ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

ءماتىنى بولەك «مارالسۋىم» ءانى

جولدانعان ۋاقىتى : 2017/11/23 18:54:00

ازات ءاشىمباي ۇلى
 
  اركىمنىڭ ءوز تۋعان جەرى، وسكەن ەلى ءبىر عۇمىر تىرلىگىنىڭ التىن تاعى، جازيرالى باعى سەزىلەتىنى قاراپايىم  ساۋاتى بار ادام بالاسىنا تۇسىنىكتى ءۋاج، كىسىلىكتى ءماز ەكەنى ايتۋسىز شىندىق قوي. ەستى ادام بالاسى دا، ازامات ساراسى دا، تاعىلىمدى داناسى دا وسى ءبىر كيەلى تۇعىرعا كىندىگىن بايلاپ، جىر  بولىپ سايراپ، گۇل بولىپ جايناپ، قايدا دا تۋعان جەرىن، تۋعان ەلىن تۋ قىلىپ، نامىسىن ۇيادا ۇعىپ، داۋىسىن قياعا ۇرىپ وتەدى ەكەن. كوركەمونەرشى ءۇشىن  بۇل سەزىم  شابىت قۇسىن قيادان مويىن  بۇرعىزاتىن، جۇرەك قانىن سەزىمىنە ۇرعىزاتىن سول قۇدىرەتتى كيەنى تۇعىر قىلادى ەكەن.

  تۋعان جەر تۋرالى ءارقانداي ءبىر  كۇيىنۋ، ءسۇيىنۋ سەزىمى ادام بالاسىنىڭ بارىندە بولادى. دەسەك تە، بۇل تەك كوركەمونەرلىك بيىككە كوتەرىلگەندە عانا شىنايىلىققا، رياسىز سۇلۋلىققا اينالىپ كەتەدى. ال، ول سەزىم جاي عانا تىلەك رەتىندە ايتىلسا قايمانا تىرلىكتىڭ تاڭدانىسى، الدانىشى بولىپ قالا بەرەتىنى قاق.

  جاسامپازدىق تۇرعىدان ايتقاندا، تۋعان جەردىڭ تۋىن جەلبىرەتىپ، سەزىمىن مولدىرەتىپ، ەلجىرەتىپ ايتۋ اقىندىق دەسەك، ال سول اقىندىق سەزىمدى قۇس قاناتىندا تالدىرىپ، بۇلت كەۋدەسىندە قوندىرىپ، ماڭگىلىك ساز قىلىپ، ءسان قىلىپ ايتۋ سازگەرلىك تالانتقا عانا ءتان قۇبىلىس بولار ەدى. بۇل كەزدە سازعا اينالعان ءسوز قۇدىرەتتەنىپ، قاناتتانىپ، جەردەن شىعىپ، عارىشقا نە ءبىر الىسقا كەتەر ەدى. وسى ەكى ونەردىڭ ءبىر جۇرەكتە توعىسۋى جاي عانا جاسامپازدىق بۇرىلىس ەمەس، ۇلكەن تالانتتىق قۇبىلىس سانالادى ەكەن. ءبىراق اقىندىق پەن سازگەرلىكتى تەڭ ۇستانۋ، ەل بارماعان سونىدان قونىس شالۋ كىم كورىنگەننىڭ قولىنان كەلە بەرمەيدى، كەلگەن كۇنى ونەردىڭ باعى جانادى. سول كەزدە قىزعانشاق كوزدىڭ قاراسى اعىپ اعى  قالادى، جاعىمپاز ءسوزدىڭ ساناسى ءولىپ جاعى تالادى ەكەن. قۇبىلىس دەيتىنىمىز دە سوندىقتان.

  بۇگىنگى كۇندەرى بىزدە ءان كوپ،ءبىراق ءمان جوق، ىڭىرسىعاننىڭ ءبارى سازگەر، ءبارى تاربيەشى، ءبىراق اۋليەسى كەم. كەيبىرەۋلەر جازعان ءانىن اسپاپقا قوسىپ، كەلمەگەندى سوزىپ، دىڭعىراعىنا ءوزىنىڭ ارقاسى قوزىپ، جەلدىرتىپ، ءوزىن دە، وزگەنى دە بولدىرتىپ، ونى  كيەلى ءماتىن ەتىپ، ءوزىن ءان جازعىش اقىن ەتىپ ساناتۋعا قۇشتار. قۇشتار-اق بولسىن، تالانتتىڭ كوپ بولعانى جاقسى، ءبىراق ءبارى جىن قۋعان  باقسى بولىپ كەتپەۋى كەرەك ەكەنىن ءبىلۋ دە ونەرگە دەگەن اقتىق، تازالىق، ازالىق ەمەس پە؟!

  ەمىل ونەر بەسىگى بولعان، ۇلىلاردىڭ  ەسىمى قالعان كيەلى مەكەن ەكەنى ەشكىمگە بوتەنى جوق شىندىق. ەمىل ءوز ارناسىندا، ونەر ءوز جالعاسىندا ءبىرى، جەرىن،ءبىرى، ەلىن سۋارىپ كەلەدى. ەمىلدىڭ ءبىر قۇيارى مارالسۋ، مارالسۋ - مارال ىشكەن سۋ دەيتىن اڭىز بار. اڭىزدىڭ تەگى شىندىق قوي. سەرى مارالداردىڭ سەكەممەن كەلىپ سۋ ىشكەنىن، تۇياعىن تىك باسقان كەربەز جۇرىستەرىن كورگەن ەرتەدەگى بابالارىمىز وسى ءبىر كيەلى ەسىمدى كورىكتى مەكەنگە «مارالسۋ» دەپ ات قويعان ەكەن.
 
  بەۋ، مارالسۋ وزەنى، وركەشتەنە تاسىنىپ، سارىنىنا مارال ءۇنى قوسىلىپ، اعىنى الىسقا  اسىعىپ اعىپ بارا جاتقان ءبىر كۇندەرى سول جاعادان ءبىر قارا بالا قوس ۋىستاپ سۋ ءىشىپ، سارىنعا قۇلاق ءتۇرىپ قايتقان شىعار. سوسىن جاستىعىن سوندا وتكىزىپ، قىزىققا تولى كوپ قىزىق كۇندەرىن ساعىنىش انىمەن جەتكىزىپ ايتقان دا شىعار سول قارا بالا! سول بالانىڭ بالالىق شاعىندا سول كيەلى سارىنعا قايتا جولىقپاۋى مۇمكىن بە؟تۋعان جەر ءوز سۇلۋلىعىن ءوز ۇرپاعىنا عانا سيلايدى. سول سي سازگەر ەرەن  اناربەك  ۇلىنىڭ «مارالسۋىم» انىمەن اۋەلەپ كەتتى، ماۋەلەپ كەتتى. ونەر مەن تۋعان جەردىڭ، ۇلتتىڭ تۋىستىعى ءبىر دەيتىنىمىز وسى شىعار.

  مارالسۋ - مارال ىشكەن كيەلى سۋ، كيەلى سۋدا كيەلى شۋ بار، شۋ دەگەنىمىز ساز ءۇنى، ۇشىپ-قونعان قاز ءۇنى، سول كيە اقىن، سازگەر ەرەن اناربەك ۇلىنا  بۇيىرعان.

  «مارالسۋىم» ەرەن اناربەك ۇلىنىڭ تۋعان جەر تاقىرىبىنداعى كوكىرەكتى جارا ۇشقان، سازى مەن ءسوزى قاۋىشقان، شابىستان تۋعان ءورىستى ءان. ءان  مەلودياسىنا سەزىمگە جەڭىل تازا كوڭىل، كىرشىكسىز ءومىر ساعىنىشى، سۇلۋ تابيعات كورىنىسى سىڭىرىلگەن. ساز  بۋىندارى مەن ءسوز بۋىندارىندا ءبىر-بىرىنە ارتىق-كەمسىز ءتۇسىپ وتىراتىن ۇندەستىك ساقتالعان. قاراپايىم ساۋاتتى تىڭدارمان رەتىندە ايتسام، ءاننىڭ ەل جۇرەگىندە ءومىر سۇرەتىنى دە كوركەم دىبىستاردىڭ قۇبىلىپ تىزىلۋىندە ەمەس، قايتا سول دىبىستاردىڭ سازگەر تالعامىندا سۇزىلۋدەن وتۋىندە دەر ەدىم، ەرەن ءاربىر ءسوزىن ءار دىبىسقا قاتاڭدىق، ۇياڭدىق، ۇندەستىك بويىنشا باعىندىرىپ، سەزىمدىك بوياۋىن قالىڭ قىلىپ، ۇلتتىق داستۇرگە تەلىپ، ءار دىبىستى ۇلتتىق اۋەنگە مالىندىرىپ جەتكىزگەن. سوندىقتان ءان ەستىگەن جۇرەكتىڭ ايىزىن قاندىرىپ، سەزىمگە بويدى الدىرىپ اۋەلەي العان.

  ءان ۇلتقا، توپقا، ناسىلگە بولىنبەيتىن كوركەمونەر، ناعىز ءان وسى قاسيەتى ءۇشىن ءار ساناعا ساۋلەسىن شاشا الادى، ءار جۇرەكتەردى ءبىر-بىرىنە دوستاستىرىپ قوسا الادى. سوندىقتان ناعىز ءان قۇدىرەتتى كۇش، كيەلى اققۋ قۇس سانالادى.

  «مارالسۋىم» ءانىنىڭ حانزۋ تىلىندەگى ايتىلىمى تىپتەن سۇلۋ، كورىكتى، بورىكتى ءان بولىپ تاماشا ورىندالعان. ءوز ءانىمىزدىڭ باسقا ۇلت تىلىندە ۇلتتاردىڭ ۇلى ىنتىماعى بولىپ شىرقالىپ جاتقانىن، قياعا قانات قاققانىن كورگەندە ماقتاناسىز.

  ەرەن اناربەك ۇلى جاي تۇرمىستا   قاراپايىم، ءبىر توعا، جەڭىلتەك سەزىمگە جەلپ ەتپەيتىن، بيازى مىنەزدى جىگىت كورىنگەنىمەن، ونىڭ ىشكى جان دۇنيەسىنىڭ اساۋلىعى، پاك تازالىعى اندەرىنە، اۋەندەرىنە ءسىڭىپ، بيىكتەن كورىنۋىنە قۇلاش ۇرا، اققۇلا كۇيىندە ساقتالعان، ءتىپتى، ارناۋلى مۋزيكالىق ءبىلىم الماعان  ديپلومسىز سازگەر دەسەك تە، ونىڭ  تاعدىر بەرگەن تالانتىنا، ىزدەنگىش رۋحىنا العىس، القاۋ ايتۋعا ەرەن جاسامپازدىعىنا مارالسۋ انىمەن بارىپ قايتۋعا ءتيىسپىز. ەرەن اناربەك ۇلىنىڭ بۇدان باسقا دا «اكە تىلەگى»، «بالا كۇندەر-اي»، «ەمىل قىزى»،«سارى ءبيداي»، «بوتاشىم» سياقتى ساۋلەلى اندەرى بار. ءبىز ەرەن اندەرىنىڭ وي ەلەسىندە، توي مارەسىندە ايتىلىپ قانا قالا بەرمەي، جانبوز جۇيرىك قۇلاگەردەي الىسقا شابۋىن، بيىككە قانات قاعۋىن تىلەيمىز!

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn