ەەڭ جاڭا مازمۇندار
2018 - جىلى 9 - ايدىڭ 19 - كۇنى 210 - سان
2018 - جىلى 9 - ايدىڭ 18 - كۇنى 209 -سان
2018 -جىلى 9 - ايدىڭ 17 - كۇنى 208 - سان
2018 - جىلى 9 - ايدىڭ 15 - كۇنى 207 - سان
2018 - جىلى 9 - ايدىڭ 14 - كۇنى 206 - سان
2018 - جىلى 9 - ايدىڭ 13 - كۇنى 205 - سان
2018 - جىلى 9 - ايدىڭ 12 - كۇنى 204 - سان
2018 - جىلى 9 - ايدىڭ 11 - كۇنى 203 - سان
2018 - جىلى 9 - ايدىڭ 10 - كۇنى 202 - سان
2018 - جىلى 9 -ايدىڭ 8 - كۇنى 201 - سان
2018 - جىلى 9 -ايدىڭ 7 - كۇنى 200 ـ سان
2018-جىلى 9 - ايدىڭ 6-كۇنى 199-سان
2018 ـ جىلى 9 ـ ايدىڭ 5 ـ كۇنى 198 ـ سان
2018 ـ جىلى 9 ـ ايدىڭ 4 ـ كۇنى 197- سان
2018 ـ جىلى 9 ـ ايدىڭ 3 ـ كۇنى 196 ـ سان
ۇستازىم ـ قورمالىم
ۇستاز جۇرەگى
جۇرتشىلىقتىڭ قىزۋ قارسى الۋىنا بولەندى
بۇقارانىڭ تۇندە جول ءجۇرۋ قيىنشىلىعىن شەشىم ەتتى
شارۋالار كىرىسىن ارتتىرۋدا باستاماشىلدىق رول اتقاردى
شارۋالار ارپادان مول ءونىم الىپ، كىرىستەرى ارتتى
قويان باعىمشىلىعى اۋقاتتانۋعا جارقىن جول اشتى
لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ جالپى بەتتىك جەڭىسىنە قول جەتكىزەيىك
«ءۇش ءتۇرلى كۇشكە» باتىل سوققى بەرىپ، «ەكىبەتكەيلەردى» تۇبەگەيلى الاستايمىن
قوعام ورنىقتىلىعىن قورعاۋ جاۋاپكەرشىلىگىن ناقتاپ تياناقتاندىرامىن
وتاندى بولشەكتەيتىن قاسكۇنەمدىك اتاۋلىنى باتىل تۇردە تاس-تالقان ەتەمىز
اۆتونوميالى رايونىمىز قامقورلىق جاسالاتىن وبيەكتىلەردىڭ قامقورلىق قاراجاتى مەن تۇرمىستىق جاردەماقىسىن تاعى جوعارىلاتتى
ورتالىق اۆتونوميالى رايونىمىزداعى قيىنشىلىعى بار بۇقاراعا 2 ميلليارد 470 ميلليون يۋان كومەك قارجى ءبولدى
«ءبىر بەلدەۋ، ءبىر جولدىڭ» 5 جىلداعى ساۋدا سوماسى 5 تريلليون دوللاردان استى
التىن كۇزدەگى سۇبەلى تابىستار

اتا-انالار قايتكەندە ءوز پەرزەنتتەرىنە شىنايى كۇيىنگەن بولادى

جولدانعان ۋاقىتى : 2017/12/22 13:33:34

نۇرمۇقان جانىمقان ۇلى
 
  بالا اتا-انانىڭ باۋىر ەتى، كوزىنىڭ نۇرى، كوڭىلىنىڭ گۇلى، بالا اتا-انانىڭ ايالاۋىنا، كوڭىل بولۋىنە جانە شىنايى مەيىرىن توگىپ، باعىپ-باپتاۋىنا مۇقتاج. اتا-انالار قايتكەندە ءوز پەرزەنتتەرىنە شىنايى كۇيىنەدى دەگەن بۇل ماسەلە جۋىق جىلداردان بەرى اتا-انالاردىڭ كوڭىل ءبولىپ كەلە جاتقا تولعاقتى  تۇيىندەرىنىڭ ءبىرى. ناقتىلاپ وي جۇگىرتكەندە بۇل ماسەلەدە بالالاردىڭ ناقتىلى احۋالىنا نەگىزدەلىپ شەشىم جاساۋ ءتيىس.

  1. اتا-انالار ەڭ الدىمەن بالالارى ءۇشىن كەم دەگەندە ءبىر ساعات ۋاقىت شىعارا الۋى كەرەك. بۇلاي دەيتىنىمىز اتا-انالار بالالارىمەن اڭگىمەلەسۋ بارىسىندا ءوزارا سەنىم، تۇسىنىك ورناتىپ، كوكەي تەستى وي-پىكىرىن ورتاقتاستىرۋ ورايىنا يە بولادى. سونىمەن،بالالار جاس شاماسىنىڭ ەسەيۋىمەن بىرگە،ءوز تۇستاستارىمەن ەمىن-ەركىن اڭگىمەلەسىپ، پىكىر اۋىستىرا الاتىن بولادى، سونداي-اق وي ءورىسى كەڭەيىپ، ومىرگە دۇرىس كوزقاراس قالىپتاستىرا الادى. اتا-انالار بالالارىمەن بىرگە بولۋعا ۋاقىت اجىراتقاندا الۋان ءتۇرلى باۋراۋ قۋاتىنا يە مازمۇنداردى ماقساتتى تۇردە ورنالاستىرۋعا شەبەر بولۋى كەرەك. بىردە اڭگىمەلەسۋ، سىرلاسۋ مازمۇنىن نەگىز ەتسە، ەندى بىردە تاربيەلىك ءمانى بار اڭگىمەلەردى ايتسا نەمەسە ويىن تۇرلەرىن ورنالاستىرسا دا بولادى. وسىلاي بولعاندا،اتا-انا مەن بالالاردىڭ ارا قاتىناسى جاقىنداپ،ءبىرىن-ءبىرى تەرەڭدەي ءتۇسىنىپ، ءبىر-بىرىنە دەگەن مەيىر-ماحابباتى قويۋلاي تۇسەدى. ناتيجەدە بالالار اتا-انانىڭ تاربيەسىن ىرىقتى تۇردە قابىلداپ، وزىنە دەگەن سەنىمى ارتا تۇسەدى. كەرىسىنشە بولعاندا،زەيىن-قۋاتى شوعىرلانباي،ادامدار ارا قاتىناستا ۇنەمى جابىعىپ جۇرەتىن جاسقانشاق جامان ادەتتى قالىپتاستىرىپ الادى.
  

     2. بالالاردىڭ ازىقتانۋى مەن كيىنۋىن لايىقتى ورنالاستىرۋ كەرەك. كوپتەگەن جاس اتا-انالار بالاسىنا دەگەن مەيىرى مەن كۇيىنۋىن بالاسىنىڭ اسپا- توك ءىشىپ-جەۋىمەن، ۇلدە مەن بۇلدەگە  ورانىپ كيىنۋىمەن بەينەلەگىسى كەلەدى، مەنىڭ بالام بالەنبايدىڭ بالاسىنان ارتىق ءىشىپ-جەسە، ەرەكشە كيىنسە دەپ قارايدى. امالياتتا ويىن ەمەس بويىن، باسىن ەمەس اسىن تۇزەتۋگە قۇلشىنادى. ارينە،بالانى عىلىمي ازىقتاندىرۋ، دەنساۋلىعىنا ۇيلەسىمدى كيىندىرۋدىڭ ءوسىپ-جەتىلۋىنە پايداسى بولماسا زيانى جوق. دەسەدە، كەيبىر اتا-انالار بالالاردى كيىندىرۋدە حيميالىق تالشىقتاردان تىگىلگەن كيىمدەر ادەتتەگى كەزدەمەدەن جاقسى، كيىم قانشالىق قىمبات بولسا، سونشالىق جاقسى دەپ قارايدى. ال،ازىقتانۋ جاعىندا دا تاماق ساپاسىنىڭ جاقسى بولۋىن، قانشالىق كالتسي، بەلوك،ۆيتاميندەردىڭ قاجەت ەكەندىگىن ەسكەرمەيدى، بالالاردىڭ پسيحيكالىق جاقتا نەگە ءزارۋ ەكەندىگىن، فيزيولوگيالىق جاقتا نەگە مۇقتاج ەكەندىگىن ويلامايدى. «بالا تاربيەلەۋدەگى جاڭا تۇسىنىكتەن» دەگەن كىتاپتا تومەندەگىدەي ءبىر مازمۇن بەينەلەنگەن: مۇندا «ءسابي بالا جىلاعان زامان كوتەرۋ كەرەك» دەيدى. ويتكەنى، بالانى دەرەۋ كوتەرگەندە بالا وزىنە باسقالاردىڭ كوڭىل بولەتىنىن،مەيىرىمدىلىك كورسەتەتىنىن سەزىنەدى ەكەن، كەرىسىنشە بولعاندا،بالا نە قىلارىن بىلمەي جىلاي-جىلاي ءوزى ۋانادى ەكەن. ۇنەمى وسىلاي بولسا، بۇل بالا  ەسەيگەندە باسقالارعا كۇيىنە بىلمەيتىن، باسقالار قيىنشىلىققا جولىققاندا جاناشىرلىق سەزىمدە بولىپ جاردەم ەتە بىلمەيتىن ءوزىمشىل بولىپ ەرجەتەدى ەكەن. بالالار ءوسىپ-جەتىلۋ بارىسىندا ازىقتىق ءتۇرىنىڭ مول بولۋى، بەلوكتى ازىقتىقتاردىڭ جەتەرلىك بولۋىمەن بىرگە،ۆيتاميندىق قۇرامداردىڭ، مينەرالدىق ازىقتىقتاردىڭ دا كەم بولسا بولمايتىندىعى اسا ماڭىزدى. سونىمەن بىرگە، ولاردىڭ ۇيلەسىمدى  كيىنۋىنە، ماعىنالى ويناۋىنا دا ءمان بەرۋ اتا-انانىڭ بىلۋگە ءتيىستى تۇيىندەرى بولىپ تابىلادى. اتا-انالار بالالاردىڭ فيزيولوگيالىق جاقتان اقاۋسىز ءوسىپ-جەتىلۋىنە ءمان بەرىپ قالماستان، رۋحاني جاقتاعى اۋەسى مەن قاجەتىن  قاناعاتتاندىرۋعا كوڭىل ءبولۋى،ولارعا ەستەتيكالىق، تاربيەلىك قۇنعا يە بالالار ەرتەگىلەرىن،ولەڭ-جىرلارىن ۋاقىت   اجىراتىپ وقىپ بەرۋى، سول ارقىلى بالالاردى سەزىمگە باي، جاسامپازدىق قۋاتقا يە، ءومىردى كىسىلىك تۇرمىستى سۇيەتىن ەتىپ تاربيەلەۋگە جەتەلەۋ    كەرەك.
 
  3. اتا-انالار بالالارىن ءوز ءىسىن  ءوزى ىستەي الاتىن دەربەستىككە تاربيەلەۋ كەرەك. ءوز بالاسىن جاقسى كورمەيتىن اتا-انا بولماسا كەرەك، كەيبىر اتا-انالار بالاسىن جاقسى كورگەندە قانداي، ءتىپتى، شەكتەن تىس ەركەلەتىپ، ءوز شاماسى كەلەتىن جۇمىستاردى دا ىستەتكىسى كەلمەيدى. جاقسى ءىشسىن، جاقسى كيسىن دەيدى، سونىمەن بالا دايىن استىڭ يەسى، راقاتقۇمار،ءۇيدىڭ ەركەسى مەن سەركەسى، مەنىكى ءجون دەيتىن، باسىنان ءسوز اسىرمايتىن شولجاڭ بولىپ شىعا كەلەدى، مۇنداي بالالاردىڭ بولاشاعىن ەلەستەتۋ وتە قيىن. اتا-انالار بالاسىن جاقسى كورۋى، جاقسى كورگەندە ىشتەي جاقسى كورۋى، سىرتىنا شىعارماۋى كەرەك، بالالار دا سەنىڭ جاقسى كورگەنىڭدى ىشتەي سەزىنسە،وزىنە  دەگەن سەنىمى ارتا تۇسەدى. بالانى كىشكەنتايىنان قاراپايىم دا قاجىرلى،ءوز جۇمىسىن ءوزى ىستەيتىن،باسقالارعا كومەكتەسۋدى ابىروي سەزىنەتىن ەتىپ تاربيەلەۋگە ءمان بەرۋءتيىس،وسىلاي بولعاندا  عانا،اتا-انالار ءوز پەرزەنتتەرىنە شىنايى كۇيىنگەن بولادى.

  رەداكتورى :گۇلنۇر جۇماش قىزى

تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مسالى: «تارباعاتاي اقپارات تورابىنان» الىندى