قىمقىرىلىپ كەتىلگەن قارتايعاندا كۇتىمدەلۋ قاراجاتى

  2014-جىلى ءۇرىمجى قالاسى شۇيموگوۋ رايونىنا قونىستانعان جاسى 70 تەن اسقان لي اجەي سوڭعى ءومىرىن الاڭسىز وتكىزەتىن تۇراق تاۋىپ، ۇرپاقتارىن اۋرەلەمەۋ ءۇشىن 30 مىڭ يۋانعا ءبىر دوسىنان ەرەكشە ايباتتى قارتتاردىڭ كۇتىمدەلۋ ورنىنان ءبىر كىسىلىك ورىن الىپ، قارتتاردى كۇتىمدەۋ ورنىن اشقان ءمالىم زەرتتەۋ ورنىمەن كەلىسىم جاساسادى، ءبىراق، ول كۇتىمدەۋ ورنىنا كوشىپ  كىرمەيدى.

  2017 - جىلى لي اجەي ويلاماعان جەردەن ول قارتتاردى كۇتىمدەۋ  ورنىنىڭ 2016 - جىلدىڭ سوڭىندا ارحيۆتان وشىرىلگەندىگىنەن حاباردار بولادى. ۇعىسۋعا قاراعاندا، ول قارتتاردى كۇتىمدەۋ ورنى قارتتارعا قارايلاسۋ تاراۋىنىڭ رۇقسات كۋالىگىن الماعاندىقتان كۇشىنەن قالدىرىلىپ، قۇر عيمارات ءۇي قالادى. لي اجەي بۇل حاباردى ەستىگەننەن كەيىن 30 مىڭ يۋان اقشا وسى بەتى جوق بولعانى ما دەپ قاتتى ساسادى. وتباسىنداعىلاردىڭ كەڭەسى ارقىلى لي اجەي ءوزى توقتام جاساسقان ءمالىم زەرتتەۋ ورنىنىڭ ۇستىنەن سوتقا ارىز بەرەدى. شارتاراپتان ىزدەستىرىپ ءجۇرىپ حالىق سوتى مەكەمەسى سوتقا شىعۋ شاقىرتۋىن زەرتتەۋ ورنىنا جەتكىزگەننەن كەيىن ونىڭ زاڭدىق ۋاكىلىنە كەلگەن بۇيىمتايلارىن ايتادى. سونىمەن زەرتتەۋ ورنى لي اجەيدىڭ 30 مىڭ يۋان اقشاسىن قايتارىپ بەرىپ، لي اجەي ميدۇڭ رايوندىق حالىق سوتى مەكەمەسىنە ارىزىن قايتارىپ الۋ ءوتىنىشىن بەرەدى.

  سۋديانىڭ ەسكەرتۋى

  تاياۋ جىلداردان بەرى قارتتارعا قىزمەت وتەۋ كاسىبى بارعان سايىن جاندانىپ كەلەدى، ءبىرسىپىرا ولشەمسىز كاسىپورىندار بازاردىڭ قامداۋ مەن قاجەتىندەگى تەپە-تەڭسىزدىكتەن پايدالانىپ، قاتىستى قىزمەت وتەۋ سالاۋاتىن ازىرلەمەي تۇرىپ، قاراجاتىن الدىن الا الىپ، ءبىر ءبولىم تۇتىنۋشىلاردىڭ مۇددەسى زياندالىپ وتىر. كەيبىر قارتتارعا قارايلاسۋ تاراۋلارى اۋەلى اشىق-اشكەرە زاڭسىز قارجى توپتاپ، حالىق ىستەرى تاراۋلارى جاعىنان جازالانعاندارى دا از ەمەس. قارتتار قاۋىمى قىراعىلىعىن ارتتىرىپ، سەنىمدىلىگى جوعارى، تيجاراتى ولشەمدى بولعان قارتتاردى كۇتىمدەۋ ورنىنىڭ قىزمەت وتەۋىن قابىلداۋى كەرەك. سونىمەن بىرگە، جەكەلىك مۇددەسى زياندالعاندا، دەر كەزىندە زاڭدى قۇرال ەتىپ، ءوزىنىڭ زاڭدى ۇقىق-مۇددەسىن قورعاۋى كەرەك.
  اۋدارعان- گۇلبانيا باعدات قىزى

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى