ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

ءوزىن-ءوزى تاربيەلەۋدىڭ ماڭىزى

جولدانعان ۋاقىتى : 2017/12/8 13:43:47

ونەر حاميت ۇلى

  مەن ءبىر قاراپايىم اداممىن. سونىڭ وزىندە ءوزىڭدى -ءوزىڭ ءتۇسىنۋىڭ، باعالاۋىڭ، ارينە، قيىننىڭ قيىنى ەكەن. ءوزىن تۇسىنە، تاني بىلگەن ادام عانا ناعىز ادام بولا الادى عوي. ءبىراق ءوزىڭنىڭ كىم ەكەندىگىڭدى باسقالارمەن قارىم-قاتىناس، بارىس-كەلىسىڭنەن، قوعامدىق ورنىڭ مەن رولىڭنان، ءتىپتى، اتاق-ابىرويىڭنان تۇسىنە الاسىڭ با؟ ءوزىڭدى-ءوزىڭ ماقتاۋىڭا دا، داتتاۋىڭا دا بولادى. بۇل تەك ءوزىڭنىڭ تۇسىنىگىڭ عانا. ءبىراق، مەنىڭ كىم ەكەندىگىمدى كىم تياناقتاندىرادى، بۇل سۇراۋدىڭ جاۋابىن حالىق عانا ءدال تياناقتاندىرا الادى ەكەن. كوپتىڭ كوزى كورەگەن، حالىق سىنشى، جان-جاقتىلى بەرىلگەن تياناقتى باعا، ولشەم - مەنىڭ قوعامدىق ورتاداعى اداميلىق قاسيەتىم مەن ورنىمدى تۇراقتاندىرادى. مەنىڭ كىم ەكەندىگىم، ارينە، بايلىعىممەن، اقىل-پاراساتىممەن دە باعالانۋى مۇمكىن بولسادا،سونىڭ وزىندە كىم ەكەندىگىمدى ءوزىم تۇراقتاندىرا الۋىم ناعايبىل. ويتكەنى وزىمە،وتباسىما،قوعامدىق، الەۋمەتتىك ورتاعا نەلەردى تىندىرىپ، قانداي يگىلىك جاراتا الدىم، بۇل تۇرعىدان ءومىردىڭ وتكەنى مەن كەتكەنىن، بولاشاعىن بولجاۋدىڭ ءوزى باعا بەرۋدىڭ كەمەلدى  ولشەمى بولماق ەمەس. سوندىقتان مەنىڭ كىم ەكەندىگىمدى مەنى قاداعالاپ وتىرعان حالىق بۇقاراسى انىعىراق ءبىلىپ، سىنشى ءارى انىق تا، ءادىل باعالاۋشىم بولارى شىندىق. بۇل فاكتتى دالەلدەۋ ءۇشىن، دۇرىس، ءادىل، انىق باعا الۋ ءۇشىن،حالىق بۇقاراسى الدىنداعى  ازاماتتىق بورىشىمدى، قوعامعا قوسار ۇلەسىمدى ايقىن ءتۇسىنىپ الۋىم، بارلىعىندا تىڭنان، جاڭادان، ءتىپتى، ءار كۇنگى تاڭەرتەڭگى، قيمىلدان باستاۋىم ءجون ەكەندىگىن ءتۇسىندىم. سوندىقتان دا مەن اداميلىق ار-نامىستى، ءمورالدى ءوز بويىما ولشەم   ەتىپ، كورنەكتىلەندىرىپ، اۋەلى وزىمنەن، وتباسى مۇشەلەرىمنەن باستاپ، قوعامدىق جاۋاپكەرشىلىك ارقالاۋ ارقىلى ءوزىمنىڭ كىم ەكەندىگىمدى كورنەكتىلەندىرۋىمە قۇلشىنىس جاساعاندا عانا، جاۋاپكەرشىلىك دەگەن ۇعىمنىڭ ءمانىن، تەگىن جانە رولىن ايقىنداپ الۋىما ابدەن بولادى. اتاپ ايتقاندا، وتباسى تاربيەسى، مەكتەپتەگى تاربيە، قوعامدىق تاربيەدەن تىس، ماڭىزدى ءبىر تاربيە وبيەكتىسى ادامزاتتىڭ ءومىر ساپارى بارىسىنداعى ءوزىن-ءوزى تاربيەلەۋ بارىسى - اقىل-وي ەڭبەگىنىڭ جاسىرىن جاتقان ماڭىزدى تاربيە بارىسىنان دەرەك بەرەدى. مۇنداي تاربيە بارىسى، بۇل الدىڭعى ايتىلمىش ءۇش ءتۇرلى ءتالىم-تاربيەنىڭ (وتباسى، مەكتەپ جانە قوعام تاربيەسى) ىشكى قوزعاۋشى كۇشى بولىپ رول اتقارادى. مىسالى، ءبىر نارەستە دۇنيەگە كەلگەن سوڭ، جىلاۋدى،كۇلۋدى، تاماقتانۋدى، جىعىلۋدى، تۇرۋدى تابيعي ءبىلىپ، دامۋمەن سايكەستى زاڭدىلىقتى يگەرەدى. بۇل بارىستا سىرتقى  ىقپالمەن سايكەس، ىشكى قۋزاۋشى فاكتوردىڭ رولى كورنەكتى بولىپ شامالانادى. ءسويتىپ، جاسىرىن جاتقان قۇپيا كۇشتىڭ دەرەگى ايقىن كورىنە باستايدى. سول ءۇشىن مەن كىممىن؟ ارينە، وزىمە-ءوزىم تاربيەشىمىن! دەگەنمەن،مەن ءوز كەسكىنىمدى اينادان انىق، تولىق كورە العانىممەن، ىشكى دۇنيەمدى، باسقالاردىڭ كوڭىل كوكەيىندەگى ورنىمدى، باعالارىن كورە المايمىن. وسى  تۇجىرىمنان-اق،  ءارقانداي ادامنىڭ ءوزىن-ءوزى سەزە ءبىلۋىنىڭ وڭاي-وسپاق مەجە جاساۋعا كەلمەيتىن اسا ۇلكەن تاقىرىپ ەكەندىگىن  اڭعاردىم.

  ال، ەكىنشى ءبىر جاقتا تۇرعان سەنى تانىپ ءتۇسىنۋدىڭ ءوزى ادامدار اراسىنداعى قارىم-قاتىناس ارقىلى بايلانىستىڭ ىشكەرىلەۋىنەن بەينەلەنەدى. سەنى ءبىلۋ، ول دا بارىس-كەلىس قاتىناسىندا تەكسەرۋ، باعا بەرۋدەن كورنەكتىلەنەدى، سەنىڭ حاراكتەرىڭ، ستيلدىك جۇيەڭ، پسيحيكاڭ، قوعامدىق ورىنىڭ مەن رولىڭ، جەكە باسىڭ العان ءتالىم-تاربيەڭ، وتباسىلىق، قوعامدىق جانە مەكتەپ جاعىنان قابىلداعان ءبىلىمىڭ ءارى وسىلاردان بويىڭداعى ناعىز بەينەڭدى قاراستىرۋ، ارينە، قارسى جاقتىڭ قاجەتتى ماتەريالى بولىپ قالا بەرەدى. سوندىقتان ەكىنشى ءبىر ادامعا باعا بەرۋ، ادام حاراكتەرىن اشۋداعى ماڭىزدى ءتۇيىن. وسىلايشا تۇجىرىمداعاندا، مەن ءوزىمدى تۇسىنۋمەن قاتار، سەنى ءتۇسىنۋدىڭ بارىسى دا ماشاقاتتى دا كۇردەلى بارىس ەكەندىگىنە قۇندى دەرەك الۋىم توتەنشە قاجەتتى شارتتار ەكەندىگىن اڭداپ، اڭعارۋىم وڭاي وي قورىتىندىسى بولمايدى. ساعان استىم-ءۇستىم باعا بەرۋ، سىرتىڭنان سويلەۋ، بۇل دا بولسا ادامدار ارا قاتىناستاعى وعاش وي-پىكىرلەر مەن تۇسىنىكتەردى وربىتەتىن فاكتورلار ەسەپتەلەدى. ارينە، وزگەگە باعا بەرۋدە ىقىلاستى تۇردە زەرتتەۋ، سىرلاسۋ جانە ىشكەرىلەي قارىم-قاتىناستى تەرەڭدەتۋىمىز، ءمورالدىق جاقتاعى، زاڭ-ءتۇزىم جاقتاعى، قابىلداعان ءتالىم-تاربيە جاقتاعى جانە داستۇرلىك ەرەكشەلىكتەرگە دە زەيىن بۇرعانىمىز ءجون.       

  ەكىنشى جاقتا سەن بولۋمەن قاتار، ءۇشىنشى جاقتا جالعاستى ولارمەن بولعان قارىم-قاتىناس تا اسا ماڭىزدى ءتۇيىن تۇرىنە جاتادى. ولار كوپتىك تۇرعىداعى ادامدار بولىپ، حاراكتەرىن اشۋدىڭ ماڭىزى، ماقساتى قوعامدىق، الەۋمەتتىك تاربيەنىڭ ورتاقتاسۋىمەن قامتىلىمى كولەمدى بولىپ كەلەدى. ولار، ارينە، مەنەن ءالى دە شالعايدا، ءيا جاقىندا جۇرگەن بولار. ءبىراق ولاردىڭ توپتىق، كوللەكتيۆ قيمىلىنىڭ ورنەگىنەن كولەمىن كورىپ باعا بەرۋدىڭ ءوزى تولىق باعا بولا المايدى. ويتكەنى كوپتىڭ كوڭىلىن تاۋىپ، كورەگەندىكپەن باعالاۋ وڭاي-وسپاق ەمەس-تى. ولاردىڭ ۇيىمشاڭدىعى، تارتىپشەڭدىگى، باسقارۋداعى سانالىلىعى،كوللەكتيۆ جاراتقان ەڭبەك ونىمدىلىگى اسەرلەندىرسە، قىزىقتىرسا، باۋراي السا، وندا ولاردىڭ ەڭبەگىنىڭ ءونىمدى بولىپ كوزگە كورىنگەندىگىنەن دەرەك بەرەدى. اينالىپ كەلگەندە، مەنىڭ ولارعا باعا بەرۋىم، ولاردىڭ ءوزىمدى سىناۋىنىڭ، تاربيەلەپ، جەتەلەۋىنىڭ، كومەك كورسەتكەندىگىنىڭ، ءومىر تاجىريبەسىنىڭ ايعاعى بولماق. مەنىڭ ولارمەن سايكەسۋىم، ىشكىلىكتەسۋىم، ءتۇسىنىسۋىم ولارعا ىقتيارلىقپەن باعىنىشتى بولۋىما قۇزاۋشى بولادى. قورىتا كەلگەندە، كوپتىڭ كورەگەندىگى، جەڭىمپازدىعى، ارينە، مەنى باۋرايدى. «جالعىز ءجۇرىپ، جول تاپقانشا كوپپەن بىرگە اداس»، «جالعىزدىڭ ءۇنى شىقپاس، جاياۋدىڭ شاڭى شىقپاس»  دەگەندەي، ولاردىڭ ۇلى كۇشى ماعان جەبەۋشى، جەتەكشى بولارى حاق. عىلىمي جاقتان كوزقاراس ءبىلدىرىپ، ولارعا دۇرىس، عىلىمي جول نۇسقاي ءبىلىپ، كوپكە يگىلىكتى ءىس جاراتا بىلسەم، ارينە، مەنىڭ ولار ءۇشىن سىڭىرگەن ەڭبەگىم بولارى حاق.
 
  مەنىڭ كىم ەكەندىگىم، سەنىڭ كىم ەكەندىگىڭ، ولاردا قانداي جويقىن ۇلى كۇشتىڭ بار ەكەندىگىن جوعارىداعى دالەلدەۋلەردەن كورىپ الۋعا بولادى. وي ورتاقتاستىرۋ، سەلبەسۋ، ءتۇسىنىسۋ، ءوزارا بارىس-كەلىس  جاساۋ قوعامدىق قارىم-قاتىناستىڭ نەگىزگى بازاسى بولىپ تابىلادى. بۇل بازا ادامداردىڭ ءومىر وركەنيەتىنىڭ وسكەلەڭ دارەجەدەگى قورەكتىك قورى بولىپ، مەنىڭ، سەنىڭ جانە ولاردىڭ ورتاقتاسۋىنىڭ، ءبىر جاعادان باس، ءبىر جەڭنەن قول شىعارىپ، ىنتىماقتاسا وتىرىپ العا ىلگەرىلەۋدىڭ ۇيتقىسى ەسەپتەلەدى. سوندىقتان قوعامدىق ورتادا، ارينە، قوعامنىڭ تاربيەسىن قابىلداۋ، مەكتەپ ءتالىم-تاربيەسىن قابىلداۋ جانە وتباسى تاربيەسىن قابىلداۋمەن قاتار، ادامداردىڭ باستان-اقىرى ءوزىن-ءوزى تاربيەلەۋ جۇيەسىن مۇنان بىلايعى ءتالىم-تاربيەنىڭ ماڭىزدى قۇرامداس بولەگى ەتىپ قولدانۋ سىندى ويىمدى ورتاعا قويامىن، سونداي-اق ءوزىن-ءوزى تاربيەلەۋ، بۇل تىڭنان قوسىلعان مازمۇندار ەمەس، قايتا ونى ءتالىم-تاربيە بارىسىندا قولدانۋعا ۇگىتتەۋدى ءتۇيىن ەتۋدى مەڭزەگەن، وي ورتاقتاستىرعان پىكىر بولىپ تابىلادى.

   رەداكتورى: گۇلنۇر جۇماش قىزى
 

  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn