ەەڭ جاڭا مازمۇندار
جۇڭحۋا حالىق رەسپۋبليكاسى قۇرىلعاندىعىنىڭ 73 جىلدىعىن قۇتتىقتاۋ بايلانىسىمەن مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
شي جينپيڭنىڭ زاڭمەن باسقارۋ يدەياسىن شينجياڭدى جاپپاي زاڭمەن باسقارۋدىڭ جالپى بارىسىندا دايەكتىلەندىرىپ، زاڭمەن باسقارۋ ويى، ءتاسىلى ارقىلى دامۋدى ىلگەرىلەتىپ، قايشىلىقتى شەشىپ، ورنىقتىلىقتى قورعاپ، حاۋىپ - قاتەرگە توتەپ بەرۋ كەرەك
شينجياڭداعى ءار ۇلت، ءار سالا حالىق قاھارماندارىنا قۇرمەتپەن گۇل شارباق قويدى
مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
جاڭاشا بۇكىل مەملەكەتتىك ءتۇزىلىس ابزالدىلىعىن تولىق ساۋلەلەندىرىپ، ەشقاشان بوساڭسىماي، باستان − اياق ءساتتى جۇرگىزىپ، قاجىماي ەڭبەك ەتىپ، ەلىمىزدىڭ وزىق جابدىق جاساۋدا اناعۇرلىم كوپ كەلەلى ناتيجەلەرگە قول جەتكىزۋىن قۇلشىنا جۇزەگە اسىرۋ كەرەك
قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى بەيجيڭدە سالتاناتپەن وتكىزىلدى
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى

باقىتتى بولۋ ءۇشىن كىتاپ وقيىق

جولدانعان ۋاقىتى : 2018/5/1 12:15:48

بەكمۇقان اكەشە ۇلى
 
    دۇنيەدەگى بارلىق نارسە ءوزارا سالىستىرمالى قاتىناستا بولادى. بەينە «دەنەگە تۇسكەن كۇشتەردىڭ تەپە - تەڭدىگىندە دەنە سالىستىرمالى قوزعالىس نەمەسە تىنىشتىق كۇيىن ساقتايدى» دەيتىن فيزيكالىق زاڭدىلىقتا ايتىلعانداي، بارلىق نارسەنىڭ ءوزارا تەپە - تەڭدىگى بۇزىلسا، دامۋ ريتىمى بۇزىلادى نەمەسە قۇردىمعا بەت الادى. ادامنىڭ تىرشىلىگى دە زاتتىق قاجەت پەن رۋحاني قاجەت سىندى تەپە - تەڭ قاجەتتەن ايرىلا المايدى. ادام كۇشتىلىگىمەن ەمەس، اقىلدىلىعىمەن دۇنيەدەگى جان - انۋاردىڭ مىقتىسىنا اينالعان. بۇل جان قاجەتىنىڭ بيىكتىگىنىڭ ناتيجەسى. ءداۋىردىڭ العا باسۋىمەن ادامداردىڭ زاتتىق قاجەتى بارىنشا جوعارىلادى، ءتىپتى، ءبىزدىڭ كۇندەلىك تۇرمىسىمىزعا پايدالاناتىن زاتتىق قاجەتتى نارسەلەرىمىزدىڭ ءتۇرى دە بارىنشا مولايدى جانە دامىدى. ءبىراق، باسقالار جاراتقان وزىق ءوندىرىس ءبىزدىڭ زاتتىق تۇرمىسىمىزدى بەلگىلى جاقتان جوعارىلاتقانىمەن، ءالى دە سول وزىق ءوندىرىستى تولىق پايدالانۋعا قابىلەتىمىز جەتپەي جۇرگەن جايىمىز دە بار. مىنە، بۇل رۋحاني قاجەتىمىزدىڭ سايكەستى دامىماعاندىعىنىڭ بەلگىسى. قارنى اش، كيىمى جۇتاڭقى، زاتتىق جاقتان كۇن كورىسى ناشارلاعان ادامنىڭ سايكەستى رۋحاني جان دۇنيەسى تىم جۇتاڭقى. بىلايشا ايتقاندا، اقىلىنا ساۋلە قونباعاندىقتان، حايۋاندىق قاجەتتە ءجۇر دەۋگە بولادى.
 
  وسى عاسىرداعى ادام ساناسىنىڭ حيكمەتتى قوپارىلىس سيپاتتى دامۋى بارلىق ادامداردى تاڭعالدىرعانىمەن، ال سانا جاقتان دامىعان ادامدار جالپى ادامزات سانىمەن سالىستىرمالى ايتقاندا تىم از. «ادام مەن ادامدى، ۇلت پەن ۇلتتى    تەڭەستىرەتىن نارسە ــ عىلىم» دەگەن. سول عىلىمدى ادام ساناسىنا قۇياتىن قۇرال ــ كىتاپ. ۇلتىمىزدىڭ كىتاپ وقۋ ورەسىمەن سالىستىرمالى ايتقاندا، وزىق ۇلتتارمەن تەڭەسۋ ەمەس، ءداۋىر اعىمىنا ىلەسە الساق قۇبا - قۇپ. تۇگەل ءسوزدىڭ تۇيىنىنە كەلسەك، اقىل - پاراساتى باسقالاردان ۇستەم، ءبىلىم - عىلىمدى ەرتە يگەرىپ، تىڭ جاڭالىقتاردى جاراتقانداردىڭ باقىتى باياندى، قاسىرەتى از، قوعامدىق ورنى دا جوعارى. ولاردىڭ تاريحىنا ۇڭىلسەڭىز، ساناسىن وياتقان كىتاپتاعى ءبىلىم ەكەندىگىن اڭعاراسىز.
 
  ەۆرەيلەر عىلىم جانە بايلىق جاراتۋدا ەڭ الدىڭعى قاتاردا تۇرادى. كىتاپ وقۋ ەۆرەيلەردىڭ قانىنا سىڭگەن دارا قاسيەت. نەمىستەر جاراتقان تەحنيكالىق جاڭالىقتاردىڭ وزىقتىعى مەن ساپالىلىعىن بۇكىل دۇنيە مويىندايدى. نەمىس ۇلتىنىڭ ەڭ جاقسى ادەتىنىڭ ءبىرى كىتاپ وقۋ. گەرمانيادا ەرەسەكتەر مەن جاستاردىڭ ىشىندە اپتاسىنا ۇنەمىلىك كىتاپ وقىپ تۇراتىن وقىرماندار %25 تى ۇستايدى، كىتاپ - ولاردىڭ كەم بولسا بولمايتىن دوسى. گەرمانيادا ەڭ قىزۋ قارسى الىنعان كاسىپتەن سىرتقى 38 ءتۇرلى اۋەستىكتىڭ ىشىندە كىتاپ وقۋ 8 - ورىندا تۇرادى. ال، توراپقا شىعۋ 16 - ورىندا ەكەن. مىنە، وسىدان-اق اڭعارۋعا بولادى. ولاردىڭ وزىقتىعى، ەڭ الدىمەن، كىتاپ وقۋدان باستاۋ العان. ءبىز سەبەپ - سالدار ەتىپ ايتىپ جۇرگەن توراپ تەحنيكاسىنىڭ كومەگىندە، كومپيۋتەر نەمەسە قولفون تەكتەس قۇرالداردىڭ جەتەگىندە دۇنيەنىڭ تۇكپىر - تۇكپىرىندە بولىپ جاتقان وقيعالاردان حاباردار بولىپ، حابار - وشارلاردى تەز يگەرىپ، كىتاپتىڭ ورنى وگەيسىدى دەيتىن ۋاجىمىزدى ولار الدەقاشان باستان وتكەرگەن. قايتا ينتەرنەت سەكىلدى ەلەكتروندى  ينفورماتسيا جۇيەسى كىتاپ وقۋعا سارا جول سالدى. «ەلەكتروندى اقپارات قۇرالدارى كىتاپ وقۋعا تۇساۋ ەمەس، وراي» دەپ قارايدى ەستەر دەپوحاد. زەرتتەرمەندەر كىتاپ وقۋ مەن ينتەرنەتتەن پايدالانۋ ءبىر - بىرىنەن ايرىلا المايدى، كىتاپ وقۋ مادەنيەتتىك شەبەرلىكتىڭ ءبىر ءتۇرى، ينتەرنەت سەكىلدى ەلەكتروندى ينفورماتسيا جۇيەسىمەن قاراما - قارسى كۇيدە بولمايدى دەپ ەسەپتەۋدە. قازىر ءبىزدىڭ قولىمىزداعى كىتاپتاردىڭ كوبىنىڭ ەلەكتروندىق نۇسقاسى بار. ونى الىپ ءجۇرىپ، قاي كەزدە دە وقۋىڭىزعا بولادى. كەيبىر دىبىستى نۇسقالارىن قالاعان ۋاقىتتا تىڭداۋىمىزعا دا قولايلى. ماسەلەنىڭ تەتىگى ءبىزدىڭ كىتاپ وقۋعا ىنتى-شىنتىمەن كىرىسەتىن قۇلىقتى بولۋ - بولماۋىمىزدا. ودان قالسا قانداي كىتاپ وقۋدا. ءوزىمىزدىڭ قاجەتىمىزگە ساي كەلەتىن كىتاپتاردى تاۋىپ، تاباندىلىقپەن سوڭىنا دەيىن وقىپ، رۋحاني دۇنيەمىزدى قاناعات تاپتىرىپ، ءبىلىم الا بىلۋىمىزدە. مىنە، وسىنداي كىتاپ وقۋ ادەتىن جەتىلدىرگەن ادام  ينتەرنەت سەكىلدى ەلەكتروندى ينفورماتسيا جۇيەسىن دۇرىس پايدالانا الادى. ءاسىلى، كىتاپتى جىرعاتىپ وقىمايتىن ادام تەلەفون سەكىلدى ەلەكتروندى ينفورماتسيانىڭ جەڭىل دۇنيەلەرىنە ءۇڭىلىپ، ءار ءشوپتىڭ باسىن ءبىر شالىپ، قىمباتتى ۋاقىتىن بوسقا ىسىراپ ەتەدى، ءتىپتى، قيتۇرقى ينفورماتسيانىڭ ەلىكتىرۋىمەن جامان جولعا دا ءتۇسۋى مۇمكىن. جوعارىدا ايتقانىمىزداي، بارلىق نارسەنىڭ قاراما - قارسى ەكى جاعى قاتار ءومىر سۇرەدى. سوندىقتان ادامدا الدىمەن وزىندىك تالعام بولۋى كەرەك.

  بيىلعى 4 - ايدىڭ 23 - كۇنى 23 - كەزەكتى «دۇنيە جۇزىلىك كىتاپ وقۋ» كۇنى. بۇل كۇننىڭ جارناماسىندا: «دۇنيە ءجۇزىنىڭ جەر - جەرىندەگى حالىقتار، مەيلى، كارى نە جاس بولسىن، مەيلى، باي نە كەدەي بولسىن، مەيلى، اۋرۋ - سىرقاۋ بولسىن، بارلىعى كىتاپ وقۋدان ءلاززاتتانۋىنا؛ ادامزات وركەنيەتىنە وشپەس ۇلەس قوسقان ادەبيەت، مادەنيەت، عىلىم، فيلوسوفيا ۇستازدارىنا قۇرمەت ەتۋ مەن شەكسىز العىس جاۋدىرۋىنا؛ ءبىلىم مەنشىك ۇقىعىن قورعاۋىنا بولادى» دەلىنگەن. قانداي تاماشا جارناما. كىتاپتىڭ ادام ساناسىن اشىپ، ومىرىنە ۇلكەن وزگەرىس اكەلەتىندىگىن؛ رۋحاني جۇتاڭدىقتان سەرپىلتىپ، تۇرمىسىنا ءسان قوساتىندىعىن؛ وتباسىن دۇرىس باسقارىپ، ۇرپاق تاربيەلەۋدە تابىلماس ۇستاز ەكەندىگىن؛ كىتاپ ارقىلى الدىمەن رۋحاني كەدەيلىكتەن ارىلعان ادام زاتتىق تۇرمىسى كوركەيەتىندىگىن، ءتىپتى، رۋحى سەرگەك ادامداردىڭ بويىنا اۋرۋ جولامايتىنىن، كىتاپتىڭ جانعا دا، تانگە دە شيپالىعىن كىتاپتى ءسۇيىپ وقيتىن ادامداردىڭ ءبارى بىلەدى. كىتاپتى قادىرلەيتىن ادامدار ادامزات وركەنيەتىنە وشپەس ۇلەس قوسقان ادەبيەت، مادەنيەت، عىلىم، فيلوسوفيا ۇستازدارىنا قۇرمەت ەتۋمەن بىرگە، اينالاسىنداعى تابيعاتتى دا ايالاپ، جارقىن بولاشاققا ۇمىتپەن قارايدى.

  جاقىندا ءتوراعا شي جينپيڭنىڭ ءتول شىعارماسى «كەدەيلىكتەن قۇتىلدىرۋ» اتتى كىتاپتىڭ اعىلشىن، فرانسۋز تىلدەرىنە اۋدارىلعان نۇسقاسى شەتەلدىك وقىرمانداردىڭ قىزۋ قارسى الۋىنا يە بولدى ءارى وسى كىتاپتىڭ ەلەكتروندىق نۇسقاسى دا جاريالاندى. ءتوراعا شي جينپيڭنىڭ اتا - اناعا وپالى، وتباسىنا مەيىرلى، حالقىنا  جاناشىر بولىپ، تاباندىلىقپەن قاجىماي - تالماي كۇرەس جۇرگىزىپ، بۇگىنگىدەي كەمەڭگەر باسشى بولۋى ونىڭ جاستايىنان كىتاپ وقۋعا قۇمار بولعاندىعىمەن تىكە قاتىستى. شي جينپيڭ: «تابىسقا جەتكەن ارداگەرلەردىڭ كوبى ارنايى تاربيە الماعان. بۇل بەرىلە كىتاپ وقىپ ىزدەنبەسە دە، ءسوزسىز، تابىسقا جەتە بەرەدى دەگەندىك ەمەس. سەنىڭ ۇيرەنگەن ءبىلىمىڭ سەنىڭ قارۋىڭ، ادام بالاسى قۇر قول  كاسىپ باستاي الادى دەسەك تە، بىلىمنەن قۇر بولسا دا بولادى دەگەندىك ەمەس» دەيدى. ايتسا ايتقانداي، كاسىپ جاراتۋ ءۇشىن ءبىلىم قاجەت. ال، كىتاپ بىزگە ءبىلىم بەرەتىن تاپتىرماس ۇستاز. بۇرىن كوپ ادامدار «ادەبي شىعارمالاردى»  وقۋدى جاقسى كورەتىن. قازىرگى ءداۋىر  تالابى ادامداردى ماقساتتى تۇردە ءوز قاجەتىنە قاراي قولدانىلمالى قۇرالدىق كىتاپتاردى وقۋعا ۇندەۋدە. قالىڭ ەگىنشى - مالشى بۇقاراسى جونىنەن الىپ ايتقاندا، مەملەكەت بويىنشا ءبىر تۇتاس قولدانىلاتىن ءتىلدى يگەرۋى قاجەت جانە ءتۇرلى اۋقاتتانۋعا باستايتىن قولدانىلمالى كىتاپتاردى وقۋ توتەنشە قاجەتتى.

  امەريكاندىق اقىن يوسيف برودسكيدىڭ: «ەگەر ءبىر ادام كىتاپ وقىماسا، بۇل ونىڭ ءوز قاسىرەتى. ال، ميلليونداعان  ادامدار كىتاپ وقىماسا، تۇتاس ءبىر ۇلتتىڭ قاسىرەتى» دەگەن. مەن وزگەلەردى قاسىرەتتى دەي المايمىن. ءبىراق كىتاپ وقىمايتىنداردىڭ كوپتىگىنەن قينالامىن. باس شۋجي شي جينپيڭنىڭ دانا باسشىلىعىندا جاڭا ءداۋىر ەلىمىزدەگى بارلىق ۇلتتى ورتاق دامۋعا باستادى. تۇرمىسىمىز كۇننەن - كۇنگە جاقسارۋدا. مىنە، باقىتتى بولۋ ءۇشىن كىتاپ وقيىق. ۇرپاققا ۇلگى بولۋ ءۇشىن كىتاپ وقيىق. ءوزىمىزدى وزگەرتىپ، زامان كوشىنە ىلەسۋ ءۇشىن كىتاپ وقيىق.


 
  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مىسالى: «تارباعاتاي اقپارات تورابىنان الىندى»

 
 
 

 
 
 
 
 
 
 
 
 
 
 
 
 
 

 
powered by IlgharCMS 3.2 www.ilghar.cn