ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

قيىرداعى ەسكە الۋ

جولدانعان ۋاقىتى : 2018/6/4 13:35:47

تاتيانا سۋحوكينا-تولستويا     (رەسەي)

  «ءشي قالپاق»

  اكەي ءبىر مەزەت تەاترعا قاتتى قىزىعاتىن بولدى. ءبىر جولى ول پاتشا تەاترحاناسىنان رابيشتىڭ «ءشي قالپاق» اتتى كۇلدىرگى تەاترىن كورۋگە باردى. بۇل اكەيدىڭ «تاربيەنىڭ جەمىسى» اتتى كومەديانى جازىپ جۇرگەن كەزى ەدى.

  تەاتر ءۇزىلىس جاساعان كەزدە، اكەي دەمالىس ۇيىندە ءبىر تانىس پروفەسسورعا جولىعىپ قالادى. الگى ادام مۇنداي دورەكى، اۋەيى تەاتردى كورگەندە تولستويدىڭ كەزىگىپ قالعاندىعىنا قىنجىلعانداي بولدى. «وسىنداي شىم-شىتىرىق بىردەمەنى ءسىز دە كورگەلى كەلدىڭىز بە، لەف نيكولايەۆيچ» دەيدى زورلانا  كۇلىمسىرەپ.
_ وسىنداي بىردەمەنى جازايىن-اق دەپ ەدىم،-دەيدى اكەي،-ءبىراق، مەن دە مۇنداي قابىلەت قايدان بولسىن.

  ول تۇشكىرگەن جوق
  اكەي تۇشكىرگەن كەزدە بومبى پارتىلاعانداي بۇكىل اۋلانى جاڭعىرتاتىن، ەگەر ول ءتۇن ىشىندە تۇشكىرىپ، شەشەي شوشىپ ويانار بولسا، ءتۇن بويى كىرپىك ىلمەي شىعاتىن.
_ تۇندە تۇشكىرەر بولساڭىز،-دەيتىن شەشەي اكەيگە،-الدىمەن مەنى اقىرىن ءتۇرتىپ وياتىڭىز، مۇنداي بولعاندا، مەن قايتا باستان ۇيىقتاي الاتىن بولامىن.
وعان اكەي دە ماقۇل بولدى.
ءبىر كۇنى تۇندە اكەي تۇشكىرمەك بولىپ، شەشەيدى ەپپەن داۋىستاپ وياتادى.
_ سوفيا،-دەيدى ول،-قورقا كورمە، مەن قازىر تۇشكىرەمىن.
شەشەي ويانىپ، تىڭداپ جاتادى. 5،3،2 مينۋت وتەدى، ەشقانداي احۋال تۋىلمايدى. ءۇڭىلىپ قاراعان ول اكەيدىڭ قالىپتى تىنىس الىپ، ءتاتتى ۇيقىعا كەتكەندىگىن بايقايدى.

  شەشەي كۇلدى
  شەشەي تىم سيرەك كۇلەتىن. وسى سەبەپتەن بولار، ول كۇلسە توتەنشە سۇيكىمدى كورىنەتىن، شەشەيدىڭ ەرەكشە جادىراپ ەكى رەت كۇلگەنى ەسىمدە، بۇل كۇلكىنى دە اكەي قوزعاعان-دى.

  شەشەي توتەنشە بالاجان ەدى، ءبىز ەرەجەتكەن سوڭ، ونىڭ باعىپ-قاعۋىن قاجەت ەتپەيتىن بولدىق. ال، بۇل جاعداي ونى كەرىسىنشە تۇرمىسى جۇتاڭ كۇيگە تۇسكەندەي سەزىندىردى. سوندىقتان، ول مەيلى، قايدا بولسىن، بالا كورسە بولعانى ورايدى قولدان بەرمەي، قامقورلىق جاساپ، باس-كوز بولعىسى كەلەتىن.

  ءبىر جولى ول قىستاقتاعى ءبىر بالامەن ابىگەرلەنىپ جاتادى.
_ مەن ساعان ءىشى اعىپ توقتامايتىن ءبىر رازىنكە بالا جاساتىپ بەرەيىن،-دەيدى اكەي وسىلاي بولسا، ابدەن رازى بولاتىن ۇقسايسىڭ.
داعدىلانباعان كۇلكىسىن تەجەمەك بولعان شەشەي اۋزىن ءبىر قولىمەن باسىپ كۇلىپ كەتتى. تاعى ءبىر جولى مەن  ياسنيا-پولياناعا كەلدىم.
_ بايقاعايسىڭ،-دەدى اكەم،-  شەشەڭ جاڭا عانا ءبىرسىپىرا بوياۋ ساتىپ اكەلدى، ەندى ول كوزىنە نە كورىنسە سونى بويايدى. ءبىراق، ءسوزدىڭ تۋراسىن ايتسام جاندى نارسەگە تيسپەيتىن كورىنەدى...

  بۇل ءازىلدىڭ ماعىناسىن تۇسىنگەن شەشەي ءوزىن توتەنشە باقىتتى سەزىنىپ، كۇلىپ قويا بەردى ءارى ءوز كۇلكىسىن تەجەي الماعاندىعىنا ىڭعايسىزدانىپ تاڭىرقادى دا، شەشەيدى كۇلدىرە العاندىعىنا كوڭىلدەنگەن اكەي دە وعان مەيىرلەنە كوز سالدى.

  جاندارىم
  شەت جەرگە ساپارلاي شىققاندا اكەي ۇنەمى 3-دارەجەلى ۆاگوندا وتىراتىن. ءبىر جولى ول جۇمىس بابىمەن موسكۆادان 50 كيلومەتر قاشىقتىقتاعى شاعىن  قالاشىققا باردى.
ول وسى قالاشىقتا ۇكىمەت قىزمەتىمەن شۇعىلداناتىن ءبىر بالدىزىنىڭ ۇيىندە تۇردى. جۇمىسى ءبىتىپ، ۇيگە قايتۋعا ىڭعايلانعان اكەيدى ناعاشى اعامىز بالا-شاعاسىمەن پويەز بەكەتىنە دەيىن شىعارىپ سالادى. وسى كەزدە بەكەتتەگى ءار ءتۇرلى الەۋمەتتىك بەلگى تاققان جاندارىمدار ولارعا قاتتى قوشامەت كورسەتتى.

  الگى جاندارىمدار جۇرمەك بولعان ادامنىڭ ايگىلى جازۋشى، 3-دارەجەلى اقسۇيەك لەۆ تولستوي ەكەندىگى دە ءبىلىپ الادى. سونىمەن، اكەي بەلەت ساتاتىن ورىنعا بارا بەرگەندە الگى جاندارىم بىرنەشە ادىم اتتاتپاي-اق، قۋىپ جەتىپ، قارسى الدىنا سارت ەتىپ تۇرا قالىپ، قولىن كوتەرىپ قۇرمەت بىلدىرەدى.
-ابىرجىماڭىز تاقسىر، بەلەت ساتىپ اپەرۋگە رۇقسات ەتىڭىز. نەشىنشى دارەجەلى ۆاگونعا وتىراتىندىعىڭىزدى سۇراۋعا رۇقسات ەتىڭىز، 1-دارەجەلىگە مە،  الدە، 2-دارەجەلىگە مە؟
_ 2-دارەجەلىگە،-دەيدى. ءبىر ءسات داعدارىپ قالعان اكەي ۇيگە قايتقان سوڭ، اكەي ماعان جاندارىم الدىندا ءوزىنىڭ قالاي السىزدىك ىستەگەندىگىن ايتىپ بەردى. ول ءوز داعدىسىن بۇزعاندىعىن كەلەمەجدەپ، ءوزىنىڭ وسى  قىلىعىن كەشىرىلمەس ءىس ساناپ قاتتى قىنجىلدى.

  وسى ءبىر بولماشى ىسكە بولا ونىڭ قاتتى مازاسىزدانعاندىعى وتە ايقىن ەدى، كەيىن اركىمگە ايتىپ تا ءجۇردى.
مەنىڭشە، اكەيدىڭ 3-دارەجەلى ۆاگوننىڭ بەلەتىن العىزباي،2 -دارەجەلى ۆاگوننىڭ بەلەتىن العىزۋى السىزدىك ىستەگەندىگىنەن ەمەس ەدى، قايتا جاندارىمنىڭ ىزگى نيەتىن جەردە قالدىرعىسى كەلمەگەندىگىنەن بولاتىن. اكەي ەجەلدەن باسقالاردىڭ كوڭىلىن قالدىرۋدى قالامايتىن. ەگەر ول 3-دارەجەلى ۆاگوننىڭ بەلەتىن الاتىن بولعاندا، الگى جاندارىمنىڭ ناۋمەز بولاتىندىعىن بىلەتىن-دى.

  ءبىراق، اكەي ەجەلدەن بولعان جانە بولۋ مۇمكىندىگى بار ساتسىزدىكتەردەن ءوزىن ايىپتاي بىلەتىن.
وزىمدە بار نارسەنىڭ ءبارىن ۇناتامىن

  اكەي ۇيلەنگەننەن كەيىنگى العاشقى جىلدار روسسيا جازۋشىسى، 3-دارەجەلى اقسۇيەك سۋروگوبو ياسنيا-پولياناداعى اكەيگە امانداسا كەلەدى، ول تولستويدىڭ ماسايراپ، ءوز تاعدىرىنا نەداۋىر رازى ەكەندىگىن بايقايدى.
_ ءسىز باقىتتى ادامسىز،-دەيدى سۋروگوبو وعان، ۇناتاتىن نارسەڭىزدىڭ ءبارى دە بار.
_ جوق،-دەيدى اكەي وعان جاۋاپ قايتارىپ،-مەن ۇناتاتىن نارسەنىڭ ءبارى بار ەمەس، قايتا مەن وزىمدە باردىڭ ءبارىن دە ۇناتامىن.

  ۆەلوسيپەد
  اكەي ءار الۋان دەنە تاربيە قيمىلىن  ۇناتاتىن. الدىڭعى عاسىردىڭ سوڭعى جىلدارىندا ۆەلوسيپەد جارىققا شىققان كەزدە اكەي دە ۆەلوسيپەدكە يە بولادى. قىس كۇندەرى ول موسكۆانىڭ ماروش الاڭىنا بارىپ ۆەلوسيپەد ۇيرەنەتىن.
_ مەن مىنانداي ءبىر كۇلكىلى ىسكە جولىقتىم،-دەپ باستادى ول ءسوزىن، -الدىمنان بوگەت بولارلىق ءبىر نارسە جولىقسا بولعانى ىرىق بەرمەيتىن الدەنەندەي ءبىر كۇش مەنىڭ  ۆەلوسيپەدىمدى سوعان قاراي ۇشىرتادى دا سوعىپ وتەدى، وتە-موتە، ءوزىم سياقتى ۆەلوسيپەد ءمىنۋدى ەندى عانا ۇيرەنىپ جۇرگەن سەمىز حانىمعا سوعىلامىن، قاۋىرسىن قادالعان باس كيىمنىڭ جەلپىلدەگەن قاۋىرسىنى كورىنگەن زامان مەنىڭ ۆەلوسيپەدىم دە زاۋلاي جونەلەدى. الگى حانىمنىڭ ويباي سالىپ، جالت بۇرىلماق بولعانىنىڭ دا ەشبىر پايداسى تيمەيدى. ەگەر مەن ودان بۇرىنىراق سەكىرىپ تۇسپەگەندە ونى سوعىپ جىقپاي قويمايمىن. مۇنداي احۋال الدەنەشە رەت تۋىلدى. قازىر مەن ماروش الاڭىنا ول حانىمنىڭ جوق كەزىندە بارىپ ۆەلوسيپەد ءمىنىپ، جاتتىعۋدى ويلايمىن. ءوز-وزىمە جالتارعان سايىن، وزىنە تارتۋ قارسى تۇرۋعا بولمايتىن زاڭدىلىق پا ەكەن دەيمىن،-دەيدى اكەي.

  ول ايەل جانىن قاي كەزدە ءتۇسىندى
  اكەي «وتباسى باقىتى» اتتى رومانىن ۇيلەنبەگەن كەزىندە جازىپتى.
_ ول كەزدە مەن ءوزىمدى ايەلدەردى تۇسىنگەن ساناپ ءجۇرىپپىن،-دەدى   اكەي ماعان ءبىر جولى،-ولاردى بۇكىلدەي ءتۇسىنىپ كەتە الماعاندىعىمدى ۇيلەنگەن سوڭ عانا ءبىلدىم. ولاردى ءتۇسىنۋدى كەيىن كەلە جۇبايىمنىڭ كومەگىندە عانا ۇيرەندىم،-دەدى ول مەنىڭ شاشىمدى سيپاپ،-بويجەتكەن قىزدارىم ءوز كوڭىلىندەگى قۇپيالىقتى تۇگەل ايتقان سوڭ عانا ءوزىمنىڭ ۇيلەنۋدەن بۇرىن، الدە كەيىن بولسىن، ايەلدەر جونىندە ەشنارسە بىلمەيتىندىگىمدى، ولاردى ەندى عانا تۇسىنە باستاعاندىعىمدى ءبىلدىم.

  بىرەۋلەر جۇمىس ىستەسە، ەندى بىرەۋلەر ءان سالادى. ءبىر كۇنى تۇندە ياسنيا-پولياناعا ەڭبەك ءبولىسى جايلى ءسوز بولدى. بۇل اكەيدىڭ «ءسىرا، نە ىستەۋىمىز كەرەك؟» اتتى كىتابىن جازىپ جۇرگەن كەزى ەدى. تولستوي ەرەكشە ۇقىقتى جىكتەگىلەردىڭ جۇمىسشىلاردى ەزۋىنە قاتتى قارسى شىعاتىن. ول كىتابىندا نامىسسىز «ەڭبەك ءبولىسى نازارياسىنىڭ» ۇيلەسىمسىزدىگىن دالەلدەدى.
_ قولونەر ەڭبەگى،-دەدى ول،-قاي كەزدە دە كەم بولسا بولمايدى. ال، ءبىز شۇعىلدانىپ جۇرگەن عىلىمي، كوركەمونەرلىك ەڭبەكتىڭ كوبى از ساندى، ەرەكشە ۇقىقتى جىكتەگى مىرزالار ءۇشىن قىزمەت ىستەپ وتىر. جۇمىسشىلار مەن ديقاندار جونىنەن العاندا، مۇنداي ەڭبەكتىڭ قاجەتى جوق دەرلىك. الايدا، ولاردىڭ ەڭبەگى بولمايىنشا، ءبىز ءومىر سۇرۋگە، مۇلدە، امالسىز قالامىز، ءوزىمىز وسىنداي ماقتانىش ەتىپ وتىرعان عىلىمي جانە كوركەمونەرلىك بالامالى بۇيىمداردى  وندىرۋگە امالسىز قالاتىن بولامىز.
_ مەنى تىڭداڭىزشى، لەف نيكولايەۆيچ!-دەدى ۇيىمىزدە قوناق بولىپ تۇرعان سۋرەتشى لەبين اكەيدىڭ ءسوزىن ءبولىپ، -ءوزىڭىز بىلەسىز، مەن تۇرعان جەر پەتروگرادتىڭ قالاماڭى. كەمە زاۆودىنىڭ جۇمىس ورنىنا وتە جاقىن، جۇمىسشىلاردىڭ ۇلكەن اعاشتاردى ارقانمەن سۇيرەپ جۇرگەندىگىن ۇنەمى كورەمىن. ءبىر جولى جايشىلىقتاعىدان اۋىر اعاش سۇيرەگەن جۇمىسشىلار اعاشتى قوزعالتا الماي-اق قويعانى، وسى كەزدە كوپ ىشىنەن ەكى جىگىت اعاشقا سەكىرىپ شىقتى دا قۇلاققا توتەنشە جاعىمدى، ەكپىندى داۋىسپەن شاتتانا ءان سالدى. ولاردىڭ وسى ءبىر قىزۋ ىنتاسى جۇمىسشىلاردى جىگەرلەندىرىپ، ولاردىڭ قاربالاس ەڭبەگىن جەڭىلدەتتى.
_ سونىمەن نە دەمەكسىز؟-دەدى  اكەي.
_ مىناداي،-دەدى لەبين سىپايى  تۇردە،-ءوز كوركەمونەرىمەن جۇمىسشىلار تۇرمىسىن جەڭىلدەتكەن ادام ءومىر سۇرۋگە ۇقىقتى. ولاردىڭ ءوز رولى بار. مەن ءوزىمدى انە سونداي ادامداردىڭ ءبىرى دەپ بىلەمىن. سونداي ءانشى بولۋدى قالايمىن دا.
_ وتە جاقسى،-دەدى اكەي كۇلىمدەپ،-شاتاعى، كوپ ساندى ادامدار اعاشتىڭ باسىنا شىعۋدى عانا ءۇمىت ەتەدى. اعاش سۇيرەۋگە كومەكتەسۋدى   قالايتىندار وتە از ساندىلار عانا،ماسەلەنىڭ كىلتى وسىندا.
 
  اۋدارعان _ ساعدانا عابيدەن قىزى

   رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى 

 
powered by IlgharCMS 3.2 www.ilghar.cn