ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

ىرىم-تيىمداردىڭ تاربيەلىك رولى

جولدانعان ۋاقىتى : 2017/12/14 16:37:12

قاۋسىلقان قاسىمقان ۇلى

مادەنيەتتىلىكتىڭ ءتۇپ تامىرى - ادەپتىلىك، ادەپتىلىكتىڭ قوزعاۋشى كۇشى - سانالىلىق، مايەگى - تەكتىلىك، ارقاۋى - ىرىم - تيىمدار مەن سالت داستۇرلەر. قازىرگى  كۇندە  ايتىلىپ وتىرعان وركەنيەتتى قالا قۇرۋدى ايتساق،ءۇرىمجى قالاسىن مەملەكەت دارەجەلى وركەنيەتتى قالا ەتىپ قۇرۋ ءۇشىن، قالا حالقىنا باعىتتالعان ءبىر ءجۇز الپىس ارىپتىك، جالپى ون جاققا ساياتىن، «ءۇرىمجى قالاسى تۇرعىندارىنىڭ وركەنيەت كەلىسىمناماسىنىڭ» ىشىندە: «باسقالارعا ءمۇلايىم بولۋ، ساپالى قىزمەت وتەۋ،قاتىناس، ءجۇرىس-تۇرىس جانە تاماقتانۋدا مادەنيەتتى بولۋ، ءىس-ارەكەتى سىپايى بولۋ» دەگەن شارتتار بار. ءاربىر ادام وركەنيەتتى قالا تۇرعىنى بولۋعا قويىلاتىن وسى نەگىزگى تالاپتى، بىلايشا ايتقاندا، وسى زامانعا بەيىمدەپ، داۋىرگە باعىتتاپ، كوز الداعى جاعدايعا سايكەستىرىپ جاساعان وركەنيەت كەلىسىمناماسىن سانالىلىقپەن ورىنداپ، ءسوز-ارەكەتىنىڭ ۇزىلمەس ارقاۋى ەتە بىلگەندە عانا ءسوز-ارەكەتى جاعىمدى دا سىپايى كورىنەدى، قىلىعى باسقالارعا سولەكەت سەزىلمەيتىن مادەنيەتتى ادام قاتارىنان ورىن الا الادى.

  مادەنيەتتىلىك دەگەنىمىز يبالىلىق؛ مادەنيەتتىلىك دەگەنىمىز ون سەگىز مىڭ عالامعا دەگەن جاناشىرلىق؛ مادەنيەتتىلىك دەگەنىمىز شىنايى ھام تەرەڭ سۇيىسپەنشىلىك. مەيلى قاي تۇرعىدان قارا،قالاي ايت، مادەنيەتتىلىك دەگەنىمىز حالقىمىزدىڭ ۇرپاقتارىن ىزگىلىككە تاربيەلەپ،كىسىلىككە جەتەلەپ، جاناشىرلىققا جەبەپ وتىرعان «جامان بولادى»،«ۇيات بولادى» جانە «وبال بولادى»  دەگەن ءۇش اۋىز سوزىنەن اسا المايدى. وسى ءۇش اۋىز سوزگە استار بولعان ىرىمدار  مەن  تيىمدار ۇلىتتىق سالت-سانانىڭ كورنەكتى بەينەسى ءارى ۇرپاق تاربيەلەۋدە  تاجىريبەدەن ءوتىپ  قالىپتاسقان اسا  قۇندى  ءبىلىم. «ۇيات بولادى» دەگەن تەكتەۋ جوعالعان جەردەن قۇرمەت جوعالادى، بەيباستاقتىق بەلەڭ بەرەدى، ەسسىزدىك  ەتەك  الادى؛ «جامان بولادى»  مەن  «وبال بولادى» دەگەن تيىم جوعالعان جەردەن جاناشىرلىق جوعالادى، سۇيىسپەنشىلىك سۇيقىلدايدى، وزىمشىلدىك، پايداكوستىك اسقىنىپ، قارانيەتتىلىك قابىندايدى. «جامان بولادى»، «ۇيات بولادى» جانە «وبال بولادى» دەگەن ءۇش اۋىز سوزدەن ۇلتىمىزدىڭ ۇزاق ۋاقىت بارىسىندا قالىپتاسقان سەنىم-نانىمدارىن، دۇنيەگە كوزقاراسىن، تابيعات دۇنيەسى، تىرشىلىك ءومىر جانە ءولىم تۋرالى نانىمىن، ارمان-تىلەگىن، سونداي-اق تىرشىلىك  قاينارىن كوز قاراشىعىنداي ايالاي بىلەتىن قاستەرلى يدەياسىن  جانە  ومىرگە  دەگەن مۇرات-ماقساتىن   ءتۇسىنۋ قيىن ەمەس. ۋاقىتتىڭ تاسقاۋىنان قازاق ىرىمدارى مەن  تيىمدارى  ءتالىم-تاربيەنىڭ ءبىر قاينارى، وتباسى  تاربيەسىنىڭ وقۋلىعى، ءمورال تاربيەسىنىڭ  ءمولدىر بۇلاعى. مۇنى زامانعا ساي جاڭعىرتىپ دۇرىس پايدالانا ءبىلۋىمىز كەرەك.

  ادەپ-يبا ادامدار ارا جاراسىمدى قاتىناستىڭ  دانەكەرى، ارانى جاقىنداتاتىن ارقاۋ، جاندى ەلجىرەتەر شۋاق، جۇرەككە جىلىلىق قۇياتىن ءشاربات. ادەپ-يبا بولعان جەردە باس بۇزار تەنتەكتىك، كوڭىل اۋىرتار دويىر مىنەز، قىل اياعى جاۋىزدىقتىڭ ءوزى تيىلىپ، بۇيداعا ەرىكسىز ەرىك بەرەدى. ال، ادەپ-يبا بولماعان جەردە حان مەن قارا، جاس پەن قارت، بالا مەن اكە-شەشە، ەر مەن ايەل ءوز ورنىن دۇرىس تابا  المايدى، مۇندايدا ادامدىقتىڭ قۇنى دا ايگىلەنبەك ەمەس. ۇلى فيلوسوف كۇڭزى: «پاتشا  پاتشا  جولىندا، ءۋازىر ءۋازىر جولىندا، اكە اكە جولىندا، ايەل ايەل جولىندا، بالا بالا جولىندا بولعاندا عانا قوعام جاراسىم تابادى» دەگەن ەكەن.

  كلينتون امەريكانىڭ زۇڭتۇڭى بولىپ تۇرعاندا، ساياسي ساحنادا وزىمەن قارا تالاسىپ جۇرگەندەردى كىشى پەيىلدىكپەن جاقىن تار تىپ، دوستىق نيەت بىلدىرەدى. سوندا  قاسىنداعى ءبىر اقىلشىسى: «زۇڭتۇڭ مىرزا، ءسىزدىڭ قازىرگى مىنا ىقپالىڭىزبەن بۇل دۇشپاندارىڭىزدىڭ كوزىن جويۋىڭىزعا ابدەن بولادى عوي، ولارعا نەسىنە جالپاقتاپ ءجۇرسىز؟» دەگەندە، كلينتون: «ولارعا جىلى مامىلە جاساپ، قاتارىما تارتىپ، دوسىما  ايلاندىرىپ  العانىم  دۇشپاندارىمدى جويعان ەسەپتەلمەس پە؟» دەپ جاۋاپ بەرەدى. كوردىڭىز بە؟ ادەپ-يبانىڭ قانشالىق قۇدىرەتتى كۇشكە يە، ۇلى ادامداردىڭ كوڭىلىنىڭ قانشاما كەڭ ەكەنىن اڭعارۋعا بولادى.

  ۇلكەندەرىمىز ات-اتاعى شىعىپ، ابىرويعا يە بولعان ادامداردىڭ كىسىلىگى مەن كىشىلىگىن «ماۋەلى اعاشتىڭ باسى ءيىلىپ تۇرادى» دەپ تۇيىندەسە؛  ادەپتى ۇل، يبالى بويجەتكەندەردى كورسە رازى بولىپ، مۇنى تۇپ-تۋرا وتباسى تاربيەسىمەن   بايلانىستىرىپ: « ۇلگىلى اۋىلدىڭ بالاسى نەدەگەن تاربيەلى وسكەن بالا،اكەگە قاراپ ۇل، شەشەگە قاراپ قىز وسەدى دەگەن وسى عوي» دەپ جاتاتىن ءارى ۇرپاقتارىنا: «ەل ساعان كىشى پەيىلدىك بىلدىرسە، سەن وعان نەشە ەسە جىلى مامىلە جاسا» دەپ تاربيە بەرە بىلگەن حالقىمىز ءمانى تەرەڭ، تاربيەلىگى كۇشتى، بۇيرىقتى راي  تۇرىندە كەلەتىن تيىمداردى جەتەلى ۇل، يبالى قىز، ۇياتتى كەلىن تاربيەلەۋدىڭ نەگىزى ەتە بىلگەن. جالپى جاقتان العاندا، ۇلتىمىزدىڭ ءداستۇرلى ءمورال تاربيەسىندە ادەپ-يباعا قاتىستى مىناداي تيىمدار بولعان:
«ۇيگە سىرتىڭمەن كىرمە»
 
ءۇي ىشىندە اكە-شەشە، اعا-باۋىر سياقتى ۇلكەندى-كىشىلى ادامدار وتىرادى نە كەيدە بەيتانىس قوناقتار بولادى. ەگەر ۇيدە بوگدە ادام بولسا، قانداي اشۋلى جۇرسەڭدە جىلى جۇزبەن  سالەم  بەرىپ  كىرۋ  كەرەك.  بۇل ادەپ-يباداعى وزگەرمەس قاعيدا. ال،شەگىنىپ كىرىپ كەلە جاتىپ تابالدىرىققا شالىنىپ جىعىلساڭ ۇيدە وتىرعانداردى كۇلكىگە قارىق قىلۋدى ايتپاعاندا، جازاتايىم جارالانىپ قالۋىڭ،مەشكە قۇلاۋىڭ نەمەسە ەسىك كوزىندە جاتقان مىسىق، كۇشىك سياقتى جانۋارلاردى باسىپ زاقىمداپ الۋىڭ دا ابدەن مۇمكىن. مىنە، بۇل تيىمعا قاي جاعىنان تالداۋ  جاساساق تا ادەپ-يبامەن  قوسا، جان-جانۋارلاردىڭ اماندىعىنا بولعان جاناشىرلىق پەن جەكە ادامنىڭ حاۋىپسىزدىگىنە ساقتىق سيگنالىن شالىپ، جول سىلتەپ تۇرعانىن بايقاۋعا بولادى.
«ادامعا سىرتىڭدى قاراتپا»

  «قازاق ادەبي ءتىلىنىڭ سوزدىگىندە» بەت بۇرۋدىڭ ىڭعايىن كورسەتتى، قارادى دەگەن سياقتى تۇسىندىرمەلەرىنەن تىس، تەرىس قارادى، سىرت اينالدى، جالتاردى، ۇناتپادى، جاقتىرمادى دەگەن  ماعىنالارى بەرىلگەن. ادەتتە بىرەۋگە  رەنجىگەن، بەتىن كورگىسى كەلمەگەن ادام ودان بەت بۇرىپ، سىرت اينالادى. ات كەكىلىن  كەسىسكەندە، «ول مەنەن بەت بۇردى»  دەيتىنىمىز دە  سوندىقتان. «قالىڭ ەل قايىرىمسىز حاننان بەت بۇردى» دەگەن ءسوز وسىعان دالەل. سول ءۇشىن حالقىمىز ادامعا جىلى شىرايمەن  تۋرا قاراپ وتىرۋدى دارىپتەپ، سىرتىن بەرىپ وتىرۋدى ادەپسىزدىك، قۇرمەتسىزدىك ەسەپتەگەن. ۇيالشاق بويجەتكەن، يبالى كەلىندەر، ۇلكەن، سيلى، بەيتانىس ادامداردىڭ الدىندا بۇكىلدەي تەرىس قاراپ  وتىرماي، ءسال قيعاشتاپ وتىرۋدى داعدىعا اينالدىرعان. «اۋىر اياق كەزىندە بىرەۋگە تەسىلە نەمەسە تاڭعالا قاراسا بالاسى سوعان ۇقساپ تۋادى» دەپ  قاتاڭ ىرىمدايتىن حالقىمىزدا، قىل اياعى  اۋىر اياق ايەلدەردىڭ ءوزى مۇرىنى پۇشىق، كوزى قىلي دەگەندەي، بەت الپەتى كورىكسىزدەۋ ادامدار ۇيگە  كەلگەندە ولارعا سىرتىن قاراتپاعان. ادەپسىزدىك، قۇرمەتسىزدىك بولادى، ولاردى قورلاعاندىق ەسەپتى دەپ ساناعان. قوعام جاراسىمدىلىعىنا، ادامداردىڭ ۋىزداي ۇيىعان ىنتىماعىنا كەرى اسەر جاسايتىن فاكتورلاردىڭ ءبىرى ءوزىن زور، وزگەنى قور ساناپ، قارسى جاققا قۇرمەت ەتپەۋ. بۇرىنعىلار ءبىر اۋىلدىڭ بەرەكەسى، تىنىشتىعى ءۇشىن جارلى-جاقپايلار مەن كەم - كەتىكتەردى تومەن ساناماي، شىنايى قۇرمەت ەتە بىلگەن.
«ادامنىڭ ۇستىنەن اتتاما»

  حالقىمىز كيىمنىڭ ۇستىنەن اتتاماۋدى دارىپتەگەندى قويىپ، جاعالى كيىمدەردىڭ اياقتىڭ استىندا قالۋىن قۋاتتاماعان. «ادامنىڭ ۇستىنەن اتتاما» دەگەن تيىمعا تالداۋ جاساساق، مۇندا ءبىرى ادامعا دەگەن وسكەلەڭ قۇرمەت جاتسا؛ ەندى ءبىرى حاۋىپسىزدىكتى كوزدە ۇستاعان دەپ ايتۋعا بولادى. ماسەلەن، ۇيىقتاپ جاتقان ادام بولىپ ۇستىنەن اتتاي بەرگەندە، اياعىن نە قولىن سەرمەپ قالسا، توساتتان اۋناپ ياكي تۇرا كەلسە وندا ءجۇرىپ بارا جاتقان ادام نەمەسە جاتقان ادام وقىس بولۋى مۇمكىندىگى كۇشتى.
«سويلەگەندە ادامعا قاراتىپ ساۋساعىڭدى   شوشاڭداتپا»

  ءبىزدىڭ بۇل تيىمىمىز قازىر حالىقارادا دا كەڭىنەن قولدانىلىپ وتىر. «ونىڭ كوزىنە شۇقىپ تۇرىپ ايتامىن» دەپ جاتادى اشۋلانعان ادامدار. انادايدا كەڭەسىپ تۇرعان ەكى ادامنىڭ بىرەۋى ياكي ەكەۋى دە سويلەگەندە، بىرىنە-ءبىرى سۇق ساۋساعىن شوشاڭداتىپ تۇرسا، كورەر كوزگە داۋلاسىپ تۇرعانداي سەزىلەتىندىگى تابيعي. بىرەۋمەن كەڭەسكەندە مۇرىن ۇستاماي، قۇلاق شۇقىماي، قول شوشاڭداتپاي بايسالدى بەينەدە سويلەۋ ايتپاققا جاي ءىس سانالعانىمەن، مۇنىڭ ءوزى ۇلكەن ءبىر    مادەنيەت. ەندى ءبىر قىرىنان ايتقاندا، ءسىز ساۋساعىڭىزدى شوشاڭداتىپ سويلەپ تۇرعاندا، قارسى جاق وقىستان ەڭكەيىپ قالسا بەتىن نەمەسە كوزىن  ءتۇرتىپ الۋىڭىز مۇمكىن. دانا حالقىمىز مىنە، وسىلاردىڭ بارلىعىن تاجىريبەدەن وتكىزبەسە دە، زەيىنىمەن زەردەلەپ، زيانىن دانىشپاندىقپەن مولشەرلەي بىلگەن.
«ادامعا قاراپ ەسىنەمە»

  بىرەۋگە قاراپ اۋىزدى ارانداي اشىپ ەسىنەپ وتىرۋ شىنىندا دا ورەسكەل قيمىل. وسى نەگىزدى قۋالاي كەلىپ،بۇرىن جوق بولسا قازىرگى كەزگە بەيىمدەپ «ادامعا قاراپ ءتىس شۇقىما» دەگەن تيىمدى قوسىۋعا دا بولار-اۋ. داستارقاندا وتىرعان ادەپتى ادامداردىڭ كوبى قازىر ءتىس شۇقىسا قولىمەن نە شىتپەن قالقالاپ شۇقيدى ياكي تازالىق ۇيىنە بارىپ تازالاپ كەلۋدى داعدىعا اينالدىرعان.

«بىرەۋگە بەرەرىڭدى سول قولىڭمەن بەرمە»
 

 
  ۇلكەندەرگە قوس قولداپ، ال، جاي اعايىن-دوستار ارا وڭ قول بەرىپ امانداسۋ بىزدەگى ۇزاق ۋاقىتتان بەرگى جالعاسىپ كەلە جاتقان  ءداستۇر. ەر مەن ايەل ورتاسىنداعى اماندىقتا، ايەل ادام قول بەرمەسە ەر ادام الدىمەن ۇسىنبايدى. وڭ قول بەرىپ امانداسۋ قارسى جاققا دەگەن قۇرمەتىڭدى،شىنايى پەيىلىڭدى بىلدىرەدى. سوسىن دا حالقىمىز بىرەۋگە بىردەمە بەرەر دە قۇرمەتىن، ىقىلاسىن ءبىلدىرىپ وڭ قولىمەن بەرۋدى داعدىعا ايلاندىرعان ءارى ۇرپاقتارىن سولاي ىستەۋگە ءناسيحاتتاعان. داستارقانداعى استى دا وڭ قولىمەن الىپ جەيدى.

  قازىرگى كۇندە كەي جاستاردان ادەپ ازايىپ، ۇيات ادىرا قالىپ بارادى. «سىنىقتان باسقانىڭ ءبارى جۇعادى» دەپ باسقالاردىڭ كەيبىر جاعىمسىز قىلىقتارى ءبىزدىڭ سانامىزعا ءسىڭىپ، ارەكەتىمىزگە اينالىپ بارادى. قازىر اكەسىنە قۇددى بالاسىنداي قوجاڭداپ جاتاتىن ۇل مەن قىزدى؛ اپاسىنىڭ اق سامايىنا جاعالاسىپ وتىراتىن كوكبەت كەلىندى؛ ۇلكەن كەلسە  اياعىن  تارتىپ، ەتەگىن جاپپايتىن بويجەتكەندى؛ اشىق-شاشىق كيىنىپ كەردەڭدەي باسىپ جۇرەتىن كەۋدەمسوق كەلىنشەكتەردى؛ ۇيگە قوناق كەلسە الدىنان شىعىپ سالەم  بەرىپ، كيىمىن ىلگەندى قويىپ، ادام كەلىپتى-اۋ، دەپ ەلەپ تە قويماي ءوز جايىندا وتىراتىن بالا-شاعانى كەزىكتىرۋ وڭاي شارۋا  بولدى. ءبىر ماتەريالدان: «سەن ءوزىڭنىڭ سوزىڭە  كوڭىل ءبول، ءسوزىڭ ارەكەتىڭە اينالۋى مۇمكىن؛ سەن ءوزىڭنىڭ ارەكەتىڭە كوڭىل ءبول، ارەكەتىڭ ادەتىڭە اينالۋى مۇمكىن؛ سەن ءوزىڭنىڭ ادەتىڭە كوڭىل ءبول، ول سەنىڭ مىنەزىڭە اينالۋى مۇمكىن؛ سەن ءوزىڭنىڭ مىنەزىڭە كوڭىل ءبول، ول سەنىڭ تاعدىرىڭدى بەلگىلەيدى» دەگەندى وقىعا ەدىك. اراعا تالاي ۋاقىت سالىپ بارىپ قانىڭا وتەتىن تىرناققا جاققان  زاھار  سياقتى بويىمىزعا بىلىنبەي كىرىپ، تابيعاتىمىزدى وزگەرتىپ، اتا داستۇرىمىزدەن الشاقتاتاتىن جايسىز ادەتتەر مەن مىنەزدەردى شەكتەي بىلمەسەك، كۇندەردىڭ كۇنىندە ۇلتىمنىڭ اسىل قاسيەتتەرىنىڭ ءبىرى مىناۋ ەدى دەپ  ايتارعا اۋىز تابۋ دا قيىنعا  تۇسەرى حاق.

  سوڭىندا ىرىم-تيىمداردى ساناسىنا ءتۇسىپ  زامانعا ساي كادەگە جاراتا بىلەتىن ۇل-قىزدارىمىز  ازايماسىن دەپ تىلەيمىز ءارى ولارعا باسىمىزدى ءيىپ وسكەلەڭ قۇرمەت بىلدىرەمىز.

(مۇرا جۋرنالىنىڭ 2017-جىلعى 4-سانىنان الىندى)
  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn