تەكسەرىپ بەكىتۋ بويىنشا قىزمەت كورسەتۋدىڭ حالىققا قولايلى بولۋىن ىشكەرىلەي ىلگەرىلەتۋدى ورنالاستىردى

 
    ج ك پ ورتالىق كوميتەتى كەڭسەسى مەن مەملەكەتتىك كەڭەس كەڭسەسى «تەكسەرىپ بەكىتۋ بويىنشا قىزمەت كورسەتۋدىڭ حالىققا قولايلى بولۋىن ىشكەرىلەي ىلگەرىلەتۋ جونىندەگى پىكىردى» باسىپ تاراتىپ، تەكسەرىپ بەكىتۋ بويىنشا قىزمەت كورسەتۋدىڭ حالىققا قولايلى بولۋىن ىشكەرىلەي ىلگەرىلەتۋ قىزمەتىن ورنالاستىردى.

  　　 پىكىر مىنالاردى اتاپ كورسەتتى: پارتيا 18-قۇرىلتايىنان بەرى، جەرگىلىكتى ءار دارەجەلى پارتكومدار مەن حالىق ۇكىمەتتەرى ۇكىمەت ءىسىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تىڭعىلىقتى ىلگەرىلەتىپ،«كوپ بولعاندا ءبىر رەت بارۋ»، «كەزىكپەي - اق تەكسەرىپ بەكىتۋ»، «دەرەۋ ءبىتىرۋ، ينتەرنەت ارقىلى ءبىتىرۋ، ءبىر جولدا ءبىتىرۋ»،  «تەكسەرىپ بەكىتۋدى ءبىر تاڭبامەن باسقارۋ»، «ءبىر ورىن، ءبىر سايت  ۇلگىسى» سياقتى ۇتىمدى ءادىس - شارالار جونىندە ىزدەنىس جاساپ، كاسىپورىندار مەن بۇقارانىڭ جۇمىس بىتىرۋىنە، شارۋاشىلىق قۇرۋىنا قولايلىلىق جاساپ، تۇزىمدىك كەلىسۋدىڭ وزىندىك قۇنىن ءونىمدى تومەندەتىپ، ۇكىمەت فۋنكتسياسى مەن قىزمەت ستيلىنە بۇرىلىس جاساۋدى جەدەلدەتىپ، ۇكىمەتتىڭ جونگە سالۋ قابىلەتى جانە دەڭگەيىن جوعارىلاتۋ جاعىندا كورنەكتى ونىمدىلىككە قول جەتكىزدى.

　　 پىكىر مىنالاردى تالاپ ەتتى: پارتيا 19 - قۇرىلتايى مەن پارتيا 19 -كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شي جينپيڭنىڭ جاڭا ءداۋىر جۇڭگوشا سوتسياليزم  يدەياسىن جەتەكشى ەتىپ، كاسىپورىندار مەن بۇقارانىڭ شارۋاشىلىق قۇرۋىنا اناعۇرلىم تەز، اناعۇرلىم جاقسى قولايلىلىق جاساۋدى بەتالىس ەتىپ، كاسىپورىندار مەن بۇقارانى بەتكە العان، ءبىر جايلى ەتۋدى وتىنگەن اكىمشىلىك تەكسەرىپ بەكىتۋ مەن الەۋمەتتىك قىزمەت كورسەتۋ ىستەرى توڭىرەگىندە تەكسەرىپ بەكىتۋ بويىنشا قىزمەت كورسەتۋ ۇستانىمىنا، تۇزىمىنە، ستيلىنە جان - جاقتى تەرەڭ وزگەرىس ەنگىزۋ كەرەك. پىكىر جەرگىلىكتى تيپتىك تاجىريبەلەردى قورىتىندىلاۋ نەگىزىندە مىناداي 8 جاقتان رەفورما مىندەتى مەن ناقتى تالاپتاردى العا قويدى:
  ءبىرىنشى، تەكسەرىپ بەكىتۋ  بويىنشا قىزمەت وتەۋدە «دەرەۋ  ءبىتىرۋدى، ينتەرنەتتە ءبىتىرۋدى، تەز ارادا ءبىتىرۋدى، ءبىر جولدا ءبىتىرۋدى» جاپپاي ىلگەرىلەتۋ، 2018 -جىلى 10 -ايدىڭ سوڭىنان  بۇرىن ولكەنى بىرلىك ەتىپ ءار ساتىداعى، ءار دارەجەلى حالىق ۇكىمەتتەرىنىڭ «ءتورتتى ءبىتىرۋ» مازمۇنىن جاريالاۋ كەرەك.
  ەكىنشى، تەكسەرىپ بەكىتۋ بويىنشا قىزمەت وتەۋدى ولشەمدەندىرۋ كەرەك. نازاردى كاسىپورىندار مەن بۇقارا كوڭىل ءبولىپ وتىرعان ءتۇيىندى سالالار مەن ءتۇيىندى ىستەرگە شوعىرلاندىرىپ، ۇقساس ءىستى بىردەي قابىلداۋ، ۇقساس ولشەممەن ءبىتىرۋ كەرەك.
  ءۇشىنشى، «كۋالىكتەردى قىسقارتىپ حالىققا قولايلىلىق جاساۋ» قيمىلىن باياندى ورىستەتۋ قاجەت. كاسىپورىن مەن  بۇقارانى  مازالايتىن «قالىپسىز» كۋالىك، قايتالانبالى كۋالىك، ۇقساس كۋالىك سياقتى ءتۇرلى ورىنسىز كۋالىكتەردى جاپپاي اداقتاۋ كەرەك.
  ءتورتىنشى، تەكسەرىپ بەكىتۋ بويىنشا قىزمەت كورسەتۋدى شوعىرلى ءبىر جايلى ەتۋدى كۇش سالا ىلگەرىلەتۋ. ءار دارەجەلى اكىمشىلىك قىزمەت كورسەتۋ ورىندارىنىڭ «ءبىر پۋنكت ۇلگىسى» رولىن ساپالىلاندىرىپ، كۇشەيتىپ، سالىستىرمالى شوعىرلانعان اكىمشىلىك رۇقسات ۇقىعىنا رەفورما جاساۋ سىناق تۇيىندەرىن تەرەڭدەتۋ جانە كەڭەيتۋ  كەرەك.
  بەسىنشى، «اكىمشىلىك ىستەردى ينتەرنەتتە ءبىتىرۋ بويىنشا قىزمەت وتەۋ» ورەسىن كۇش سالا جوعارىلاتۋ. اكىمشىلىك ىستەرى ينفورماتسيا جۇيەلەرىن تازالاپ، بىرىكتىرىپ، ينفورماتسيادان بىرگە پايدالانۋدى جەدەلدەتىپ، سيفرلى مالىمەت ارنالارىن ىركىلىسسىزدەندىرىپ، حالىقتىڭ پايدالانۋىنا  قولايلىلىق   جاساپ، جەلىدە جانە جەلىدەن سىرت توعىسىپ دامۋدى جۇزەگە اسىرۋ كەرەك.
  التىنشى، حالىققا قولايلى، كاسىپورىندارعا ءتيىمدى تەكسەرۋ بەكىتۋ بويىنشا قىزمەت كورسەتۋ تاسىلىندە جاڭالىق اشۋ  كەرەك.
  جەتىنشى، اكىمشىلىك تەكسەرىپ بەكىتۋ بويىنشا ارالىق قىزمەت كورسەتۋ  رەفورماسىن تەرەڭدەتۋ. ارالىق قىزمەت كورسەتۋ جۇمىستارىن اناعۇرلىم ىقشامداپ، ءادىل باسەكەلەسەتىن ارالىق قىزمەت كورسەتۋ بازارىن قالىپتاستىرۋ كەرەك. سەگىزىنشى، جۇمىس بارىسىندا، جۇمىستان كەيىن باقىلاپ - باسقارۋدى شىن مانىندە كۇشەيتۋ كەرەك.
«شينجياڭ گازەتىنەن»

  رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان»الىندى