ەەڭ جاڭا مازمۇندار
تارتىمدى كونسەرت نومىرلەرىن قويدى
بيىل شاۋەشەك اۋەجايىنىڭ تاسىمال مولشەرى 260 مىڭ ادام رەتتەن استى
مەملەكەتتە ءبىرتۇتاس قولدانىلاتىن ءتىل-جازۋ ۇيرەنۋ قيمىلىن ورىستەتتى
دەنساۋلىق اقاۋسىزدىعىن قورعاۋ جونىندە كەڭەس بەرىپ، بۇقارانىڭ القاۋىنا بولەندى
208 پارشا ۇگىت ماتەريالىن تاراتىپ، ءار ۇلت بۇقاراسىنا شىنايى قىزمەت وتەدى
كاسىپتىك سەلبەستىك كووپەراتيۆ شارۋالاردىڭ كىرىسىن ارتتىردى
«ءۇش ءتۇرلى كۇشتى»، «ەكىبەتكەيلەردى» ادا-كۇدە باتىل الاستايمىن
شينجياڭنىڭ قوعام ورنىقتىلىعى مەن باياندى تىنىشتىعىن ءىس جۇزىندىك ارەكەتىم ارقىلى قورعايمىن
پارتيانىڭ مەيىر-شاپاعاتىن ەستە بەرىك ساقتاپ، پارتياعا ىلەسەمىن، ۇلتتار ىنتىماعىنىڭ باستاۋشىسى بولامىن
جوعارى ورەلى ەمدەۋ قىزمەت وتەۋىنەن يگىلىكتەندىردى
ايماق ورنىقتىلىق قىزمەتى ءماجىلىسىن اشتى
ايماقتىق پارتكومنىڭ وزەكتى گرۋپپاسى 39-رەتكى كوللەكتيۆ ۇيرەنۋىن وتكىزدى
1990-جىلدىڭ تۇلەگى قىستاق تۇرعىندارىن اۋقاتتانۋعا باستادى
2019-جىلعى ءىشىنارا مەرەكە-دەمالىس كۇندەرى جونىندەگى ورنالاستىرۋدى جاريالادى
ايماقتىق پارتكومنىڭ وزەكتى گرۋپپاسى 38-رەتكى كوللەكتيۆ ۇيرەنۋىن وتكىزدى
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
2018-جىلى 12-ايدىڭ 14-كۇنى 277-سان
2018-جىلى 12-ايدىڭ 13-كۇنى 276-سان
قىزمەت اترەتى قىستاق تۇرعىندارىن اۋقاتتانۋ جولىنا باستادى
قاراستى رايونداعى تۇرعىنداردىڭ حاۋىپسىزدىك تانىمىن بارىنشا جوعارىلاتتى
اۋىل شارۋاشىلىق ماشينالارىن وندىرەتىن كاسىپورىننىڭ ءوندىرىس قۋاتى ارتتى
ءار ۇلت حالقىن رەفورما جاساپ، ەسىك اشۋدىڭ جەتىستىكتەرىنەن شىنايى يگىلىكتەندىردى
زاڭ بىلىمدەرىنەن ساباق ءوتتى
پارتيانىڭ ابزال ساياساتىن حالىق جۇرەگىنە تەرەڭ ۇيالاتۋىن ءۇمىت ەتتى
جۇمىسشى-قىزمەتكەرلەردىڭ قىس مەزگىلىندەگى مادەني تۇرمىسىن بايتتى
«الەۋمەتتىك اۋماق ءبىزدىڭ جىلى جانۇيامىز»
اكىمشىلىك مەكەمەسى 2018-جىلعى 36-رەتكى پارتگرۋپپا (كەڭەيتىلگەن) ءماجىلىسىن جانە 28-رەتكى ۋاليلەر قىزمەت ءماجىلىسىن اشتى
جەرلىك ۇگىتشىلەردىڭ ۇگىت-لەكسيا جارىسى ءوتتى
شينجياڭنىڭ «ءتورت تاريحىن» دۇرىس تانىپ، قوعام ورنىقتىلىعى مەن باياندى تىنىشتىعىن باتىل قورعايىق
تيجارات-ساۋدا ورتاسىن جاقسارتۋ جاعىندا نىق قادام باسقاندىعىن ايگىلەيدى

شابىتسىز ءتۇن

جولدانعان ۋاقىتى : 2018/10/29 11:30:01

جاڭ حايدي

  ۇستەل الدىندا اڭتارىلىپ وتىرمىن، قولىمدا قالام، ويىمدا قىبىر ەتكەن ەلەس بىلىنبەيدى. شابىتتان ەشقانداي سىبىس جوق، جازايىن دەپ ويلاعاندارىم لەزدە عايىپ بولدى، ال، قالعان سارقىنشاعى كەڭىستىكتە توڭكەرىلە قالىقتاعان قاۋىرسىنداي ءبىر جەرگە بارىپ  ءتۇسىپ جاتقان ءتارىزدى.
   شابىت،تەگى، قايدا كەتتى؟
   شابىت دەگەن نە؟
   اۋىر ويعا باتىپ وتىرمىن.

  ءدال وسى كەزدە ماحابباتقا مالشىنىپ جۇرگەن جايىم ويىما ورالا كەتتى. كۇن سايىن دەرلىك ماعان ىستىق ىقىلاسقا تولى حات كەلىپ جاتىر، ءوزىم دە كۇن سايىن شىن ىقىلاستى بەينەدە حات جازۋمەن ابىگەرلەنىپ ءجۇرمىن. مىنە، تۇندە دە حات جازىپ وتىرمىن، اينالا جىم-جىرت،قالامىم جورعالاپ ءجۇرىپ جاتىر، تاسىعان وزەندەي كۇركىرەپ، الىپ تەڭىزدەي تولقىمايىنشا باسەڭدەيتىن ەمەسپىن، ءتىپتى، ءدۇبىرى جەر جارعان ەكپىندى اتتاي شاۋىپ كەلەمىن. وي تۇبىندە قاربۋى قانىپ، قالاناتىن ورنىن ءداپ باسىپ، ادەمى ورنەكتەلىپ شىققان ءسوز لەگى قالامنىڭ ۇشىنان قاعازعا توگىلىپ جاتىر، جۇرەك قىلىن كەيدە قاتتى باسىپ جىبەرگەن سەكىلدىمىن، ويتكەنى، ماحاببات تۋرالى كوپ سارناپ كەتەتىندەي ءبىلىنىپ وتىر، قالامىم ءالى جورعاسىنان تانبادى، جۇرەك ايدىنىندا سانسىز ادەمى جۇلدىز كوتەرىلىپ كەلەدى. مەن تىنباي جازىپ وتىرمىن:
  ــ مەن سەنى سۇيەمىن، ماڭگى سۇيەمىن، ماڭگى سۇيەمىن سەنى، ـ دەپ ءالى جازىپ وتىرمىن، كوڭىل كۇيىم كوك شارپىپ، ۋاقىتتان، كەڭىستىكتەن الدەقاشان اسىپ كەتتى. اسپاندا ارايلى ساۋلە قالىقتاپ، قۋراعان جاپىراقتىڭ ساۋدىراپ، جەر بەتىندە ۇشىپ جۇرگەنىنىڭ ءوزى ءبىر رومانتيكا. وعان شىنىمدى ايتقىم كەلەدى،كوك گاۋھار تاستاي ايدى كوردىم. ءالى تىنباي جازىپ وتىرمىن، جۇرەگىم تاسقىنداي ورگە شاپشىپ، اپپاق بۇيرا تولقىنداي جوڭكىلەدى. شاعالا شاتتانىپ انگە باسادى، عاجاپ، ونان سوڭ، جانارىما مولتىلدەگەن جاس كەلەدى. اۋرۋ ازابىن وعان ايتقىم كەلەدى، ەجەلدەن ءتىس جارىپ، ناۋقاسىمدى ەشكىمگە ايتپاعان ەدىم، ەندى ايتۋعا ابدەن بەكىپ وتىرمىن.

  رومانستىڭ بيىنەن سەرگىپ ەسىمدى جيعان ەدىم، چايكوۆسكيدىڭ: «قايعىلى انىنەن» مۇڭعا باتىپ بارامىن. اقىرىن ءجۇرىپ كەلەمىن. تابانىمنىڭ استىندا التىننىڭ جارقىراعان سارى قيقىمدارى، ول كۇزدىڭ سوڭىندا ساۋدىراپ تۇسكەن جاپىراق ەدى. قارسى الدىمدا مۇنارتقان اق ءۇي كورىنەدى. مەن سول اق ءۇيدىڭ بىرەۋىنە بارىپ كىرەمىن، كىرگەندە قانداي، وپەراتسيا جاسايتىن توسەككە بارىپ جاتامىن. اق حالەتتى پەرىشتە كىرىپ كەلە جاتىر. قاي جەرىمدى كەسىپ، قاي جەرىمدى تىگەر ەكەن. ەجەلدەن ءتورت مۇشەسى ءبۇتىن جان ەمەسپىن… دەپ ەسكەرتتىم وعان.

  ونىڭ حاتىندا: «باسقاسى ماڭىزدى ەمەس، ەڭ ماڭىزدى ماسەلە سەنىڭ تىرشىلىك ەتە ءبىلۋىڭنىڭ مانىندە بولىپ وتىر» دەلىنىپتى.

  مەنىڭ دە جازىپ وتىرعانىم سول تىرشىلىك، ءبارى ەسىمدە، قولتاڭبام بادىرايىپ ءتۇسىپ جاتىر، رۋحاني دۇنيەم ماقالاعا، ماقالام كىتاپقا اينالىپ بارادى.

  شابىتسىز ءتۇندى تالاي وتكىزدىم. اپپاق قاعازعا، ەكىنىڭ بىرىندە تەسىلە قاراپ، نەگە جازاسىڭ، تەگى، نە جازاسىڭ؟ دەپ وزىمە ءوزىم سۇراۋ قويا بەرەمىن. رۋحاني دۇنيەمدى تۇيگىلەگەن جاۋاپكەرشىلىك سەزىمى مەنى ەرەن سالماقتى بولۋعا جەتەكتەيدى دە، ادەبيەت الەمىنە قاراي شەككەن ساپارىمنىڭ دا سونشاما كەدىر-بۇدىر بولاتىندىعىن اڭعارتادى. وسىنداي تۇندە ويعا نە تۇسپەيدى دەيسىڭ،ءبىر ەمەس، ون نەشە  ەمەس، اۋەلى دەسەڭ، نەشە ونداعان كىتاپتى جازىپ ۇلگىرگەن  ادەبيەتتىڭ الىپ شەبەرى تولستويدىڭ مىناداي ءسوزى ەسىمە ورالا كەتتى: «جازۋشىنىڭ ءبىر تامشى سياسى ءوز قانىمەن بىرگە تۇلا بويىنا تاراپ جاتادى». سول كىتاپتان مەن مىنانى ۇيرەندىم: جازۋشىلىقتىڭ ءوزى ازاپ، كوڭىلگە تاۋقىمەت سالىپ، تىنىشىڭدى كەتىرەدى، شالقىتىپ، شارتاراپتان تۇيگىلەيدى، جازۋشى بولامىن دەگەن ادام ازاپتان ارىلا المايدى، سوندىقتان ول جازۋشىلىق جولىندا ازاپ تارتۋدان، مۇلدە، تايسالماۋى كەرەك. وي دۇنيەڭدى، سەزىمىڭدى بەينەلەيمىن دەسەڭ، وسىنداي ازاپتى بارىستىڭ بولاتىندىعىن ەسىڭنەن شىعارما، قالامىڭدى ۇشتاپ، جازۋعا كىرىس. مەنىڭشە، جازۋشىلىق جىبەك قۇرتىن وسىرگەن ءتارىزدى، ءوزىڭدى-ءوزىڭ شىرماعانىڭمەن، ءوزىڭنىڭ وي ءورىسىڭدى ءوزىڭ كەڭەيتەسىڭ، ءوزىڭدى ءوزىڭ كەمەلدەندىرىپ وتىراسىڭ.

  شابىتسىز تۇندە: تورىعاسىڭ، قاجيسىڭ، كەييسىڭ، ۇمىتسىزدەنەسىڭ، وسىنداي بارىستى قانشا قايتالاعانىم انىق ەسىمدە جوق. ءالى دە قولىمنان نە كەلەدى، شابىت سوندا دا كەلمەسە، ومىرىمدە ونىڭ قانداي ءمانى بولماق؟ بۇل جاعى ماعان ناعايبىل. تىرشىلىك دۇنيەسىندە ادام تولىپ جاتقان سىرلى جۇمباققا كەزدەسەدى. كەيبىرىن زەرتتەپ شەشەسىڭ، كەيبىرى شەشىلمەي، ماڭگى جۇمباق كۇيىندە قالادى. شابىت تا وسى جۇمباق تارىزدەس. كەيدە ول ءىز-دەرەگى بىلىنبەيتىن كوبىكتەي ويىڭدا قالقىپ جۇرەمە دەپ توپشىلايمىن، بىردە كومەسكى، بىردە كورنەۋ سەكىلدەنەدى دە، لەزدە عايىپ بولادى، كونەسى ءبىرجولاتا شىم باتىپ، جاڭاسى بەلەڭ بەرەدى، ۋاقىت قاس قاققانشا كوز الدىڭنان زىمىراپ ءوتىپ جاتادى. جۇلدىز تاستىڭ اسپاننان جاڭبىرداي ءتۇسىپ جاتقانىن كوردىم، سانسىز جۇلدىز اعىپ تۇسەدى دە، قايتادان سامسىپ شىعا كەلەدى. مەن قۇلاپ بارامىن، اقىرىندا، بولىمسىز ساۋلە كوتەرىلىپ كەلەدى.

  شابىتسىز ءتۇنى قاجىماس قايسارلىقپەن تورىعۋشىلىققا، ۇمىتسىزدىككە قاسقايا قارسى شاۋىپ، قالامىمدى قولىمدا بەرىك ۇستاپ وتىرمىن، نەگە، نەگە دەسەڭىز، سوناۋ شالعاي قيىردان كۇلىمدەپ كۇننىڭ شىعىپ كەلە جاتقانىن كورىپ تۇرمىن…
  اۋدارعان-ساعات جايپاق ۇلى

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى