ەەڭ جاڭا مازمۇندار
2018-جىلى 11-ايدىڭ 13-كۇنى 250-سان
2018-جىلى 11-ايدىڭ 12-كۇنى 249-سان
2018-جىلى 11-ايدىڭ 10-كۇنى 248-سان
«ءبىز قىزمەت اترەتىنە العىس ايتامىز»
مۇقيات حالىق تۇرمىسى قۇرىلىسى نىساندارىنا تەكسەرۋ-زەرتتەۋ جۇرگىزدى
ءدوربىلجىن اۋدانىندا اۋلاعا ەگىلگەن ساپالى جەمىس-جيدەك، كوكونىستەردى سارالاۋ جارىسى ءوتتى
مەملەكەتتە ءبىرتۇتاس قولدانىلاتىن ءتىل-جازۋدى ۇيرەنۋ ارناۋلى ايدارى
2018-جىلى 11-ايدىڭ 9-كۇنى 247-سان
2018-جىلى 11-ايدىڭ 8-كۇنى 246-سان
2018-جىلى 11-ايدىڭ 7-كۇنى 245-سان
ماقتا تەرۋ قىزمەتى ءساتتى اياقتالدى
حالىق بۇقاراسىنا پارتيا مەن ۇكىمەتتىڭ قامقورلىعىن سەزىندىردى
قىستاق تۇرعىندارىنىڭ قيىنشىلىقتارىن شەشىم ەتىپ كەلەدى
شۇعىل جاعدايعا توتەپ بەرۋ بىلىمدەرىن تولىقتىردى
قارامايلى-شاۋەشەك تەمىر جولى ءبىرىنشى مەرزىمدىك قۇرىلىسىنىڭ رەلس توسەۋ جۇمىسى ءساتتى اياقتادى
مەن وقيتىن بولدىم
قىزمەت اترەتىنە ءدان ريزامىز
ورتانى قورعاۋ جاياۋ ءجۇرۋ قيمىلىن ورىستەتتى
ءار ۇلت حالقىن اۋقاتتانۋ جولىنا باستادى
مادەنيەتتى كولىك جۇرگىزۋىنە جەتەكشىلىك ەتتى
ەرىكتىلەر تۇرعىندار شاعىن رايونىنداعى قوقىر-قوقسىقتاردى تازالادى
ايماقتىق پارتكوم مۇشەلەر (كەڭەيتىلگەن) ءماجىلىسن اشتى
وتانشىلدىق سەزىمدەرىن تاسقىنداتتى
پارتيانىڭ ءتيىمدى ساياساتىن جەتكىزدى
ەكولوگيالىق وركەنيەت قۇرىلىسىن بار كۇشپەن ىلگەرىلەتتى
ءتورت تۇلىك مالدىڭ قىس قىرىنان امان وتۋىنە كەپىلدىك ەتتى
حالىق تۇرمىسىنا تيىمدىلىك جاساۋ نىسانى قۇرىلىسىن قاۋىرت جۇرگىزۋدە
شۋە بين شاۋەشەك قالاسىندا كەدەيلىكتەن قۇتىلدىرۋدان قامال الۋ قىزمەتىنە تەكسەرۋ-زەرتتەۋ جۇرگىزدى
2018-جىلى 11-ايدىڭ 5-كۇنى 243-سان
2018-جىلى 11-ايدىڭ 3-كۇنى 242-سان

«اعامنىڭ قامقورلىعى كوكەيىمنەن كەتپەيدى»

جولدانعان ۋاقىتى : 2018/9/26 19:09:14

ءتۇسىرۋ
«اعامنىڭ قامقورلىعى كوكەيىمنەن كەتپەيدى»

  ۇسىنىس ەتىلگەن ءتىلشى تاۋلە قۇماش ۇلى حابارلايدى. 7-ايدىڭ سوڭعى ءبىر كۇنى شاعانتوعاي اۋدانى جيەك قالاشىعىنىڭ سارىبۇلاق قىستاعىنا بارعانىمدا جول بويىنداعى قوقسىق ساندىقتى اۆتوكولىككە تيەپ جاتقان كورىنىستى فوتواپپاراتقا ءتۇسىرىپ، قىستاقتىڭ ورتا تازالىعى تۋرالى ۇعىسپاقشى بولعانىمدا كولىكتىڭ شوفەرى: «الىستان كەلگەندە الدىمنان شىققان اعامنىڭ ماعان ىستەگەن قامقورلىعى كوكەيىمنەن كەتپەيدى، جاڭا ۇيگە كەلىپتى سوعان بارعالى جاتىرمىن، قايتا بىرگە بارىپ، اعاممەن بولعان  ەتەنە سۇيىسپەنشىلىگىمىزدى جازساڭىز جارار ەدى» دەگەن سوڭ ونىمەن بىرگە ۇيىنە باردىم.

  قىزىل قاڭىلتىرمەن توبەسىن قاپتاعان ەڭسەلى تاس كەرپىش ءۇيدىڭ ەسىك الدىندا توسىپ تۇرعان ەلۋدى ەڭسەرگەن قىزىل سارى قازاق ازامات قۇشاقتاسىپ امانداسىپ، ءبىر- ءبىرىنىڭ اماندىعىن سۇراپ، شۇيىركەلەسە ءبىزدى باستاپ ۇيىنە كىرگىزدى.

  مەنى ەرتىپ بارعان حانزۋ جولداستىڭ اتى چىن دىليڭ ەكەن، ول ماعان: «مىنا كىسى كارىم قادىر ۇلى بولادى، بۇل كىسى مەنىڭ تۋعان اعامداي بولىپ كەتتى، التى كەزەك سارىبۇلاق قىستاعىنىڭ باستىعى بولعان، قازىر قىستاق پارتيا ياچەيكاسىنىڭ مۇشەسىندىك مىندەتىن اتقارادى» دەدى.

  چىن دىليڭ: « 2000-جىلى ىشكى ولكەدەن سارىبۇلاق قىستاعىنا كەلدىم، جۇبايىم قايتىس بولىپ، ەكى بالام قالدى. جيەك قالاشىعىنىڭ ورنالاستىرۋى بويىنشا، سارىبۇلاق قىستاعىنا قونىستاندىم. باستابىندا باستا پانا، جاندا اقشا جوق، قايدا جاتىپ، نە ىشەمىز دەگەن سياقتى كوپتەگەن ويلار كوڭىلدى قۇلازىتىپ، ويىمدى بورداي بوپىراتتى، سوندا وسى كارىم اعام  ۇيىنە ەرتىپ بارىپ، ‹قوس قولىڭا سۇيەنىپ، ەرىنبەي ەڭبەكتەنسەڭ دامۋدىڭ جولى داڭعىل› دەپ الداعى ىستەيتىن جۇمىستارعا اقىلىن ايتتى ءارى اۋىلداستاردىڭ كومەگىندە كونە توز بولسادا باسىما ءۇي بەردى. كارىم اعام ۇنەمى ۇيگە كەلىپ، تۇرمىستىق بۇيىم، ازىق-تۇلىكپەن قامداپ وتىردى، سىرتقا شىعىپ جۇمىس ىستەيىن دەسەم بالالار كىشكەنە، بالالارعا قاراسىن دەپ مۇگەدەك بولسادا وسى جۇبايىممەن باس قۇرادىم، ءبىراق ‹جىعىلعانعا جۇدىرىق› دەمەكشى، بۇدان ءبىر بالالى بولعام، وكىنەرلىگى ول بالا دا مۇگەدەك بولدى، بۇل وتباسىنىڭ جۇمىسى عوي، كەيىن كەلە ۇكىمەت بەيقۇت ءۇي سالىپ، 50 مۋ ەگىستىك جەر بەرىپ، 10 قوي تاراتىپ سۇيەمەلدەدى. ال، كارىم اعامنىڭ ماعان جەكەلەي ىستەگەن جاقسلىعى ءبىر توبە. 5 جىلدىڭ الدىندا ۇلكەن قىزىم الدىمنان شىعىپ، ‹اكە، جوعارى مەكتەپكە قابىلداندىم› دەپ مەكتەپتىڭ شاقىرتۋ قاعازىن كورسەتتى. بالامدى قۇشاقتاپ، وكىرىپ جىلاعانىم ءالى ەسىمدە. ءبىر جاعىنان، قاتتى قۋانسام، ەندى ءبىر جاعىنان، ەرتەڭ بالام جوعارى مەكتەپكە اتتانعاندا اقشامنىڭ جوقتىعى جانىما ايازداي باتىپ، اكەلىك بورىشىمدى وتەي الماعاندىعىما ءىشىم ۋداي اشىدى. ءدال وسى كەزدە كارىم اعام بالامنىڭ قولىنا 10 مىڭ يۋان اقشا ۇستاتتى. قازىر تۇرمىسىم بۇرىنعىدان كوپ جاقسى، بۇل دا بولسا، پارتيانىڭ قامقورلىعى، كارىمدەي اعامنىڭ كومەگى» دەدى.

  ول: «بىلتىر اعام ءوز جانىنان 8000 يۋان قاراجات شىعارىپ، ءۇيىمنىڭ توبەسىن، بيىل 4000 يۋان قاراجات شىعارىپ، كىلەتتىڭ توبەسىن قاڭىلتىرمەن جاۋىپ بەردى» دەدى.

  كارىم: «پارتيانىڭ ابزال ساياساتىنىڭ ارقاسىندا كەشەگى كەدەي وتباسى بۇگىنگىدەي باقىتتى تۇرمىسقا كەنەلدى، بىزدىكى تەك اعا- ءىنىلى اراسىنداعى ازعانتاي تۋىستىق كومەك.  قالاشىق پارتكوم مەن حالىق ۇكىمەتى بۇل وتباسىنىڭ قيىنشىلىعىن شەشۋ ءۇشىن، 2016- جىلدان باستاپ قالاشىققا قاراستى 12 قىستاقتاعى قوقىر-قوقسىقتى تاسيتىن اۆتوموبيلدى ايداتىپ، ايىنا 1600 يۋان ەڭبەكاقى بەرىپ كاسىپتەندىرىپ وتىر، ۇيىم چىن دىليڭنىڭ ەڭبەگىن جاقسى باعالاپ، 2017-جىلى 7-ايدا كانديدات پارتيا مۇشەلىگىنە قابىلداعان، جاپاعا ءتوزىمدى ازامات ءبىر پارتيا مۇشەسىندىك رولىن تولىق ساۋلەلەندىرىپ كەلەدى» دەدى.

  سارىبۇلاق قىستاعىنداعى ءار ۇلت حالقى  ىنتىماقتى كۇشەيتىپ، دوستىقتى، سۇيىسپەنشىلىكتى تەرەڭدەتىپ، نۇرلى بولاشاققا ورتاق قادام باستى.
  سۋرەتتە: كارىم (سولدان ەكىنشى) چىن دىليڭ وتباسىندا جاعداي ۇعىسۋدا.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى