ءابىلقايىر اقباي
بولعان سوڭ رۋحىڭنىڭ باي اسەرى،
وتانىم جىرعا قوستىم جانە سەنى.
جاراسا قاجەتىڭە بارىم دايىن،
جارالعان ءبىر ءوزىڭ دەپ جان وسى ەدى.
ءبىر سەندەي ىستىق قورمال بولماسا انام،
ءوزىڭسىز قايتىپ جورىق، جول باسا الام.
جەتەدى قادىرىنە بۇل قوعامنىڭ،
ءومىردى وتكەن-كەتكەن ويلاسا ادام.
ءبۇر جاردىم وتان اتتى ۇلى باقتان،
ەتەمىن ءومىر بويى مۇنى ماقتان.
مىنەكەي،الپىس توعىز جىل ءوتىپتى،
اتقالى بوساعاڭنان كۇلىپ اق تاڭ.
ۇقىققا،بورىشقا دا بولدىق يە،
تولقيمىن تورقالى وسى توي كۇنىمدە.
تەربەلدىك ءبىر بەسىكتە ەلۋ التى ۇلت،
نە جەتسىن تەرەزەنىڭ تەڭدىگىنە.
ورنىقتى بەيبىت ورتا كوپ تىلەگى،
ەرتەڭگە دامىعان ەل بەت تۇزەدى.
ارداقتى پارتيانىڭ ارقاسىندا،
حالىقتىڭ جەتپەگەنگە جەتتى قولى.
ومىردە بولسا نە قۇبىلىستار،
تۋىمسىڭ قولىمداعى بيىك ۇستار.
كەيىنگى قىرىق جىلدىق ساپارىڭدا،
جاسادىڭ عالامات زور بۇرىلىستار.
جۇرۋگە جالپاق جاھان قىزىعارلىق،
قالدى ارتتا قۇس جولىنداي ءىزىڭ انىق.
قارت تاريح قاراشىعى نۇرعا تولىپ،
قارادى قۋانىشتان ءجۇزى جانىپ.
قۇرالعان مۇعجيزالى مول تاراۋدان،
تاريحىڭ اشىلادى توم-توم الدان.
ءشۇباسىز ءبىر ءوزىڭدى ۇيتقى ەتەدى،
بولاشاق _ ورتاق الەم،ورتاق ارمان.
جۇرەگىم وزىڭە ءتان تيەسىلى،
تۇلعا بوپ تۋعان جەرسىز كىم وسەدى.
جۇرگەنىم بۇگىن اقىن كىسىمىسىپ،
وتاننىڭ كىندىك كەسكەن كيەسى ەدى.
اسپاننان ايى شىعىپ، كۇنى تۋعان،
قۇرىشتاي ار-نامىستان قۇنى تۇرعان.
جاساي بەر ۇرپاعىڭا ماقتانىش بوپ،
وتانىم، ارقا تىرەك، ۇلى تۇلعام.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى