شاعان مەرەكەسىن شات مەرەيمەن قارسى الدى

 — تارباعاتاي ايماعىنىڭ 2018 - جىلعى تۇڭعىش رەتكى «شاعان مەرەكەسىن قارسى الۋعا ارنالعان بۇقارالىق ساۋىق كەشى» سالتاناتپەن ءوتتى

    ءتىلشىمىز جۇماجان بەگزاتقان ۇلى حابارلايدى. 6 -،7-اقپان كۇنى تارباعاتاي ايماقتىق پارتكوم ۇگىت ءبولىمى،ايماقتىق مادەنيەت - دەنە تاربيە، راديو - كينو - تەلەۆيزيا مەكەمەسى جانە شاۋەشەك قالالىق پارتكوم ۇگىت ءبولىمى جاۋاپتى بولىپ ۇيىمداستىرىپ، ايماقتىق ءان -ءبي ۇيىرمەسى مەن ايماقتىق تەلەۆيزيا ستانسياسى مىندەتىنە الىپ وتكىزگەن، تارباعاتاي ايماعىنىڭ بيىلعى تۇڭعىش رەتكى «شاعان مەرەكەسىن قارسى الۋعا ارنالعان بۇقارالىق ساۋىق كەشى» شاۋەشەك قالالىق نيڭچىڭ قوناق سارايىنىڭ جيىن زالىندا ەكى مايدان قويىلدى، وسى رەتكى ساۋىق كەشكە تارباعاتايداعى ءار ۇلت ونەرپازدارى بەلسەنە قاتىناسىپ، بيىلعى شاعان مەرەكەسىن شاتتىقپەن قارسى الدى.
   
  بۇل رەتكى  تارباعاتاي ايماعىنىڭ  بيىلعى تۇڭعىش رەتكى «شاعان مەرەكەسىن قارسى الۋعا ارنالعان بۇقارالىق ساۋىق كەشىنە» ءبىر ءبولىم دەمالىسقا شىققان قارت كادرلار مەن ءارقايسى ورگانداعى جۇمىسشى - قىزمەتشىلەر قاتىناسىپ، ايماقتىق ءان-ءبي ۇيىرمەسى مەن بەس اۋدان، ەكى قالادان 297 ونەرپاز  ونەر كورسەتىپ، مەرەكەنى قىزۋ دۋمانعا بولەدى. ساۋىق كەشكە بيڭتۋان 9 - ديۆيزياسىنىڭ پارتكوم ۇگىت ءبولىمى مەن  بەس اۋدان، ەكى قالانىڭ ۇگىت ءبولىمى جانە بەس جەكە كاسىپورىن  قولداۋ كورسەتتى.
   
  باي مازمۇندى ساۋىق كەشتە بەس اۋدان، ەكى قالادان كەلگەن اۋىل ونەرپازدارى مەن ايماقتىق ءان - ءبي ۇيىرمەسىنىڭ ونەرپازدارى تارباعاتاي ايماعىنىڭ بوگەنايى بولەك كوركەمونەر تۋىندىلارىن نەگىز ەتە وتىرىپ، پارتيا 19 - قۇرىلتايى رۋحىن، ۇلتتار ىنتىماعىن جىرلاۋمەن بىرگە، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاققا تۇسكەن قىزمەت اترەتىنىڭ حالىققا ىستەگەن يگى ىستەرىن، حالىقتىڭ باي - باقىتتى تۇرمىسىن تىلىنە تيەك، كونسەرتكە ارقاۋ ەتتى.
   
  ايماقتىق ءان-ءبي ۇيىرمەسىنىڭ قىزمەتكەرى جارقىن جاڭاتاي ۇلى: «ەكى كۇنگە جالعاسقان شاعان مەرەكەسىنە ارنالعان ساۋىق كەشىمىز كورەرمەندەردىڭ كوڭىلىنەن شىعىپ، تابىسپەن اقىرلاستى. بۇل ساۋىق كەشىمىزدىڭ وزىندىك ەرەكشەلىگى بار، بەس اۋدان، ەكى قالادان كەلگەن اۋىل ونەرپازدارى جاپالى جاتتىعۋلار جاسادى، حالىق اراسىندا ءجۇرىپ، حالىق ءسۇيىپ تىڭدايتىن، ۇناتاتىن كوركەم تۋىندىلاردى دايىنداپ، ۇلكەن ساحنادا ونەر كورسەتتى؛ ايماعىمىزدا تۇڭعىش رەت تارباعاتاي تەلەۆيزياسىنىڭ ءتورت تەلە ارناسىندا ناق مايداندا تاراتتى، ءۇنحاتتا دا تىكەلەي تاراتىلىپ، كورەرمەنى 40 مىڭعا جەتتى؛ لياۋنيڭ ولكەسى تيەليڭ قالاسىنان ۇسىنىس ەتىلگەن ونەرپازدار تارتىمدى كونسەرت نومىرلەرىمەن حالىقتىڭ كوڭىلىنەن شىعىپ، شاپالاقتارىن قايتا - قايتا سوقتىرىپ، كونسەرتتىڭ مارتەبەسىن اسىردى» دەدى.


  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مىسالى: «تارباعاتاي اقپارات تورابىنان الىندى»