ۇسىنىس ەتىلگەن ءتىلشى امان مەللات ۇلى، ەرىكتى ءتىلشى گۇلجانات بەدەلقان قىزى حابارلايدى. جۋىقتان بەرى اۋا تەمپەراتۋراسىنىڭ ۇزدىكسىز تومەندەۋىنە بايلانىستى، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا تولى اۋدانى ۇتى قالاشىعى دىڭگەك قىستاعىنا تۇسكەن قىزمەت اترەتىندەگى كادرلار مەن قىستاق «ەكى كوميتەتىندەگى» كادرلاردىڭ جەتەكشىلىگىندە، ۇتى قالاشىعى دىڭگەك قىستاعىنداعى مالشىلار ەرتە باستان ءبىر قىسقا جەتەتىن جەم -ءشوپتى مولىنان ازىرلەپ، ءتورت تۇلىك مالدىڭ قىس قىرىنان امان ءوتىپ، كەلەر جىلى مال شارۋاشىلىعىنان مول ءونىم الۋعا كەپىلدىك ەتتى.
تولى اۋدانى ۇتى قالاشىعى دىڭگەك قىستاعىنىڭ مالشىسى قايرات: «بيىل قىستاۋعا ەرتە كوشتىك، قىستاۋلىققا كوشىپ بارعانعا 5 كۇن ۋاقىت كەتەدى، قىزمەت اترەتىندەگى كادرلار مەن قىستاق كادرلارى كوشى - قونىمىزعا جەتەكشىلىك ەتىپ، ءبىزدىڭ باس اماندىعىمىز بەن مال-مۇلكىمىزدىڭ اماندىعىنا كەپىلدىك ەتتى، قاقاعان ايازعا قاراماي ءوندىرىس، تۇرمىسىمىزعا كومەكتەسكەن باسشى، كادرلارعا ايرىقشا العىس ايتامىز» دەدى.
قايراتتا 200 قوي، 20 باس سيىر، 14 تۇياق جىلقى بار. كوشى - قون مەزگىلىن دۇرىس يگەرىپ، ۋاقىتتى مىقتى ۇستاپ، مالدىڭ قىستىق جەم - ءشوبىن ەرتە باستان دايىنداعان ول تىلشىگە: «قىس قاتتى بولىپ، قار قالىڭ جاۋسا ءتورت تۇلىك مال دالا جايىلىسىنا شىعا الماي،قولعا قارايدى، بيىل 10 توننا ماقتا قاۋىزى، 7 توننا جەم جانە 5 ماشينا ءشوپ دايىندادىم، ەگەر بۇل جەم - ءشوپ جەتپەيتىن بولسا، تاعى ساتىپ الامىن» دەدى.
قىزمەت اترەتى مەن قىستاق «ەكى كوميتەتىنىڭ» كومەگىندە، تۇتاس قىستاقتاعى مالشىلار مەن ءار تۇلىك مال دەرلىكتەي قىستاۋلىققا حاۋىپسىز جەتىپ، جەم- ءشوپ دايىنداۋ جۇمىسى نەگىزىنەن سوڭىنا شىقتى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.