاتتاپ، اشۋىن تارقاتادى.
كەزەكتە، حۋ xx تارتىپكە قايشىلىق جاساعاندىعى سەبەپتى، ساۋان اۋداندىق قوعام حاۋىپسىزدىگى مەكەمەسى جاعىنان زاڭ بويىنشا اكىمشىلىك جاقتان 15 كۇندىك قاماي تۇرۋ جازاسى بەرىلدى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى