سپورتپەن شۇعىلدانىپ، ءومىرىمىزدى شاتتىققا بولەيىك

_ ايماقتىق قاۋىرسىن دوپ قوعامى 2018-جىلدىڭ سوڭىنداعى قاۋىرسىن دوپتىڭ كوللەكتيۆ جارىسىن وتكىزدى

  جۋىقتا تارباعاتاي دەنە تاربيە ورتالىعىنىڭ جاتتىعۋ الاڭىندا كوپشىلىك جەڭىل كيىنىپ، قاۋىرسىن دوپ جارىسىنا قاتىناستى، قىزعىندى جارىس مايدانى مەن قار-مۇز قۇرسانعان ارايلى القاپ ءوزارا جاراسىم تاپسا، جارىسقا قاتىناسۋشىلاردىڭ ەلگەزەك قيمىلى مەن قاۋىرسىن دوپ ويناۋ تەحنيكاسى جارىس مايدانىن دۋمانعا بولەدى.

  سول كۇنى ايماقتىق قاۋىرسىن دوپ قوعامى 2018-جىلدىڭ سوڭىنداعى قاۋىرسىن دوپتىڭ كوللەكتيۆ جارىسىن وتكىزىپ، ءار سالا، ءار كاسىپتەن 34 سپورتشى 11 كومانداعا ءبولىنىپ جارىسقا قاتىناستى.

  جارىستا ەكىنشى دارەجەلى سيلىققا يە بولعان چىڭ يۋە: «قاۋىرسىن دوپ ويناۋعا قىزىعامىن، جايشىلىقتا قىزمەتتەن قولىم بوساي قالسا، قاۋىرسىن دوپ ويناپ، كوڭىلىمدى سەرگىتەمىن» دەدى.  

  ايماقتىق قاۋىرسىن دوپ قوعامىنىڭ باستىعى فان گاۋفىڭ: «جارىسقا قاتىناسقاندار قاۋىرسىن دوپ ويناۋ تەحنيكاسىن ءوزارا ۇيرەنۋمەن بىرگە، سۇيىسپەنشىلىكتەرىن تەرەڭدەتتى. ءبىز الداعى جەردە وسىنداي جارىستاردى ءجيى ۇيىمداستىرىپ، ءتىپتى دە كوپ ادامنىڭ قاۋىرسىن دوپ ويناۋىنا شارت-جاعداي جاراتامىز» دەدى.

  سۋرەتتە: جارىسقا قاتىناسقاندار سۋرەتكە ءتۇسىپ،ەستەلىك قالدىردى.
  سۋرەتىن تارتىپ،حابارلاعان ءتىلشىمىز سۇڭ جۇنفاڭ، ەرىكتى ءتىلشى ۋاڭ لۋران

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى