ەەڭ جاڭا مازمۇندار
شي جينپيڭنىڭ زاڭمەن باسقارۋ يدەياسىن شينجياڭدى جاپپاي زاڭمەن باسقارۋدىڭ جالپى بارىسىندا دايەكتىلەندىرىپ، زاڭمەن باسقارۋ ويى، ءتاسىلى ارقىلى دامۋدى ىلگەرىلەتىپ، قايشىلىقتى شەشىپ، ورنىقتىلىقتى قورعاپ، حاۋىپ - قاتەرگە توتەپ بەرۋ كەرەك
شينجياڭداعى ءار ۇلت، ءار سالا حالىق قاھارماندارىنا قۇرمەتپەن گۇل شارباق قويدى
مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
جاڭاشا بۇكىل مەملەكەتتىك ءتۇزىلىس ابزالدىلىعىن تولىق ساۋلەلەندىرىپ، ەشقاشان بوساڭسىماي، باستان − اياق ءساتتى جۇرگىزىپ، قاجىماي ەڭبەك ەتىپ، ەلىمىزدىڭ وزىق جابدىق جاساۋدا اناعۇرلىم كوپ كەلەلى ناتيجەلەرگە قول جەتكىزۋىن قۇلشىنا جۇزەگە اسىرۋ كەرەك
قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى بەيجيڭدە سالتاناتپەن وتكىزىلدى
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى

سەنى توساتىن جالعىز ادام بار، ول — شەشەڭ

جولدانعان ۋاقىتى : 2018/7/17 17:51:11

ليۋ جيرۇڭ


 

  شەشەم راس قارتايىپتى، بارعان سايىن جاس بالاعا ۇقساپ بارادى.

  تەلەفون جالعاعان سايىن لەپىرگەن كوڭىل كۇيىمەن: «بالام، ۇيگە قاشان قايتاسىڭ؟» دەيدى شەشەم.

  ۇيگە قايتۋ ءۇشىن مىڭ شاقىرىمنان استام جولدا 3 رەت كولىك اۋىستىرامىن. جۇمىسىم قاربالاس، ونىڭ ۇستىنە ءۇيلى-باراندى بولعان بالاسىندا ۇيگە قايتاتىن قايداعى ۋاقىت؟ قانشا تۇسىندىرگەنىممەن قۇلاعى جاقسى ەستىمەي قالعان شەشەم «بالام، ۇيگە قاشان قايتاسىڭ؟» دەگەن سۇراۋىن نەشە قايتالادى. تاعاتىم ابدەن تاۋسىلعان مەن تەلەفوندا داۋىسىمدى كوتەرە سويلەپ ەدىم، ول اقىرى ءتۇسىندى مە قايدام، تەلەفوندى جابا سالدى.

  ارادا بىرنەشە كۇننەن كەيىن شەشەم ۇقساس سۇراۋىن تاعى قايتالادى، ءبىراق داۋىسى    بۇرىنعىداي ەمەس،باسەڭ شىقتى. بار زەيىنىمەن ءسوزىن تىڭداپ تۇرعانىمدى سەزە قويعان شەشەم: «ارتقى اۋلامىزداعى انار گۇل اشتى، قاربىز پىسايىن دەپ قالدى، ۇيگە قايتساڭ شى!» دەدى ساڭقىلداپ.

  _ جۇمىسىم قاربالاس،قايتىپ رۇقسات الامىن؟_ دەدىم مەن.

  _ «شەشەم جامان اۋرۋعا شالدىعىپتى،جارىم جىلدىق عۇمىرى عانا قالدى» دەسەڭ بولدى عوي،_ دەيدى ماعان ءسوز ۇيرەتىپ.   
  
  _ وتىرىك ايتاسىز،_ دەپ ەدىم، ول كەڭكىلدەپ كۇلىپ كەتتى.

  بالا كەزىمدە جاۋىن-شاشىندى كۇندەرى وقۋعا بارعىم كەلمەگەندە، وتىرىكتەن «ءىشىم اۋىرىپ تۇر» دەسەم،شەشەم بىلە قوياتىن دا، الدى ەركىمە قويماي وقۋعا جىبەرەتىن. ال   قازىرشى، وتىرىك ايتۋدى ءوزى ۇيرەتىپ تۇرماي ما،بۇعان تاڭعالدىم ءارى كۇلدىم.

  مۇنداي سۇراۋ كوپ رەت قايتالاندى، ءتوزىمىم تاۋسىلعان مەن اقىرى: «كەلەر ايدا ۇيگە قايتامىن» دەگەنىم سول-اق ەكەن،  شەشەم بالاشا ءماز بولدى. ايتسە دە، ىستەپ  جاتساڭ تۇگەپ بەرمەيتىن جۇمىستىڭ قاربالاستىعىنان ايتقان ۋادەمدى ورىنداي المادىم.

  شەشەم مىنە تاعى تەلەفون شالدى،الايدا قارسى جاقتا ءۇن جوق.

  كىنالى ادامداي: «شەشە، رەنجىپ قالدىڭىز با؟» دەپ ەدىم.

  شەشەم: «جوعا،بالام، جۇمىسىڭنىڭ قاربالاس ەكەنىن بىلەمىن» دەدى جادىراپ.

  بىرنەشە كۇننەن كەيىن شەشەم تەلەفون  جالعاپ تاعى قۋزادى. ول: «ءجۇزىم دە، المۇرت تا پىستى، تەزىرەك ۇيگە قايت» دەدى بۇيىرا ءتىل قاتىپ.

  _ قالادا ساتىلاتىن جەمىس-جيدەكتىڭ بارىنە حيميالىق تىڭايتقىش پەن ەگىس ءدارىسى    شاشىلادى. شەشە،ءسىز باعىپ-باپتاعان    جەمىس-جيدەك ناعىز زالالسىز ءونىم عوي، شىركىن،_ دەپ ەدىم تروبكانىڭ ار جاعىنان شەشەمنىڭ كەڭكىلدەي كۇلگەن داۋىسى ەستىلدى.

  بۇگىن كۇنگە سەنبى، مي قايناعان ىستىق، سىرتقا اتتاپ شىعۋدىڭ ءوزى مۇڭ، اۋا رەتتەگىشتى اشىپ قويعانمىن. بالام ۇيدە بالمۇزداق قالماپتى دەگەن سوڭ، بالمۇزداق ساتىپ اكەلۋگە عيماراتتان ءتۇستىم. شىلدەنىڭ شىلىڭگىر ىستىعىندا،كوشەدەن كەنەت شەشەمدى كورىپ قالدىم.

  كولىكتەن ەندى عانا تۇسكەن سەكىلدى، بىلەگىنە شارباق ءىلىپ،ارقاسىنا زىلدەي دوربا كوتەرىپ الىپتى. «شەشە! شەشە!» دەپ ايعايلاپ ەدىم، تەر باسقان بەتىن ماعان بۇرىپ قارادى دا، قاققان قازىقتاي سىلەيىپ تۇرىپ قالدى.

  ۇيگە كىرە، اكەلگەن نارسەلەرىن دوربادان الىپ شىعا باستاعان شەشەم ماعان قاراپ: «جە، تەز جەسەڭشى،مۇنىڭ ءبارىن سەن ءۇشىن  ءوزىم تاڭداپ ۇزگەن ەدىم» دەدى بايەك   بولىپ.

  الىس ساپارعا شىعىپ كورمەگەن شەشەمنىڭ، ءبىر اۋىز سوزىمە بولا اۋا رەتتەگىشى جوق، ىستىق ءارى تار،ەڭ ارزان كولىككە  وتىرىپ، ءجۇزىم مەن   المۇرتتى سوناۋ ءيت ارقاسى قياننان اقاۋسىز جەتكىزگەنىنە تاڭ-تاماشا بولىپ مەن وتىرمىن. ءيا، مۇنداي ءىس اق جۇرەگىن،بار مەيىرىن ۇرپاعىنا ارناعان    اناداي ۇلى ادامنىڭ عانا قولىنان كەلەدى عوي.

  شەشەم وتاۋىمدا ءۇش-اق كۇن تۇردى دا، ماعان بىلدىرتپەي بەلەتكە تاپسىرىس بەرىپ،مەن جوقتا زىتىپ بەرىپتى. ءبىر اپتادان كەيىن شەشەم مەنىڭ ۇيگە قايتۋىمدى تاعى قۋزادى.

  _ شەشە، تاعى ءبىراز كۇن توسا تۇرىڭىز، _ دەدىم كۇلىپ.

  ەرتەڭىندە ناعاشى تاتەم تەلەفون شالىپ:     «شەشەڭ اۋىرىپ قالدى،تەزىرەك ۇيىڭە قايت» دەدى بۇيرىقتى تۇردە.

  بۇل ءسوزدى ەستىگەندە كوزىمنىڭ الدى قاراۋىتىپ كەتتى، دەرەۋ جولاۋشىلار بەكەتىنە بارىپ ەڭ سوڭعى اۆتوبۋزعا ءىلىندىم ايتەۋ. شەشەم مەنى الداعان شىعار، ونداي جاماندىقتىڭ بەتىن ارى قىلسىن دەپ جول بويى شەشەمنىڭ اماندىعىن تىلەۋمەن بولدىم. ويتكەنى،اناسى بار ادامدار ەشقاشان قارتايمايدى عوي.

  كولىك قىستاقتىڭ شەتىنە جەتىپ توقتادى، جۇزىنە كۇلكى ۇيىرىلگەن شەشەم باياۋ باسىپ ماعان قاراي كەلەدى. شەشەمدى قۇشاقتاي الدىم دا بىرەسە جىلاپ، بىرەسە كۇلىپ: «ساۋ باسىڭىزعا ساقينا تىلەپ، قايداعى جامان ىرىمدى قايدان باستاپ ءجۇرسىز» دەدىم جازعىرا.

  سوگىسىمدى ەستىگەن شەشەم باس-اياعىما كوز جۇگىرتۋمەن بولدى. شەشەم ەكەۋىمىز شۇيىركەلەسىپ وتىرمىز،مەن سويلەسەم ول كىسى اڭىرا تىڭدايدى،قۇلاعى بۇرىنعىدان دا اۋىرلاپ كەتكەن سىڭايلى. تۇسكى ۇيقىعا باس قويعانىمدا توسەكتىڭ جانىندا ماعان تەلمىرە  قاراپ وتىردى.

  ۇيگە ءبىر كىرىپ، ءبىر شىعىپ، ۇستەلدى ءدامدى تاعاممەن لىق تولتىرعان شەشەم مەنەن ماقتاۋ-القاۋ كۇتۋدە.

  بالىقتىڭ قابىرشاعى تازا قىرىلماي، تۋرالعان تاۋىق ەتىنە جابىسقان ءجۇن جۇرگەنىنە،  كۇنجۇت مايى مەن ساڭىراۋ قۇلاقتىڭ ىشىندە شاش تا بار ەكەنىنە تاڭ قالدىم. مەيلى ەت   قۋىرماش، الدە قاتىقسىز قۋىرماش بولسىن ەشقايسىسىنان اۋىز تيۋگە باتىنا المادىم. شەشەم جاس كەزىندە سونداي پىسىق، سونداي تازا ەدى، قازىر وسىنشا سالاق بولىپ كەتكەن بە دەپ قويامىن.

  دايىنداعان تاعامىنا قول سوزباعانىمدى كورىپ،ماعان ىشتەي رەنجىگەن شەشەم تۇنگى اۆتوبۋزعا دەيىن شىعارىپ قويدى. ءتۇن پەردەسى تۇسكەن شاق، قولىمنان ۇستاپ كەلە جاتقان شەشەم: «اۋىلدىڭ كەدىر-بۇدىر تاس جولى زىقىڭدى كەتىرەدى-اۋ، قارعام» دەپ قويادى.

  مەنىمەن بىرگە اۆتوبۋزعا شىققان شەشەم  بىرەسە ونى،بىرەسە مۇنى ايتىپ توقتامادى. كولىك قوزعالعاندا عانا تۇسۋگە قامدانىپ ەدى، كيىمىنىڭ ەتەگىن ەسىك قىسىپ قالىپ جىعىلىپ قالا جازدادى. دەرەۋ تەرەزەدەن باسىمدى  شىعارىپ: «شەشە،ابايلاڭىز» دەدىم ايعايلاپ.

  ءسوزىمدى انىق ەستي الماعان شەشەم    اۆتوبۋزعا ىلەسە جۇگىرىپ كەلە جاتىپ: «بالام، ساعان رەنجىمەيمىن، جۇمىسىڭنىڭ قاربالاس ەكەنىن بىلەمىن» دەدى داۋىستاپ.

  ۇيگە بارىپ-قايتقانىما شەشەم رازى بولدى بىلەم،سودان باستاپ ۇيگە قايت دەگەندى ايتپايتىن بولدى. تەلەفون جالعاسا، ىلعي: «موماقان ءبىر بۇزاۋ ساتىپ الدىم، كەلەر جىلى كوكتەمدە اۋلانىڭ ىشىنە الۋان ءتۇرلى گۇل ەگەمىن...»دەگەن سەكىلدى كوڭىلدى ىستەردى ايتادى. شەشەمنىڭ ءسوزىن تىڭداي-تىڭداي جۇرەگىم جىلىپ سالا بەردى.

  جىل سوڭىندا ناعاشى تاتەم تاعى دا تەلەفون جالعاپ: «شەشەڭ اۋىرىپ قالدى، تەزىرەك  ۇيىڭە قايت» دەدى ءدىرىل ارالاس ۇنمەن.

  بۇل سوزگە قايدان سەنە قويايىن، الدىڭعى كۇنى عانا شەشەممەن تەلەفوندا تىلدەسكەنىمدە: «دەنساۋلىعىم جاقسى،مەنەن الاڭداما»  دەگەن بولاتىن. ناعاشى تاتەم قايتا-قايتا قۋزاعان سوڭ، سەنەرىمدى نە سەنبەسىمدى بىلمەي، ۇيگە قاراي جول الدىم ءارى شەشەم   ۇناتىپ جەيتىن ماي قارمادان ساتىپ الدىم.

  كولىك قىستاق شەتىنە ىلىنگەندە، موينىمدى قانشا سوزىپ قاراسام دا الدىمنان شەشەم   شىقپادى، جۇرەگىم بىردەمەنى سەزگەندەي تۇرشىگىپ سالا بەردى.

  ناعاشى تاتەم ماعان تەلەفون جالعاعاندا، شەشەم الدەقاشان ورالماس ساپارعا اتتانىپتى. جارىم جىلدىڭ الدىندا شەشەمنىڭ جامان اۋرۋعا شالدىققانى انىقتالىپتى، الايدا مۇنى ول ءتىس جارىپ ەشكىمگە ايتپاپتى، ءتىپتى، ماعان دا  ايتقىزباپتى. كوزى جۇمىلعانشا باياعىسىنداي   جايراڭداپ ءجۇرىپ، سوڭعى جۇمىستارىن دا لايىقتى ىڭعايلاپ كەتىپتى.

  ناعاشى تاتەم اڭگىمە ارەدىگىندە شەشەمنىڭ كوز اۋرۋىنا شالدىعىپ،كوز قۋاتى السىرەپ كەتكەنىنە بىرنەشە جىل بولعانىن ايتتى.

  بىرەۋ تارتىپ اكەتەتىندەي شەشەمە ارناپ العان ماي قارمانى قۇشاقتاپ، وكسىپ مەن   وتىرمىن. اسىلىندە،شەشەم بەيباق ءوزىنىڭ سۋ ىشەرى از قالعانىن ءبىلىپ،قايتا-قايتا ماعان تەلەفون جالعاپ ۇيگە قايتۋدى، مەنى كوبىرەك كورۋدى،مەنىمەن اڭگىمەلەسۋدى ويلاعان   ەكەن-اۋ.

  سول كۇنى شەشەم دايىنداعان داستارقان تولى تاماققا قولىمدى سوزباي بەكەردەن-بەكەر «تىرناق استىنان كىر» ىزدەپپىن،شەشەمنىڭ  كوزى جاقسى كورمەيتىنىن قايدان بىلەيىن، نەتكەن اڭقاۋمىن دەشى.

  مەن قالاعا قايتقان كۇنى كەشتە شەشەم  ءۇيدى قايتىپ تاپتى، جولدا جىعىلىپ-ءسۇرىندى مە، ول جاعى ماعان ماڭگى جۇمباق.

  ءيا، شەشە ءومىرىڭىزدىڭ سوڭعى كەزىندە ءۇيىمىزدىڭ شىرماۋىق باسىپ كەتەتىن كونە مورجاسىن ايتىپ،كىشكەنتاي كەزىمدە كوپ كيەتىن كۇلگىن كيىمىمدى جاڭا اشىلعان جامباس بۇرشاقتىڭ گۇلىنە ۇقساتىپ، ءماز بولعان ەدىڭىز. ءسىز بارلىق ماحابباتىڭىزدى، بار مەيىر-جىلۋىڭىزدى ماعان    ارناپ، ءۇن-تۇنسىز كەتە باردىڭىز.

  ءيا، ءسىز بۇل عالامدا ماعان رەنجىمەيتىن بىردەن-ءبىر جانسىز،مەنى توسۋعا پەيىل بىردەن-ءبىر جانسىز،ياعني وزىڭىزگە ارقالانىپ ەركەلەگەن مەنى سونشا كوپ توستىڭىز. ايتسە دە، شەشەتايىم-اۋ،مەن،شىنىندا، سونداي قاربالاسپىن با؟!
 
اۋدارعان _ ساعىنبەك رابات ۇلى  


 
رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى 
powered by IlgharCMS 3.2 www.ilghar.cn