ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

«اقتەرەك ءانى» اسقاقتاي بەرسىن

جولدانعان ۋاقىتى : 2017/11/17 18:07:35

كامالبەك بوقان ۇلى
 
  كەرىم شىڭدارى كوككە بوي سوزىپ، بالاۋسالى باۋرايىنداعى الۋان گۇلدەرى قۇلپىرا اشىلعان، شالقار ءتوسىن التىن كۇن ايمالاپ،جانباستاي جاتقان باي بارلىق  اياعىن وسىناۋ قۇتى ۇيىعان قۇلىستايعا دەيىن سوزىپ،ءتىپتى دە شالقاق شىرەنەدى. «تاۋ گۇلى مەرەكەسى» ءوزىنىڭ تاڭعاجايىپ كوركەم كورىنىستەرىمەن بيىل دا كوزىمىزگە شوقتاي باسىلىپ، تىم ءلاززاتتى كۇي كەشتىرەدى. ءدال وسى كۇنى ايگىلى اقتەرەك شەكارا قاراۋىل ورنىنا دا سەيىلدەي بارعان ەدىك. الىستان قاراعاندا،كوك كەرىم بيىك بەلەگىردە كوگىلجىم تارتىپ مۇنارتىپ كورىنەتىن اقتەرەكتىڭ تۇبىندە مىنە تاعى دا وي كەرۋەنىن كەشىپ، قيال شىركىن،قيانعا قانات قاعادى. قۇشاعىڭ جەتپەس اقتەرەكتى قۇشاقتاپ تۇرىپ، جاپىراعىن جايعان الىپ بايتەرەكتىڭ ۇشار باسىنا كوز سالعانىڭدا، تامىرىنىڭ قانشاما تەرەڭگە تارتىپ بارا جاتقانىنا ويىڭ جەتەر ەمەس. ۋا،اقتەرەك، اقتەرەك، سەندەي تامىرىن تەرەڭگە تارتىپ، ۇنەمى بيىكتەپ، تولىسىپ كەمەلدەنسە، الاشاپقىن بولىپ، گۇرىلدەپ، دۇرىلدەپ، ايداعارداي ىسقىرىپ كەلگەن دۇلەي داۋىل مەن بوران - شاشىنعا توتەپ بەرۋدەي قايسار رۋحىڭمەن سومدالۋ  قانشاما ادامنىڭ ارمانى دەسەڭىزشى!

   قيال شىركىن، تاعى دا قيانعا قانات قاقتى،بۇگىن ءدال وسى كيەلى اقتەرەكتىڭ ساياسىندا مامىردىڭ مايدا قوڭىر جۇپارداي سامالى ەسكەن اسا شابىتتى شالقار شاقتا اقتەرەككە بايلانىستى مىناداي ءبىر تاڭعاجايىپ، اسا ماعىنالى ءومىر ەلەستەرى ەسىمىزگە ورالا بەرەدى.
 
  جىلان جىلعى حانزۋ حالقىنىڭ ءداستۇرلى كوكتەم مەرەكەسىنىڭ كەلۋى بايلانىسىمەن، ورتالىق تەلەۆيزيا ستانسياسى كەڭ كولەمدى ويىن - ساۋىق كەشىن  وزدىردى. ساۋىقتىڭ كەزەكتى ءبىر نومىرىندە ساحنانىڭ ارتقى كورىنىس ەكرانىنان شاعانتوعاي اۋدانى شەكارا قورعانىس لەنياسىنداعى «اقتەرەك قاراۋىلى» ءبىزدىڭ كوزىمىزگە شوقتاي باسىلا كەتتى. تۋعان جەرىمىزدەگى «اقتەرەك قاراۋىلىنىڭ»  ورتالىق تەلەۆيزيادان كورىنۋى ءبىزدىڭ  كوڭىل قۇسىمىزدى ءتىپتى دە كوككە   ۇشىردى. 1980-جىلدارى ومىرگە    كەلىپ،بۇل كۇندەرى مەملەكەت دارەجەلى اسكەري انشىلەردىڭ ورىندايتىن ايگىلى انىنە اينالعان «اقتەرەك» اتتى ءاننىڭ ءسوزى (اۋدارعان-قىدىرقان مۇقاتاي  ۇلى) ويىمىزعا ورالىپ، كوكىرەگىمىزدە قايتادان جاتتالىپ جاتتى. ءان

 ءسوزى:
«بالاپان اقتەرەك،
زاستاپتا ەگىلدىڭ.
تامىر تارتىپ تەرەڭگە،
جاۋىنگەرشە كورىندىڭ.
كۇن نۇرىمەن جاپىراق جايدىڭ،
ەركەلەپ جەلمەن وينادىڭ.
ءلاي،ءلاي،ءلاي...
بالاپان اقتەرەك،
اينىماس جولداسىڭ،
شەكارانى قورعايسىڭ.
سول كەزدە تەرەكتى اۋىلىنان اتتاناردا،
بەردى قالامشا انا ويىن اقتارا.
تۋىستارداي كورىنەدى،
تۇلعاڭنان اۋىلىم كوز الدىما ەلەستەدى.
ءلاي،ءلاي،ءلاي...
بالاپان اقتەرەك،
اينىماس جولداسىڭ،
شەكارانى قورعايسىىڭ».
 
  مىنە، وسىلاي جىرلاناتىن «اقتەرەك قاراۋىلى» شاعانتوعاي اۋدانىنداعى شەكارا لەنياسىنىڭ شەكارانى باقىلايتىن ەڭ قولايلى جەرىنە ورنالاسقان بولىپ، كەيىن مەملەكەت قورعانىسى جاعىنان 204 - شەكارا قورعانىس بەكەتىنىڭ ارناۋلى قاراۋىل ورنى ەتىپ  بەلگىلەنگەن. اۋەلدە تاستى شەكارا اسكەري قاراۋىلى دەپ اتالاتىن. ال ەندى وسى قاراۋىلدىڭ «اقتەرەك» قاراۋىلىنا كەلسەك، سول كەزدە مىندەت وتەپ جاتقان ءبىر  اسكەر ىلە قازاق اۆتونوميالى وبلىسى شاپشال اۋدانىنداعى ۇيىنە دەمالىسقا بارىپ قايتقاندا، تۋعان جەرىندەگى اقتەرەك قالامشاسىنان 10 ءتۇپ الا كەلىپ، وسى قاراۋىل تەكشەسىنىڭ تۇبىنە ەگەدى. الايدا،بۇل جەردە سۋ جوق بولعاندىقتان، قاراۋىلداعى اسكەرلەر بەتى-قولىن جۋاتىن سۋمەن  وسى اقتەرەك قالامشالارىن سۋارا ءجۇرىپ، 10 ءتۇپ قالامشادان بىرەۋى ارەڭ قاتارعا قوسىلادى. كەيىن كەلە ورتالىق اسكەري ىستەر كوميتەتى جاعىنان وسى قاراۋىل ورنىنا حال سۇراي كەلگەن ءبىر اسكەري كومپوزيتور وسى ىستەن حابار تاپقاننان كەيىن، «اقتەرەك» دەگەن وسى ءاننىڭ ءسوزى مەن مۋزيكاسىن جازىپ شىعادى ءارى وسى ءان مەملەكەت دارەجەلى اسكەري انشىلەردىڭ ورىنداۋىندا بۇكىل ەلىمىزگە تارالادى.

  ال، وسى ءاندى جانە «اقتەرەك قاراۋىلىن» تىلگە تيەك ەتكەندە، وسى قاراۋىلعا قاتىسى بار سۇن لۇڭجىن اتتى ايەل  قاھارماندى تىلگە تيەك ەتپەۋ مۇمكىن ەمەس. ءبىز بىلگەندە 1984 - جىلدان قازىرگە دەيىن ءار جىلى «1-تامىز»  ارميانىڭ قۇرىلعان كۇنىندە جەرگىلىكتى پارتيا، ۇكىمەت ورىندارى وسى اقتەرەك شەكارا قاراۋىل ورنىنان ءتۇرلى فورمالارمەن حال سۇراپ تۇراتىن. ەسىمىزدە قالۋىنشا، 1989 -جىلى وسى قاراۋىلدىڭ ۇستىنە شىعىپ تۇرىپ، سول كەزدەگى شەكارا قورعانىس 6-تۋانىنىڭ ساياسي كوميسسارى بىزگە 1968-جىلى وسى جەردە ءجۇز بەرگەن ءبىر وقيعانى ەسكە الدى، ول كىسى بىزگە تاستى وزەنى مەن بۇرعان وزەنىنىڭ تۇيىلىسىندەگى قۇيعاندى سۇق ساۋساعىمەن نۇسقاپ تۇرىپ: «ءدال وسى جەردە، -دەپ باستاعان ەدى اڭگىمەسىن، -سول كەزدە 9 - ديۆيزيا 161 - تۋان الاڭىنىڭ مالشىسى سۇن  لۇڭجىن قوي باعىپ جۇرگەندە، سۋدىڭ ار جاعىنان كەنەتتەن شەكارانى بۇزىپ، سول كەزدەگى سوۆەت وداعىنىڭ ءبىر توپ اتتى اسكەرلەرى جەتىپ كەلەدى ءارى ولار زاڭسىز شەكارانى بۇزعانىمەن قويماي، ءبىر قورا قويدى باستىرمالاتىپ قۋا جونەلەدى. قوي جۇرمەسە، قويدى مىلتىقتارىنىڭ نايزاسىمەن پىسپەكتەپ ايداي باستايدى. وتان شەكاراسىنىڭ مۇنداي بۇزعىنشىلىققا ۇشىراۋىنا جانى توزبەگەن سۇن لۇڭجىن جەردە جاتقان تاستاردى  ولارعا جاۋدىرتا جونەلەدى. سوڭىنان  ماڭايىنان تاس تابىلماي قالعاندا،اياعىنداعى شاقايىن شەشىپ الىپ ولارعا لاقتىرادى. ءدال وسى كەزدە تارس ەتكەن مىلتىق داۋىسى ەستىلىپ، سۇن لۇڭجىن ەرلىكپەن قۇربان بولادى. مىلتىق داۋىسىن ەستىگەن ‹اقتەرەك قاراۋىل› ورنىنداعى  اسكەرلەر دەرەۋ جەتىپ كەلىپ، شەكارانى بۇزعان سوۆەت وداعىنىڭ اسكەرلەرىن تاباندا جايراتىپ، وتان توپىراعىنىڭ جات ەلدىڭ تابانىندا تاپتالۋىنىڭ الدىن الىپ، جۇڭحۋا ۇل-قىزدارىنىڭ ەرلىك-جىگەرى مەن باتىرلىعىن بۇكىل دۇنيە جۇزىنە تاعى ءبىر رەت ايگىلەدى» دەپ تولقىپ بارىپ اڭگىمەسىن اياقتاعان ەدى. قازىر ءبىزدىڭ كوز الدىمىزدا تۇرعان اقتەرەك جۇڭحۋا حالقىنىڭ مىزعىماس ەرلىگىندەي، بارعان سايىن بيىكتەپ بارا جاتقانداي كورىندى.
 
  وسى وقيعادان كەيىن وسىنداي ءبىر قاراپايىم مالشىنىڭ وتان شەكاراسىن  قورعاۋ جولىندا ءوزىنىڭ قىرشىن جانىن قيعان ەرلىگىن ۇنەمى ەسكە ساقتاپ، وسىندا كەلگەن ءاربىر جاۋىنگەرگە ساباق رەتىندە ەسكەرتىپ تۇرۋ ءۇشىن، سۇن لۇڭجىننىڭ سۇيەگىن وسى قاراۋىل ورنىنىڭ قاسىنداعى اقتەرەكتىڭ تۇبىنە جەرلەيدى ءارى اۆتونوميالى رايوندىق اسكەري ىستەر ورگانى جاعىنان «توڭكەرىستىك قۇربان»  اتاعى بەرىلىپ، باسىنا ەسكەرتكىش تۇرعىزىلادى. كەيىن كەلە شاعانتوعاي اۋداندىق حالىق باقشاسىنان دا ەسكە الۋ ەسكەرتكىشى تۇرعىزىلادى.
 
  بۇل كۇندەردە وسى «اقتەرەك قاراۋىل» قورعانىس ورنىنىڭ قۇرىلعى قۇرىلىستارى ءتىپتى دە كەمەلدەنىپ، كوركەم كورىنىستى اعاشتارمەن، الۋان ءتۇرلى گۇلدەرمەن كومكەرىلگەن كورىنىسى كوز تارتاتىن ساياحات ورنىنا اينالعان. جاۋىنگەرلەردىڭ ومىرىنەن سىر شەرتەتىن مۇراجاي اشىلىپتى، ءبىز وسى مۇراجايدى تاماشالاۋ بارىسىندا سول كەزدەگى جاۋىنگەرلەردىڭ قۇرال- جاراق، وق-ءدارى، گرانات، پاتيفون، تەلەفون، ماشىقتانۋدا ىستەتەتىن ءتۇرلى دەنە تاربيە اسپاپتارى، تۇرمىستا پايدالاناتىن تىم قاراپايىم بۇيىمدارىن رەت- رەتىمەن قويىلىپ تۇسىندىرۋلەرى جازىلعانىن كوردىك، وتە-موتە،1968-جىلعى سوۆەت وداعى اسكەرلەرىنىڭ ەلىمىز شەكاراسىن بۇزىپ كىرگەندە «اقتەرەك قاراۋىل» ورنىنداعى جاۋىنگەرلەرىمىزدىڭ جاۋعا قارسى وتان ءۇشىن سۇيەم جەرىندە تاپتاتپايتىن رۋحپەن بىردە جەر باۋىرلاپ بارىپ گرانات تاستاعانداعى، بىردە مىلتىقتارىن سەرت ۇستاپ العا قاراي ۇمتىلعان ايبىندى كورىنىستى مۇسىندەرى كوز الدىڭا سول تۇستاعى قاھارمان جاۋىنگەرلەرىمىزدىڭ ءتىرى وبرازىن ەلەستەتەدى.

  ەندىگى ءبىر بولمەدە ۇلكەن ەكراندى تەلەۆيزيادا سول تۇستا تۇسىرىلگەن شەكاراداعى ناقتى تۋىلعان قاقتىعىستار مەن وقيعالار، اسىرەسە، سول 1968 - جىلعى وسى شاعانتوعاي اۋدانى «اقتەرەك قاراۋىل» ورنىندا تۋىلعان قاندى وقيعانىڭ ناقتىلى مايداننىڭ كورىنىستەرىن ءوز  كوزىمىزبەن كورگەنىمىزدە كوزىمىزگە ىستىق جاس كىلكىپ، ۇلى وتانعا دەگەن سۇيىسپەنشىلىگىمىز ءتىپتى دە ارتىپ، بويداعى ىستىق قانىمىز تاسىپ، ءور سەرپىدى. «اققايىڭ قاراۋىل» ورنىنداعى قاھارماندىقتىڭ سيمۆولىنداي «اقتەرەك ءانى» ماڭگى اسقاقتاپ،وتاننىڭ باتىسىنداعى «اقتەرەك قاراۋىلى» وتاننىڭ تۇتاستىعى  ءۇشىن وتان شەكاراسىندا ءوز بورىشىن بۇلجىتپاي اتقارىپ،ۇرپاق جۇرەگىندەگى ەرلىكتىڭ وتىن مازداتا بەرمەك.
ءيا، جاۋىنگەرلەرىمىزدىڭ رۋحىن سەرپىلتىپ، قىراعىلىعىن ارتتىرىپ،  قايراتىن تاسقىنداتاتىن «اقتەرەك ءانى»  وتانىمىزدىڭ كوگىلدىر اسپانىندا ماڭگىلىك اسقاقتاي بەرسىن!

  رەداكتورى: گۇلنۇر جۇماش قىزى
 

  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn