ۇسىنىس ەتىلگەن ءتىلشى جانار بولسىن قىزى حابارلايدى. 18-رەتكى مەملەكەتتىك عىلىم-تەحنيكا قيمىلى اپتالىعى بارىسىندا ساۋان اۋداندىق عىلىم-تەحنيكا قوعامى مامانداردى ۇسىنىس ەتىپ، عىلىم-تەحنيكا جالپىلاستىرۋ اۆتوكولىگىمەن قىستاق تۇرعىندارىنىڭ وتباسىلارىنا دەيىن بارىپ، عىلىم-تەحنيكا جالپىلاستىرۋ بىلىمدەرىنەن ۇگىت قيمىلىن ورىستەتتى.
ساۋان اۋدانى داچۋان اۋىلى حىشي قىستاعىندا اۋداندىق عىلىم-تەحنيكا قوعامى ۇسىنىس ەتكەن شىحىزى ۋنيۆەرسيتەتى شيپاگەرلىك عىلىمىنىڭ ماماندارى قىستاق تۇرعىندارىنا دەنساۋلىق ساقتاۋ اقاۋسىزدىق بىلىمدەرىنەن ۇگىت جاساپ، ازىق-تۇلىكتەردى ۇيلەسىمدى پايدالانۋ، اۋرۋدان ساقتانۋ، دەنەنىڭ قارسىلىق قۋاتىن ارتتىرۋ سياقتى جاقتاردان جىڭىشكەلىكپەن تۇسىنىك جاساپ، كوپشىلىكتىڭ قىزۋ قارسى الۋىنا يە بولدى.
ساۋان اۋدانى داچۋان اۋىلى حىشي قىستاعىنىڭ تۇرعىنى سۇن گولي: «ماماندار ۇنەمى كۇرىش تاماق جەگەن ادام تەز سەمىرەدى دەيدى، بالالاردىڭ ازىق-تۇلىك قورەكتىگى جاعىندا، مەنىڭشە جۇمىرتقا مەن سيىر ءسۇتىن كوپ تۇتىنسا، ءتيىمدى بولاتىن شىعار دەپ ويلايمىن» دەدى.
ساۋان اۋدانى داچۋان اۋىلى حىشي قىستاعىنىڭ تۇرعىنى ليۋ چۇنمەي: «ماماندار بىزگە بەتپە-بەت ساباق ءوتىپ ۇگىت جاسادى، ازىق-تۇلىكتىڭ قورەكتىگىنە كوڭىل ءبولۋ، اۋرۋدان ساقتانۋ جاقتارىنان كوپتەگەن بىلىمدەردى ۇيرەندىك» دەدى.
ۇگىت لەكسياسى اياقتاعاننان كەيىن، قىستاق تۇرعىندارى مامانداردان دەنساۋلىق ساقتاۋ جونىندە كەڭەس سۇراپ، ماماندار ەگجەي-تەگجەيلى تۇسىنىك جاسادى.
عىلىم-تەحنيكا جالپىلاستىرۋ مامانى جىڭ يۇڭ: «شيپاگەرلىكپەن شۇعىلدانعانىما 40 جىلدىڭ ءجۇزى بولدى، اۋىل-قىستاققا كەلىپ، اۋىلداستارعا دەنساۋلىق ساقتاۋ بىلىمدەرىنەن كەڭەس بەرۋدى بورىشىم دەپ بىلەمىن. ءبىز سوتسياليستىك جاڭا داۋىردە تاماشا تۇرمىستان ءلاززاتتانىپ، دەنساۋلىق ساقتاۋعا كوڭىل ءبولىپ، جۇڭگوشا سوتسياليستىك مەملەكەت قۇرۋعا ورتاق ۇلەس قوسۋعا قۇلشىنۋىمىز كەرەك» دەدى.
ساۋان اۋدانى بورتىنكو اۋىلى جارقىنجاعا قىستاعىندا عىلىم-تەحنيكا بىلىمدەرىن جالپىلاستىرۋ اۆتوكولىگى، مالشىلىق رايونداعى وقۋشىلارعا «اۆياماتكانىڭ سۋدا ءجۇزۋى»، «قۇلتەمىر» سياقتىلاردان عىلىم-تەحنيكالىق كورمە اشتى. وقۋشىلار كورمەنى قىزىعا تاماشالاپ، عىلىم-تەحنيكانىڭ قۇدىرەتىن سەزىندى.
ساۋان اۋدانى بورتىنكو اۋىلدىق سەنترلى مەكتەبىندە شىحىزى قالاسىنان كەلگەن ءتىس اۋرۋىن ەمدەۋ ءبولىمىنىڭ ماماندارى بالالاردىڭ ءتىس اقاۋسىزدىعى، تىسكە قانقۇرت تۇسۋدەن ساقتانۋ سياقتى بىلىمدەردەن تۇسىنىك جاساپ، وقۋشىلاردىڭ قىزۋ قارسى الۋىنا يە بولدى.
عىلىم-تەحنيكا جالپىلاستىرۋعا ەرىكتى قىزمەت وتەۋشى تاڭ شىچاۋ: «بۇل رەتكى قيمىلدا وقۋشىلارعا قۇلتەمىر سياقتى عىلىم-تەحنيكا جەتىستىكتەرىن تانىستىرىپ، ولاردىڭ عىلىم-تەحنيكاعا بولعان اۋەسىن قوزعاپ، عىلىم-تەحنيكا جەتىستىكتەرى جونىندە العاشقى قادامدا تۇسىنىك جاسادىق» دەدى.
عىلىم-تەحنيكا جالپىلاستىرۋ مامانى جان سايشيڭ: «عىلىم-تەحنيكا جەتىستىكتەرى كورمەسى ارقىلى وقۋشىلارعا عىلىم-تەحنيكالىق بولمىستى ايگىلەپ، ولاردىڭ عىلىم-تەحنيكاعا بولعان قىزعىندىلىعىن جەتىلدىرۋگە تەكشە جاراتتىق» دەدى.
ۇعىسۋعا قاراعاندا، عىلىم-تەحنيكا جالپىلاستىرۋ ۇگىت اپتالىعى مەزگىلىندە ساۋان اۋداندىق عىلىم-تەحنيكا قوعامى مامان ۇسىنىس ەتىپ، عىلىم-تەحنيكا جالپىلاستىرۋ اۆتوكولىگى ارقىلى ءارقايسى مەكتەپ، الەۋمەتتىك اۋماق، اكىمشىلىك قىستاقتارعا دەيىن بارىپ، عىلىم-تەحنيكا جالپىلاستىرۋ بىلىمدەرىن ۇگىتتەپ، تۇرمىسقا، بۇقاراعا جاناسىمدى كورگىزبە ارقىلى ءتۇرلى عىلىم-تەحنيكالىق قاعيدانى كورسەتىپ جانە ءبىلدىرىپ، ءار ۇلت بۇقاراسىن عىلىم-تەحنيكانى ءسۇيۋ، عىلىم-تەحنيكانى ۇيرەنۋ، عىلىم-تەحنيكادان پايدالانا بىلۋگە جەبەپ، جالپى حالىقتىڭ عىلىم-تەحنيكا ساپاسىن جوعارىلاتۋعا نەگىز قالادى.
عىلىم-تەحنيكا جالپىلاستىرۋعا ەرىكتى قىزمەت وتەۋشى بالنۇر بۇقارقان قىزى: «بۇل رەتكى قيمىلدىڭ ماقساتى _ عىلىم-تەحنيكا جالپىلاستىرۋ قيمىلدارىنىڭ مازمۇنىن بايىتىپ، جاس وسپىرىمدەردىڭ عىلىم-تەحنيكا زەرتتەۋ اۋەسىن جوعارىلاتىپ، جاسامپازدىق تانىمىن كۇشەيتۋ. جاس وسپىرىمدەردىڭ وسى قيمىلعا بەلسەنە قاتىناسىپ، عىلىم-تەحنيكانى ۇيرەنىپ جانە ءتۇسىنىپ، عىلىم-تەحنيكانى سۇيەتىن تاماشا ورتا قالىپتاستىرۋعا ۇلەس قوسۋىن ءۇمىت ەتەمىز» دەدى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى