ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

شەشەم مەنەن ءالى الاڭداپ جۇرگەن شىعار

جولدانعان ۋاقىتى : 2018/6/4 17:27:18

جيا پيڭۋا

  ادام قايتىس بولعاندا ۇيىقتاپ جاتقانداي بولادى ەكەن، سول كەزدە ماعان شەشەمنىڭ تىنىسى ءالى توقتاماعانداي سەزىلگەن.
تىرشىلىكتە ءتىرى پەندەنىڭ كۇيبەڭنەن قولى بوسامايدى عوي، كۇن دەمەيدى، ءتۇن دەمەيدى. تىنىسى توقتاپ، كوزى جۇمىلعان ساتتەن باستاپ، قۋ دۇنيە ءۇشىن تىرباڭداپ، تويات تاپپاعان كوزىڭ ءبىر ۋىس توپىراققا تويىپ، ءبىر توبەشىكتىڭ استىندا قالادى ەكەنسىڭ. ەندى جيىرما كۇننەن سوڭ، شەشەمنىڭ ومىردەن وزعانىنا دا ءۇش جىل تولادى ەكەن.

  ءۇش جىلدان بەرى، ماعان شەشەم ءالى ءتىرى سەكىلدى، تىپتەن قىزىعى ول دا ءوزىن ءتىرى جۇرگەندەي سەزىنەتىندەي بولىپ تۇرادى. ولگەن ادام ۇيىقتاپ جاتقانداي سەزىلەدى دەيتىن ۇلكەندەر، ءبىراق ۇيىقتاپ جاتقان ادام ءوزىنىڭ ۇيىقتاعانىن، قاي ۋاقىتتا  ۇيقىعا كەتكەنىن بىلمەيدى ەمەس پە؟

  شەشەم مەنىڭ قولىمدا ون ءتورت جىل بىرگە تۇردى، سالماقتى سىرقاتتان سوڭ، شيپاگەر ونىڭ ىشكى مۇشەلەرىنىڭ السىرەگەنىن ايتىپ، اۋىلعا اپارىپ جاقسىلاپ كۇتىمدەپ، جىلى -جۇمساقتاپ بەرىپ، رازى ەتىپ ۇزاتىپ قويۋىمدى تاپسىردى. اۋىلداعى ۇيدە ءار كۇنى ول كىسىگە ۋكول اسادى،سوندا ءاربىر شيشاداعى ۋكولدىڭ قاشان تاۋسىلعانىن انىق  ءبىلىپ جاتاتىن جارىقتىق، تاۋسىلعان ۋكولىن الماستىرىپ قويعانىمىزدا بارىپ كوز ءىلىپ، الاڭسىز دەمالاتىن.
اۋىلعا بارعان ءۇشىنشى كۇنى كەشتە، شەشەم جۇمعان كوزىن قايتا اشپادى، مۇمكىن ول وزىنە ۋكول قويىلىپ جاتىر دەپ، ءوزىنىڭ ەندىگارى ويانباسىن بىلمەگەن كۇيى كەتىپ قالعان بولار. ولاي دەيتىنىم، شەشەم جاتار  ورىنعا وتىرعاندا، قارىنداسىما بەتى - قولىن سۇرتەتىن ورامالىن جۋىپ، تاراعىن جاستىعىنىڭ استىنا باستىرىپ قويۋدى ايتقان، شالبارىنىڭ باۋىنا بايلاپ الاتىن كلتتەرىن دە جانىنان تاستاماعان، سوڭعى جۇمىستارىنىڭ بىرەۋىن دە ەشقايسىمىزعا اماناتتاپ ۇلگىرمەگەن.
شەشەمنىڭ مەنەن الاڭداپ جۇرەتىنى بەلگىلى.

  ءۇش جىلدىڭ الدىندا، ول كىسىنىڭ ساپ -ساۋ  كەزى، مەن ءار تۇشكىرگەن سايىن، ول كىسىنىڭ « كىم ساعىندى ەكەن؟» دەيتىن ءبىر اۋىز ءسوزى بولاتىن. ارتىنان ىلە-شالا «كىم بولۋشى ەدى، شەشەڭ ساعىنىپ وتىرعان شىعار» دەپ بالاشا ءماز بولاتىن. ءۇش جىلدان بەرى، كوپ تۇشكىرەتىن بولىپ الدىم، قارعىس اتقىردىڭ ءدال الدىعا تاماق كەلگەندە، جەتىپ كەلەتىنىن ايتساڭشى، ۇزاق تۇندە كىرپىك ايقاستىرماي وتكىزگەن كۇندەرى، ءتىپتى، ءجيى تۇشكىرەتىنمىن، تۇشكىرگەن سايىن شەشەم ەسىمە تۇسەدى، سوسىن شەشەم مەنەن ءالى الاڭداپ ءجۇر-اۋ دەپ ويلاپ قالامىن.

  قۋ ءىشىم بىردەمەنى سەزگەندەي بولادى، شەشەم مەنەن الاڭداپ ءجۇر. ول ءوزىن الدەقاشان و دۇنيەلىك بولدىم دەمەيتىندەي، ال مەن انامدى، ءتىپتى، قايدان ولىمگە قيايىن، اسىرەسە ۇيدە ءوزىم جاپادان -جالعىز قالعاندا، مۇنداي سەزىم كۇشەيىپ كەتەدى. شىعارماشىلىقپەن اينالىسىپ وتىرعاندا، كەنەت شەشەم  اتىمدى اتاپ شاقىرعانداي، قۇلاعىمنىڭ تۇبىنەن داۋىسى ساڭق ەتە تۇسەدى دە، جالت ەتىپ، ادەتىم بويىنشا وڭ جاعىما قاراي بۇرىلىپ قالامىن.
شەشەم تىرلىگىندە وڭ جاق بولمەدەگى توسەكتىڭ ۇستىندە وتىرىپ، مەنىڭ جازۋ -سىزۋمەن اينالىسقانىما قاراپ وتىراتىن، ارى -بەرى قوزعالمايتىن دا، تىپ -تىنىش وتىرىپ، مەنىڭ قيمىلىمدى باعاتىن، قاراي - قاراي كوزى تالعاندا بارىپ اتىمدى اتاپ:
_ الەمدەگى جازۋ بىتكەندى جازىپ بىتپەسسىڭ، شىعىپ بوي جازساڭشى، – دەۋشى ەدى. قازىر، قۇلاعىما شەشەمنىڭ ءۇنى كەلگەندە، قالامىمدى قويىپ، شەشەمنىڭ بولمەسىنە كىرىپ كىدىرىپ قايتامىن، شەشەم بەينە ديحۋادان شي- انعا كەلگەندەي بولادى.

  سەرەيىپ قانشا تۇرسام دا، ارينە، اياداي بولمە ىشىندە تۇك تە جوق، وزىمە -ءوزىم « شەشەم كەلدى دە كوشەگە شىعىپ، مەن ۇناتىپ جەيتىن كوك بۇرىش پەن شومىر العالى كەتكەن ەكەن عوي» دەپ كۇبىرلەپ قالامىن. مۇمكىن، ول كىسى ماعان  ازىلدەپ قابىرعاعا ىلىنگەن سۋرەتىنىڭ ىشىنە تىعىلىپ العان بولار دەگەن ويمەن:
_ شارشاعامىن جوق،– دەگەندى قىستىرا كەتەمىن.

  ويلاسام وسى كۇنگە دەيىن شەشەمە ارناپ ءبىرءارىپ جازباعان ەكەنمىن، الايدا، ول كىسىنىڭ جۇرەگىمدەگى ورنى بولەك ەدى عوي.
تۇپ -تۋرا ءۇش جىل بولدى، باسقالارعا ارناپ قانشالاعان ماقالا جازدىم ەكەن، ءبىراق شەشەمە ارناپ ءبىر ءارىپ تۇرتپەپپىن، ويتكەنى پەرزەنتتەرى ءۇشىن بارلىق انالار ۇلى، ىزگى  نيەتتى، سول ءۇشىن مۇنى قايتالاي بەرگىم كەلمەيدى. مەنىڭ شەشەم قاراپايىم وتباسى ايەلى، قارشادايىنان اياعىن تاڭعان، ساۋاتىن اشىپ، كىتاپ بەتىن كورمەگەن اۋىل ادامى بولسا دا، ول كىسىنى ەرەن  قادىرلەيمىن.

  ەندىگارى شەشەمنىڭ سىرقاتىنان الاڭدامايتىن بولعانىما سونشا ۋاقىت وتسە دە، مەن ساپارعا شىعارىمدا ماڭىمدا ەلپەكتەپ، ءوزىن قويارعا جەر تاپپاي، ەسىنە تۇسكەن اقىلىن ايتىپ، قۇراق ۇشىپ، بايەك بولاتىن سول اق ەدىل جان كورىنبەگەلى قاشان؟ سىرت جەردەن الا كەلگەن بازارلىعىمدى،  ءتاتتى - ءدامدىمدى ەندى كىمنىڭ اۋزىنا تۇسەيمىن.

  شي -انداعى ۇيدە، شەشەم جاتقان بولمەدەگى جيھازداردىڭ بىرەۋىن دە قوزعاماي، باياعىسىنداي قويىپ قويعان بولسام دا، شەشەمنىڭ قاراسى كورىنەر ەمەس. ءار رەت وزىمە - ءوزىم كۇبىرلەپ «ول كىسى اۋىلداعى ۇيگە كەتپەدى مە؟» دەپ ەمەكسىتىپ  قوياتىنىم بار.

  بيىلعى جاز ايتەۋ ءبىر ءتۇرلى، كۇندىزى ىستىق، ءتۇنى سالقىن، ءار كۇنى تۇندە قارا تەرگە مالشىنىپ ويانىپ كەتەتىن بولدىم، سوندا ەسىمە الدىمەن شەشەمنىڭ بولمەسىندەگى اۋا تەڭشەگىشتى جاڭالايىن دەگەن وي ساپ ەتە تۇسەدى دە، ارتىنان  ۇيقىم اشىلىپ، شەشەم تۇراتىن اۋىلداعى جاڭا تۇراعى مۇمكىن سالقىن شىعار دەپ  قايتا ءبىر اۋىر كۇرسىنىپ قويىپ، اۋناپ تۇسەمىن.

  شەشەمنىڭ دۇنيەدەن وزعانىنا دا ءۇش جىل تولىپ قالدى، اۋىلدىڭ سالتى بويىنشا دۇركىرەتىپ اتاپ ءوتۋىم، كەرەك -جاراعىمدى دايىنداپ الىپ سولاي تارتۋىم كەرەك. الايدا ديحۋاعا قايتىپ، قابىر باسىنا بارعاندا، ونىڭ ەندى قايتىپ ورالمايتىنىن، مەن جەردىڭ بەتىندە، ول كىسى جەر استىندا، ەكى دۇنيەنى ءبىر قابات جەردىڭ ءبولىپ تۇراتىنىن، شەشەلى-بالالى ەكەۋىمىزدىڭ ەندىگى قاۋىشپايتىنىمىز ەسىمە ورالعاندا، قابىرعام سوگىلىپ، ەكى ەتەگىم جاسقا تولاتىنى قينايتىن  ەدى.

  تىرشىلىكتە ادام ەكى رەت جىلايدى ەكەن، ءبىرى، ىڭگالاپ ومىرگە كەلگەندە، تاعى ءبىرى قايتقاندا دەيدى. ءبىرىنشىسىن  ادام ءوزى ەسىنە ساقتاي المايدى، ارينە ونى باسقانىڭ اۋزىنان ەستيمىز، ەكىنشىسىن مەن دە بىلمەيمىن، ايتۋىمنىڭ دا قاجەتى جوق.

  شەشەم ءوزى ۇستاعان وشاعىن، شىبىن جانى شىرىلداپ ايالايتىن پەرزەنتتەرىن تاستاپ، مىنا دۇنيەدەن اتتانعاندا، قولقا جۇرەگىمدى الدەبىرەۋ سۋىرىپ الىپ بارا جاتقانداي، ساي سۇيەگىم سىرقىراپ قينالعانىم ەسىمنەن كەتەر ەمەس.

  « انانىڭ ۇلىلىعى ومىرگە ۇرپاق اكەلۋىندە عانا ەمەس، قايتا ونىڭ ۇرپاعىنان قارىمجى دامەتپەيتىن، مەيلى ونىڭ قاسىنان قانشا الىستا جۇرسەڭ دە، قانشا ۋاقىتتا ءبىر بارىپ حال- جايىن بىلسەڭ دە، ول باياعىسىنداي باۋىرمال، باياعىسىنداي ىستىق قۇشاعىن جاياتىن ۇلىلىعىندا».
اۋدارعان- ماحاببات قۇدايبەرگەن قىزى

  رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى 

 
powered by IlgharCMS 3.2 www.ilghar.cn