ەڭ جاڭا مازمۇندار
«شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەردىڭ» اراب ءتىلى قاتارلى 6 ءتۇرلى شەتەل تىلىندەگى نۇسقاسى باسپادان شىعىپ تاراتىلدى
بىرگە دامۋ تۋىن بيىك ۇستاپ، ادامزات العا باسۋىنىڭ دۇرىس جولىمەن بىرگە ءجۇردى
گولمۋد − كورلا تەمىر جولىنىڭ شينجياڭ بولىگىندە يقۋاتتى كەڭەيتۋ بويىنشا وزگەرتۋ جۇرگىزىلدى
كۇڭزى شۋەيۋانى ءبىر ”كوپىر“ تۇلعالادى
شينجياڭدى مادەنيەتپەن نارلەندىرۋدىڭ تابىسى مول بولدى
اۆتونوميالى رايوننىڭ مىندەتتى وقۋ - اعارتۋىنىڭ جوعارى ساپالى دامۋىن زاڭ بويىنشا ىلگەرىلەتۋ كەرەك
وسى زامانعى اۋىل شارۋاشىلىعى كاسىپ سالاسىندا جاڭا كورىنىس كەسكىندەلدى
شينتى ەنەرگياسىنىڭ شاڭحاي اكتسيا بازارىنىڭ نەگىزگى تاقتاسىندا بازارعا سالىنۋى ماقۇلداۋدان ءوتتى
مول ءونىمدى قارسى الدى
جينفىڭ عىلىم -تەحنيكا جارنالىق شەكتى سەرىكتەستىگى تارباعاتاي جەل ەلەكتر جابدىقتارىن جاساۋ كاسىپ سالاسى بازاسىنىڭ تۇڭعىش گەنەراتور اگراگاتتارى زاۆودتان شىقتى
قۋانىشتى حابار! ايماعىمىزدان ەكى ادام اۆتونوميالى رايون جاعىنان داڭقتى اتاققا يە بولدى
لياۋنيڭ ولكەسىنىڭ وقۋ -اعارتۋ ماماندارىنىڭ ۇيىرمە ۇلگىسىندە تارباعاتايعا كومەكتەسۋ جەلىلەس تاجىريبە الماستىرۋ، ۇيرەنۋ “وقۋ -اعارتۋدى شينجياڭعا جەتكىزۋ” قيمىلى باستالدى
ەرىكتى قىزمەت وتەۋ جۇرت كوڭىلىن جادىراتتى
جالپى حالىقتىڭ عىلىم ساپاسىن جوعارىلاتىپ، عىلىم -تەحنيكادا ءوز كۇشىنە سۇيەنۋگە، ءوزىن الۋەتتەندىرۋگە كۇش ۇستەدى
اسكەرگە بارۋ داڭقتى! تارباعاتاي ايماعى اسكەري قوسىنعا جاڭا اسكەرلەردى اتتاندىرۋ سالتىن وتكىزدى
مول ءونىمنىڭ تاماشا مەزگىلى، جيىن -تەرىننىڭ ءدال كەزى
ابدىرا اۋىلى: 10 مىڭ مۋ جەردەگى شەكىلدەۋىكتەن مول ءونىم الدى
ۇرىقتى قاربىز جيناۋ مەزگىلىنە ءوتتى
قىزىل بۇرىشتان مول ءونىم الۋعا ەرىكتى قىزمەت وتەۋشىلەر كۇش ۇستەدى
2023-جىلى 9-ايدىڭ 22-كۇنى 215-سان
شي جينپيڭ امەريكا - جۇڭگو اۆياتسيا مۇرالارى قور قوعامىنىڭ ءتوراعاسىنا جانە جولبارىس اترەتىنىڭ ساقا اسكەرلەرىنە جاۋاپ حات جازدى
«شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەردىڭ» اراب ءتىلى قاتارلى 6 ءتۇرلى شەتەل تىلىندەگى نۇسقاسى باسپادان شىعىپ تاراتىلدى
سۋ ىستەرىن ەگجەي - تەگجەيلى، ناقتى ىستەدى
كورىكتى شينجياڭ سىزدەرگە العىس ايتادى
بيڭتۋان مەن جەرگىلىكتى ورىن تەرەڭدەي توعىسىپ، دامۋدى بىرگە جوسپارلاپ، كورىكتى شينجياڭ قۇرىلىسىن تىڭعىلىقتى ىلگەرىلەتۋى كەرەك
دامۋ ورايىن يگەرىپ، ناقتى سەلبەستىكتى تەرەڭدەتىپ، ءوزارا تيىمدىلىك جەتكىزىپ تەڭ يگىلىككە كەنەلۋ بارىسىندا شينجياڭنىڭ جوعارى ساپالى دامۋىن ىلگەرىلەتۋ كەرەك
ايماقتىڭ جوعارى ولشەمدى ەگىنجاي قۇرىلىسى دابىرالى ورىستەتىلدى
ءبىر نيەتپەن ىنتىماقتاسىپ، جۇڭحۋا ۇلتى ورتاق تۇلعا تانىمىن بەرىك ورناتامىز
شيحۋ: شينجياڭعا كومەكتەسۋ جولىندا شيپاگەرلىك ىزگىلىكتىڭ ۇلى سۇيىسپەنشىلىك جىرىن جازدى
زەيىن -زەردەنى، كۇش -قۋاتتى شوعىرلاندىرا وتىرىپ، ىنتىماقتاسا ەكپىندەي ىلگەرىلەپ، كورىكتى تارباعاتاي قۇرامىز

مۇعالىم، سىزگە راقىمەت

جولدانعان ۋاقىتى : 2018/4/8 17:02:07

جانار ءابىشتاي قىزى
 
  وسىدان كوپ جىلدار بۇرىن ەدى، مەملەكەتتىك جوعارى مەكتەپ ەمتيحانىنان ءوتىپ، قابىلدانعان شينجياڭ ساقشى-وفيتسەرلەر مەكتەبىنە شالقىعان شالقار كوڭىلىممەن قۋانا كەلىپ تۇرمىن. مەكتەپ اۋلاسىندا ۇستىلەرىنە ساقشى فورماسىن كيىپ، ارلى-بەرلى قاربالاستىقپەن جۇرگەن مەكتەپ مۇعالىمدارىنا قىزىعا قارايمىن، نەتكەن ايبىندى كورىنەدى. كيىمدەرى قانداي جاراسقان دەگەن تاڭدانىسپەن جان – جاعىما قىزىقتاپ قاراپ، مۇعالىمدار بولمەسىنە دە كەلىپ جەتتىم.

 -قاي جەردەن كەلدىڭ؟- دەگەن قارا تورى، ۇزىن بويلى، قاباعى قاتۋلى، ءتۇسى سۋىق ەر ادامنىڭ قاتقىل شىققان داۋىسى  ويىمدى ءبولىپ جىبەردى.

   - تارباعاتايدان كەلدىم،- دەدىم.

   - كەل تىزىمدەلىپ، راسمياتتارىڭدى وتەڭدەر، ونان كەيىن جاتاعىڭا بارىپ ورنالاساسىڭ، كەشتە ساعات التىدا مەكتەپ الدىنا جينالاسىڭدار، ءبىر مينۋت كەشىگۋگە بولمايدى. انا شاشىڭدى قىسقارتىپ كەستىرەسىڭ،- دەگەندە، جۇرەگىم اتقالاقتاپ، كوزىمنەن جاس ىتقىپ كەتە جازدادى. بەلىمە ءتۇسىپ تۇراتىن شاشىمدى وزىمشە ەكى جاققا ادەمىلەپ ءورىپ الىپ، ارتىما ءتۇسىرىپ قوياتىنمىن، نەشە جىلدان بەرى باپتاپ وسىرگەن شاشىمدى توسىن قيىپ تاستاۋعا قالاي عانا قيايىن. «مۇعالىم، شاشىمدى كەستىرمەي-اق قويايىنشى» دەگەنشە، «شىق بولمەدەن» دەگەن قاتال داۋىسپەن، بولمەدەن قالاي شىعىپ كەتكەنىمدى دە سەزبەي قالدىم. نەتكەن قاتال ادام، شاشىمدى قايتەمىن دەگەن ۋايىم شارىقتاپ تۇرعان كوڭىل كۇيىمدى باسا بەردى.
 جاتاققا دا ورنالاستىم، مەكتەبىمىزدە قىز بالالاردىڭ سانى تىم از ەكەن، باسقا قىز ساباقتاستاردىڭ شاشىنا قاراپ، ءوزىم سياقتى ۇزىن شاشتىلارىن ىزدەي باستادىم. بار ويلاعانىم بىرلەسىپ شاشىمىزدى كەستىرمەۋدىڭ قامىن قىلۋ. اقىرى قويۋ قارا، ۇزىن شاشتى ءبىر قىز بالا كوزىمە ءتۇستى. شاشى قانداي ادەمى، ول دا ەكى جاققا ءورىپ قويعان، قاپ - قارا ۇزىن شاشى وزىنە  قۇپ جاراسقان. ءبىز تانىسقاننان كەيىن، ول دا مۇعالىمنىڭ شاشىڭدى، ءسوزسىز، كەستىرەسىڭ دەپ قۋىپ شىققانىن ايتىپ جىلادى. مەيلى ايتا بەرسىن، قالايدا ەكەۋىمىز شاشىمىزدى كەستىرمەي  شىعا بەرەيىك دەدىم. مەيلى قانشا ۇرىسسا دا كەسپەيمىز شاشىمىزدى، بولا ما دەدىم وعان.

   -ءيا!- دەپ ول دا پەيىلدەنىپ، ماقۇلدىعىن بەردى.
 
   كەش بولدى، ءار جەردەن كەلگەن وقۋشىلار ءبىر - بىرىمىزگە ۇركە قاراپ، مەكتەپ الدىنا جينالىپ تۇرمىز. رەتىمىزبەن قاتارعا ءتىزىلىپ بولعاننان كەيىن، الگى قاتال مۇعالىم الدىعا شىعىپ، مەكتەپتىڭ جالپى جاعدايىن تانىستىرىپ، ءتارتىپ-تۇزىمدەردى جىپكە تىزگەندەي تۇگەندەپ شىقتى. ەرتەڭنەن باستاپ مەكتەپ تاراتقان ماشىق كيىمىن كيەسىڭدەر، ماشىق جاپالى ءارى قاتاڭ بولادى، شىداي الماساڭدار كەتەتىن جولدارىڭ اشىق، شىدايمىز دەگەن زور سەنىمدە بولىڭدار، دەگەن مۇعالىمنىڭ كوزى ماعان ءتۇستى. سەن الدىعا شىق، تاعى سەن دەپ الگى ۇزىن شاشتى قىز بالانى دا الدىعا شىعاردى. ەكەۋىڭ شاشتارىڭدى كەسىڭدەر دەگەن بۇيرىعىمدى ورىنداماعاندارىڭ ءۇشىن، ەرتەڭنەن باستاپ باسقالاردان ەكى ساعات ارتىق ماشىق جاسايسىڭدار دەدى دە، سىرت اينالىپ ارتىما كەلىپ، ۇلكەن قارا قايشىمەن شاشىمىزدى تۇبىنەن كەستى دە تاستادى. قوسىندا تۇرعاندا جىلاۋلارىڭا بولمايدى، جىلامايسىڭدار، بۇل بۇيرىق دەپ باتىل سويلەدى. قوسىن ءىشى جىم-جىرت، تىپ-تىنىش، تەك قانا مۇعالىمنىڭ ايعايلاعان داۋىسى، جەر-كوككە  جەتىپ تۇرعانداي.
 
  مىنە وسىلايشا ءبىزدىڭ قاتاڭ اسكەري ماشىعىمىز، قاراپايىم وقۋشىلىق ءومىرىمىز، رەتتى دە ءتارتىپتى تۇرمىس ادەتىمىز باستالىپ كەتتى. ءبىز ۇيدەگى ەركەلىگىمىزدى، بالالىق ادەتىمىزدى ارتقا تاستاپ، مەكتەپ  ومىرىنە كوندىگە باستادىق. ءار كۇنى تاڭەرتەڭ تاڭ بوزىنان تۇرىپ، كەش باتقانشا ماشىق جاسايمىز، كەشتەردە ۇيرەنۋگە قاتىناسامىز، قوسىندا تۇرعاندا بەتىمىزگە قونعان ءبىر تال شىبىندى قورۋ ءۇشىن قولىمىزدى سىلكىپ قالساق تا اسكەري تۇزىمگە قايشى كەلەتىن. ءبىز وسىلايشا اسكەري تارتىپكە ابدەن ۇيرەنىپ كەتتىك.
 
  ءبىر كۇنى تۇندە الاي-دۇلەي داۋىل تۇرىپ، تابيعات  سۇركەيلى بەينەگە ەنىپ دولداندى. ىشتەي تىلەنىپ جاتىرمىن، تاڭ اتپاسا ەكەن، جاتاقتان شىقپاي جاتا بەرسەك ەكەن! ەگەسكەندەي تاڭ دا بىردەمدە اتىپ كەتتى. ىسقىرىقتىڭ داۋىسىمەن جانتالاسا كيىمدەرىمىزدى كيە باستادىق، جۇگىرە دالاعا شىقتىق. قانداي سۇركەيلى سۋىق كۇن، تۇنىمەن تولاستاماي جاۋعان جاۋىن قۇيىپ تۇر. دەنەم ءبىر ءتۇرلى جەر تارتىپ، ونە-بويىمدى جايسىزدىق بيلەپ العان، باسىم مەڭ-زەڭ بولىپ كوتەرتپەيدى. اۋىرىپ تۇرمىن دەپ جاتتىعۋدان قالعان تالاي وقۋشىلاردىڭ تاياق جەگەنىن كوزىممەن كورگەن مەن، جايسىزدانىپ تۇرعانىمدى مۇعالىمعا ايتۋعا باتىلىم بارمادى، نە بولسا دا كورەيىن، شىدايىن دەدىم.  توپەپ تۇرعان جاڭبىرعا قاراماي، قاتارعا ءتىزىلىپ جۇگىرىپ كەلەمىز، جۇگىرىپ كەلەمىز. جەر ءجۇزى ەزىلىپ جاتقان بالشىق، جۇگىرگەنىمىزدە بالشىق بالاعىمىزعا جابىسادى. ءبىر كەزدە نەگە شالىنعانىمدى بىلمەيمىن، وھ دەگەن داۋىسىم شىعىپ بالشىققا ەكپەتىمنەن قۇلادىم. تۇرارعا دارمەنىم جەتپەيدى، وسى كۇيى جاتا بەرسەم دە مەيلى، تۇرماي اق قويايىنشى دەپ سۇيرەتىلگەن دەنەمدى اياپ كەتتىم. مۇنداي جاعدايدا سەنىمەن ەشكىمنىڭ جۇمىسى بولمايدى، تىزىلگەن توپ ەشتەمەنى كورمەگەندەي قوسىن ءتارتىبىن بۇزباي  العا جۇگىرىپ كەتە بەرەدى. باسىمدى جەرگە سالعان كۇيى كوزىم جۇمۋلى، جارالانعان تىزەمدى ۇستاپ قينالىپ جاتىرمىن، قول-اياعىم قالتىراپ، بۇكىل ءۇستى-باسىم، بەت-اۋزىم بالشىققا مالىنعان، مۇعالىم قاتتى قينالىپ كەتتىم دەدىم، دىرىلدەگەن داۋىسىم زورعا شىعىپ. قولىندا قارا بەلبەۋى بار مۇعالىم ايعايلاپ تۇر، بەسكە دەيىن سانايمىن، دەرەۋ ورنىڭنان تۇرىپ، قاتارعا قوسىل! جاۋىرىنىمنىڭ قاق ورتاسىنان بەلبەۋدىڭ قانشا رەت تيگەنىن بىلمەيمىن. جارالانعان تىزەمنىڭ اۋىرعانىنا، جوتامنىڭ ۋداي اشىعانى قوسىلىپ قاتتى قينالىپ بارامىن. سەن مىقتىسىڭ،جول ورتادا قالۋىڭا بولمايدى، ساعان سەنەمىن، ءسوز جوق، تۇرىپ كەتەسىڭ، اتا-اناڭ انە ساعان قاراپ تۇر، سەن وسىلاي جىعىلعان جەردە قالعانىڭدى ولارعا كورسەتكىڭ كەلە مە؟ اتا-اناڭ دەگەن ءسوزدى ەستىگەن كەزدە بويىمدا قايدان پايدا بولعان كۇش ەكەنىن بىلمەيمىن، بارلىق جىگەرىمدى جيناپ، ورنىمنان تۇردىم. جارايسىڭ العا تارت، ارتىڭا قاراما، وسى بەتى العا دەپ مۇعالىم ارتىمنان جۇگىرىپ كەلەدى. جۇگىرىپ كەلەمىن، كوزىمنەن جاس پارلاپ كەلەدى، تولاسسىز جاۋعان جاڭبىر بەتىمدى دە، كوز جاسىمدى دا جۋىپ كەلەدى. مىنە سودان باستاپ مۇعالىمنىڭ جىعىلعان ورنىڭنان دەرەۋ تۇرىپ كەت دەگەن ايعايى قۇلاعىمنىڭ تۇبىندە ماڭگى وشپەستەي ورناپ قالعان-دى.
 
  سودان بەرى قانشاما جىلدار، قانشاما كوكتەم-كۇز ءوتتى. مۇعالىمنىڭ قاتاڭدىعىنا سول كەزدە وكپەلەپ، قايىرىمسىز جان دەپ جازعىرعان ەكەم. ءبىراق بىزدەر ءومىر جولىندا مۇعالىمنىڭ قاتاڭدىعىنىڭ، ءبىزدى سولاي شىدامعا باۋلىعانىنىڭ قانشاما ماڭىزدى ەكەنىن، بىزگە قانشاما ەس قاتقانىن ۋاقىت وتكەن سايىن ءتۇسىنىپ جەتكەندەيمىز. ءارقاشان ءومىر سىناقتارى ءسۇرىندىرىپ، ساعىمدى سىندىرىپ، ەڭسەمدى تۇسىرمەك بولعاندا، ءومىردىڭ قىم-قۋىت جولدارىندا جىعىلعان ساتتەرىمدە، مۇعالىمنىڭ جىعىلعان جەرىڭنەن تۇر دەگەن اشتى ايعايى قۇلاق تۇبىمدە جاڭعىرىپ تۇرعانداي، ماعان كۇش بەرىپ جىگەرىمدى جانيتىن، سول ءبىر بەلگىسىز كۇشتىڭ جەبەۋىندە ارتىما قاراماي جالعاستى العا قۇلشىناتىنمىن. مۇعالىمنىڭ قاتاڭدىعى ماعان توزىمدىلىكتى، سابىرلىلىقتى، جىگەرلى بولۋدى ۇيرەتتى. ءارقاشاندا ءوز كۇشىمە سۇيەنىپ العا قاراي ءجۇرۋدى، ارتقا قايرىلماۋدى، ءارقانداي قيىنشىلىققا توزە ءبىلۋدى، شىداي ءبىلۋدى، ءوز-ءوزىمدى شىڭداي ءبىلۋدى ۇيرەتتى. سونشاما ۇزاق جىلدار زۋلاپ وتە شىققان بولسا دا، ءوز كەزىندە بىزگە اسا قاتىگەز كورىنەتىن مۇعالىمعا دەگەن العىسىمدى كوكەيىمە ساقتاپ كەلدىم.
مۇعالىم، راقىمەت سىزگە...!


 
  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مىسالى: «تارباعاتاي اقپارات تورابىنان الىندى»

 
 
 

 
 
 
 
 
 
 
 
 
 
 
 
 
 




 
   رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مىسالى: «تارباعاتاي اقپارات تورابىنان الىندى»

 
 
 

 
 
 
 
 
 
 
 
 
 
 
 
 
 
 
 
powered by IlgharCMS 3.2 www.ilghar.cn