اتا - اپاسىنىڭ نەمەرەسىن باعاتىن زاڭدىق بورىشى بار ما

  فۋ xx ءمالىم سەرىكتەستىكتىڭ قىزمەتكەرى ەدى،2010 -جىلى قاڭتاردا سۇن xx پەن ءدام - تۇزى جاراسىپ نەكەلەنەدى،2011 - جىلى تامىزدا فۋ xx ءبىر ۇل پەرزەنتتى  بولادى. بالا 3 جاسقا كەلگەندە،سۇن xx قاتىناس شىرعالاڭىنان قازا بولادى،فۋ xx بالانى سۇن xxتىڭ  اكە -شەشەسىنە اپارىپ تاستاپ،ولاردىڭ باعۋىن تالاپ ەتەدى. اتا-اپاسىنىڭ نەمەرەسىن باعاتىن زاڭدىق بورىشى بار ما؟ 
　　
  «جۇڭحۋا حالىق رەسپۋبليكاسىنىڭ نەكە زاڭىنىڭ» 28-تارماعىندا:« باعىپ-قاعۋ قابىلەتى بار اتا -اپاسىنىڭ، ناعاشى اتا،ناعاشى اپاسىنىڭ اكە -شەشەسى قايتىس بولىپ كەتكەن نەمەسە اكە - شەشەسىنىڭ باعۋ قابىلەتى جوق ازامات جاسىنا تولماعان نەمەرەسىن،جيەنىن باعۋ بورىشى بولادى. باعۋ قابىلەتى بار نەمەرەسىنىڭ،   جيەنىنىڭ ۇرپاعى   قايتىس بولىپ كەتكەن نەمەسە ۇرپاعىنىڭ   قارايلاسۋ قابىلەتى جوق بولعان اتا-اپا،ناعاشى اتا،ناعاشى اپاسىنا   قارايلاسۋ بورىشى   بولادى» دەپ بەلگىلەنگەن. اتا -اپاسى مەن نەمەرە،جيەندەرى اراسىنداعى  باعىپ -قاعۋ بورىشى تومەندەگى شارتتاردى ازىرلەۋى كەرەك: 1. اتا -اپاسىنىڭ باعۋ قابىلەتى بولۋ؛2. باعىلۋشى باعىلۋعا مۇقتاج بولۋ؛3. باعىلۋشىنىڭ اكە - شەشەسى قايتىس بولىپ كەتكەن نەمەسە بىرەۋى قايتىس بولىپ كەتىپ،ەندى بىرەۋىنىڭ باعۋ قابىلەتى جوق نەمەسە اكە - شەشەسى بىردەي باعۋ قابىلەتىنەن ايرىلعان بولۋ. جوعارىداعى شارتتاردى ازىرلەسە،اتا -اپاسى ءوز   ەركىمەن نەمەرەسىن باقسا شەكتەمە قويىلمايدى. فۋ xx بالانىڭ شەشەسى، باعۋ قابىلەتى بار. سوندىقتان اتا -   اپاسىنىڭ نەمەرەسىن باعاتىن زاڭدىق    بورىشى جوق.
   
  اۋدارعان- گۇلبانيا باعدات قىزى

   رەداكتورى ؛ گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.                                                    

 مىسالى؛ « تارباعاتاي اقپارات تورابىنان »الىندى