ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

ساۋمال ءيىسى اڭقىعان

جولدانعان ۋاقىتى : 2017/11/13 18:33:12

توقتاۋباي ماكەباي ۇلى
 
        ويماقتى قىز
«كەرەگەنىڭ باسىندا ويماق تۇرار»
                      -  حالىق ءانى

ءىشىم جىليت ءوزىڭدى ويلاپ قارعام،
سۇق قولىنا سۇيكىمدى ويماق سالعان.
شەبەرحاناڭ مىڭ بوياۋ، اسەم ورنەك،
جاندى جاۋلاپ الادى جايناپ بار ماڭ.

قىزدى كورىپ وزىڭدەي وسەر ەلدەن،
ونەگەڭە ءتانتى بوپ كەتە بەرگەم.
ون ساۋساعى ون قىزعا تەڭ كەلەتىن،
قىز ەكەنسىڭ تون پىشەر شەشە كورگەن،

اجارىڭا قاراسام اپپاق ايسىڭ،
اپپاق ايىم ماڭگىلىك باتپاعايسىڭ.
اجەم ەسكە تۇسكەنى-اي سەنى كورىپ،
قالتاسىنان ويماعىن تاستامايتىن.

جاي ساناما ويماقتىڭ قۇدىرەتىن،
ويماق-ويماق ويلاساڭ ۇلىق ەسىم.
اتام كيگەن تون-شالبار، تۇلكى تىماق،
ويماق سالعان قولمەنەن تىگىلەتىن.

قۇلاتپاعان ءداستۇردىڭ تۋىن بۇگىن،
قۇندى سەنىڭ قۇلپىرعان قۇلىن كۇنىڭ.
ويماقتى قول تىگەتىن ويۋ باسىپ،
اق وردانىڭ ۇزىگىن، تۋىردىعىن.

كوكەيىمە وسىلاي وت قۇيعىزدىڭ،
وسىلايشا باۋليدى ەستى ءۇي قىزىن.
ويماقتى قول ورنەكتەپ، ارلەيتۇعىن،
اقبوز ءۇيدىڭ سىرماعىن، وت كيگىزىن.

ويماق سالعان اجەلەر تەرى ءسىڭىپ،
مۇرا قىلعان ءبىز ءۇشىن سونى تىگىپ.
ساۋمال ءيىسى اڭقىعان قارا سابا؟
تارى-تالقان ساقتايتىن تەرى تۇلىپ.

تاقيادا ۇكىسى بۇلعاقتاعان،
رۋحى مەنەن ۇياتىن ۇرلاتپاعان.
جاقۇت جۇزىك سالىنعان ساۋساقتاردان،
ويماق سالعان ساۋساعىڭ قىمبات ماعان.

جىبەك ارقان ءۇمىتىم سۇيرەتەدى،
قولدارىڭا تىلمەن كوز تيمەسە ەدى.
جوعالتپاشى قاراعىم ويماعىڭدى،
ويماقسىزدىڭ قولىنان ينە وتەدى.

     قايىڭ ەردىڭ قاپتالى
بۇلتتان اشىق بولعانىمەن اسپانىڭ،
وكىنتەرلىك تابىلادى باسقا مۇڭ.
كۇنگە قاڭسىپ اي دالادا قور بولعان،
كوزىم شالدى قايىڭ ەردىڭ قاپتالىن.

عالامشارعا ايعىز- ايعىز سالىپتى ءىز،
بابالاردىڭ سۇردەگىنە قانىقپىز.
ءبىزدىڭ قازاق ايرىلعانمەن اتىنان،
ەرتوقىمنان ايرىلماعان حالىقپىز.

قاراپ تۇرمىن كوزىم قيماي اشىنا،
كورىنبەيدى ارقالىعى، قاسى دا.
مىناۋ ەردى قيىستىرىپ ەڭ العاش،
كىم سالدى ەكەن ۇكىلەگەن اتىنا؟

عايىپ بولعان شىعار بۇگىن بالكىم ەر،
مۇرا قىلىپ ەردى وسى ارتىنا ول.
كوزى ءتىرى بولسا بالكىم كونەنىڭ،
قايىڭ ەردىڭ تۇسىنەر ەت نارقىن ەل.

جانۋارعا قۇيرىق-جالى ۇيىسقان،
قۇپ جاراسىپ ومىلدىرىك، قۇيىسقان.
كورىك بەرىپ تۇردى ما ەكەن ەر وسى؟
اق قايىڭنان ەپپەن شاۋىپ قيىسقان.

اتتىڭ جالىن ءبىر تارقاتىپ، ءبىر ءورىپ،
ارۋ قىزدىڭ ادال سەرتىن تىلەنىپ.
تۇردىما ەكەن وسى ەردىڭ ۇستىندە،
ءبىر جامباستاپ، ەندى بىردە شىرەنىپ؟

توي شاتتىعىن ماي قۇيعانداي قىزدىرىپ،
بابا جولىن ارت جاعىنا ءىز قىلىپ.
تەرگە مالىپ تەبىنگىسىن وسى ەردىڭ،
كەتىپ بارا جاتتى ما ەكەن قىز قۋىپ؟

ەل تاريحىن ەرتەگى ەتىپ شەرتەتىن،
جات تابانعا باستىرماعان ەل شەتىن.
قاي-قاشاندا ەرلەر مىنگەن تۇلپاردىڭ،
ارقاسىنان الىنبايتىن ەرتوقىم.

وتكەندى ۇقپاۋ تەڭ-اۋ اۋىر دەرتپەنەن،
سوندىقتاندا ءجيى-ءجيى دەرتتەنەم.
ەل كوشەردە قويا تۇرىپ باسقانى،
الدىمەنەن اتىن اكەپ ەرتتەگەن.

تويعا بولەپ تۋىپ وسكەن ولكەسىن،
جات جۇرتتىققا ۇزاتاردا ەركەسىن.
ەڭ قاستەرلى جاساۋىنىڭ ءبىرى عىپ،
مىنگىزەتىن كۇمىستەگەن ەرتوقىم.

قۇستىڭ ءتىلىن ءبىلىپ، ەركىن قايىرعان،
ءۇمىت ءۇزىپ كورىپ ەدى قاي ۇلدان.
ۇل ەرجەتىپ اتتىڭ جالىن تارتقاندا،
ەر شاپقىزىپ مىنگىزەتىن قايىڭنان.

«ەركەك قويى ەكى اسقانعا جەتپەگەن،
ازاماتى استاۋ- استاۋ ەت جەگەن».
مەن قازاقتىڭ بالاسى ەدىم بەلدەۋدەن،
ەرتتەۋلى سايگۇلىگى كەتپەگەن.

ادل ەل ەك ادىپتەگەن ار جۇگىن،
سان تولقىن كەپ مالتالاعان تاعدىرىن.
امالسىزدان اتتاپ كەتىپ بارامىن،
بابالاردىڭ مۇراسىنىڭ قالدىعىن.

بوي الدىرىپ قايداعى ءبىر سەزىمگە،
جاسىرامىن، جاس تولقيدى كوزىمدە.
ويلاپ تۇرسام ءومىر دەگەن وسى ەكەن،
قايىڭ ەردەي ەسكىرەم-اۋ وزىمدە.       

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 

 
powered by IlgharCMS 3.2 www.ilghar.cn