ۇلى جۇڭحۋام، اسپانىڭدا قالقىدى ءان،
ماقتانامىن وزىڭمەنەن مارسيام.
دارقان ەلگە باقىت -بايلىق سيلادى،
كوممۋنيستىك پارتيام.
ۇلى جۇڭحۋام،بايتاق ەلىم، ىرىسىم،
ەگەيلەردىڭ،ەرەندەردىڭ ءبىرىسىڭ.
جۇڭگو ارمانى جۇرەكتەرگە نۇر بەرگەن،
حالقىمىزدىڭ ماقتانىشتى جىرىسىڭ.
ۇلى جۇڭحۋام،كەڭ جايىلعان كەرەگەڭ،
جومارتسىڭ سەن، كورەگەن دە بەرەگەن.
جاڭا-جاڭا جوسپارىڭ بار حالقىڭدى،
جەڭىستەرگە جەبەگەن.
ۇلى جۇڭحۋام،اتقان تاڭىم سىزىلىپ،
تاۋداي ۇلكەن تابىسىڭ تۇر ءتىزىلىپ.
جۇڭگو حالقىن باقىتقا باستاعان،
ىزگى جولعا قارادى الەم قىزىعىپ.
ۇلى جۇڭحۋام، ەڭ ەڭسەلى اسقارىم،
جۇرگەن جولىن جاڭعىرتپادىڭ باسقانىڭ.
تىڭ بەتالىس، رۋح بەردى حالقىڭا،
العا باستاپ بارشامىزدى اسقاق ءۇن.
ۇلى جۇڭحۋام، ارىس ەلىم، ەر جۇرەك،
ورلىگىڭە،كوڭىلىم تۇر ەلجىرەپ.
بەس جۇلدىزدى قىزىل تۋىڭ بيىكتە،
شۇعىلا شاشىپ ماڭگى تۇرار جەلبىرەپ.
اۆتورى: كەڭەس بەردىقۇل ۇلى
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى