_ ايماقتىق پارتكومنىڭ كەڭەيتىلگەن ءماجىلىسى رۋحىن ىشكەرىلەي ۇيرەنۋ، دايەكتىلەندىرۋ جونىندەگى جەلىلەس شولۋ (3)
گازەتىمىزدىڭ شولۋشىسى
جاقىندا جابىلعان ايماقتىق پارتكومنىڭ كەڭەيتىلگەن ماجىلىسىندە ايماقتىق پارتكومنىڭ شۋجيى شۋە بين ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، بارىنەن ماڭىزدى ساياسي جاۋاپكەرلىك ساناۋعا تاباندى بولىپ، « ءۇش قيان - كەسكى شايقاستى»، « ءبىر حالىقتىق شايقاستى» باتىل ورىستەتىپ، ايماقتىڭ قوعام ورنىقتىلىعى مەن باياندى تىنىشتىعىنا كەپىلدىك ەتۋدى ايقىن تالاپ ەتتى.
بۇل ايماقتىق پارتكومنىڭ ورنىقتىلىق قىزمەتىن مىقتى ۇستاۋداعى سەنىمى مەن بەكىمىن ايقىن ايگىلەۋمەن بىرگە، تۇتاس ايماعىمىزعا ورنىقتىلىقتى قورعاۋ سىندى قيان - كەسكى شايقاستىڭ جەڭىسىنە جەتۋ دابىلىن تاعى قاقتى.
جاڭا داۋىردە تۇتاس ايماعىمىزداعى پارتيالى كادرلار مەن ءار ۇلت بۇقاراسى وسىبىر ماڭىزدى ساياسي جاۋاپكەرلىك پەن تاريحي بورىشتى ارقالاۋى قاجەت.
«قوعام ورنىقتىلىعى مەن باياندى تىنىشتىق - شينجياڭ قىزمەتىنىڭ باس نىساناسى». مىنە بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاعدايعا دۇرىس تالداۋ جاساپ، پارتيا مەن مەملەكەت ىستەرىنىڭ جالپى جاعدايىنا،ەل ءىشى مەن حالىقارالىق جاعدايعا كوز جىبەرە وتىرىپ جاساعان ماڭىزدى ستراتەگيالىق شەشىمى ەسەپتەلەدى.
باس نىسانا - تارباعاتايدىڭ قىزمەتىنە جەتەكشىلىك ەتەتىن تۋ جانە باعىت سانالادى. كەزەكتە تۇتاس ايماعىمىزداعى جوعارى مەن تومەن باس نىسانانى تىعىز توڭىرەكتەي وتىرىپ، ورنىقتىلىقتى قورعاۋدىڭ « كەشەندى شارالارىن» جاقسى اتقارىپ، نەگىزدى بەكەمدەپ، قوعامنىڭ ورنىقتىلىعى مەن جاراسىمدىلىعىن باتىل قورعاۋى قاجەت.
باس نىسانانى تىعىز توڭىرەكتەپ، ورنىقتىلىقتى قورعاپ، نەگىزدى بەكەمدەۋدە تانىمدى، ءسوزسىز، بارىنشا بىرلىككە كەلتىرىپ، يدەيادا ءارقاشان قىراعى بولۋىمىز قاجەت. ورنىقتىلىق بولماسا، بارلىعى نولگە تەڭ ەكەندىگىن اماليات تولىق دالەلدەپ وتىر. «ورنىقتىلىق قىزمەتىمەن قاتىسسىز رايون، قاتىسسىز ورىن، قاتىسسىز ادام بولمايدى» يدەياسىن بەرىك ورناتىپ، «حاۋىپسىز سەزىلگەن ورىن ءىس جۇزىندە وتە قاتەرلى» تانىمى سىندى ارقاۋدى ءارقاشان شيراتىپ ۇستاعاندا عانا، اناعۇرلىم باتىل پوزيتسيامەن، اناعۇرلىم پارمەندى شارالارمەن، اناعۇرلىم شىنايى قىزمەت ستيلىمەن قوعامنىڭ ورنىقتىلىعى مەن جاراسىمدىلىعىن قورعاۋ قىزمەتىن تياناقتى ىستەي الامىز.
باس نىسانانى تىعىز توڭىرەكتەپ، ورنىقتىلىقتى قورعاپ، نەگىزدى بەكەمدەۋدە، ءسوزسىز، «قۇر ايعايدان» «ۇرانپازدىقتان» قاتاڭ ساقتانىپ، ورنىقتىلىقتى قورعاۋ شارالارىن جاپپاي تياناقتاندىرۋىمىز قاجەت. كەزەكتە اۆتونوميالى رايون ورنىقتىلىقتى قورعاۋ قىزمەتىنە ايقىن ورنالاستىرۋلار جاسادى. وسى كەلەلى شەشىم - ورنالاستىرۋلاردىڭ تامىر تارتىپ، وركەن جايۋى ناقتىلى تياناقتاندىرۋدان قول ۇزە المايدى. تۇتاس ايماعىمىزداعى جوعارى مەن تومەن مايداننان اۋىتقىماي، بويكۇيەزدىكتەن، ءارى - ءسارى بولۋدان ارىلىپ، ساياساتتى تولىق اتقارعاندا عانا، ورنىقتىلىقتى قورعاۋدىڭ ءاربىر قىزمەتىنە، ورنىقتىلىقتى قورعاۋدىڭ ءاربىر بۋىنىنا يە بولاتىن ادام بولۋىن جۇزەگە اسىرىپ، تالىقپاي ىستەپ، سوڭىنا دەيىن مىقتى يگەرىپ، قوعامنىڭ ورنىقتىلىعى مەن جاراسىمدىلىعىنىڭ قورعانىس شەبىن بەكەمدەي الامىز.
قاتاڭ سوققى بەرۋدىڭ تەگەۋرىندى كۇيىن باستان-اياق ساقتاپ، پارمەندى شارا قولدانىپ، زاڭ بويىنشا، دالمە -ءدال سوققى بەرىپ، زاڭسىز ۇيىمدارعا، قىلمىستى توپتارعا جانە زورلىقتى كۇش لاڭكەستەرىنە زاڭ بويىنشا قاتاڭ سوققى بەرىپ، زورلىقتى كۇش لاڭكەستەرىنىڭ جەلىككەن دەسىن باسىپ، ساعىن سىندىرىپ، ءار ۇلت بۇقاراسىنا ءتىپتى دە حاۋىپسىز ورتا جاراتىپ، ولاردى ءتىپتى دە ريزا ەتۋىمىز قاجەت. بۇقارالىق قىزمەتتى تياناقتى ىستەۋىمىز قاجەت. بۇقارالىق لۋشيان - پارتيامىزدىڭ قىزمەت اسىلى. ءار دارەجەلى كادرلار بۇقارا ورتاسىنا بارىپ، بۇقاراعا ارقا سۇيەپ، ءار ۇلت بۇقاراسىنىڭ لاڭكەستىككە قارسى تۇرىپ، ورنىقتىلىقتى قورعاۋعا ات سالىسۋ بەلسەندىلىگىن تولىق قوزعاۋمەن بىرگە، پارتيانىڭ حالىققا تيىمدىلىك جەتكىزەتىن ءتۇرلى ساياساتتارىن جاپپاي تياناقتاندىرىپ، ءار ۇلت بۇقاراسىنىڭ ءوندىرىس، تۇرمىس بارىسىندا كەزدەسكەن قيىنشىلىقتارىن ويداعىداي شەشىمدەپ، حالىقتىڭ تىلەگىن كەڭىنەن ۇيىستىرۋى قاجەت. قوعامدىق جاقتاعى ساقتانۋ - مەڭگەرۋ قۋاتىن جاپپاي جوعارىلاتۋىمىز قاجەت. حالىققا قولايلى ساقشىلىق قىزمەت وتەۋ پۋنكتىن تايانىش، تور كوزدەنگەن باسقارۋدى تۇتقا ەتە وتىرىپ، بۇقارالىق ساقتانۋ ـ وڭاۋ مەحانيزمىن كەمەلدەندىرۋىمىز؛ قايشىلىق، داۋ ـ شاردى تەكسەرىپ - انىقتاۋ، ىدىراتۋ، جاراستىرۋدى كۇشەيتىپ، ارىز - شاعىم قىزمەتىن تياناقتى جاقسى ىستەپ، ءتۇرلى قايشىلىق، ماسەلەلەردى نەگىزگى ساتىدا ىدىراتىپ، قوعام اماندىعىنىڭ سترەولى ساقتانۋ – مەڭگەرۋ جۇيەسىن قۇرۋىمىز قاجەت.
« ورنىقتىلىق قىزمەتىمەن قاتىسسىز رايون، قاتىسسىز ورىن، قاتىسسىز ادام بولمايدى». جەر ـ جەر شەكارانى باسقارۋ ـ مەڭگەرۋدى كۇشەيتىپ، يدەولوگيا سالاسىنىڭ بۇكىلدەي حاۋىپسىزدىگىنە كەپىلدىك ەتىپ، ءدىننىڭ جاراسىمدىلىعى مەن بەرەكەلىگىن جەبەپ، ۇلتتار ىنتىماعىن بەكەمدەپ جانە دامىتىپ، قوعامدىق جونگە سالۋ ورەسىن، ورنىقتىلىقتى قورعاۋ قىزمەتىنىڭ تۇلعالىق ورەسىن جوعارىلاتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قامالىن سوعۋى قاجەت.
ورنىقتىلىق - حالىقتىڭ قالاۋى. باس نىسانانى تىعىز توڭىرەكتەپ، ءبىر نيەت، ءبىر تىلەكپەن بەرىك قامال سوعىپ، جاراسىمدى، ەكولوگياسى كوركەم، قونىستانۋعا جايلى تارباعاتاي قۇرۋعا قۇدىرەتتى كۇش - قۋات توپتاپ، تىنىستى، تاماشا دامۋ ورتاسىن بىرلىكتە جاراتايىق.
رەداكتورى ؛ گۇلنۇر جۇماش قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى؛ « تارباعاتاي اقپارات تورابىنان » الىندى