ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

ءسوز مادەنيەتى تۋرالى

جولدانعان ۋاقىتى : 2017/12/13 13:25:04

شايتقازى زەينەلقازى ۇلى
 
  ءسوز سويلەۋشىنىڭ ويىن، سەزىمىن ءبىلدىرىپ عانا قالماستان، ونىڭ مىنەزدەمەسىن دە بىلدىرەدى. سوندىقتان ادامنىڭ تاربيەلىك دەڭگەيى كوبىندە ءسوزىنىڭ سيپاتىنان بايقالادى. ابايدىڭ:
«سوزىنە قاراي كىسىنى ال،
كىسىگە قاراي ءسوز الما.
شىن ءسوزى قايسى بىلە الماي،
ءار نارسەدەن قۇر قالما» دەگەنى سونى بىلدىرەدى.

  قازاق حالقىنىڭ اۋىز ادەبيەتىندەگى ماقال-ماتەلدەرىنىڭ كوبى نەگىزىنەن ءتىل، ءسوز تۋرالى قۇرالعان. كەيدە ءسوزدى قىزىل ءتىل دەپ وبرازداپ ايتادى حالقىمىز. ءارقانداي حالىقتىڭ قوعامدىق قارىم-قاتىناسى ءتىلسىز جۇزەگە اسپايدى. ادامدار ارا قاتىناستى بۇزاتىن دا، تۇزەيتىن دە وسى قىزىل ءتىل. سوندىقتان دا قىزىل ءتىلدىڭ ۇنامدى-ۇنامسىز جاقتاعى رولىن بەينەلەيتىن باي بازمۇندى، الۋان ءتۇرلى ماقال-ماتەلدەر قۇراستىرىلعان:  «ونەر الدى قىزىل ءتىل»، «ءتىلسىز تىرلىك مەڭىرەۋ»، «ادامنىڭ ءوزى جەتپەگەن جەرگە ءسوزى جەتەدى»، «وتكىردىڭ ءجۇزى، كەستەنىڭ ءبىزى، ورنەگىن سەندەي سالا الماس» (اباي) دەپ ءسوزدىڭ رولىن اسا  جوعارى  باعالايدى. مۇنداي سوزدەر كوبىنەسە كوسەمدىك، شەشەندىك، تاپقىر ويلى سوزدەر بولىپ، كوپتىڭ قاجەتىن شەشىپ، قالاۋىنان شىققان سوزدەرگە جاتادى. سويلەي الاتىن ادام  توقسان اۋىز ءسوزدى توبىقتاي تۇيىنگە جيناقتايدى. مىنە، بۇل سويلەي الۋ مەن سويلەي الماۋدىڭ پارقى. ادامداردىڭ قوعامداعى ءبىر-بىرىمەن جاراسىمدى قاتىناس ورناتۋىندا اركىم قوعامداعى ءوز ورنىن تاۋىپ، كوپشىلىكتىڭ قۇرمەتى مەن سەنىمىنە يە بولۋدا، ءوزارا ءتىل تابىسىپ، كەمەل عۇمىر كەشىرۋىندە، ورنىمەن سويلەۋ، ءمان-ماعىنالى تاپقىر ويمەن شەشەن سويلەي ءبىلۋ ۇلكەن رول اتقارادى.

  دەگەنمەن «ءجونىن تاۋىپ سويلەسەڭ، سوزدەن قىزىق نارسە جوق، ءجونىن تاپپاي سويلەسەڭ، سوزدەن بۇزىق نارسە جوق» دەگەندەي، قالاي سويلەۋدىڭ ءجونىن ءبىلۋ دە اسا قاجەتتى. 11-عاسىردا وتكەن تاجىك اقىنى كايقاۋس: «ۇقىپتىلىق اتاۋلىنىڭ ىشىندەگى ەڭ جاقسىسى ۇقىپتى سويلەۋ» دەيدى. بۇل وتە تاماشا ايتىلعان عاقىليا. باسقا ۇقىپتىلىقتىڭ كوبى ادامنىڭ جەكە باسىمەن عانا شەكتەلەدى. ال، ءسوز بۇكىلدەي جەكە باستىڭ جۇمىسى بولماي قالادى. ول، ءسوزسىز، باسقالارمەن قارىم-قاتىناسقا بارىپ سايادى، ءوز-وزىنە سويلەيتىن ادام بولمايدى. سوندىقتان ادام الدىمەن باسقالارعا سويلەيتىن ءسوزىن وي ەلەگىنەن وتكىزىپ، نەنى، قالاي سويلەۋدى عانا ەمەس، ونىڭ ارتقى ناتيجەسى مەن زاردابىن دا ويلاسىپ، سويلەۋ كەرەك. حالقىمىز «ءتىل اقىلدىڭ قولقاناتى» دەپ بەكەر ايتپاعان. ويلانىپ سويلەگەندە عانا ءتىلدى اقىلعا بويسۇندىرۋعا بولادى. ويلانۋ اقىلدىق تانىمنىڭ قىزمەتى بولىپ،ونداي سوزدەن مۇكىس شىقپايدى. ال، ويلانباي سويلەۋدە سويلەۋگە ءتان بولادى. مۇنداي ءسوز سەزىمدىك تانىم بويىنشا ايتىلا سالادى. كوبىندە ۇقىپسىزدىقتان بولادى، كەيدە سويلەۋشى ءوزى دە اڭعارماي قالادى. ول وي ەلەگىنەن، اقىلدىڭ ساراپتاۋىنان وتپەگەن بولادى. بۇنى حالقىمىز «اڭعارماي سويلەگەن اۋىرماي ولەدى» دەپ تۇجىرىمدايدى.
 
  ءبىراق، ونىڭ ءسوزى قارسى جاققا اڭعارماي سويلەگەن ءسوز ەمەس،ادەيى سولاي ايتىپ تۇرعان سياقتى سەزىلەدى دە،قارسى جاعىڭىز ءسىزدىڭ بايقاماي ايتتىم دەگەنىڭىزگە سەنبەيدى. سونىمەن ادامدار ارا قاتىناسقا اقاۋ تۇسەدى. وسى نەگىزدە ءسوزدى مىناداي ءتورت توپقا بولۋگە بولادى: « ءبىرىنشى،بىلۋگە دە، ايتۋعا دا قاجەتى جوق سوزدەر؛ەكىنشى، بىلۋگە دە،ايتۋعا دا بولاتىن سوزدەر؛ءۇشىنشى،ءبىلۋدىڭ قاجەتى جوق،ءبىراق ايتۋعا بولاتىن سوزدەر؛ءتورتىنشى،بىلۋگە بولاتىن، ءبىراق ايتۋعا بولمايتىن سوزدەر».

  ءسوز ءوزىنىڭ الۋان ءتۇرلى رولىنا قاراي شەشەندىك، كوسەمدىك، اقىل-كەڭەستىك، ءناسيحاتتىق، ءازىل-قالجىڭ، ادەتتەگى  سوزدەر دەگەن سياقتى كوپ ءتۇرلى ءبولىنىس تابادى. بۇنىڭ ىشىندە ءازىل-قالجىڭ كوڭىل كوتەرەتىن ءسوز تۇرىنە جاتادى، ونىڭ كوركەمدىك بوياۋى كۇشتى، استارلى نەمەسە قىزعىلىقتى بولىپ كەلەدى. ءازىل-قالجىڭنىڭ ءبارى بىردەي ايتا قالسىن بولا بەرمەيدى،  ونىڭ دا ەستى-ەسەرى بولادى. كەيبىرى تىكە ايتىلادى، كەيبىرى جانامالاي ايتىلادى، كەيبىرى استارلاپ ايتىلادى دەگەندەي، كوپ ءتۇرلى فورماسى بار.

  ادام بالاسى توي-دۋمانسىز بولمايدى. ۇلىعاۋسار جيىن-تويدا، توپ ىشىندە وتىرعاندا ءازىل-قالجىڭ كوڭىل اشۋ رولىن اتقارادى. وسىندايدا ءازىل ايتقاننىڭ ءجونى وسى دەپ ويلانباي، ورتانى ابدەن بارلاپ الماي قويىپ قالساڭىز، سول ءسوزىڭىز بالكىم بىرەۋدىڭ جان جۇيەسىنە بارىپ ءتيۋى مۇمكىن. سوندىقتان ءبىرى، سويلەيتىن ءسوزدى وي ەلەگىنەن وتكىزۋ، ەندى ءبىرى، ءسوز ايتىلاتىن ورتانى بايقاۋ ءسوز مادەنيەتىندەگى ەڭ قاراپايىم ساۋات.

  ءسوز سويلەۋشىنىڭ ساپاسىن بىلدىرەدى. «كوپ سوزدەن از ماعىنا شىعادى»، «كوپ ءسوز بوس ءسوز» دەپ ەلدىڭ ءسوزىن توسپاي، ونىڭ ۇستىنە باسقالاردىڭ ءسۇيىپ تىڭداۋ-تىڭداماۋىنا قاراماي ءمان-ماعىناسىز قايتالاپ، كوپ سويلەۋ مىجعاۋ، داڭساپالىقتى بىلدىرەدى. «ءتۇيىندى ءسوزدى ءتۇيىندى كىسى ايتادى، اتالى ءسوزدى بىلگەن كىسى ايتادى»، «كوپ ءسوز بوس ءسوز، از ءسوز التىن ءسوز» دەپ قىسقا، نۇسقا از سوزبەن كوپ ماعىنا جەتكىزۋ ءبىلىمدى، ويلى، ۇستامدىلىقتى بىلدىرەدى. «جۇيەلى سوزگە تۇيە شوگەدى»، «شەشەننىڭ ءسوزى شەكەر، مىلجىڭنىڭ ءسوزى بەكەر» دەگەندەي، وتكىر، ماعىنالى، كوركەم، جۇيەلى، ىرعاقتى تەز قايتارىمى بار ءسوز شەشەندىكتى بىلدىرەدى.

  «قىستىرما ءسوزدى قيسىنسىز ايتادى»، «جاماننىڭ ءسوزى تۇيەدەن تۇسكەندەي» دەپ سويلەنىپ جاتقان باسقالاردىڭ سوزىمەن قاتىسى جوق باسقا ءبىر ءسوزدى ورتادان كيلىكتىرۋ ءسوز تانىماستىقتى، داڭعويلىقتى، قيسىنسىزدىقتى بىلدىرەدى. «اقساق ءيتتىڭ جۇگىرگەنى تۋلاعانداي، جامان ادامنىڭ سويلەگەنى جىلاعانداي» دەپ ءسوز سويلەگەندە جىلامسىراپ سويلەۋ شىدامسىزدىقتى، دولىلىقتى بىلدىرەدى. «ءسوز بىلمەگەننىڭ سويلەگەنى ۇنامسىز، داۋىسى جوق ادامنىڭ ءان ايتقانى ۇنامسىز» دەپ ءوزى تولىق بىلمەگەن ءسوزدى سويلەۋ بىلمەي تۇرىپ بىلگىرسىگەندىكتىڭ، شەشەنسىگەندىكتىڭ بەلگىسى.

  «كەل» دەگەن ءتاتتى ءسوز، «كەت» دەگەن قاتتى ءسوز، «ءسىز»  دەگەن سۇلۋ ءسوز، «سەن» دەگەن سەمىز ءسوز. بۇل سوزدەر ءسوزىنىڭ يبالى، يبالى ەمەستىگى مەن ادەپتى-ادەپسىزدىگىن بىلدىرەدى.

  جيىپ ايتقاندا، حالقىمىز «قىزىل ءتىل تاس جارادى، تاس جارماسا باس جارادى» دەپ ءسوز مادەنيەتىنە ەرەكشە كوڭىل ءبولۋدى ەسكەرتەدى. ادامدار ارا  قاتىناستا «جاقسى ءسوز جارىم ىرىس» دەپ ونى بۇكىل ىرىستىڭ جارىمىنا بالايدى. بۇدان ءبىز حالقىمىزدىڭ ءسوزدى رۋحاني مادەنيەت رەتىندە ماتەريالدىق مادەنيەتپەن تەڭ ورىنعا قويعاندىعىن كورە الامىز. «بورىكتى باسقا ەرىكتى اۋىز» بولىپ،سويلەۋشى قالاي بولسا سولاي سويلەسە، ءوز قادىرىن، ءسوز قادىرىن، ەل قادىرىن، بەرەكەنى كەتىرەدى. «ەكى ەلى اۋىزعا ءتورت ەلى قاقپاق» بولماسا،«اق ءيت كىرىپ،كوك ءيت شىعادى» دەيدى. ءبىر دانىشپان: «حايۋاننان ارتىق سوزىمەن ادام، بىلاپىت سويلەسە، ودان دا جامان» دەپتى. وتباسى مەن قوعامدا بۇرق ەتە تۇسەتىن جاڭجالداردىڭ كوبى دورەكى ءسوز، وتىرىك وسەك، جالعان جالا سياقتى تىلىنە يە بولا الماۋدان تۋادى. وسىلاردىڭ ءبارى تاربيە كورمەگەن، ءپاس ادامداردان تۋادى. «بىلگەن تاۋىپ ايتادى، بىلمەگەن قاۋىپ ايتادى» دەگەن ماقالداردىڭ ءبارى   وسىنداي ادەپسىز قىلىقتاردان قورىتىندىلانعان. قانداي ورىن، قانداي ورتادا بولسىن ادەپسىز سويلەمەۋ، اسىرەسە، بالالار مەن ايەلدەر  وتىرعان ورتادا دورەكى ءسوز ايتپاۋ، ۇلكەندەرگە كىشىلىك ىززەتپەن ءتىل قاتۋ ادەپتىلىكتىڭ نەگىزگى شارتى بولىپ تابىلادى. ءتىپتى، ۇلكەن كىسىلەر وتىرعان جەردە ءدىلمارسىپ، ورىندى ءسوز ايتۋدىڭ ءوزى دە وعاش سەزىلەدى.

  سويلەۋدىڭ قاسيەتى ادەپتىلىگى مەن ادەمىلىگىنە قوسا، شىندىعىنا دا ءمان بەرۋدە. جالعان ايتۋ، وتىرىك سويلەۋ كىسىلىككە جاتپايدى. حالىق وتىرىكشىنى ەجەلدەن جاقسى كورمەيدى. «وتىرىك ءسوز ورگە باسپايدى»، «وتىرىكشىنىڭ شىن ءسوزىنىڭ ءوزى زايا كەتەدى» دەپ ەجەلدەن ۇرپاقتاردى شىن سويلەۋگە تاربيەلەپ كەلگەن. شىن سويلەۋ   ادىلدىكتىڭ ءبىر بەلگىسى. اباي: «ادامنىڭ بەس دۇشپانى وسەك، وتىرىك، ماقتانشاق، ەرىنشەك، بەكەر مال شاشپاق» دەيدى. «ەكى وتىرىككە ءبىر شىن قوسىلسا بۇرتيىپ تۇرادى، ەكى شىنعا ءبىر وتىرىك قوسىلسا جىمپيىپ  تۇرادى» دەگەندەي، حالىق قانداي ونەرمەن ايتقان وتىرىكتى دە سەزىپ-ءبىلىپ، ايتۋشىنىڭ كوزىنە بولماسا دا ارتىنان ايتادى.

  سويلەسۋ كەم دەگەندە ەكى ادامنىڭ پىكىر الماسۋىنان تۇرادى. وندايدا كەيبىر ادام ءوزى كوبىرەك سويلەپ الۋعا تىرىسادى. قارسى  جاعىنىڭ دا ايتقىسى كەلىپ وتىرعان ءسوزىنىڭ بار ەكەنىن ەسكەرە بەرمەيدى. ءاسىلى ءسوز سويلەۋ ادەبى بويىنشا، ءوزىنىڭ ەكىنشى ارىپتەسىنە دە ۇنەمى نازار اۋدارىپ، ونىڭ دا قالاعان كەزىندە ءوز وي-سەزىمىن ءبىلدىرىپ وتىرۋىنا مۇمكىندىك بەرۋ كەرەك. بۇل سويلەۋدىڭ ءمانىن ارتتىرىپ، ەكى جاقتىڭ دا  مەيىرىن قاندىرادى.

  اڭگىمەلەسۋ جاقسى قاسيەت، اسىرەسە كوپ وقىعان، كوپتى كورگەن، ءبىلىمى مول، شەشەن ادامدارمەن اڭگىمەلەسۋدىڭ ءوزى ءبىلىم الۋعا جاتادى. ول ءوزىڭ كىتاپ وقىعاننان دا جاقسى. ارلەپ، جەتكىزىپ ايتىپ بەرەدى. وندايدا تىڭداۋشى ماقساتپەن، ىجداعاتپەن تىڭداۋ  كەرەك، ويتكەنى ءسىز ۇيرەنىپ وتىرسىز .

  سويلەسەتىن ادامنىڭ مىنەز-قۇلقىن، مادەني دەڭگەيىن، وزىندىك ەرەكشەلىكتەرىن ءبىلىپ سويلەسكەن ءجون. كەيبىر ادامدار بولىمسىز ءىستى كوڭىلىنە الاتىن، ءسوزدى وزىنە بۇرىپ، ءوزىن دە، وزگەنى دە ورىنسىز مازالايتىن رۋحاني كوڭىل كۇيى ءالسىز بولىپ كەلەدى. ونداي ادامدارمەن سويلەسكەندە وزىنە لايىق قانا ءسوز ايتۋ كەرەك.

  بىرەۋدى ورىنسىز ماداقتاپ، سول ادامدا بار-جوق قاسيەتتەردى ءۇيىپ-توگىپ بەتىنە ايتىپ جاعاتسىناتىن ءبىر ادامدار بولادى.  بۇنداي ادامدى حالىق جاقسى كورمەيدى. ونداي ادام «ءوزىڭدى بەتىڭە قانداي ماقتاسا، باسقا بىرەۋگە بارىپ سونداي داتتاي الادى». سوندىقتان جاعىمسىپ بىرەۋدى كوزىنشە ماقتاۋ ورەسىزدىك، ادەپ بۇزعاندىق سانالادى.

  سويلەۋگە قاتىستى ادەپتىڭ تاعى ءبىر  مازمۇنى جۇيەلى سوزگە جىعىلىپ، جەڭىلگەنىن مويىنداۋ. ەردىڭ قۇنىن ەكى اۋىز سوزبەن شەشەتىن دانا حالقىمىز «اتالى سوزگە اقىماق توقتامايدى» دەيدى. سوزگە توقتاماۋدىڭ  ءوزى ءپاتۋاسىزدىق. ءسوز قادىرىن تانىپ، مويىنداۋ ىرىلىكتى، كىسىلىكتى، پاراساتتىلىقتى بىلدىرەدى. ايگىلى جاھانگەز ءامىر تەمىر ءۇندىستانعا باسىپ كىرگەن ساپارىندا سول جەردىڭ ونەرپازدارىن شاقىرتىپ الىپ:

  _ وسى شاھاردا اسقان ءبىر سازگەر بار دەپ ەستىگەنىم بار ەدى، سونى الىپ كەلىڭدەر،-دەيدى. سوندا سول اراداعى ادامدار،-ول مىنا كىسى،-دەپ ءبىر سوقىردى ءامىردىڭ الدىنا الىپ كەلەدى. سازگەردىڭ ونەرىن تىڭداپ  وعان ابدەن ريزا بولعان ءامىر تەمىر ودان: «اتىڭ كىم بولادى؟» دەپ سۇرايدى. سوندا ول: -اتىم مەملەكەت،-دەيدى. سوندا ءامىر تەمىر: «مەملەكەت تە سوقىر بولاما ەكەن ؟» دەيدى. سوندا سازگەر: «ەگەر مەملەكەت سوقىر بولماسا، اقساقتى ۇيىنە كىرگىزبەس ەدى» دەيدى. سازگەردىڭ  تاپقىرلىعىنا ريزا بولعان ءامىر تەمىر ءسوز جۇيەسىنە جىعىلىپ، وعان كوپ سي بەرىپ شىعارىپ سالادى. دەمەك، بۇل مىسالداعى اڭگىمەنىڭ ناتيجەسى ءار ەكى جاقتىڭ دا  ادەپكە قيعاشتىق جاساماعانىمەن قۇندى. ءسوز ادەبى ءساپ ءمۇلايىم سويلەپ، باسقانىڭ دورەكى، ناقاق، بالاعات سوزىنە كونە بەرۋ دەگەندىك ەمەس، قايتا «الاشاعىڭ كەتسە دە، ايتاشاعىڭ كەتپەسىن»، «ايتار ءسوزدى  ايتپاسا، ءسوز اكەسى ولەدى»، «باس كەسپەك بولسادا، ءتىل كەسپەك جوق» دەگەندەي، حالىق ءادىل، تۋرا، شىن دەپ باعالايتىن جاعدايدا قاتتى ءسوز دە، وتكىر ءسوز دە ورىندى ءارى قاجەتتى، ءتىپتى كەي ادامنىڭ كوڭىلىنە مايداي جاعادى.

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn