ەەڭ جاڭا مازمۇندار
2018-جىلى 11 -ايدىڭ 16-كۇنى 253-سان
2018-جىلى 11-ايدىڭ 15-كۇنى 252-سان
كاسىپ جاعىنان شينجياڭعا باعىتتامالى كومەكتەسۋ جەرلىك ورىننىڭ ەكونوميكالىق دامۋىن جەبەدى
قىستاقتا تۇرۋ قىزمەتىن تىڭعىلىقتى ىستەدى
وتباسى كىرىسىن ارتتىرۋىنا جەبەۋشى بولدى
پارتيانىڭ قامقورلىعىنا العىس ايتىپ، پارتياعا ىلەسۋگە ۇندەدى
وتباسى كىرىسىن ارتتىردى
پارتيانىڭ مەيىر-شاپاعاتىن ەستە بەرىك ساقتاپ، كورىكتى اتا مەكەنىمىزدى باتىل قورعايىق
جۇدىرىقتاي جۇمىلىپ، «ءۇش ءتۇرلى كۇشتىڭ» تامىرىنا بالتا شابايىق
ايماقتىق پارتكوم كەدەيلىكتەن قۇتىلدىرۋدان قامال الۋدى ارالاپ تەكسەرۋ قىزمەتىنە جۇمىلدىرۋ ءماجىلىسىن اشتى
ءدوربىلجىن اۋدانىنداعى قارتتاردىڭ باقىتتى تۇرمىسى
19-رەتكى جۇڭگو تىلشىلەر مەرەكەسىن قىزۋ قۇتتىقتايمىز
«قينالساق قىزمەت اترەتىن ىزدەيتىن بولدىق»
2018-جىلى 11-ايدىڭ 14-كۇنى 251-سان
ىنتىماعى جاراسقان اعا-ءىنى
قىستاق تۇرعىندارىنىڭ القاۋىنا بولەندى
قارتتاردىڭ تۇرمىس ورتاسىنىڭ حاۋىپسىز بولۋىنا كەپىلدىك ەتتى
2018-جىلى 11-ايدىڭ 13-كۇنى 250-سان
2018-جىلى 11-ايدىڭ 12-كۇنى 249-سان
2018-جىلى 11-ايدىڭ 10-كۇنى 248-سان
«ءبىز قىزمەت اترەتىنە العىس ايتامىز»
مۇقيات حالىق تۇرمىسى قۇرىلىسى نىساندارىنا تەكسەرۋ-زەرتتەۋ جۇرگىزدى
ءدوربىلجىن اۋدانىندا اۋلاعا ەگىلگەن ساپالى جەمىس-جيدەك، كوكونىستەردى سارالاۋ جارىسى ءوتتى
مەملەكەتتە ءبىرتۇتاس قولدانىلاتىن ءتىل-جازۋدى ۇيرەنۋ ارناۋلى ايدارى
2018-جىلى 11-ايدىڭ 9-كۇنى 247-سان
2018-جىلى 11-ايدىڭ 8-كۇنى 246-سان
2018-جىلى 11-ايدىڭ 7-كۇنى 245-سان
ماقتا تەرۋ قىزمەتى ءساتتى اياقتالدى
حالىق بۇقاراسىنا پارتيا مەن ۇكىمەتتىڭ قامقورلىعىن سەزىندىردى
قىستاق تۇرعىندارىنىڭ قيىنشىلىقتارىن شەشىم ەتىپ كەلەدى

انامنىڭ مەدالى

جولدانعان ۋاقىتى : 2018/5/25 12:25:50

ليۋ چيڭباڭ

  انام اۋداندا اشىلعان ەڭبەك وزاتتارىنىڭ ماداقتاپ-سيلاۋ جينالىسىنا قاتىناسقان ۋاقىت 1957-جىلى كوكتەم ەدى، نەشە ون جىل وتە شىقتى، انامنىڭ دۇنيەدەن وتكەنىنە دە ون نەشە جىلدىڭ ءجۇزى بولدى، ۋاقىت زىمىراپ وتۋدە. ال، ونىڭ سيلىق العان ۋاقىتى بالالارىنىڭ كوڭىلىندە سايراپ تۇر،ويتكەنى بۇل ءبىر بەلگى نەمەسە وتكەن كۇندى ەسكە سالاتىن ءبىر ءتۇيىن سانالادى.

  انام كوزى تىرىسىندە بىزگە ءىنىمدى كوتەرىپ الىپ، ەڭبەك وزاتتارىنىڭ زور جيىنىنا قاتىناسقاندىعىن ايتقان بولاتىن، سول كەزدە ءىنىم جاسقا تولماعان، ومىراۋ ەمەتىن، اياعىن ءالى باسپاعان ەكەن، ءۇيىمىز اۋدان ورتالىعىنان 56  كيلومەتر شالعايدا تۇراتىن، ول ۋاقىتتا وتىراتىن اۆتوكولىك تە جوق، انام ءىنىمدى اۋدان ورتالىعىنا ارقالاپ بارىپ- كەلىپتى، مەنىڭ ايتپاقشى بولعانىم ءىنىمنىڭ  تۋعان كۇنى، ءىنىم 1957-جىلى 7-ايدا تۋىلعان، انامنىڭ ەڭبەك وزاتتارىنىڭ جينالىسىنا  قاتىناسقان ۋاقىتى دا 1957-جىلى ەدى.

  انام اۋداننان مەدال مەن سيلىق قاعاز الا كەلىپتى، سيلىق قاعاز بەن مەدالدى قوسىپ بەرگەن، مەدالعا ادامنىڭ اتى ويىپ جازىلماپتى، سيلىق قاعازعا ات جازۋعا بولادى، بۇل انامنىڭ قۇرمەتكە يە بولعاندىعىنان دەرەك بەرەدى، ماعان اسەر ەتكەنى مەدال، ويتكەنى مەتال تەكتەس مەدالدارعا ەرەكشە قىزىعاتىنمىن،ءبىر پاراق سيلىق قاعازدى ەلەپ-ەسكەرمەدىم.

  مەدال وتە ادەمى كورىندى، شىنىندا، كوپ كورىم ويىنشىق ەدى. بالا كەزىمىزدە بالشىقپەن وينايتىنبىز، بىزدە ءوڭى ءتۇزۋ ويىنشىق بولمايتىن، انامنىڭ مەدالىن كورگەندە الدا قولىمنان تاستاماي وينايتىن ويىنشىققا كەز بولعانىمدى سەزىندىم، انام مەدالىن تەرى ابدىراعا سالىپ قويدى، اۋزىن قۇلىپتاعان جوق، مەدالدى قالاعان كەزدە الىپ شىعىپ وينايتىن بولدىم، ابدىرادا مەدالدان باسقا انامنىڭ كۇمىس تاراعى، كۇمىس بىلەزىگى جانە سايلاۋ  كۋالىگى قاتارلىلار سالىنعان، باسقا نارسەلەرگە تيىسپەي، تەك مەدالدى عانا الىپ شىعىپ وينايتىنىمىن.

  مەدالدى قولعا الساڭ سالماقتى سەزىلەتىن، ءتاتتى كارتوپ جاپىراقشاسىنان ون جاپىراعىن قوسساڭ دا مەدالدىڭ سالماعىنا جەتپەيتىن، مەدال بەسجۇلدىز فورمالى، ۇستىڭگى جاعىندا ءتىستى دوڭگەلەك، ءبيداي ماساعى سياقتىلاردىڭ سۋرەتى بار، ءبيداي ماساعى توق، ساۋساقپەن قىسىپ قالساڭ بولدى ءدانى توگىلەتىن سياقتى سەزىلەدى، مەدالدىڭ رەڭى پىسقان ءبيداي ماساعىمەن ۇقساس بولعانىمەن، ءبيداي ماساعى جارقىراماي، مەدال جارقىراپ تۇر، مەدالدى كۇن نۇرىنا قاراتساڭ، شاپ-شاعىن كۇنگە اينالىپ ساۋلە شاشادى، مەدال ءۇش بولەكتەن قۇرالعان، بەت جاعى مەتال تاقتا، مەتال تاقتانىڭ ارت جاعىندا تۇيرەۋىش بار، ورتاسىندا قىزىل جىبەك شاشاعى بار، شاشاق مەتال تۇيرەۋىشتەن وتكىزىلگەن، تۇيرەۋىش پەن استىڭعى جاعىنداعى مەدال جالعاسقان، مەدالدى تاعىپ دا كورگەن ەمەسپىن، شەشەمنىڭ دە مەدالدى تاققانىن كورگەن جوقپىن، مەدالدى قاي جەرگە تاعاتىندى دا بىلمەيمىن، ءبىر جولى مەن مەدالدى ەسىك الدىنداعى انار اعاشىنا ءىلىپ قويدىم، انار اعاشى بەينە سالپىنشاقتى سىرعا تاعىپ العانداي قىزىقتى سەزىلدى.

  مەدالدى الىپ شىعىپ ويناۋعا قۇمار ەدىم، باسقا بالالار دا ۇيىمىزگە كەلىپ، مەدالمەن وينايتىن، ولارعا مەدالدى كوز-كوز قىلۋعا پەيىلدى ەدىم، بۇلاي ىستەيتىنىم: سەندەردىڭ ۇيدە وسىنداي مەدال بار ما، جوق شىعار دەگەن يدەيا، تەك  ولارعا مەدالدى كورسەتىپ، ۇستاۋىنا جول قويمايتىنمىن، ەگەر قاي بالا قولمەن مەدالدى ۇستاعىسى كەلسە،دەرەۋ مەدالدى العان ورنىما سالىپ قوياتىنىمىن.

  قاي كەزدە ەكەنىن بىلمەيمىن، مەدال كوزدەن عايىپ بولدى، شاعىن تەرى ابدىرانى قانشا اقتارسام دا مەدالدىڭ  كولەڭكەسى كورىنبەدى، ونىڭ ۇشاتىنداي قاناتى جوق بولعانىمەن، ەش سىبىسىن بىلدىرمەي «ۇشىپ» كەتتى، ۇلكەن اپەكەم مەن ەكىنشى اپەكەم مەدالدى كوتەرمەشى ساۋداگەرلەرگە دومالاق كامپيتكە ايىرباستاپ جىبەردى دەپ مەنەن كۇمانداندى، ادەتتە قوماعاي بولعاندىعىمنان جەردە جاتقان قويدىڭ قۇمالاعىن بۇرشاق ەكەن دەپ اۋىزعا سالۋدان تايىنبايتىننىڭ ءوزى بولاتىنمىن. ءبىراق، مەدال تۋرالى ءباس تىگىسۋگە دايىنمىن، مەن انامنىڭ مەدالىن كامپيتكە الماستىرمادىم. ەگەر، راسىندا، مەدالدى كامپيتكە  الماستىرىپ جىبەرگەن بولسام، كامپيتتىڭ ءتاتتى ءدامى اۋزىمنان كەتپەگەن بولار ەدى! ەگەر كىشكەنتاي كەزىمدە ۇرىس-جاڭجالدان، تاياق جەۋدەن قورقىپ، شىن ءسوز ايتۋعا باتىلدىق ەتە الماعان شىعار دەپ ويلاساڭىزدار، قازىر وسىنشا جاسقا كەلدىم، مۇنى ەندىگارى جاسىرۋدىڭ دا قاجەتى شامالى،  انامنىڭ مەدالىنىڭ جوعالۋى اعالى-ءىنىلى، اپەكەلى-ءسىڭلىلى بولعان ءبىز ءۇشىن ءبىر قۇپيا سىر، بۇل ءتىلسىم سىردى ەشكىم ماڭگى شەشە العان ەمەس.

  ەگەردە انامنىڭ مەدالى قازىرگە دەيىن ساقتالعان بولسا، وتە جاقسى بولار ەدى، ءار جولى مەدالدى كورگەندە انامىز ەسكە ءتۇسىپ، ەڭبەكشىل دە ابىرويلى وتكەن ءومىرىن ساعىنا ەسكە الار ەدىك، مەدال جوعالسا دا انام جۇرەگىمنەن تەرەڭ ورىن الدى، زاتتىق ءتۇس العان مەدالدى ىزدەۋدى قويىپ، مەدالدىڭ رۋحاني ءمانىن تەكتەدىم.

  انامنىڭ ەڭبەك وزاتى بولۋى وڭاي قولعا كەلە سالعان جەمىسى ەمەس. ايتۋعا قاراعاندا، ءار كوممۋناعا بەرىلەتىن ەڭبەك وزاتىنىڭ سانى شەكتى ەكەن، ۇلكەن اترەتتىڭ ءبارى بىردەن ەڭبەك وزاتىن كورسەتپەيدى، ەڭبەك وزاتىن تاڭداۋدا جۇزدەن، مىڭنان ءبىرىن تاڭدامايدى، قايتا ون مىڭ ادامنىڭ ىشىنەن بىرەۋىن تاڭدايدى. ولاي بولسا،ءبىر قاراپايىم اۋىل-قىستاق ايەلى العا قالايشا «ەڭبەك وزاتى» بوپ قارا ءۇزىپ شىقتى، قالايشا سان مىڭ ادامنىڭ ىشىنەن سارالانىپ شىقتى، وزات دەگەن اتاق ەڭبەگىنە بەرىلىپ وتىرعاندىقتان، بالكىم، بۇعان ىستەگەن ەڭبەگىنەن جاۋاپ ىزدەۋ كەرەك شىعار.

  ۇلكەن اپەكەم مەن ەكىنشى اپەكەمنىڭ ەسىندە قالۋىنشا، انام ەڭبەككە كەلگەندە الدىنا جان سالمايتىن، وتە قايراتتى، ادۋىن ەكەن، ەگىستىك جەرگە كوڭ تاسىعاندا انام شارباعىنا كوڭدى تولتىرا سالادى ەكەن، ءجۇرىسى دە ەلپەك ەكەن، جيىن-تەرىن كەزىندە، ءبيداي ورعاندا، اعالاپ الدا جۇرەتىن تاعى دا ءبىزدىڭ انامىز ەكەن، سۋ تاسيتىن ۇلكەن دوڭگەلەكتى اربانىڭ تەمىردەن جاسالعان ۇلكەن دوڭگەلەگىنىڭ ەكى جاعىندا بىردەن  اكرەزەر (تۇتقا) بار ەكەن دە، وسى ارقىلى ۇلكەن دوڭگەلەكتى قوزعالتقاندا عانا، كىشكەنە ءتىستى دوڭگەلەكتى جەتەكتەپ، سۋدى قۇدىقتان تارتىپ شىعارۋعا بولادى ەكەن، باسقا ايەلدەر سۋدى تارتىپ شىعارعاندا، ەكەۋى سەلبەسىپ ىستەسە، اناما كەزەك كەلگەندە باسى ەڭكەيىپ، بەلى بۇكىرەيىپ، شاشى قوپسىپ، تۇلا بويى تەرگە مالشىنىپ ءجۇرىپ، جالعىز ءوزى دوڭگەلەكتى اينالدىرىپ، سۋدى تارتىپ شىعارادى ەكەن، ونىڭ ۇستىنە تارتىپ شىعارعان سۋىنىڭ مولشەرى دە كوپ بولادى ەكەن.

  ول كىسى ۇيەلمەلى-سۇيەلمەلى بالالارىنىڭ ءبىرىن كوتەرىپ، ءبىرىن جەتەكتەپ الىپ ەڭبەك ىستەيتىن، اۋىر اياق كەزىندە انامنىڭ اتىز باسىندا ەڭبەك ىستەۋىنە ەشقانداي اسەر ەتە الماعان. تولعاق قىسىپ شىداتپاعاندا بارىپ اتىزدان قايتىپ، بالاسىن بوسانىپ، ۇيدە قول-اياعىن باۋىرىنا الاتىن، بوسانۋ ءۇشىن، ەشقاشان شيپاحاناعا بارعان پەندە ەمەس. ونىڭ ۇستىنە، تۋىت اناسىن دا شاقىرىپ كورمەگەن، ءوزى بوسانىپ، بالاسىنىڭ كىندىگىن ءوزى كەسەتىن دە، از ۋاقىت تىنىستاپ  الىپ تاعى دا جاپالى ەڭبەككە كىرىسەتىن.

  انامنىڭ بويى بيىك ەمەس، مولشەرمەن 1.50 نەشە سانتيمەتردەن ءسال قالقىڭقى، دەنە سالماعى دا جەڭىل، 50 كيلوگرام  اينالاسىندا، ءبىراق انامنىڭ بويىنداعى  وراسان زور كۇش-قۋات قايدان كەلگەن، بۇرىن مۇنى تۇسىنبەيدى ەكەنمىن، سوڭىنان بىرتىندەپ ۇقتىم، انامنىڭ كۇش-قۋاتى ونىڭ ەرەسەن ەرلىك جىگەرىنەن كەلگەن، ياعني اۋىلىمىزداعى ادامداردىڭ ايتقانىنداي جۇرەك قۋاتىنان كەلگەن.

  ەگەر اناما قاجىر-قايرات تۋرالى ءسوز قوزعاسام، بالكىم،ول كىسى مۇنى تۇسىنبەيتىنى مۇندا تۇر، حات تانىمايدى، ول ءوزىنىڭ كۇش-قۋاتىنا ات قويا    المايدى، مۇنىمەن ساناسپاستان، مەنى توپاسسىڭ دەيتىن، جۇرەك قۋاتى تۋرالى ايتسام، مەنشە ول مويىندايدى، ءبى ادامنىڭ كۇش-قۋاتىنىڭ قانشالىق ەكەنىن، باستىسى، دەنە قۋاتى ەمەس، قايتا جۇرەك قۋاتى بەلگىلەيدى. ءبىر ادامنىڭ جۇرەك قۋاتى مىعىم بولسا عانا، شىنايى كۇش-قۋاتى بار ادام سانالادى. قانشا قارۋ-قايراتىڭ بولعانىمەن، جۇرەك قۋاتى كەم بولسا، ءارقانداي جاعدايدا كۇش- قۋاتى بار ادام سانالمايدى. ءبىر ادامنىڭ جۇرەك قۋاتى دەگەنىمىز سايىپ كەلگەندە، ءوزىن-ءوزى جەڭە الاتىن كۇش- قۋاتى. تەك ءوزىن-ءوزى جەڭە العاندا عانا قيىنشىلىقتى، سونىمەن بىرگە باسقالاردى دا جەڭە الادى، ەگەردە ءوزىن جەڭە الماسا، الدىمەن ءوزىن-ءوزى  جەڭىلىسكە ۇشىراتادى، مۇنداي جاعدايدا جەڭىسكە جەتۋدەن قايتىپ اۋىز اشۋعا بولادى.

  اناممەن سالىستىرعاندا مەنىڭ جۇرەك قۋاتىم الدەقايدا ءالسىز، شىنىن ايتسام بالا كەزىمدە كوكە جالقاۋ ەدىم، سۋ تاسۋ، تاماق جاساۋدى ۇلكەن اپەكەم، ىدىس-اياق جۋۋدى ەكىنشى اپەكەم، وتىن تەرۋ، قوي باعۋدى قارىنداسىم ۇستىنە العان، ال مەن بەكەرشىلىكتەن ەكى قولىم الدىما سيمايتىن، تەك وقۋدان باسقا ەشقانداي شارۋامەن جۇمىسىم بولمايتىن، ۋاقىت وتە كەلە ءتاتتى-ءدامدى نارسەلەردى جەپ، دايىن اسقا تىك قاسىق بولعان جالقاۋلىق سىندى ناشار ادەتتى قالىپتاستىردىم، سوڭىنان كومىر كەنگە قىزمەتكە شىقتىم، ءدال سول كەزدەن باستاپ ۇيدەگى ارقا سۇيەر تىرەگىمنەن ايرىلدىم. سالت باس، ساباۋ قامشىلى سىرتتا ءجۇردىم، جاساعان ورتانىڭ ماجبۇرلەۋى ماعان ءوز تىزگىنىمدى ءوزىم الىپ ءجۇرۋدى ۇيرەتتى، انامنىڭ ەڭبەك سۇيگىش قاسيەتى مەنىڭ بويىما دارىپ، تەز ارادا ءوز رولىمدى ساۋلەلەندىردىم، سونداي-اق ءوزىمدى قادىرلەۋ، ءوز كۇنىمدى ءوزىم كورۋ، باس قۇراۋ سەبەبىمەن وزىمدەگى كومەسكى ەڭبەكشىلدىك قۋاتتى ايگىلەي ءتۇستىم ءارى ەڭبەك ىستەي ءجۇرىپ، بىرتىندەپ ەڭبەكتىڭ ءمانىن ءتۇسىندىم. ەڭبەك ادامزاتتى جاراتتى، ادام ءومىرى ەڭبەكتەنۋمەن كەلەدى نەمەسە ادام ءومىر سۇرەدى ەكەن،ءسوزسىز، ەڭبەكتەنۋ كەرەك، تەك ايانباي ەڭبەك ىستەپ، تەر توگىپ، ەڭبەكتى ءوندىرىپ ىستەگەندە عانا وزگەلەردىڭ نازارىنا ىلىنەسىڭ، قوعامنىڭ سي-قۇرمەتىنە بولەنە الاسىڭ،جۇمىسشى بولعان كەزىمدە «ەڭبەك وزاتى» بولىپ سايلانىپ كورمەدىم،ءبىراق شامامنىڭ كەلگەنىنشە ىستەدىم دەپ  ويلايمىن، جالقاۋلىققا نەمەسە جىلپوستىققا سالىنىپ كورگەن جوقپىن، سوندىقتان  كاسىپتەستەرىم مەنى كەرەمەتسىڭ دەپ ماقتاسادى.

  الايدا، «ەڭبەك وزاتى» بولۋدى ەش ويلاپ كورگەن ەمەسپىن، ءوزىمدى ەڭبەك وزاتىمەن بايلانىستىرىپ دا كورگەن ەمەسپىن، ارالىقتا انامنىڭ «ەڭبەك وزاتى» بولعان ىستەرى ەسىمنەن كوتەرىلىپ كەتە جازدادى، بەيجيڭدەگى «جۇڭگو كومىر گازەتىنىڭ» رەداكتور، ءتىلشىسى بولىپ اۋىسىپ بارعان سوڭ، بۇكىل ەل بويىنشا كومىر كەندەگى كوپتەگەن ەڭبەك وزاتتارى مەن ەڭبەك قاھارماندارىنا تىلشىلىك جاساپ، ولاردىڭ ىزگى ىستەرىن از جازبادىم، ولاردىڭ ىستەگەن ىزگى ىستەرىنەن قاتتى اسەرلەنىپ، جازعان قول جازبالارىمنىڭ ءوزى ءبىر توبە. ءبىراق، اركىمنىڭ ءجونى بولەك، مەن ءوزىمدى بۇلارعا قاتىسى جوق بوگدە ادامداي سەزىندىم، مەن، ءتىپتى، سول داۋىردەگى ەڭبەك وزاتتارىنىڭ ءبارى ءوندىرىستىڭ «كونپىس وگىزى»، «قۇرالى»، ءبىز ولاردى ەڭبەگى ءۇشىن قۇرمەتتەيمىز، ولاردان ۇيرەنۋگە پەيىل تانىتپاۋىمىزعا بولادى دەپ قاراپ كەلدىم، ءبىر جولى ءبىر وقىرمانمەن اڭگىمەلەسكەندە ءار جىلى شاعاننىڭ    ءبىرىنشى كۇنى تاڭەرتەڭ تۇرىپ،ادەبي شىعارما جازاتىنىمدى تىلگە تيەك ەتتىم،ول مەنەن ەڭبەك وزاتى بولعىڭ كەلە مە دەپ سۇرادى،ءاسىلى،بۇل جاقسى ءسوز،ءبىراق، مۇنى قىرتىسىم سۇيمەدى، بەينە مەنى كەلەكەلەپ تۇرعانداي سەزىلدى،م ەن وعان اسىرا ماداقتادىڭىز،سيلىققا يە بولىپ،ەڭبەك وزاتى بولۋدى ويلاپ كورمەدىم دەدىم.

  ءاسىلى، مەنىڭ اڭعارىمدىلىعىم تومەن، وي-سانام مەشەۋ ەكەن. مۇنى ەندى عانا اڭعارعانداي بولدىم. ءاسىلى، ەڭبەكتى باسقالار بىزگە زورلاپ تاڭبايدى، ول ءومىردىڭ ءبىر ءتۇرلى قاجەتى، ەڭبەك ىستەۋ ءوزىمىزدى تاربيەلەپ شىڭاۋ، ۇزدىكسىز كەمەلدەندىرۋ بارىسى. ەگەر ادام ومىرىندە از دا بولسا ءمان بار دەپ قاراساق، بۇل ءماننىڭ ءوزى قاجىرلى ەڭبەكتىڭ بوداۋىنا كەلەدى. وسى ماعىنادان العاندا، ەڭبەك وزاتى بولۋ قانشاما داڭقتى ءىس دەسەڭىزشى!

  بىرەۋ ەرتە، بىرەۋ كەش اڭعارادى، ادامنىڭ وي-ساناسىنىڭ ويانۋىندا دا  ەرتە-كەشتىك بولادى دەيدى. ال، مەن وسىدان باستاپ ەڭبەك وزاتىنا باسا نازار اۋداراتىن بولدىم. «ەشتەن كەش جاقسى» دەمەكشى، ەندى قانشا قۇلشىنسام دا، «ەڭبەك وزاتى» بولۋدان ەش ءۇمىت جوق. ءالى دە كەش ەمەس، وقاسى جوق. قازىردەن باستاپ انامنان ۇيرەنۋىم كەرەك، ءار كۇنى وزىمە ەڭبەك وزاتى بولۋ ولشەمى بويىنشا تالاپ قويامىن، دەنە قۋات جاقتان قارتايعانىممەن، جۇرەك قۋاتىمدى ءتىپتى دە بەكەمدەي ءتۇسۋىم كەرەك، باسقالار مەنى «ەڭبەك وزاتى» دەپ باعالاماسا دا مەيلى، ارينە، ءوزىمدى-ءوزىم باعالاپ تۇرسام بولماي ما!
اۋدارعان _ ساۋلە كەنجەبەك قىزى

  رەداكتورى : جىگەر ومىربەك ۇلى                                           


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان»الىندى