قاتىناس شىرعالاڭىندا تولەمگە كەلىسكەننەن كەيىن،مۇگەدەكتىك دارەجەسىنە جەتەتىنىن بايقاسا قايتالاي تولەم تالاپ ەتۋگە بولاما؟

ورال قاسەيىن ۇلى
 

  قاتىناس شىرعالاڭى تۋىلعاننان كەيىن، شىرعالاڭداعى ەكى جاق نەمەسە ءبىرقانشا جاق كەلىسىمگە كەلىپ تولەم بەرىپ بولعاننان كەيىن، ءبىر قىدىرۋ ۋاقىت وتكەن سوڭ زياندالۋشى جاق مەديتسينالىق جاقتان تەكسەرىپ ساراپتاۋ ناتيجەسىندە مۇگەدەكتىك دارەجەسىنە جەتكەندىگى بايقالسا، قايتالاي تولەم تالاپ ەتۋگە بولاما؟ بۇل جونىندە تومەندەگى دەلو مىسالىنا نازار سالايىق.

   دەلونىڭ نەگىزگى ءمان - جايى

    2005 - جىلى 10 - ايدىڭ 4 - كۇنى، ۋ xx شاعىن اۆتوكولىگىمەن چىن xx تى سوعىپ جارالاندىرىپ، قاتىناس ساقشى تاراۋى ۋ xx شىرعالاڭدا بارلىق جاۋاپكەرلىكتى ۇستىنە الادى، چىن xx تە جاۋاپكەرلىك جوق دەپ تۇراقتاندىرادى. تاراپتار قاتىناس ساقشى ۇلكەن اترەتىنىڭ جاراستىرۋىندا ۋ xx چىن xx تىڭ شيپاحانادا جاتىپ ەمدەلۋ بارىسىنداعى ەمدەلۋ قاراجاتىنان سىرت، جۇمىستان قالۋ اقىسى، كۇتىمدەنۋ اقىسى، سىرتتاي داۋالانۋ اقىسى بولىپ ءبىر جولاتا 8500 يۋان بەرەتىن بولىپ كەلىسىپ، ۋ xx ناق مايداندا كەلىسىم بويىنشا ۇستىندە تولەم سوماسىن بەرەدى.

   2007 - جىلى 10 - ايدىڭ 26 - كۇنى چىن xx شيپاحاناعا جاتىپ ەكىنشى رەت وپەراتسيا جاساتقان، دياگنوزى ۇرشىق سۇيەگى بۇزىلعان. ادىليالىق ساراپتاۋ ارقىلى وڭ جاق ۇرشىعىنىڭ باسى كونە سىنىق سەبەبىنەن ۇرشىعى بۇزىلعان بولىپ، ۇرشىعىن الماستىرۋ وپەراتسياسىن جاساتۋ قاجەت بولعان. ساراپتاۋ ناتيجەسى: 8 - دارەجەلى مۇگەدەك دەپ شىعارىلعان. چىن xx سوت مەكەمەسىنە ۋ xx تىڭ ۇستىنەن مۇگەدەكتىك تولەمى، جالعاستى ەمدەلۋ قاراجاتى، رۋحاني ازاپ اقىسى بولىپ جيىنى 72239.6 يۋان بەرۋ جونىندە ارىز بەرگەن. چىن xx ەكى جاق شىرعالاڭداعى تولەم ماسەلەسى جونىندە كەلىسىمگە كەلگەمىز، بۇدان كەيىن قۋزاستىرمايتىن بولعان، كەلىسىمدى الدەقاشان اتقارىپ بولعامىن دەپ ءوزىن اقتاپ، سوت مەكەمەسىنەن تالاپكەردىڭ ارىزىن تويتارۋىن تالاپ ەتكەن.
         
    سوت ۇكىمى 

سوت مەكەمەسى تەكسەرىپ كورىپ تالاپكەر مەن جاۋاپكەر قاتىناس ساقشى تاراۋىنداعى كەلىسكەن جاراستىرۋ  كەلىسىمى تاراپتاردىڭ ناقتىلى ويىنىڭ بەينەلەنۋى، كەلىسىمدەگى تولەم تۇرلەرىن كۇشكە يە دەپ تۇراقتاندىرۋ كەرەك. ءبىراق، تاراپتاردىڭ تولەم كەلىسىمىندە مۇگەدەكتىك تولەم سوماسى، جالعاستى ەمدەلۋ قاراجاتى، رۋحاني ازاپ اقىسى قاتارلىلار قامتىلماعان دەپ قاراعان. چىن xx تىڭ وڭ ۇرشىعىنىڭ بۇزىلۋى مەن وڭ ۇرشىعىنىڭ سىنۋىندا سەبەپ - سالدار قاتىناسى بار، وڭ ۇرشىعىنىڭ سىنۋى وڭ ۇرشىعىنىڭ بۇزىلۋىن كەلتىرىپ شىعارعان نەگىزگى فاكتوردىڭ ءبىرى، ۋ xx تىڭ چىن xx تىڭ وڭ ۇرشىعىنىڭ بۇزىلۋىن باسقا سەبەپتەردەن بولعان دەيتىن دالەل - سىپاتى جوق، سوندىقتان ۋ xx چىن xx كە مۇگەدەكتىك تولەم سوماسى، جالعاستى ەمدەلۋ قاراجاتى، رۋحاني ازاپ اقىسى ءۇشىن 57239 يۋان تولەسىن دەپ ۇكىم شىعارادى.
 
  بۇل دەلوداعى تالاس - تارتىس ءتۇيىنى: راقايلاسۋ كەلىسىمى جاسالىپ اتقارىلعاننان كەيىن مۇگەدەك بولعاندىعىن بايقاعاندا، قايتالاي تولەم الۋعا بولاما دەگەن ماسەلە.
 
  بۇل ماسەلەنى احۋالىنا قاراپ بەكىتۋ كەرەك

    بىرىنشىدەن، ەگەر ىسكە قاتىستى ادامدار جاراستىرۋدا مۇگەدەك بولۋ احۋالىنىڭ كورىلۋ فاكتورلارىن ويلاسقاندا نەمەسە تولەم كولەمى كەلەشەكتە كورىلەتىن شىعىم تۇرلەرىن قامتىسا، زياندالۋشىنىڭ قايتالاي تولەم الۋ تالابى قورعالماۋعا ءتيىس؛كەرىسىنشە بولسا، ەگەر تولەم كەلىسىمى كەلەشەكتە تۋىلۋ مۇمكىنشىلىگى بولعان احۋال، سونداي-اق كەيىنگى ەمدەلۋ قاراجاتىن ويلاستىرىلماعان بولسا، قالىپ قالعان تۇرلەردى تولەۋى كەرەك.

   ەكىنشىدەن، ىسكە قاتىستى ادامداردىڭ تانىم دارەجەسى، كاسىپتىك قابىلەتى، سونداي-اق الجاستىرۋ، پايدالانۋ قاتارلى جاقتارداعى تاجىريبەسى مەن تەحنيكالىق قابىلەتى جەتەرسىز بولۋ ماسەلەلەرىنىڭ بار - جوقتىعىن پارىقتاندىرۋ.
 
  ۇشىنشىدەن، كەلىسىمدە كەلىسكەن تولەم سوماسىنىڭ سانى مەن قاتىستى بەلگىلەمەلەر بويىنشا ەسەپتەلگەن تولەۋگە ءتيىستى سوماسىنىڭ سانىندا پارىقتىڭ  الشاق ياكي الشاق ەمەستىگىنە، تەرەزەسى تەڭ بولۋ پرينسيبىنە ايقىن قايشىلىق جاسالعان - جاسالماعاندىعىنا دا قاراۋ  كەرەك.