جاساسىن دوستىق

دوس دەگەن قانداي كەرەمەت اتاۋ جاعىمدى،
وزىڭنەن ارتىق تۇسىنەر وي مەن جانىڭدى.
ار-نامىس اتتى سوتىما بەرگەن سەرتىم بار،
دوستارىم ءۇشىن قيۋعا شىبىن جانىمدى.

دوس جايلى وسەك-اياڭدى جيىپ- تەرمەيمىن،
ويتكەنى دوستان باسقاعا وڭاي سەنبەيمىن.
ارمانى اسقاق، ەل-جۇرتىم ءۇشىن قادىرلى،
دوستاردى ۇلتقا،رۋعا جىكتەپ بولمەيمىن.

توبىرلار جۇرگەن ورتانى كەسىپ وتپەيمىن،
جالاقورلاردان كۇنشىلىك جەردەن شەتتەيمىن.
جارتاستى جارعان تاسجارعان سىندى رۋحىم،
جاقىنداپ تانى،
الىستاپ ۇزاپ كەت،مەيلىڭ...

قىم-عۋىت قيىن قۇبىلىستارمەن بەتتەسىپ،
شىڭدالىپ ءوستىم داۋىل مەن قىزىل وت كەشىپ.
قاجەتى بولسا دوستارىم ءۇشىن ەگەردە،
قانىمدى سارقىپ،ەتىمنەن بەرەم ەت كەسىپ.

ويلارىم ورتاق مەيىرلى جاننىڭ بارىنە،
قوسىلىپ كەتەم بەرەكەلى ەلدىڭ انىنە.
مەن ءۇشىن دوستىڭ بارلىعى بىردەي:
بالا ما،
ءبۇلدىرشىن جاس پا،ەگدە مە،
                          الدە كارى مە؟!
دوسىم بار كۇيشى، قورعاعان وتان نامىسىن،
دوسىم بار مالشى، جاڭعىرتىپ جۇرگەن تاۋ ءىشىن.
دوسىم بار شاڭحاي، بەيجيڭ مەن سوناۋ شياڭگاڭدا،
دوسىم بار ديقان تەر توگىپ جۇرگەن نان ءۇشىن.

دوسىم بار عالىم، جان بەرىپ جۇرگەن جانسىزعا،
دوسىم بار جومارت، نان بەرىپ  جۇرگەن نانسىزعا.
تىلدەرى باسقا،دىلدەرى جالعاس دوسىم بار،
گۋاڭشي،
ىشكى موڭعۇل مەن
 تيبەت،
گانسۋدا...
اياۋلى اسىل دوسىم بار بارلىق سالادا،
شەكارا شەپتە،وي مەنەن قىردا،قالادا.
مەندەگى باردىڭ بارلىعى  ورتاق سولارعا،
دوستارىم ءۇشىن جانىم دا، قانىم ساداعا.

كىسىلىك دەگەن ادالدىقپەنەن ولشەنەر،
ەجەلدەن ادال جاندارعا عانا ەل سەنەر.
زەرتتەپ كور مەنى،اعايىن،تۋىس،ءاز حالقىم،
دوستىقتىڭ قانداي بولارىن بىلگىڭ كەلسە ەگەر...

العان سوڭ شىرماپ سانانى جالعان سان كۇدىك،
ۇقسىن با دوستىڭ قادىرىن بىتەۋ،اڭگۇدىك.
سارقىلماس مۇلدە رۋحي كۇشتىڭ تۇنباسى،
جاساسىن دوستىق ادامدار ارا ماڭگىلىك!
ءار ۇلتتار ارا ماڭگىلىك!

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى