جاڭا كاسىپ كوزىن اشىپ، اۋقاتتانۋ جولىنا ءتۇستى

  ۇسىنىس ەتىلگەن ءتىلشى ريشات سابىرباي ۇلى حابارلايدى. تولى اۋدانى كەدەيلىكتەن قۇتىلدىرۋدان قامال الۋ قىزمەتىن ىلگەرىلەتۋگە تاباندى بولىپ، مەملەكەت بويىنشا كەدەيلىكتەن قۇتىلىپ، كەدەيلىك قالپاعىن الىپ تاستاعان اۋدانداردىڭ قاتارىنا ەنگىزىلۋى نەگىزگى ساتىداعى ءار ۇلت بۇقاراسىنىڭ كىرىسىنىڭ كۇن ساناپ ارتىپ، پارتيا مەن مەملەكەتتىڭ ءتۇرلى ابزال ساياساتىنان قۋات الىپ، كاسىپتەنۋدى جەبەپ، اۋقاتتانۋعا بەت الۋىنىڭ ايقىن دالەلى ەدى. پارتيا مەن مەملەكەتتىڭ مال شارۋاشىلىق رايوندارىنا باعىتتالعان وتىرىقتاندىرۋ ساياساتىنىڭ جەبەۋىندە 2006-جىلى اۋداندى سەنتر ەتىپ، ەگىنشى-مالشىلارعا ارناپ سالىنعان بەيقۇت ءۇي ينجەنەرياسىنان ەڭ الدىمەن يگىلىكتەنىپ، ەڭ الدىمەن وتىرىقتانۋعا ويىسقان كۇپ اۋىلىنا قاراستى اقتايىنشا قىستاعى مەن ەمشى قىستاعى ەدى.

  ەمشى قىستاعىنىڭ حالقى ەجەلدەن جالاڭ مال شارۋاشىلىعىمەن شۇعىلدانىپ كەلە جاتقاندىقتان، ءبىرقانشا جىلدان بەرى قىستاق باسشىلارى مەن قىستاق كادرلارى شارۋالار كەشكى مەكتەبى، پارتيا مۇشەلەرىنىڭ جيىنى سىندى ءتۇرلى تاسىلدەردەن پايدالانىپ، حالىقتى ۇزدىكسىز اۋقاتتانۋعا شاقىرىپ، ۇگىت-تاربيە جۇرگىزۋىنىڭ ناتيجەسىندە ارتىق ەڭبەككۇشتەر بازارعا ويىسىپ، كاسىپ كوزىن اشۋعا بەت الدى. وسىنىڭ ايعاعى رەتىندە ايتار بولساق، ەمشى قىستاعىنداعى قاراپايىم مالشى وتباسىنان شىعىپ، شينجياڭنىڭ ءىشى-سىرتىنا اتاعى كەڭ تارالعان «داستارقان» سەرىكتىگىنىڭ ىلەدەگى بولىمشەسىنىڭ جاۋاپتى ديرەكتورى قۋات راحات ۇلى، وزىمەن بىرلىكتە ون نەشە ادامدى كاسىپتەندىرىپ وتىر. بۇلاردىڭ ىشىندە مال ساۋداسىمەن، قۇرىلىس سالۋمەن جانە وتباسى ساياجايىن اشۋ كاسىبىمەن شۇعىلدانىپ وتىرعانداردان تىس، نان جاۋىپ، كىرىسىن ارتتىرعان جۇمابەك ومىربەك ۇلى مەن جۇبايى تىلەۋبەك ءادىلقان قىزى جانە تەمىردەن ءتۇيىن ءتۇيىپ، مال شارۋاشىلىعىنا ارنالعان الىپ جۇرۋگە قولايلى پەش، ورە جانە كيىز ءۇي جابدىقتارى سىندى قولونەر بۇيىمدارىن جاساپ، بازارعا سالىپ اۋقاتتانعان ايجارىق نۇربەك ۇلى قاتارلى ازاماتتاردا ءتۇرلى كاسىپتەرمەن شۇعىلدانىپ، كەدەيلىكتەن قۇتىلىپ، اۋقاتتانۋ جولىنا قادام باستى.

  سونىمەن بىرگە، وتكەن ايدا قىستاق كوميتەتىنە اۋداندىق كەدەيلەردى سۇيەمەلدەۋ كەڭسەسىنىڭ كەدەيلەردى سۇيەمەلدەۋ ينجەنەرياسى بويىنشا كەلگەن  قۇنى 3000 يۋاندىق التى ءشوپ تۋراۋ ماشيناسىن التى كەدەي وتباسىنا تاراتىپ بەرىپ، جوعارىنىڭ حالىق يگىلىگىنە ارنالعان كومەگىن دەر كەزىندە حالىق بۇقاراسىنا تابىس ەتسە، بىرنەشە كۇننەن بەرى ەمشى قىستاعى پارتيا ياچەيكاسىنىڭ شۋجيى جاناربەك قايىربەك ۇلى باستاعان قىستاقتىڭ پارتيالى كادرلارى مەن انالاردان قۇرالعان «مەيىربان جاندار» توبى مەن «مەيىربان انالار» توبىنىڭ بەلسەنە ات سالىسۋىندا قىستاقتاعى 18 پارتيا مۇشەسىنەن قۇرالعان ارناۋلى حال سۇراۋ ۇيىرمەسى بىرنەشە گرۋپپاعا ءبولىنىپ، كوكتەۋلىكتەگى مالشىلار مەن وتىرىقتاندىرۋ تۇيىندەرىندەگى بۇقارالاردى نەگىز ەتىپ، وتباسىندا قيىنشىلىعى بار تومەن كىرىستى 20 وتباسىنا قۇنى 5000 يۋاننىڭ ۇستىندەگى حال سۇراۋ بۇيىمدارىن اپارىپ بەرىپ، شىنايى مەيىر جەتكىزدى.
  سۋرەتتە: كادرلار مەن مەيىربان جاندار كەدەي وتباسىلارىنان حال سۇراۋدا.

  رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى