2017 - جىلى 11 - ايدىڭ 15 -كۇنى ياڭ بيكەش قاتتى وكىنىپ: «ەندىگارى اۆتوكولىك جۇرگىزگەندە قولتەلەفونعا قاراماسپىن، اۆتوكولىك جۇرگىزىپ كەلە جاتىپ قولتەلەفونمەن جاعالاسۋدىڭ مۇنداي اۋرەشىلىك تاۋىپ بەرەتىنىن قايدان بىلەيىن» دەيدى.
2017 - جىلى 4 - ايدىڭ 2 - كۇنى لي بيكەش ساتىپ العانىنا ۇزاق بولماعان قىمبات باعالى شاعىن اۆتوكولىگىمەن شايار اۋدانى حالىق جولى مەن تەرەك كوشەسىنىڭ تۇيىلىسكەن جول اۋزىنا بارعاندا ياڭ بيكەشتىڭ شاعىن اۆتوكولىگى قاعىپ كەتەدى، الايدا، ياڭ بيكەش ونى ەلەپتە قويماستان اۆتوكولىگىن ايداپ كەتىپ قالادى.
قاتىناس ساقشى تاراۋلارى ساراپتاۋ ارقىلى ياڭ بيكەش وسى شىرعالاڭدا بارلىق جاۋاپكەرلىكتى ارقالايدى دەپ تۇراقتاندىرادى. سوتتا قاراپ شىعۋ بارىسىندا ياڭ بيكەش: «مەن جول اۋزىنداعى جاسىل شىراقتان دۇرىس وتكەمىن، لي بيكەش قىزىل شىراقتان كيمەلەپ وتكەن، سوندىقتان لي بيكەش ءوزىنىڭ اۆتوكولىگىنىڭ رەمونت اقىسىن ءوزى ارقالاۋى كەرەك» دەيدى.
سۋديا تەكسەرىپ دالەل-سىپات الۋ ارقىلى ياڭ بيكەشتىڭ اۆتوكولىك جۇرگىزىپ كەلە جاتىپ تەلەفون ۇرعاندىقتان، ءوز جولىنان اۋىتقىپ كەتكەندىگىن بايقاپ، ونىڭ وسى شىرعالاڭدا بارلىق جاۋاپكەرلىكتى ارقالاپ، لي بيكەشتىڭ اۆتوكولىگىنىڭ ەسىگىن رەمونتتاۋ اقىسىن تولەيتىندىگى جونىندە ۇكىم شىعارادى.
لي بيكەشتىڭ اۆتوكولىگىنىڭ ەسىگىن رەمونتتاتۋ اقىسى 20 مىڭ يۋان بولىپ، زور سوماداعى رەمونت اقى تالونىن كورگەن ياڭ بيكەشتىڭ ءۇنى ىشىنە تۇسەدى.
سۋديا اۆتوكولىك جۇرگىزۋشى قاۋىمعا «اۆتوكولىك جۇرگىزگەندە تەلەفون ۇرماۋ، تەلەفون ۇرعاندا اۆتوكولىك جۇرگىزبەۋدىڭ» قاتىناسقا قاتىستى تۇرمىستىق ءبىلىم ەكەندىگىن، تەلەفون ۇرۋعا، الۋعا تۋرا كەلگەندە اۆتوكولىكتى حاۋىپسىز ورىنعا توقتاتىپ، قاتىناس شىرعالاڭىنىڭ تۋىلىپ، ورنى تولماس وكىنىشكە قالۋدان ساقتانۋدى ەسكەرتەدى.
اۋدارعان_ گۇلبانيا باعدات قىزى
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى