بەيسەنباي ساۋىت ۇلى
الىپ وتان،انا وتان،مەيىرلىسىڭ،
ءوزىڭ بەردىڭ ءناردى دە،مەيىردى شىن.
ميللياردتىڭ ۇلىسى،ۇلاعاتى،
الەمگە دە شۋاقتى، پەيىلدىسىڭ.
الىپ وتان،اق بۇلاق سارقىراعان،
اق نيەتىڭ بارىنە سارقىلماعان.
ۇلتتاردىڭ ىنتىماق گۇلىن اشىپ،
كۇللى الەمدە كوز تارتا جارقىراعان.
قۇشاعىڭدا قۇشىپ - ءسۇيىپ پاراسات،
پاراساتىم اسپاننان دا ارى اساد.
ارايلىسىڭ اسقار تاۋداي بارىنە،
جانىم جاز بوپ جايساڭىڭا جاراساد.
قانات قاقتىم بيىگىڭە تالىقپاي،
قىرانىڭمىن سامعاپ ۇشقان شارىقتاي.
سوندىقتان دا الىپ وتان ءوزىڭنىڭ
توپىراعىڭدى قادىرلەيمىن جالىقپاي.
الىپ وتان ارداقتىسىڭ،ارىمسىڭ،
باقىتىمسىڭ باسىمداعى باعىمسىڭ.
دۇنيەنى باۋراپ الدىڭ نۇرلانىپ،
جۇرەگىمدە جانىپ تۇرعان شامىمسىڭ.
الىپ وتان جانارىڭنان جازبايمىن،
اسپانىڭدا سامعاپ ۇشقان قازدايمىن.
كەيبىرەۋلەر كەرى تارتىپ كەر باقسا،
شىبىن جانىم شىعىپ كەتە جازدايمىن.
ءوز شاتتىعىڭ كوڭىلىمدە كۇي ەسسە،
ءوز باقىتىڭ جۇپار شاشىپ گۇل وسسە.
قاسكويلەردى باستىرمايمىن قاسىڭا،
مەن قاھارمان قورعاپ تۇرعان كۇزەتتە.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى